الصديق معدوم
ياللي لقيت صديق في هالزمن مبروك
لقيته مه أن الصديق معدوم
لارحلت عنهم دقائق يحاتوك
وبغيابك قالوا من الفرحة أنا محروم
ولابكيت من أسى الأيام ما قدروا وبكوك
ولاشافوا دمعتك انت بالحضن مضموم
قليل هم أكيد مابها شكوك
تعودنا نشوف الغدر في القريب معلوم
يشوفوك ويلفوا ويقولوا ما لقوك
ولاسلمت حتى لسلام مايقوم
أن سالتهم عن شيء يهمك ماجاوبوك
وكل واحد فيهم يلف بكلامه ويجول
ولاضميت من كاس العذاب يسقوك
وحلفوا تطلع من عندهم مسموم
كسير الخاطر حزين يخلوك
ويزيد همك هم وبالخلائق انت مهموم
وإذا عندك مصلحتهم كلهم يلفوك
خذاها وقال: ياللا تبي شيء اليوم؟!!
نصيحة: لالقيت اللي من جرحك يشفوك
تمسك فيه دايم الدوم
ولالقيت اللي وقت صرختك ينسوك
ابعد عنهم خلك سالم ومسلوم
ولابغوا يحطموك ترى لايهموك
والله على المخاليق يازمن ما الوم