| البارت الخامس
بعد ماراحو كل البنات
راشد يقول بالفصحى: صراحة كنت في غاية البطولة والشجاعة ياعلوووه علشان تغطس لاعماق البركة لتحضر الجوال
لتطييب خاطر البنت افنان <<< شاطر في العربي
علي: شقصدك رويشد؟
راشد: فاهم قصدي عدل يابو الشباب
علي: والله مانا فاهم شي من اللي تقوله
راشد: تلعب علينا علوووه
ولما راحوا الاولاد كانو علي وراشد اخر ناس
علي: شتهربد انت؟
راشد: وش اهربد؟! لا ياخوي انا ماهربد سمعتك تكلمها الصباح
علي: لالا انت فاهم غلط
راشد: رويشد مايفهم غلط <<< واثق من نفسه
علي: هادي رماسو عاطتني رقم ربى علشان استهبل عليها
راشد: علي هالحركات؟!
علي: صدقني مااكذب واذا تبي روح اسألها وشوف
راشد: لالا مابي بس عندي سؤال
علي:تفضل شعندك
راشد: اشترك معاكم بالاستهبال ترا عندي خطط
علي: اشك انك تكلم بنات من وراي؟
راشد: اقول علوووه عن الغلط الزايد فيكم عائلة الاستعباط
علي: يعني انت تركت عائلة الاستعباط؟
راشد: لا ماتركتها هيهات اني اتركها بس نسيتها في الايام اللي راحت بسبب الدراسة
علي: وتذكر من فيها ولا ماتذكر؟
راشد: لاطبعا اذكر ، انت وانا
علي: بس؟!
راشد: وبسام ورماس وورد وشذى وافنان حبيبة القلب
علي: اقول انطم بس انطم مانا فاضي لمهزلتك
الاولاد وقفو كلهم يتكلمون وسمعو صراخ الكل دار وشافو افنان وربى جايين ركض ووراهم بقرة المزرعة تلاحقهم
والاولاد قامو يركضو طبعا معاهم ولفوا على الحيوانات والبقرة لفت معاهم الا شافو ورد وشذى وانوار وجنى قاعدين
في قفص البقرة ودخلو الاولاد وافنان وربى القفص علشان يسكروه عليهم لكن ماقدروا ودخلت البقرة تلاحقهم وردو طلعو مرة ثانية
قال علي وهو يركض:مقر سري ويطلع في النهاية قفص بقرة
ورد: صراحة احنا ماشفنا البقرة قلنا نقعد نناوب عنها ماتوقعناها تجي تاخذ حقها منا
شذى : ربى وين رماس ماكانت معاكم؟
ربى: العبيطة قدرت تركب فوق الشجرة قصدي نص الشجرة
وهم يركضون شافو رماس طايحة من على الشجرة قدامهم وطبعا قامت ركض
ورد: صراحة ماتوقعت ان بقرة تلاحق حزب الله وحزب ابليس
ولما وصلو الحوش حزب الله(الاولاد) راحو حوش الرجال وحزب ابليس( البنات) راحو حوش الحريم وخلصو من البقرة
أم رضا: شفيكم تنافخون؟!
ورد: ويييييييييييه يمه ماشفتي شصار
أم رضا: وشاللي صار ياابنيتي؟
ورد: لاحقتنا بقرة المزرعة
ويقومو يضحكون كلهم
رماس: شفيكم ماقلنا شي يضحك ، شي يخوف
جنى : اي والله لو شفتوها بس كيف كانت تلحقنا
أم يوسف: نشوفها اهي ولا نشوفكم انتو ؟ انا ماني قادرة اتخيلكم بعد لو شفتكم شاللي يصير ؟
شذى: انطمو انطمو بس احنا متأزمين من الموقف وانتو تضحكون
افنان: نعم الامهات اي والله هاذا بدل ما تهدؤنا من فزعة الموقف
راحو البنات على جنب
ورد: انا بروح اشرب مويه
افنان: عاد بنات انا مابي اقعد هنا المكان حر وضيق بعد
جنى : ضيق؟! يعني شبتسوي اذا كان المكان واسع؟
افنان: انواع الهبالة
رماس : اي صح انا مرررررررررررة ابي استهبل
شذى : اي والله وانا بعد ابي استهبل خلاص بنات خلونا نطلع
جنى : والله ماخوفتي الا البقرة بعدها برا
أنوار: لالا مااتوقع بعدها هنا
رماس: على الاقل نبيها تروح لعند حزب الله
شذى: اااه يارمسو خليتيني ...... مادري بس جايه على بالي افكار نطيحها في حزب الله
جت ورد: نورينا ياأم الأفكار والإستعباط
شذى: اول شي وحدة تتصل لأي واحد منهم تقول له يطلع و بعدين......................... ( وكملت خطتها للاخر)
طلعو البنات علشان يبدأو خطة الهبال
راحو ورا كتلة رمل واتصلت رماس على اخوها علي
رماس: علي الله يخليك الحقني بسرعة ماني قادرة
علي متخرع: شفيك ؟ وين انتي؟
رماس: انا في البركة تعال بسرعة
وسكرت وفجروها البنات بالضحك
طبعاً علي راح ركظ لأخته بعد مااخذ مفتاح البركة من عمه وراح معاه راشد <<<ذا الولد مايفارقه طول يومه معاه
وصلو البركة وحطو المفتاح في الباب من برا ودخلو بس ماشافو احد
علي: وين راحت دي البنت؟
راشد: تلاقيها تلعب عليك وانت تصدقها
علي: لالا صوتها ماكان داك الصوت اللي تطلعه وقت الاستعباط
راشد: عجل وين هي في؟
علي: تشوفني قاعد معاها علشان اعرف وين هي؟ اقول روح خبر الشباب يدورون عليها
راشد: بل ماصارت ذي رماس
علي: ايه اختي وواجبي اتحمل بها
في ذاك الوقت كانو البنات يتشاورون
ورد: الحين اقفل الباب؟
شذى : لا ياعبيطان شفيك ماتفهمي حارسي شوي يمكن يجون الشلة بعد
الا طلع راشد
قالت رماس: لا والله مابيجون اقول وردو قومي اقفلي الباب قبل لايطلع علوووه بعد
قامت ورد شوي شوي علشان لااحد ينتبه اليها وسكرت الباب وقفلته وجو اليها باقي البنات وهم يضحكون ويسمعون علي يصارخ من داخل البركة
البنات راحو واخذو المفتاح معاهم وراحو يكملون خطتهم مع باقي الشلة
######################
جت باقي الشلة وحاولو يفتحو الباب مانفتح
علي اللي كان قاعد عند البركة وشكله باين يموووووووووت من الضحك نقز من مكانه وراح علطول لعند الباب
علي: شباب هذولي انتو؟
راشد: ايه احنا ليش مقفل الباب يااخي؟
علي: وليش اقفله ، هذولي حزب ابليس قفلوه سمعت اصواتهم يضحكون على استهبالاتهم
مهند: اي وشاللي مطلوب منا الحين؟<<< هاذا الولد في عالم ثاني
علي: وتسأل بعد؟ اقول روحو لاقوهم جيبو المفتاح خلوني اطلع
راشد: ابشر يالصديق
راحو شلة حزب الله الا راشد واقف عند الباب
راشد: اقول علووه
علي:انت بعدك هني؟!
راشد: انت عندك موبايلك؟
علي: اي ليش؟
راشد: اتصل على ربى او رماس اواي بنت من شلة حزب ابليس
علي: شايفني راعي بنات
راشد: انت اتصل بس
علي: ليش؟
راشد: ياذكي علشان نسمع الرنة ونلاقيهم
علي: ياذكي انت ، كيف بتسمعهم في كبر هالمزرعة؟
راشد: نتفرق يا ذكي
####################
كانت شلة حزب ابليس يمشون مع بعض قالت شذى: يلا بنات انتو تعرفون باقي الخطة خلونا نتفرق
وكل وحدة راحت في جهة (ورد و أفنان راحو عند الحيوانات ، شذى ورماس راحو ركض لعند البركة الصغيرة ، ربى وجنى راحو لأشجار التوت والتفاح ، أنوار وغادة وردينة ينتظرون راشد)
علي المسكين يتعب نفسه و يخسر رصيد وهو يتصل على ربى والأخت ماترد مايدري انها تركت جوالها في حوش الحريم - بعد ربع ساعة صار يتصل مرة على رماس ومرة على ورد
رماس طاح جوالها لما كانت البقرة تلاحقهم
أما ورد دق جوالها لما وصلت مع افنان الى الحيوانات
تقربت ورد من قفص البقرة وحطت الجوال داخل شوي وفتحت الجوال على المكبر وتسمع اخوها يتكلم ويسب:
وردو يااخت فاشلة يا عبيطة يامفهية ياسرحانة الحين تعالي افتحي الباب لا اكسر راسك
لكن ماجاه الا صوت البقرة: باااااااااااا
علي: وي بسم الله الرحمن الرحيم
و ورد وافنان ميتين ضحك عليه
######################
تـــــــــــــــــــــــــــــــ باقي الأجزاء في الطريق ــــــــــابـــع
__________________ لقراءة روأيتي الأولى أنا بس عندي طيف المحبة يجول بخاطري ولاني بقادر أنساه..~// http://vb.arabseyes.com/t225532.html لا أحلل ولا أبيح من ينقل الرواية بدون ذكر اسم الكاتبة |