السلام عليكم

اخواني وخواتي الكرام حبيت اقولكم مشكلتي الا هاذي مو مشكله هاذي مصيبه


اخواني بدخل ف الموضوع


انا ابوي عمره تقريبا 45 او 46 سنه ماشاء الله تبارك الله


كان ماشاء الله عليه ميه على مييه حالته مرة حلووة كان كريم معنا ف الماديات ماكان يهاوش كثير كان يحب يقعد معنا كان دايم يطلع معنا

فجأة كذا صار ينام ومن ينام مايقوم الا متاخر واذا قام يطلع من البيت ومايقعد ابد ابد ابد معنا

يوم الجمعه يقعد وهو ساكت فجأة يبدا يهاوشنا كلنا كلنا اخواني واختي الوحيده وامي

نسكت ونقول اوكي

جا في يوم قعد معنا طلبنا منه فلوس لييه لاني انا واخوي الكبير محتاجين فلوس حنا كبار ولنا زملاء ويحق لنا نطلع معهم

ان طلبنا مايعطينا الا ربع المبلغ اللي نطلبه قلنا يمكن كثير رحنا طلبنا بس 20 ريال مو كثير عطانا 10 ريال ويقول ان ماعجبك رجعها وانقلع


صار انسان مايحب يتناقش ابد طلع قرارات ف البيت كرهنا في روحنا

امي اللي هي امي دايم تتهاوش معه لكن هو مشكله انه يحب ((يهاوش يهاوش يهاوش لكن مايحب احد يتكلم وان تكلم يسكته ليش مادري يحب يعطي يعطي يعطي وما ياخذ !!! يعني يهاوش ومايبي احد يتكلم ))

نقوله تعال نطلع يقول انا ما عندي استعداد اني اطلع

نقوله اشتري لنا يشتري مستعمل بسعر رخيييييييييييص
ولا مايجيب لنا اللي نبي


عطا اخوي سيارة من سن مبكر وانا اقوله ابي سيارة يقول بدري وانا كل اصدقائي كل واحد معاه مفتاح سيارة الا انا وعلى فكرة انا حالتي ماكانت كذا وانا عندي صعوبه ف التنقل


ابوي اربع وعشرين ساعه زعلالان ويهاوش ومدلع نفسه اطلق تدليع

لمن يطلع من البيت مستانس ولمن يدخل البيت على طول يكشر ويدخل بهواش

وش الحل تكفى ما يعطينا وجه ابد

ابوي اربع وعشرين ساعه مع امه واخوه اللي اصغر منه لييه كذا كان عندنا 3 سيارات سيارة مع اخوي وسيارتين معه جيب وسيارة صغيرة ولا عطاني اي سيارة يوم اصريت راح وباع سيارة عشان يقهرني ويضيع الامل


امي بغت تطلع من البيت 6 مرات بس احنا نهديها يتهاوشون وتطلع امي وهي تصييح وشكلها يكسر الخاطر

تكفى حلولي مشكلتي


وشكرا