STORY 22
(( يوم في قرية الصحرا .. بالعربي عند جارا البايخ ))

لا .... لا ... تعرفون وش يعني العنوان .. يعني بنكون ضيوف عند سيء الذكر جارا ... وع .. بس وش نسوي .. في شغل .. الله ياخذ الشغل
اللي بيخلني اسير ضيف عن هذا المتخلف .. احنا طبعا بالطريق .. وانا طول الطريق اتأفف دم ضروسي _ يعني اكثر شي يقهرني _ اني اروح هناك
كلنا طبعا بالجمس وانا قاعد ورا السواق _ توبي _ << مره عايش الدور .. يسوق باص ويسوق سيارة -_- يجيب الله المطر بس

انا : اوووووووووووووووووووووف
ساسوري ( هو جنبي ) : اشفيك سويت اعصار وانت تنافخ زين ماطار توبي ..
ايتاشي ( يتفرج من الشباب) : هههههههههههه ماودك تشوف جارا
انا : ومن وده يشوف جارا ؟؟ ها ؟؟ اللهم طولك ياروح .. وانا عند بيتي شايف نفسه علي .. الحين اروح له برجولي .. ام الحاله
بين : ياجماعه الخير متى نوصل زهقنا والله مليت انا .. بعد جارا هذا .. احد يعيش في الصحرا ؟؟ اوووووف
كونان ( بتموت ) : والله بشتري بتخترب من هالشمس ... الله يصبرني
توبي : هيدن حبيبي ^^ ( هيدين جالس جنب توبي )
هيدين : خير ان شاء الله
توبي : افتح درج السيارة لو سمحت بوريكم وش شريت
هيدين ( ينبش بدرج السيارة ) : وش شريت بعد .؟؟ بهالعلبه
توبي : اي هذي افتحها ومد العامود
وطلع هالشيي سنارة صيد
هيدين : 0_0 صنارة صيد ؟
توبي : نعم ^^
هيدين ( يحارش توبي ) : وهالصناره وش بتفيدنا بالصحرا يا ولد انتا ؟
كلنا : 0_0
ساسوري ( انقلب من الضحك ) : ههههههههههههههههههههههههههههههههههههههههههههه حلوة ياتوبي حلوة .. صنارة ؟.. ههههههههههههههه يما بطني
توبي : ^^ ماادري قلت يمكن نحتاجها
ساسوري : هههههههههههههههههههههههههه والله مابتفيدنا الا علشان نصيدك اذا جيت تهرب لو نبغى نكفخك ههههههههههههههههههههههههههههههههههه
انا ( انط من قدام ) : هيدين هات الصنارة هات ( ويعطيني اياها) : الحين هالصناره باخذها وباكسرها على راسك ... انت غبي وولا انت كذا ؟؟؟ ناقص انا ناقص
ايتاشي : توبي لاتزعل من ديدي تراه اليوم معصب .. بعدين ليه ماجبت لي بدله غوص لاني مااعرف اسبح هههههههههههههههههههههههههههه
كونان : -_- !! الله يفشلك ياتوبي .. الله يفشلك
بين : هههههههههههههههههههههههه هذا حبيبك ياكونان
كونان : مايعرفني ولا اعرفه -__-
توبي : ^^ ياجماعه الخير يمكن عند جارا في بحيرة قلت اقعد اصيد فيها
بين : -_- توبي .. اطلع برا .. روح بيتكم مشي
توبي : ^^ انا اللي قاعد اسوق ياحبيبي ... روح ان انزل
ساسوري : ههههههههههههههههههههههه .. والله العظيم حاله .. يعني وان سارت معجره وفيه بحيره .. بتسوي لي فيها الصياد الصغير يعني
هيدين : والمشكله فرحان بيورينا الصنارة هههههههههههههههههههههههههههههههه استغفر الله العظيم

ووصلنا القريه المتعوسه ... وعند السور

ساسوري ( يمسح جدران القريه بخدوده ) : قريتي العزييزة .. اهلي وناسي ... موطني العزيز ... فيك نشئت .. وفيك تمخطرت
هيدين : يرحم امك اسكت انت الثاني ... لا من وراك ولا من ورا ايتاشي -_-
انا : وش فيكم نقص حنان كل مارحنا لقرية واحد قام يلمع الجدران بثيابه ؟
كونان ( تصارخ ) : يللاااااااااااااااااااااااااااااااااااااااااااا خلونا ندخل جوواا بموت انا من الحر -_-
كانكورو ( يستقبلنا ) : يالله حيه يالله حيا .. والله الساعه المباركه ( ويصب لنا قهوه )
انا ( اخذ الفنجان من يده ) : الحمدلله .. في احد صاحي في القريه
كونان ( تمسك يد كانكورو بقوه ) : يرحم والديك .. الله يخليك ... قهوينا جوا .. المهم دخلنا .. والله حر حر -_-
كانكورو ( عجبته كونان ) : هلا والله بالزين ... تامرين امر
هيدين : لو سمحتو جيبو لي جمل وركبوني عليه .. انا ماراح امشي هالمسافه
ايتاشي : هههههههههههههههههههه ^^ تخيلت اني سندباد على هالاجواء
كانكورو ( يهمس لــبين) : البنت اللي معاكم مزيونه شلعت قلبي .. اخطبوها لي - يقصد كونان -
بين : ماعندنا اي مانع ههههههههههههههههههههههههههههه
كونان ( سمعته ) : محد خلاك ولي امري يااستاذ بين
بين : هذا احسن ولا ؟؟ ابو صناره ^^
كونان -_-
توبي : شفتو .. انا قلت لكم ان كونان تحبني وماتبدلني برجاجيل الدنيا ^^
كانكورو : العذر والسموحه اخرناكم .. يللا وراي لو سمحتو .. مشينا
هيدين : الجمل وين ؟؟؟ ماراح امشي من غير جمل
انا ( اضرب راس هيدين ) : بلا جمل بلا عنز امش اشوف قدامي
كونان : توبي حبيبي ^^
توبي : 0_0 ( ويلتفت يمين وشمال ) تكلميني انا ؟
كونان : اي ياقلبي اكلمك انت ^^
توبي ( داخ ) : امري ياقلبي امري
كونان : شكثر تحبني ؟
توبي (شوي وينجن ) : كبر هالصحرا كلها
كونان ( تدلع ) : اثبت لي ^^
توبي ( قلوب من عيونه): شلون اثبت لك ؟؟

وتابعنا الطريق .. وتوبي الفالح شال كونان على ظهره لين وصلنا بيت جارا << والله انتهازيه كونان ..بس يستاهل الغبي والله زين سويت فيه كونان

وفي بيت جارا ... كلنا صافين .. قبال مكتبه وتيماري جنبه.. وانا انافخ وميت قهر ..وطالعه اخلاقي ..

جارا ( يقرب مني رافع حواجبه وفي فمه ضحكه ساخره ) : هلا اهلا وسهلا بالشبات .. نورتو
كونان ( فاطسه ضحك بس تكتم ضحكتها ) : هههههه ,,, ههههههههم .ههههههه
بين (يهمس لها ) : خير وش فيك تضحكين
كونان ( تتكلم بصوت واطي ) : ههههههههه شفت الهبله اللي واقفه هناك - تيماري - تسريحتها تضحك .. تقول مروحه على راسها ههههههههه ....
هيدين : اسكت انت وياه لاتقوم تصفقنا
جارا ( يطالع بوجي ) : والله وجيت برجولك ياديدارا
انا ( خدودي منتفخه ) : ليتني قطعتهم
ساسوري : عادي نجيبك بعربانه .. اهم شي ماتفوت الرحله السعيده ههههههههههههههههههه
انا ( اطالعه بحقد ) : .....................
ساسوري : هههههههههههههههههههه خلاص سكتنا
جارا : المهم ... حياكم عندي .. ابخليكم ترتاحون شوي وبالمسا نبدى الشغل الحقيقي

*********************
ياترى وشهو الشغل اللي مكلفنا فيه جارا << حمار واحد مااحبه
تابعونا في البارت الثاني
akatsuki boy