الموضوع: ساسكي وناروتو ... حياتي بالجامعه
عرض مشاركة واحدة
  #66  
قديم 03-01-2011, 03:27 PM
 

story2
((ياكتاب وين القاك ؟ >< ))

وطبعا بعد .. اول يوم محاضره يبغى للجميع يتوجهون لمتاجر المكتبات علشان يشترون الكتب المقرر يدرسونها .. تعرفون ماهي مناهج مدرسه يسلمونها لكم .. لازم
كل واحد يهز طوله ويشتري كتبه علشان يتابع المنهج مع الاستاذه .. ناروتو بعد ماصحى من سباته على العشا .. اخذ فلوس من كارلا الله يخليها ..واخذ بوبس وراحو
للمكتبه .. هو جايب بوبس وياه ليش ماادري ؟؟؟ اما ساسكي فراح ويا اخوه ايتاشي .. على حسب كلامه انه مايحب يروح لحاله << يعني ايتاشي اللي بيسليه ياوجه الله بس

ناروتو ( يسوق وهو يفكر ) : بوبس .. والله البني ادام غريب .. اذا توفى مات
بوبس ( يلحس شعره ) : عووو عوو
ناروتو : والناس كلها غريبه ..ندرس علشان نشتغل وبعدين نموت ولازال الناس يدرسون علشان يموتون << يعني لو مادرسو ماراح يموتون ؟؟؟
بوبس : عووووووووووووووو
ناروتو : تخيل يابوبس .. لو اننا وفرنا هالكتب وماشريناها .. في المستقبل بيسير لنا اوراق واجد بعدين .. يستفيدون منها عيالنا
بوبس : عو عو عو ^^
ناروتو : الا اقول بوبس ... من وين اجيب كتاب المحاسبه الفضائيه ؟؟؟
بوبس :وش دراني باستاذكم الخبل هذا .. أنا اللي ادرس عنده ولا انتو؟؟؟
ناروتو : والله انك صادق ... 0_0 ؟؟
بوبس ( قام يحلس بناروتو ) : عوووووووووووووووووووووو
ناروتو : ياولد .. والله بصدم حرام عليك ..والله 0_0


كراااااااااااااااااااااااااااااخ ..

واخرتها مخالفه على ناروتو لانه صدم النخله اللي في الشارع ... محد قاله يجيب بوبس وياه ... صدقني يعني -_- !!!

في الجهه الاخرى ساسكي .. واقف قدام مسؤول الكتب متحنط مو عارف شيقول .
.
ايتاشي ( واقف بعيد يقلب بالكتب بالمكتبه ) : سوس ..خلصنا اسئل المسؤول عن اسم كتابك .. لاتاخرنا يللا
ساسكي : لا والله تبيه يضحك علينا ؟؟؟
ايتاشي : خلاص اجلس قباله كذا وطالعه لين يسكرون المكتبه زين
المسوؤل : فيه ايه ياابني ؟؟ انت عاوز حاقه .؟؟ انا تحت امرك ..
ساسكي : ماعليك امر ^^ .. بغيت .. كتاب .. بس ماادري اذا هو موجود ولالا ؟
المسؤول : اكيد حيبقى عندنا .. انا مكتبتي دي مش حتدور الكتاب دا هو اللي يجي لك ^^
ايتاشي : انا اشوف الكتب تركض سار لها ساعه هههههههههههههههههههههه ياوجه الله ^^
ساسكي : اا.. فيه كتاب .. اسمه ..؟؟ .. كتاب اسمه .. المحاسبه الفضائيه ؟؟
المسوؤل : ايه ؟؟ 0_0 .. انت جاي بتسهبلني ولا ايه ؟؟؟ وعامل لي فيها جلن دايزر .. امشي ياابني قبل مااطردك من هنا
ساسكي : *_* ( ومشى وهو يجر اذيال الهزيمه )
ايتاشي (يقرى كتاب): ها لقيت كتابك ؟؟
ساسكي : لا مالقيت شي .. بعدين انتا وش جالس تقرى ؟؟
ايتاشي : كتاب اسمه .. كيف تاكل ^^
ساسكي : 0_0 انت مايحتاج اصلا ... خليك منه وتعال دور معاي اشوف
ايتاشي : ياوجه الله بس ^^ نشوف اخرتها مع ولد سنيك هذا

وساسكي يحوس يحوس .. ويدور هالكتاب او شي يشبهه .. لكن ماكو فايده .. ويشوف ناروتو عن بوابه المكتبه


ساسكي ( يطلع له عند الباب ) : هيه ناروتو ... وش جاي تسوي هنا ؟؟؟
ناروتو ( ماسك بوبس ) : جاي والله اشتري شاورما جوعان
ساسكي : الحين احنا جايين تعبانين ندور كتاب وانت بسلامتك جاي تاكل ؟؟؟ وش رايك تسير اخو ايتاشي ؟؟؟
ناروتو : يرحم والديك يعني هالكتاب اللي قال عنه ديدارا هذا كتاب ؟؟؟
ساسكي : اسكت انا عفست المكتبه فوق حدر حتى المسؤول هاوشني
ناروتو : انا شاك ان هالكتاب من تأليفه وخاشه عنده بالبيت ويبينا نشتريه وش رايك ؟؟
ساسكي : والله مااستغرب هالحركه على هالسخيف ( ويسحب ناروتو) تعال ندخل ندور اشوف
ناروتو : من وين والكلب ممنوع من دخول المكتبه -__ - مااقدر اخلي بوبس برا
ايتاشي : روح وياه انا باخذه معي وبدور بالسيارة .. لو خلصتو نادوني
بوبس ( يهز ذيله مستنانس ) : عووووووووووووووووووووووووو

ودخل ساسكي وناروتو يدورون بهالمكتبه .. بجميع الاقسام .. الكتب السياسه .. والاجتماعيه ماخلو شي ماحاسوه ..

ناروتو : ساسكي ساسكي ... شوف هالكتاب ..(منجرة الأقمشة الكهربائية لحلاقة الأحذية )
ساسكي : وش اسم المؤلف بالله 0_0
ناروتو : اسمه الدكتور محشش ههههههههههههههههههههههه وانت وش عندك ؟؟
ساسكي : والله ماادري صراحه .. كتاب كيف تدلعين زوجكي.. وكيف تطبخين له .. ومااردي وشو .. -__-
ناروتو : والله شكلنا بننطرد من محاضرات ديدرار المحاضره الجايه
كوراناي : اهلا بالحلوين ^^
ناروتو : اهلين استاذه ... اهلا وسهلا .. تعالي يااستاذه الحقي علينا
كوراناي : ليه شصاير ؟؟
ساسكي : مالقينا كتاب هاللي اسمه ديدارا .؟؟ وهو مهددنا بيطردنا من المحاضره لو ماجبناه .. الله يلعنه ان شاء الله
كوراناي : عيب ياعيال .. ادري انه عصبي بس .. تراه استاذ قدير
ساسكي (ينافخ ): ولا قدير ولا شي ... الا بعير
كوراناي : اسم الكتاب المحاسبه الفضائيه ^^ ؟
ساسكي وناروتو ( بصوت واحد ) : 0_0 وش دراك ؟
كوراناي : كل طلاب هالماده جوني يشتكون انهم مالقو هالكتاب
ناروتو : والحل يااستاذه ^^ نرسب يعني ؟؟
كوراناي : خلاص انا اكلمه لكم .. واحاول افر راسه واعلمه انه مايحتاج كتاب وانكم تكتبون معاه احسن
ساسكي : اي والله الله يخليك بس قولي له يخف شوي بالمنهج
كوراناي : توعودني تسيرون شطار ؟
ناروتو : نسير اللي تبين .. بس خليه يفك شره عنا
ساسكي : الا انتي يااستاذ جايه هنا وش تسوين ؟؟ تدورين كتاب المحاسبه الفضائيه بعد
كوراناي : لا ههههههههههههه .. جيت اشتري كم كتاب اسلي نفسي
ناروتو ( يهمس لساسكي ) : سمعت ؟؟ تسلي نفسها بالقرايه .. مو بالحنه .. ولا التسدح عند التلفزيون
ساسكي ( يهمس لناروتو ) : انت شوف الكتب اللي بيدها ..(( كيف تسعد نفسك )).((. 10 خطوات لكي تكون قائدا ..)) ((افرح بحياتك )).. هذي الكتب مو انتو .. واحد يقول لي
كيف تاكل والثاني .. منجره الاحذيه اللي ماادري وشو
كوراناي : يللا حبايبي انا رايحه تبون اوصلكم ؟
ناروتو : حلفت يمين انا اللي اوصلك استاذه
ساسكي : لالا حلفت انا اوديك
كوراناي : معي سيارتي ههههههههههههههه يللا حبايبي باي

وعند بوابه المكتبه

ناروتو : وين راح اخوك ايتاشي بكلبي لايكون خطفه
ساسكي ( يدق على ايتاشي ) : من زين كلبك عاد .. ( ويرد عليه ايتاشي ) : الو الو ايتاشي وينك
ايتاشي ( صوته فيه النوم ): ياوجه الله انتم مين ؟
ساسكي : 0_0 يللا تعال خذني خلصت من المكتبه
ايتاشي: اوووووووبس !! نسيت .. انا رجعت البيت ^^
ساسكي : ياحمار >< .. مالت عليك .. يللا انا بخلي ناروتو يوصلني ولارحت البيت والله لاغسل شراعك ( ويقفل السماعه )
ناروتو : وش صاير ؟؟
ساسكي : يللا ناروتو وصلنا البيت .. ايتاشي الحمار هذا خذ سيارتي وبوبس وراح البيت
ناروتو : 0_0
ساسكي : وش فيك بعد ؟؟ ( ويطالع سيارة ناروتو ) .. وش فيها سيارتك .. لاتقولي صدمت فيها
ناروتو : مو هذي المشكله -_- انا معلق مفتاح سيارتي على رقبه بوبس يعني مانقدر لانروح يمين ولا شمال
ساسكي : -_- ياوجه الله

وظل ساسكي وناروتو .. عند بوابه المكتبه .. الى اجل غير معلوم ^^

*******************
سوري على الحلقه القصيره .. بس ورانا اشغال واجد
يارب تعجبكم ....
نلتقي بالحلقه القادمه
akatsuki boy.


ملاحظه : تكسرت يدي وانا الون يارب يعجبك يا روز