مر يومين وانا بالمستشفى .. مابين تحاليل .. وماابين اشعه .. والملل شوي بيذبحني ... وقاعد الوم نفسي على الغباء المستحكم اللي مني .. قعده المستشفى
اللي تحسسك انك مسجون هذي .. وانا كما تعلمون انسان هايت .. ومااقعد في ارض .. بس استاهل الله عاقبني << -_- !!

يوم جت الساعه 12 بالليل .. طبعا المستشفى هدووووووء .. اخذت عكازتي .. وسرت ادور بالممرات .. حالات اشكال والوان
غرفه فيها بزر يصيح يبي يطلع وامه حاطه سدادت و نايمه .. ووحده ماسكه الجوال وتقرقر ويوم سئلناها عن سبب قعدتها في المستشفى قالت نفسيتي تعبانه
قلت ابعد عن البيت شوي << يالطيف -_- .. وغرفه فيها ام فرحانه بولدها اللي توها جايبته ... تاثرت بالموقف وتذكرت ايام ماانولدت وامي جابتني << انت بكامل
قواك العقليه ؟؟ ... هههههههههههههههههههه

واللي يقهرني .. اني كل ماامر على الممرضات وحده تاكل اندومي والثانيه تنط تسلم علي تقولي : اهلين مدام ...
انا مستر مستر مو مدام -_- << تستاهل ابوك قايل لك قص شعرك بس انت عنيد
الموهم .. يتصل على ايتوش ... ويبلغني انه بيجي من باب الطواريء ويبيني استناه علشان مايطردونه الممرضات تعرفون وقت الزيارة خلص من زمان

انا ( استنى ايتاشي عند الباب ) : ايتاشي ياايتاشي .. الطيور طارت بارزقها ... وانت توك تصحصح وتجي .. اوه هذا هو ( وبصوت واطي اشر له )
يتاشي هنا هنا ..
ايتاشي ( جايب معاه كومه اكل ) : يللا جايك جايك
انا ( اخذ الاغراض من ايتاشي ) : وش جايب الله يهديك ريحه الاكل بتهب بكل المستشفى
ايتاشي : لا والله ؟؟ وتبيني اجي من غير شي ... شيفكني من لسانك انتا
انا : طيب الناس تجي بورد او كاكاو .. مو تجيب لي بوفيه كامل
ايتاشي : احمد ربك جايب لك شي بعد ... المهم .. ها علومك .. شخبار رجلك عساها كويسه ؟
انا : ماشي حالها الحمدلله هذاني افتر بالاسياب
ايتاشي : كنت ناوي اجيب ساسكي معي بس كان نايم
انا : احسن يريح الخلق
ايتاشي : فجيت انا مع جارا
انا : 0_0
جارا ( يدخل من الباب ويتفرج على الغرفه ) : السلام عليكم دار قوم مؤمنين وان شاء الله بكم لاحقون
انا : داخل على مقبره انتا
جارا : اوه .. انت صاحي .. انا قالو لي داخل بغيبوبه .. شلونك الحين ان شاء الله تمام ؟؟؟
ايتاشي ( فتح علب الاكل والمشاوي وبدى ياكل ) : فال الله ولا فالك هههههههههههههههه وش فيك على الرجال صدق مامنه فايده بس نبغاه
انا ( متعوذ من ابليس ) : تعال كل ويانا جعلك تختنق
جارا : اكيد بجي باكل هالاكل كله من فلوسي اصلا
ايتاشي ( ابتسامه عريضه ) : يعطيك العافيه ياجارا ماتقصر
جارا : قولي ياديدارا متى بتطلع ان شاء الله من غير شر
انا ( منتفخ ) : بكره العصر ان شاء الله
ايتاشي ( يحك عيونه ) : ااااااااخ ديدارا بالله شوف عيوني حمرا
انا ( اطالع عيونه ) : وريني اشوف ..... ايه حمرا
ايتاشي : طيب تعورني ؟
انا : عيوني ولا عيونك هذي هههههههههههههههههههههههههههه
ايتاشي : ماادري يمكن تحس فيني
جارا : والله الاكاتسوكي فاصلين الحمدلله الله لايبلانا
انا وايتاشي ( نطالعه وساكتين علشان الاكل اللي جايبه )
وعدت هالليله على خير ... طبعا جت الممرضه وهاوشتهم على ريحه الكباب اللي خنقت كل المستشفى ههههههههههههههههههههههههه عاد ي عادي الحياه
حلوة .. صح ؟

صحيت الصبح وانا مبسوط انطط .. جا الفرج جا الفرج .. والم عفشي والم اغراضي .. صحيح اني ماطبت لسه ... بس على الاقل اقعد بالبيت وبين عاد وعدني يجبني
للبيت << نشوف عاد بيجيبني ولالا .. واطلع اسحب رجلي على الاستقبال حق
التنويم .. واتفاجء بوجود تسونادي ..

انا : صباح الخير تيتا تسونادي
تسونادي : حيا الله ولدي ديدي ... وش جاك يامال الصلاح ... تكرفست - يعني طحت -
انا : اي والله من الفهااووووه هههههههههههههه
تسونادي : الله يصلحك بس .. طيب وشلونك الحين
انا : نحمد الله ... انتي قولي لي وش تسوين هنا ؟؟
تسونادي : انا جايه اشوف الدكتور اللي مولدني .. قالو لي رجله انكسرت و جيت ازوه
انا : 0_0 تسونادي .؟؟ من ورانا عندك عيال وماندري
تسونادي (مسكتني من رقبتي ) : اولا انا اسمي تيتا ولا جده تسونادي .. مو تسونادي حافه .. بعدين انا مااقصد انو هذا الدكتور ولدني .. انا اقصد الدكتور اللي
ولد امي اللي جابتني .. يعني هو الدكتور المشرف على ولادتي
انا : هههههههههههههههههههههههه وهذا للحين عايش .. هذا مفروط يسير نفط
تسونادي ( تضربني من كتفي ) : ماتبطل سوالفك هههههههههههههههههههه يللا ياولد ابروح الحين .. لاتجلس تدوج تنكسر رجلك الحين

استنى ساعه ساعتين 3 والاخ ماجا ... ياربي وينه الرجال هذا .. ويطلع المغرب وهو لسه ماجا<< طبعا ماعندي رصيد اكلمه .. وهو ماتشرف يكلمني
اروح استئذن من الممرضه تعطيني التلفون وادق عليه
باين : الو ؟؟
انا : وجع ان شاء الله ... وينك فيه ها ؟؟؟
باين : لا والله ؟؟ وش اللي وين انا فيه ؟ انت وينك ؟؟ مانت موجود بالمستشفى .. بس حاب تخرسني بنزين
انا : انا استناك من صباح الله خير ... وانتظرك جوا الغرفه .. انت تعرف رقم غرفتي
باين : ايه اعرف ... بس الممرضه كل مااسئلها عن غرفتك تقولي : هذي فيه مدام حلوه شعرها طويل هناك .. يعني بتكون انت المدام ويا وجهك ؟
انا : 0_0
***********************************
نلقاكم في الحلقه القادمه باذن الله

akatsuki boy