أكتبلك
كا العادة حنيني جبرني غصب عني أكتبلك
أشكي من اللي غيابه علي أقسى
أبي أحكيلك أحزان خافقي وأحكيلك
عن حب رحب قلبي بوجوده وهلى
أبي أخذك بين أحضاني حيل مشتاقلك
وأكسر جسور ترجع باب للفرقى
أبي أبكي على صدرك وهمي أشكيلك
وتقولي بعطف"طولي بالك" وبعدها أهدى
تحن علي وأحس اني أكثر الناس أرتاحلك
وأحسد حالي بحظ جدد بداخلي فرحى
أحبك وأحبك بكل ما فيك إجمالك
وقلبي بغرامك يدوب فيك ويهوى
انت الوحيد اللي بعد الزعل أصفالك
بكلمة أنسى جروحة وأصفى
أزعل منك وأزعلك وترضيني وارضالك
ويفوح عطر حبنا اللي من الشذى أشذى
لو بتزيد جروح قلبي بسمحلك
وبعيش معك ومع الزمن هي بتشفى
تذكر نهار قلت ويش أنا بنسبالك
"بدونك أنا والله ما أسوى"
حسيت لحظتها اني من الناس أقربلك
وعدتك أنا عنك للأبد ما أتخلى
ماكذب لو قلت اني بقلبي أسمعلك
وأعيش بجو من كل الحلا أحلى
بقولها لك العمر كله ببقالك
وأفرح بتعبك وبعيش أشقى
وبسهر لك وان غفيت بصحالك
وان نامت العين القلب ما يغفى
يشهد الله اني كل ما أحتاجلك
أرفع يديني للخالق وقبولة أرجى
وكل ماتتمنى يعطيك أدعيلك
ويجمعني معك أحلى جمعى
واحكي لك عن اللي في خاطري وأقولك
لحنان حبك ياحبي روحي عطشى
وتقولي العمر كله ببقالك
وحياتي معك من لحظتها تبدى
أنا في هالدنيا بحسي عايشة لك
ورضاك أدور له وأسعى
عنوان حبي لك" الوفا" هنيالك
صعب مثل حبي في قلوب البشر تلقى
أحسد أمك عليك ربي يخليها لك
مظلل حياتها بوجودك هي اهنى
أبنذر لك عمري لو أبعدتك أشغالك
بكنوز الدنيا عنك ما أغنى
ولو ذبحت خافقي بحيالك
ياللي خذيت قلبي من وجداني سرقى
ولو الزمن غدر أنا بدموع الوفا اسجدلك
لاني أحبك كثر الحب ونت أدرى
بكل خير ببقى أنويلك
أحلى أيامي معاك كيف انسى
أبرسلك أقوى البوسات توصلك
عساها لجروح فراقي أشفى
أوعدك أغلى المشاعر أحملك
وان غدر القمر الليل لك بأبقى
وان زاد همك وكبر ويلك
تذكر أن حبنا من الطهاره انقى
بهديك عمري كله حلالك
ومهما سقيتني من حبك بضمى
ياترى الحين أنا أستاهلك
للاسف انت مقدارك أعلى