بسم الله الرحمن الرحيم
السلام عليكم ورحمة الله وبركاته

اللهم بلغنا رمضان واعنا على حسن صيامه وقيامه

شخباركم بنات ؟

اليوم كنت بالرياض وتحديدا ببرج المملكة كان عندي شغله هناك بمر اخذها ونرجع للشرقية على طول

وطبعا بما ان اليوم الاربعاء فالدوام متصل

قبل صلاة العصر بشوي دخلت دبنهامز ومريت من عند كليرز وانا اشوف الاحزمة اللي عنده

والا انهبل شوفوا الصور !!!
















طبعا اكيد ماسكت اخذت الحزام ورحت للموظفين اللي كانوا وقتها بيطلعون من المحل لأن اذان العصر خلاص بيأذن
والا يدور هالحوار :

انا : لو سمحت

هو: تفضلي

انا : ممكن اعرف وين المانيجر ؟

هو : يتلفت ويقول مابعرف لأن الموظفين بدوا يطلعون مشان الصلاة اي خدمة ؟

انا : ابغى اوريه الحزام

هو : بدك تعرفي اذا عليه سيل ؟

انا : لا لا شوف الحزام وش المرسوم عليه

هو : طير حواجبه وتبلعم ماعرف يرد ولا قال شي

انا : موب حرام عليكم تبيعون هالاحزمة اظن واضحة بقوة الصلبان

هو : عفوا بس البضاعه كثيرة واكيد مانتبهنا !!

انا : ايش اللي ماتنتبهون كولكشن جديد ومنزلين منه 3 الوان ومجموعه كبيرة وكل هذا ماتنتبهون

كيف اجل انا انتبهت ؟ !!

هو : خلاص بوعدك اوصل الحزام للمسؤل

انا : انا مسافرة الحين ومايمديني لكن هالحزام الحين بذمتك توصله للمانيجر يعني توصله وتراه بذمتك

هو : تكرمي تكرمي اكيد بالخطأ

انا : على فكرة تراني صورته وبنشره بالأانترنت فيستحسن تبلغ المانيجر بسرعه




وطلعت من المحل

طبعا المطلوب الحين :

1- بما انه الحين انتوا 24 ساعه بالسوق اسألكم بالله تدخون كليرز وتشوفون الاحزمة اذا لقيتوا بلغوا اشتكوا ولو تلاقون الهيئة علموها

2- اذا جيتوا تشترون وتتقضون فتحوا عيونكم للعبارات والرسومات والكلمات

3- نشر الصور بأكبر عدد ممكن من المنتديات والقروبات البريدية

ولا تنسوني من صالح دعاؤكم


منقول للحذر

__________________

	كونك احد اعضاء هذا المنتدى فأنت مؤتمن ولك حقوق وعليك واجبات ليس العبره بعدد المشاركات ..!! وإنما ماذا كتبت وماذا قدمت لأخوانك الأعضاء والزوار .... كن مميزاً في اطروحاتك .. صادقاً في معلوماتك .. محباً للخير مراقباً للمنتدى في غياب المراقب .

سبحان الله وبحمده .. سبحان الله العظيم