19 STORY
(( المطعم ))
المطعم .. اماكن وجدت .. ادري للاكل ادري مو غبي انا !!!.. بس ابي ابين لكم انو تختلف اتجاهات الناس في روحه المطاعم .. واحد يحب يروح المطعم
علشان يقضي وقت فراغه بالاكل .. وواحد يحب يروح المطعم علشان يدرس << لا والله؟! .. وواحد يحب يروح المطعم علشان يواعد .. ولو تسئلوني
تحب تروح مع ربعك ولا مع اهلك .. اكيد راح اقول مع اهلي .. مو لاني احب لم شمل الاسرة ... لا ... ماحصل الله لايقوله ... بس لاني بطبيعه الحال
يوم اطلع مع ربعي اكون معرض ل 3 خيارات ..اما انو راعي المطعم يطردنا من كثر الازعاج ..اونهرب بشويش لاننا مانملك قرشا وهذا مش
من الاخلاق الحميده زي ماقال توبي << ياكل تبن توبي .. او الخيار الاسوء وهو ان ربعي يورطوني ويخلوني ادفع .. لذلك .. افضل اروح مع اهلي
مع اني اكل ميه تهزيئة وتهزيئة .. بس ماعليه .. دامني مو دافع شي ^^


في السيارة :
ابوي ( يسوق ) : بس ياعيال .. ماتخلون الواحد يسوق .. لاتجلسون تتهاوشون
امي ( جنبه وتضرب خواتي بالشنطه اللي معاها ) : ويه ويه .. بس انتي وياها خلاص .. ادوشتونا
اختي ( تتشاوش مع الثانيه ) : ضيق المكان ياحمارة .. لاتجلسين تمدين رجولك
اختي الثانيه ( تشد شعر اختي الاولى ) : كلي تبن مو سيارة ابوكي هذي علشان
انا ( قاعد بالنص ) : هههههههههههههههههههههههههههه ليكون راكبين بسيارة الجيران
اخوي ( ماسك البي اس بي ) : الشرهه على اللي جاي معانا خاش عرض - يقصدني -
انا : احترم نفسك .. انا فرد من العايله .
اخوي : متى ماسار عندك فلوس ماعرفتنا .. ويوم تطفر تجي تناشبنا على مكاننا
انا ( عصبت ) : تسكت ولا اكسر لك راسك
اخوي : كلمه الحق تزعل
ابوي : بس ياهوووو خلا ص ... ديدارا .. وش فيك على اخوانك .. تراهم صغار يامال الوجع .. تحط عقلك بعقلهم
انا : لا والله ؟؟ دامني كبير .. ليه ماقعدتني قدام .. مجلسني ورا كاني بزر ها ؟؟؟
ابوي ( يمسك يد امي ويبوس يدها ) : انا مايجلس جنبي الا امك
امي ( استحت ) : ويه ويه يالسنع المسنع يالغالي .. الله لايحرمني منك
انا : اكره ماعلي .. مغازل الشياب
امي ( تمد شنطتها علي وتضربني ) : جب ياولد عيب عيب
اخوي ( ينط قدام بين امي وابوي ) : ماعليش توقفونا عند المطعم ترانا جعانا
ابوي ( يدف اخوي من وجهه ويرجعه قدام ) : وخر وجهك عني .. بعدين .. كم مره قايل لك تغسل اسنانك انا ها ؟؟
انا : هههههههههههههههههههههههههههههههههههههههههههههههههههه طاح وجهه
اخوي : -_- !!!

ويوم دخلنا المطعم
اخوي ( مو عاجبه ) : يبامانبي مطعم هندي .. والله بطونا تحرقنا بعدين
ابوي : احمد ربك موديكم بعد
اخوي :-_- !!!
اختي ( راكبه فوق طاوله الكاشيرة وقاعده تحقق معاه ) : انتو ليش تحطون الاكل حار وماتجيبون ماي كثير ها ؟؟؟
انا ( احاول اسبحها مو فوق الطاوله ) : شكو انتي تكلمينه ؟؟ انزلي اشوف
اختي : انا ادري بمخططاتكم الجنهميه ( وتطلع من شنطتها علب ماي ) ماراح نكسبكم ياحراميه
انا ( امطها من شعرها ) انزلي اشوووووووووووووووووووف

واخذنا لنا كبينه وجلسنا
اختي الاولى ( تحارش الثانيه ) : انا جالسه عند الشباك .. لا لا لا
اختي الثانيه ( مطلعه علب الماي ) : لا ولن يهزموني ... يابابا لاتقول ماعندي فلوس اعطيكم انا وفرت عليك ثمن المويا
ابوي ( يطالع اللسته ومطنشهم ) : .......................................
امي : ابي اسياخ كباب ومرقه ماسالا - هذي المرق الهندي الحار - وابي صحن بطاطس .. ودجاج على الفحم .. وابي رز برياني ... ونقت .. وخبز هندي
وبس .. لاني بصراحه مسوية رجيم
انا : يما ماتبين بعد وجبه من هارديز ؟؟ ماخليتي شي
اخوي : صراحه عليك رجيم مريح مره
امي : جب انت وياه اسكت
ابوي : يللا وش قولو وش تبغون بس لاتزيد الطلبات عن 500 ترى والله بطلعها من
عيونكم

وطبعا الطلبات وصلت 1500 عادي عادي الحياه حلوة

**********************
وش بيسير للعائله في المطعم
تابعونا بالبارت الجاي
akatsuki boy