الحكايه ببتديها بـ اسم ريم
بنت ماتت مالها عشرين صيف
ماعرفت طبع الحريم
همها تجمع اوراق الخريف
لين يبقى حوش منزلهم نظيف

.. ريـــمـ ..

كانت تحس بألم
وهي تكابر ماشتكت
وهي تكابر مابكت
فيه أمل انها تطيب
لين طاحت
ايه طاحت
وودوها طبيب

.. ريـــمـ ..

قال حامل توها بأول شهر لاتشيل أشياء ثقيله وأمنعوها من السهر!!

.. ريـــمـ ..!!

كيف حامل والبنت عذراء؟
قال أنت أبوها وأنت أدرئ يمكن أخطت مع حبيب .
قام أبوها وما تكلم ناسين منهي وشنهي ماذكر أنها وحيده مالها أخوان وخوات .

.. ريـــمـ ..

صد عنها وماسألها مادرت وش فـ الحكايه تسأله وهي تبسم يايبه وش قال فيني ؟
ليه ماتبغى تعلم؟
وش يقول فيني الطبيب ؟
يايبه تكفى تكلم يايبه قلي فديتك
غير الوجهه وطول كان في النيه عجل
وأسالت ريم بخجل يايبه ضيعت بيتك !!

.. ريـــمـ ..

وقف الموتر وحول ثم مسكها مع شعرها ومال عنها
ثم نحرها وغرقت ريم في دمها وأظلم الليل وقبرها
يوهـ كأنه ماعرفها , شك فيها وفي شرفها , ياقسى قلوب الرجال
صدقت حتى الخيال ...

.. ريـــمـ ..

حتى ماتت مابكوها , مادرت كيف أظلموها , وماسألت ليه وانكروها وماسألت ليه اطعنوها , وليه يقتلها أبوها ؟!

.. ريـــمـ ..

وبعد ماماتت بيوم ...
وقبل لايذن الظهر ...
رن هاتف بيتها.. و رد أبوها .
قالوا بيت ريم أبشرك طلع تحليل بنتك سليم بس غلطنا بالاسامي
وشف ملف بنتك أمامي ..!!
بنتك معها زايدهـ
مادرى أن أبوها قتلها يووووووووووهـ لو أنه سألها