ياشينها لا صرت مفلس وجوعان ********* واعزب وساكن فوق مطعم بخارى

والمشكله جيرانك هنود وأفغان ********* أكلاتهم تشعل في البطن ناري

لا صار حظك بين هالناس تعبان ********* ماشال احد همك ولا عنك دارى

بعيد(ن) عن اهلك وربعك والأخوان ********* والفقر له فى وسط وجهك موارى

ثوبك كثر ماتلبسه صار عدمان ********* لولا الحيا ترميه وتصير عارى

ماحد(ن) يزورك غير همك والأحزان ********* او صاحب(ن) مافى جيوبه مصارى

مالله رزقك بصاحبن حيل بطران ********* ياقف معك لو عشت حالة طوارى

وتبقى كذا ياطالب العلم جوعان ********* واقصى طموحك نص حبة بخارى

__________________


ياكثر مايطري على البال توقيع
.
ولاشفت لى توقيع يرضى غروري

.
إن ماحصل توقيع فوق التواقيع
.
ولا عن التوقيع يكفي حضوري