| (( الفصل السادس عشر ))
مشت السياة وطلعت على الشارع
وهم يمشون قربوا من الإشارة وكانت خضراء والسايق خاف انها تطفى فسرع بسرعة وشوي إلا
البنات: لااااااااااااااااااااااااااااااااااااااااااااااااا ااااا
وقفت السيارة بعد ماصدمت بعامود الإشارة
عم السكون السيارة
رفعت راسها بعد ماكان نازل من الخوف: بنات صار لكم شي
كانت نازلة تحت في الأرض جنب كنب السيارة: لا الحمدلله انا مافيني شي وانتي شوق.. رتال جوري فيكم شي
جوري كانت في الوسط ومتسندة ولاصقة بكنب السيارة: آااااااي
رتال بخوف وقامت من تحت نفس مكان غادة في أرض السيارة: جوري فيك شي
شوق قربت من عند جوري: يووه ياربي جوري إيدك فيها دم
جوري: إيه طار علي من قزاز النافذة اللي قدام ... آاااااه مرررة يعورني
غادة طلت على السايق: إقبال فيك شي لاتموت وتورطنا
السايق إقبال كان يشيل القزاز الصغار اللي على إيده وكان على خده جرح ينزف دم: لا مافي شي الحمدلله إنت في شي
غادة رجعت مكانها: لا حنا كويسين
رتال: شوق جايبة جوالك
شوق: تستهبلين أكيد جايبته .. يعني كل يوم بجيبه إلااليوم
غادة: طيب يلا بلا بربرة زايدة ودقي على ماجد أو فهد يجي لأن الناس تجمعوا على السيارة
شوق: طيب
وفتحت الجوال ودقت على رقم فهد ورفعته لأذنها
وبعد كم رنة جاها صوته
فهد: هلا شوق مارحتي المدرسة
شوق: إلا .. بس وحنا رايحين صدمنا في إشارة وقفت السيارة
فهد خاف: صار فيكم شي
شوق: لا الحمدلله بس جوري دخلت في إيدها قزازة
فهد: عطيني إقبال علشان أعرف انتوا وين وأجيكم
شوق عطت الجوال للسايق إقبال
وقربت من عند جوري: جوجو يألمك مرررة
جوري وهي تحاول تتحمل الألم: إيه شوي
شوق: فهد ألحين بيجي
جوري كان مغطى كل شي فيها مو مبين إلا عيونها وإيدها والقزاز داخلة في إيدها
من فوق العباية وهي حجمها متوسط لكن كان يطلع من إيدها دم
بعد عشر دقايق وصل فهد وقال للناس اللي واقفين يروحون وشكرهم وفتح الباب على البنات وشافهم متجمعين على جوري
.................................................. .............
كان في السيارة وسمع كل شي قاله أخوه وهو يكلم وعرف منه السالفة بعد ماسكر
وأول ماوصلوا عند البنات وراحوا الناس الزحمة نزل مع أخوه بسرعة من السيارة
بعفوية: جوري فيك شي
فهد التفت عليه: لا محمد إن شاء الله مافيها شي
شوق: طيب يلا بنات خلونا ننزل ونروح سيارة فهد
فهد: إقبال اسمع انتظر هنا بوصلهم مدارسهم وبجي لاتتحرك سامع
إقبال هز راسه: إن شاء الله
وراحوا كلهم وركبوا ورى ... ومحمد ركب قدام جنب فهد وكان طول الطريق يلتفت ورى خايف على جوري
وقف فهد السيارة: يلا بنات انزلوا المدرسة وانا بودي جوري المستشفى بعد ماأوصل محمد مدرسته
شوق: أنا منيب نازلة المدرسة بروح مع جوري بعدين نرجع هنا وغادة تقول للمراقبة أن حنا بنروح المستشفى ونرجع ومايصلح أنت ولد معها لازم انا أكون معها
فهد كان بيرفض بس بعد الكلام اللي قالته شوق مافي مجال للرفض: طيب يلا رتال وغادة انزلوا وقولوا لهم لاتنسون علشان مايحسبون عليهم غياب
جوري وهي تتألم: آاااااه خلاص مو قادرة أتحمل يعورني آاااااه
فهد حرك السيارة بعد مانزلوا: خلاص تحملي شوي بس نوَصل محمد ونروح
محمد وهو خايف على جوري من كثر ماتتألم: فهد مو لازم تووديني ودها هي بعدين نروح لأنها اكيد ماتقدر تستحمل
فهد: بس مايصلح يامحمد
محمد بإصرار: لا يصلح
مشوا بسرعة ووصلوا للمستشفى
################################################## ###
طلعت من المستشفى وراحت للمدرسة لازم تروح اليوم
تحس مرت سنة وماشافت المدرسة ولاراحت لها من كثر الأشياء اللي صارت لهم الأيام اللي راحت
دخلت المدرسة وكأنها غريبة عليها دخلت الفصل وكانت متأخرة بدت الحصة الأولى بس لسة ماجات المعلمة
بنت اسمها دلال: رزان سلامات ليش غايبة أمس
رزان ابتسمت بعد ماحطت شنطتها على الكرسي: الله يسلمك بس رنيم تعبانة شوي وماقدرت أخليها
دلال بتأثر: ياحياتي الله يشفيها سلميلي عليها ماشفتها من جينا ثانوي
رزان: يوصل
وجلست في محلها
وبعد كم دقيقة
رزان: إيه صح دلال رتال غريبة ماجات ماقد تأخرت هي قالت إنها بتغيب
دلال رفعت كتوفها: مدري عنها جد غريبة
رزان: بس ماقالت شي أمس انا كلمــــ
وقبل ماتكمل إلا بدخلت رتال وقالت بصوت عالي بحماس اول ماشافت رزان: هاااااااااااااااااااي بالغايبين
رزان قامت وراحت لها وضمتها: وحشتيني يالدوبة
رتال وهي ضامتها: وأنتي أكثر والله
دخلت المعلمة وشافتهم واقفين عند الباب: احم احم وينا فيه احنا كل وحدة ترجع مكانها
التفتوا رتال ورزان للمعلمة بعد ماسمعوا صوتها العالي
المعلمة: وراكم واقفين كذا عند الباب
رتال: أبلة من زمان ماشفنا بعض
المعلمة: ماأمدى توكم شايفين بعض أمس
رزان: أنا كنت غايبة أمس
المعلمة: أها .. المهم كل وحدة ترجع مكانها بسرعة
رجعوا محلهم اللي كان عند الجدار وكانوا ثالث شي
المعلمة بعد ماجلست على مكتبها في الفصل: بنات اليوم ماراح ناخذ درس بصحح الدفاتر واللي دفترها مو كامل تكمله قبل مايجي دورها بسرعة سامعين
البنات: إن شاء الله
.................................................. ..............
رزان: ألحين انتي ليش تأخرتي مو عادتك
رتال: ماتدرين وش صار لي
رزان: إيش صار ..؟؟!!
رتال: صدمنا في إشارة
رزان شهقت: إيش ..؟؟ كيف صار كذا
رتال: السايق كان يسرع ولما قربنا من الإشارة صقع فيها
رزان: يووووه أشوى ماصار لكم شي
رتال: إيه الحمدلله .. بس جوجو
رزان خافت: إيش فيها لايكون فيها شي
رتال: لا بس دخلت في إيدها قزازة وألحين بتروح المستشفى
رزان: أها ... مسكينة
.................................................. ...................
دخلت المدرسة لحالها وهذي أول مرة تصير
كانت المدرسة فاضية وهادية لأنهم في الفصول
صعدت فوق وشافت المراقبة واقفة عند الدرج
المراقبة ابتسام: غادة ليش متاخرة ماتشوفين الساعة كم ألحين وشوق وجوري وينهم ماأشوفهم معك
غادة: بعد شوي راح يجون
ابتسام: احلفي بس .. المدرسة لعبة يعني كل واحد يجي متى ماحب
غادة قالت لها اللي صار لهم وأن جوري وشوق راحوا المستشفى وبيرجعون
ابتسام بعدم إقتناع: طيب روحي فصلك ألحين ونشوف نهايتها معكم
غادة مشت رايحة لفصلها: أوووف جعلها منيب قايلة تجيب المرض
ابتسام من بعيد: لاتجلسين تتحلطمين مع نفسك امشي وانتي ساكتة
غادة: حشى وشلون سمعت ذي
وراحت فصلها
#################################################
شالوا عنها الاجهزة وغيرت لبس المستشفى وتجهزت بتطلع
فتح الباب فتحة صغيرة وطل منها: ها حبيبتي جاهزة ولا لا
رنيم: إلا بس تعال فراس مين راح يطلعني أنت لحالك
فراس دخل وسكر الباب: لا أبوي معنا بس الحين هو برا يدفع فلوس المستشفى
ام فراس: الله يهداك كان خليته يرتاح ورحت دفعتهم عنه
فراس: وهو رضى وانا قلت لا
رنيم: تخافين عليه ماما
فراس: أكيد لو قالوا أموت أنا ولا هو قالت أنا
أم فراس: بسم الله لاتقول كذا
فراس غمز لها: بسم الله علي ولا عليه
أم فراس بحيا: خلاص عاد اسكت
وراحت تلبس عبايتها
رنيم: ياحليلها ماما تستحي ههههه
أم فراس: خلاص عاد بلا حكي زايد
فراس: أنا بطلع أجيب لك كرسي متحرك مثل كل مررة
رنيم سكتت وعورها قلبها لما قال مثل كل مرررة حست أنها مثقلة عليهم وقالت في نفسها: (( آااااه بس ليش أنا اللي يصير لي كذا فراس ورزان ماقد صار لهم دايم أنا بس أنا الله ياخذني وأفتك ..... استغفر الله استغفر الله حرام ادعي على نفسي أكيد ربي يحبني علشان كذا مبتليني))
قطع أفكارها أمها: رنيم يلا حبيبتي خليني أساعدك علشان تلبسين العباية
وقامت ولبست عبايتها وجلست على السرير
انفتح الباب ودخلوا فراس وأبوفراس
فراس قرب لها الكرسي وساعدها تجلس فيه: يلا مشينا
أم فراس أعطت رنيم الحجاب حقها
ورنيم تحجبت خرابيط ولا غطت وجهها لأنهم ماشالوا جهاز التنفس من عليها
طلعوا من الغرفة ومشوا في الممر علشان يطلعون
وركبوا المصعد ونزلوا تحت
.................................................. .......................................
وصلوا المستشفى ودخلوا بسرعة مع النيرس على الغرفة اللي يداوون فيها الجروح السطحية
دخلت الغرفة مع شوق وجلست على السرير بدون ماتنسدح
شوق: جوجو عاد بلا دلع مو تجلسين لي كل دقيقة آاااي آااي
جوري: إيش قالوا لك شووو
وقبل ماتكمل جملتها شالت النيرس القزازة بشويش
جوري بصراخ: آااااااااااااااااااااااااي
انفتح الباب: جوري وشفيك
التفتت شوق: محمد وش تبغى أكيد بيعورها لأن أصلا جوري دلوعة بزيادة
جوري: جربي بعدين تكلمي
شوق: إلا محمد وين فهد ماأشوفه معك
محمد: راح يوقف السيارة في المواقف ممنوع يوقفها عند باب المستشفى
جوري قدمت راسها لما شافت أحد مر على كرسي متحرك ومو غريب عليها وقالت: رنيم
التفتت أول ماسمعت أحد يناديها وقالت لفراس يوقف وشافت في الغرفة بنت جالسة على السرير وبنت واقفة قبالها وكلهم متغطين وولد واقف عند الباب وعرفت من هي وقالت: جوري
والتفتت على فراس: فراس ماما وبابا راحوا للسيارة دخلني عند جوري شوي بشوف إيش فيها
فراس دخلها وطلع ووقف عند الباب
رنيم بخوف: حبيبتي جوجو إيش فيك
جوري وهي تضحك: والله قصة تضحك مشينا بسرعة وصدمنا في إشارة ومدري إيش كل ماأتذكر شكلها أفطس ضحك
شوق: والله أنك خبلة مافي شي يضحك
رنيم ناظرت في ساعتها: ألحين الساعة بتجي 9 ماراح تروحون المدرسة بتغيبون
شوق: لا ألحين بنروح بعد مانخلص من جوري .. ههه أكيد غادة جتها سكتة قلبية من أبلة ابتسام
رنيم: أكيد ههههه
جوري: مسكينة الله يعينها تلاقينها تدعي علينا ألحين ههههههههههه
رنيم: يلا باااي أنا ألحين بروح البيت تبغون شي
جوري: سلامتك
شوق: مع السلامة
وطلعت هي مع فراس
هم طلعوا من باب المستشفى وفهد دخل
دخل عليهم الغرفة اللي كان بابها مفتوح: هاا خلصتوا
شوق: إيه خلصنا
محمد: يلا شوق ساعدي جوري علشان تنزل من السرير
شوق: ترا إيدها المجروحة مو رجلها مكسورة
جوري بدلع: وإذا يعني ساعديني
شوق: مالت عليك بس
وطلعوا من المستشفى ووصلهم فهد كل واحد لمدرسته وهو رجع البيت ماله خلق يروح المدرسة فيه النوم
################################################## #########
مررررت الأيام سريعة على أبطالنا وبطيئة على بعضهم
جاء يوم مشرق تقريبا ً أقدر أقول أنه حلو للكل يوم راح يجمعهم كلهم
هذا اليوم كان كله استعداد وسفر وتعب
اليوم الأربعاء الكل بيمشي للشرقية علشان العزيمة اللي يوم الخميس
################################################## ##########
في العاصمة اللي مافي أحلى منها
ندى وهي تصارخ: سجى ياحمارة يلا أخرتينا
سجى من فوق: طيب جيت لاتصارخين
حمد دخل البيت ناوي عليهم: ندى وينكم يلا
ندى ولا كأنها تسمع: يالزفتة يالكلبة يلا تاخرنا
سجى وهي تنزل: انطمي خلاص جيت خلاص
حمد: لا بعد وش باقي كل وحدة تعطي الثانية كف وتضاربوا
ندى أعطت سجى كف
وسجى ردت لها إياه
حمد عصب ومسكهم من شعورهم: يلا قدامي
سجى: آاااي آااي حمد شعري يألم يألم
ندى: حمد أحسن لك أترك شعري
حمد: علشان مرررة ثانية تتأدبون وتحترمون بعض
سجى: خلاص خلاص نحترم والله نحترم بس ابعد عننا
حمد وقف عند باب الشارع: يلا كل وحدة تلبس عباتها وتتغطى وتطلع بسرعة وراي
وطلع وركب السيارة ينتظرهم
سجى وهي تمسك شعرها: الغبي خرب شعري وأنا متاخرة علشان أسويه
ندى: تستاهلين وأصلا يالغبية هو بيخترب بيخترب لأنك بتتحجبين
سجى: أوووف
تحجبت وطلعت
وندى تحجبت وتغطت وطلعت
وركبوا مع حمد في السيارة لأن أبوهم وأمهم مشوا ومعهم مهند والخدامة
################################################## #####
أبرار وهي جالسة على الكنبة اللي في الصالة وجنبها وليد: ياربي وين أسماء وأفنان لازم يتاخرون كأننا بنروح عرس
أسماء: أقول لاتحشين فيني تراني جيت
وليد: لا والله تو الناس
أبرار: وين فنين متى بتتكرم وتجي حضرتها
أسماء جلست جنبها: أسأليها لاتسأليني
أبرار رفعت إيدها: يارب تطيح في الدرج وهي جاية أخرتنا جعلها منيب قايلة
أفنان وهي تنزل الدرج: وأنتي معي ولكن مو هنا في الشرقية وحنا رايحين العزيمة وينشق لبسك
أبرار: صدق أنك نجسة
أفنان: بس مو أكثر منك
أم وليد: بس أنتي معها ماتشبعون يلا البسوا عباياتكم واطلعوا أبوكم برا ينتظر
قامت أبرار تركض: إن شاء الله
أم وليد: أسماء حبيبتي روحي نادي الخدامة عجليها باردة تجيب الهم
أسماء: إن شاء الله يمة
ونادتها وطلعوا ومشت السيارة متجهة للشرقية
################################################## #######
في عروستنا عروس البحر الأحمرالجميلة
(( جــــــــــــــــــــدة ))
ريم لابسة بنطلون أسود وتيشيرت أزرق بحري مكتوب عليه بالأسود حرف (( r ))
ولابسة عبايتها اللي بدون أزرار كذا مفتوحة ومن داخل مبطنة بقماش أخضر تفاحي لونه رايق
وجالسة على الكنب في الطاولة نتتظرهم ينزلون وجنبها شنطتها السحب الصغيرة اللي فيها كم جينز وكم تيشيرت وملابس العزيمة وبس
وماسكة البي بي حقها وتكلم بنات فيه
نزلت ووراها الخدامة شايلة شنطتها الكبيرة
ريم طالعتها وفتحت عيونها وقامت تناظر الشنطة اللي ماسكتها الخدامة وبعدين تناظر شنطتها الصغيرة اكثر من مرررة
ريم: لولو من جدك بتودين هذي الشنطة كلها يومين مو سنة
لولو: وإذا يعني انا بغير في اليوم أكثر من مرررة لازم أودي ملابس كثير
ريم: الحمدلله والشكر على نعمة العقل بس ... بزر أنتي بزر تلبسين في اليوم أكثر من لبس
لولو: إيه عندك مانع
ريم: لا ماعندي أصلا انا مايهمني إلا نفسي وأنتي بالطقاق
حسام نزل ووقف عند الدرج: خييير وشفيكم تصارخون وش صاير
ريم: لا سلامتك
لولو: لا قولي له
حسام: إيش السالفة ألحين تستهبلون
لولو: حضرتها الست ريم مو عاجبها أني أودي معي شنطة كبيرة تقول كلها يومين وجلست تصارخ علي
حسام ناظر في شنطة لولو اللي ماسكتهاالخدامة وتمشي فيها علشان تطلعها برا عند السيارة
حسام: من جدك لولو وش ذا الشنطة
ريم ضحكت: مو أنا قلت لها
حسام: تراهم يومين بس
لولو: أووووووووف
وراحت صعدت فوق علشان تتجهز
حسام: أختك جايها شي على ذا الشنطة
ريم: أكيد ههههههه
حسام: بروح ألحين أنا ألبس ثوبي علشان نطلع الطيارة بعد ساعة
وصعد فوق
ريم: استغفر الله اثنين مهبل مدري وش فيهم الله يعيني من الثالث
دخل نواف وهو يغني: يالتاكسي خذني لها يالتاكسي وبسكتك خلنا نمر ناخذ عطر رومنسي
مشتاقة حبيبتي مشتاقة خذني لها بسرعة لا أسوي شي في نفسي
ووقف قدام ريم وهو يغني ويأشر لها ... يالتاكسي خذني لها يالتاكسي وبسكتك خلنا نمر ناخذ عطر رومنسي مشتاقة حبيبتي مشتاقة
خذني لها لاأسوي شي في نفسي روح سيدا سيدا واخذ يمين تالي يمين
قاطعته ريم وهي تطالعه باستخفاف: ياقدمك ياشيخ اسكت الله يعافيك اسكت
نواف: حرام عليك خليني أكملها على الأقل
ريم: أقول روح غير ملابسك الله يستر عليك
نواف: وش الله يستر علي شايفتني بنت مفصخة
ريم: نواف بلا استهبال روح عن وجهي
نواف: خلاص بروح بروح لاتحنين
وراح صعد فوق
.................................................. .في غرفة حسام
لبس ثوبه وقبل مايطلع رن جواله
حسام: غريبة داق ولا يمكن ماراح يجي يوصلني المطار
رفع الجوال لاذنه: هلا بثامر كف الحال
ثامر: تمام هاااا مو رايحين خلاص
حسام: إلا بنروح بعد شوي وينك أنت مب جااي
ثامر: إلا بجي أنا في الطريق
حسام: إلا وشرايك تروح معنا هناك
ثامر: لا الله يعافيك وش أسوي هناك
حسام: دايم يسألون عنك ويكلمونك لكن ماقد شافوك
ثامر: في الأيام القادمة
حسام ضحك: طيب يالأيام القادمة أخليك انا ألحين
ثامر: سلام
حسام: سلام
وسكر الجوال ونزل
وهو في نصف الدرج رن مرررة ثانية
حسام رد بدون مايناظرالشاشة: ألو
فراس: هلا ورى جوالك مشغول
حسام: لا بس كنت قاعد أكلم
فراس: المهم قول لثامر يجي معك
نزل الدرج ووقف جنب ريم اللي مندمجة تكلم في البي بي
حسام: توني مكلمه وقايله قال لا
فراس: قوله ترد فراس مايصلح
حسام: ثامر وأنت تعرفه
ريم رفعت راسها لما سمعت أسم ثامر
فراس: أقول أقنعه مو على كيفك لا أنت ولا هو
حسام: طيب بقوله وعاد كيفك إذا مارضى
فراس: لا بيرضى غصبن عنك
حسام: فراس أقول طس عني
فراس: مع السلامة
حسام: مع السلامة
وسكر الجوال والتفت على ريم اللي قاعدة تطالعه
حسام: معجبة الأخت
ريم عفست وجهها: وععع مالقيت إلا أنت ... المهم وش كان يبغى فراس
حسام: كان يبغاني أقول لثامر يروح معنا ... وإيه صح وش دخلك أنتي ألحين
ريم: كذا كيفي
نزلت لولو بعد مالبست عبايتها: متى بتروحون
__________________
iLove every one ... |