STORY 28
(( ماعدت ابغى الاكاتسوكي .. !!))
سوق العمل باطل .. الجو حار .. و الاخلاق تجاريه .. والجيب فاضي .. وديدارا زهق من حياته وكره كل شي حواليه .. انواع الاهانات من الاب الفاضل .. والروتين
قاتل .. وفوق هذا .. عندنا بوس .. يقصر العمر ويجيب المغص . في مره من المرات .. صفنا طابور ..انا وكونان وتوبي وبين وساسوري و . هيدان ونازل فينا
تهزيء

بوس : والله العظيم لو ماخوفي من الله كان سلخت جلودكم عن عظامكم .. عنبو داركم .. 30 مهمه مافلحتو الا بوحده ؟؟ معقول .. انا وش اللي واقف قدامي الحين
اوادم ؟
توبي : لا سلندرات غاز الله يسلمك ^^
بوس : سلندرات غاز ؟؟ تنكت ويا وجهك ؟؟ كش عليك وعلى اللي وظفك قول امين
ساسوري : يابوس .. والله العظيم احنا نحاول كل جهدنا
بوس : عاد انت جب و لا اسمع حسك .. صايع مثلك لايجلس يتفلسف
انا : ......................................
هيدين ( يتثاوب ) : طيب وش المطلوب يابوس ؟؟
بوس : المطلوب انك تسك حلقك وانت تتثاوب كانك فرس نهر
بين ( يلعب بالجوال ) : خلاص يابوس سمعنا وابشر
انا : ...........................................
بوس ( ياخذ جوال بين ويكسر جواله ) : ايوه كذا علشان تسمعون الكلام
بين : -_-
بوس : وانتي ياكونان .. انا قايل .. والله النسوان تخب عليهم الهذره بالتلفون .. وروحه العروس وعوار القلب .. وجودك زي عدمك
كونان ( تدمع عيونها ) : ................................................
توبي ( يطبطب على كونان ) : يابوس مايصلح تكلم البنت كذا .. مش من الاخلاق الحميده << اهنيء توبي على الاخلاق الحميدة
بوس : اخلاق حميدة ؟؟؟ مسوي لي فيها عنتر انت ووجهك ؟؟؟ اسكت لاخليك انت وياها تبيعون علك ... مالت عليكم وعلى اللي موظفكم
ساسوري : خلاص يابوس هدي نفسك احنا نوعدك نعوضك
انا : ................................
بوس : ماني مهدي .. جب اسكت .. وانا اذا ماوريتكم نجوم الظهر اللي وريتونا اياها .. مااكون انا ارووتشيمارو .. فاهمين ياحمير ؟؟؟ فاااااااااهمين
انا ( انفجر باقوى ماعندي ) : خلاااااااااااااااااااااااااااااااااااااااااااااااااااااااااااااااااااااااااااااااااااااااااااااااااا اااااااااااااص ..
الكل : 0_0
انا : خلاص الله ياخذ اليوم اللي جيت فيه اشتغل عندك ... ذليتنا .. والله اننا جدران كان تحركنا من امكانا وشردنا ... ماخليت كلمه ماقلتها فينا .. قاضيين كل وقتنا
نخدمك وانت مايعجبك العجب ولا الصيام برجب ...
ساسوري ( يمسك كتفي ) : ديدارا .. امسك اعصابك
انا ( اوخر يده عني ) : لا ماني ماسك اعصابي .. وخليه يقول اللي يقول .. لارواتب عدله .. ولا معامله عدله .. ولا الله لواننا عبيد عند حضرتك
بوس ( قام يصرخ علي ) : امسك لسانك لا قصه لك فاهم ولالا ؟؟ شين وقوي عين
انا : ايه شين وقوي عين ..؟؟ وتدري وش بسوي ؟؟؟ ( وفصخت سترة الاكاتسوكي ) شغل وياك ماني مشتغل .. وانا استقيل
ساسوري وبين ( يلحقوني ) : ديدارا استنى شويا .. بالله عليك استنى شوي
كونان : حسبيا الله ونعم الوكيل
بوس ( راح مكتبه ) : ايييييييييييييه خليه يذلف

وطلعت وانا اركض .. ولاول مره اطلع من عند البوس وانا مو لابس الاكاتسوكي .. كان شعور صعب حيل .. بس للصبر حدود .. وانا مليت من الاهانه .. ادري في احد
بيقول وين الافندي ايتاشي بيه ؟؟ تبون تدرون وين .. ايتاشي جا على اخر المعمعه .. حاط الايبود على اذنه ويرقص

ايتاشي ( يغني ) : حبيبي مالو .. ماااااااااااااااااااااااااااااااااااااااااااااااالو ياطهه .. كشفني يالهوي .. افشني يالهوي
توبي : صباح الخير حبيبي ايتاشي ^^
ايتاشي : لوسمحت لاتضايقني انا في حاله تأمل
هيدين : طـــه وتأمل .. عليك جو ياايتاشي الله ياخذك بس
ايتاشي : كاني احس الاجواء متوتره .. هزئكم البوس ؟؟؟ عادي .. هذي المره المليون بعد الميه وانا الحمدلله جاي ومافي احد ماهزئني حتى شغالتنا
كونان ( تبكي ) : ........................................
ايتاشي : 0_0 وش ساير ؟
ساسوري ( سكر الباب وراه ) : مصيبه ياايتاشي مصيبه
بين : عنيد .. مارضى يرجع ويانا
ايتاشي : مااتوقع فيه اكثر من الكوارث اللي سارت في حياتي كارثه اعظم
ساسوري ( نبره الحزن بصوته ) : ديدارا .. ترك الاكاتسوكي
ايتاشي : 0_0 ؟؟ من جدك
بوس ( ينادي ايتاشي من مكتبه ) : ايتاشي ياحمار .. تعال اشوف
ايتاشي : 0_0 لا والله الكارثه

دخلت البيت وانا اركض .. وصعدت غرفتي ..امي طبعا لحقتني .. لكن انا قفلت الباب وقلت لا احد يطق علي الباب ولا احد يجني .. ومابغيت اشوف اي احد من وقتها
مرت 3 ايام .. حتى الاكل مااكلته .. ماابغى انزل .. واسمع اي كلمه بخصوص شغلي ولا بخصوص اي شي ..وعلى اخر اليوم الثالث .. انتبهت على ان في احد يدخل لغرفتي
كاكاو شوكولاته .. من تحت الباب .. بس لانه يرميه بقوه .. فيدخل تحت الدرج وماانتبه له .. امشي بشويش وافتح الباب بقوه

انا : مين ؟؟؟
اختي الصغيره ( هي اللي كانت تدخل لي الكاكاو من تحت الباب ) : لا تضربني ياديدي انا اسفه
انا ( ابتسمت ) : تعالي ادخلي ( وجلست على السرير ) ليه ترمين الكاكاو تروحين
اختي ( تجي تجلس على السرير وفي عيونها اثر دمعات ) : ديدي انا خفت تسير جوعان .. علشان كذا اجيب لك شوكلاته من المدرسه
انا ( اثرت علي حيل وعورت قلبي وحضنتها ) : حبيبتي انتي ..
اختي الصغير : خلاص لاتصيح .. اذا زهقان روح معاي المدرسه .. ويكون احسن لو تروح بدالي بعد ^^
انا ( ضحكتني وانا متنكد ) : هههههههههههههههههههههههههههههههههههههههههههههههههههههه
اختي الثانيه ( تدخل ) : خلاص انت لانك فاضي ودينا المدرسه .. وسمع لنا دروس ..
انا : ان شاء الله عمتي تامرين
امي ( تدخل ) : يما .. ساسوري وهيدين وكونان تحت يستنونك .. ويوقولون مب رايحين الا لما يكلمونك
انا : .............. خلاص يما بنزل لهم

وفي الصاله .. ساسوري جالس على نار - اكثر واحد متاثر من روحتي كان هو -
ساسوري ( يطالع الباب ) : ياربي وين راح هذا
كونان : الحين بيجي ونكمله .. اكيد انه هدى بعد هالمده
هيدين (منسدح ): والله ان شكلي بسوي زي ماسوى ديدي واشيل اغراضي واطلع
ساسوري ( معصب ) : يرحم والديك .. نقطنا بسكاتك
هيدين : تبون الصراحه معاه حق ديدي .. ومفروض ننقلب عليك
ساسوري : تكلم وانت ساكت الله يعافيك
هيدين : ههههههههههههههههه شلون اسويها هذي .. اتكلم وانا ساكت ؟؟
كونان : هذا هو جا

انا ( منزل راسي وداخل للصاله ) : هــ ... هلا
كونان : ديدي .. والله وحشتنا
هيدين ( يعض اظافره ):كلهم 3 ايام .. مااشتقنا لك ( ياخذ بقس من كونان ) @_@
ساسوري ( يضحك ضحكه ساخره ) : شدعوه يبا ؟؟ .... نازل لنا ومالك نفس ؟ ندق عليك ماترد ؟؟ لهل الدرجه عفتنا
انا : اسمع ياساسوري .. انا اخذت قراري .. رجعه لهل المنظمه مستحيل ارجع .. اذا قبلتو على نفسكم الذل انا مستحيل اتحمله اكثر من كذا .. هذا بوسكم خلوه لكم
ساسوري ( عصب ) .................................
كونان : ديدي .. روق الله يخليك .. فكر شوي .. احنا مانستغني عنك ..وبوس طول عمره كذا .. بس قلبه طيب ترى
هيدين : احنا الظاهر مفروض كنا ساحبينك من اول يوم رحت فيه .. مانخليك 3ايام وابليس يركب لك راسك .. لين تصر على موقفك
انا : كذا و لا كذا .. خلاص الكلام ماعاد يهمني .. ورايكم ماعاد يهمني
ساسوري ( ضربني كف على وجهي ) : .........................
انا: 0_0
ساسوري : راينا ماعاد يهمك ؟؟ ... اها .. وسرت تاخذ قرارتك وكاننا برا حياتك ؟؟؟ راينا ماعاد يهمك .. واحنا اللي شاغلين بالنا عليك طول هالمده .. وانا قاعد
واستنى تلفون منك .. استنى ترسل لي مسج .. حتى سترتك موجودة عندي بالسيارة.. وكنت جاي وواثق انك بتلبسها مره ثانيه .. وتجي تجلس معانا على الحلوة والمره
ونتقاسم الشقى والفرحه .. ماتوقعت انك ناكر معروف واناني .. والبوس اللي تتكلم عنه .. في الوقت اللي يصفعنا فيه .. يقاسمنا اكله وشربه .. وطول عمرنا عايشين وياه
ونعتبره ابونا .. لاننا مثل ماهوملزوم منا .. احنا بعد ملزومين فيه .. وانا توقعت انك تفكر مثلنا بالضبط .. بس ياخساره .. انا الغلطان اللي جيت ..علشان اجيبك .. ومن
اليوم ورايح ... لانت صاحبي ولا انا اعرفك .. سلام
انا : ..........................

وراح ساسوري ولحقته كونان وهيدين وسكر الباب وراه بقوه .. وسكه الباب هذي كان من اصعب اللحظات اللي عشتها بحياتي .....
************
البارت هذا جاد نوعا ما ومافيه كوميديا كثير
حبينا ننووع وان شاء الله ان كتابتي تكون كويسه وتعجبكم في الكوميديا وغير الكوميديا
نلقاكم في البارت الثاني من الحلقه
akatsuki boy