عيون العرب - ملتقى العالم العربي - عرض مشاركة واحدة

فتاة المشرق · #1 03-06-2011, 08:01 PM

يستيقظ الشب الكوووووول صباحا ( قبل الشحادة وبنتها ) وبيقلو ابوه لوين رايح يا بابا

بيقول الشب الكووووووول عالجامعة عندي محاضرة مهمة كتير الصبح

.. طبعا هون الاب بيطبطبلو

على كتفو لابنو الكووووووول وبيقلو الله يرضى عليك وبيعطيه الي فيه النصيب لأنو هادا ولد تعيب ولازمو مصاري

وعندو دوام من الصبح لاخر الليل .......

بينزل الشب الكووووووووول عالجامعة وبوشو عالمحاضرة ... عفوا عفوا

بوشو عالمقصف

.. لأنو مو معقول يحضر محاضرة وهو لسه ما أكل

..

وبيقعد الشب الكوووووووول ياكل

والمحاضرة الاولى شغالة ...
طبعا خلص الشب الكووووول أكل .. وهلأ صار دور انو يبل قلبو قبل ما يتشجع للمحاضرة التانية

بعد ما راحت عليه الاولى .. وبيستنى أول بنوتة تفوت عالمقصف وبيقلها ..

مين .؟؟؟ هبة ؟؟؟ مية اهلا وسهلا

زمان ما شفناكي .. تعي تعي عدي معي ..

طبعا هون هبة بيطير عقلها لأنو باينتو معجب !!!!!!

بهالاثناء بتبلش المحاضرة التانية بس مين أولى المحاضرة ولا هبة

.. أي لأ طبعا هبة

بعدين هادا شب كووووووووول وكفو ..

بيرجع بيفطر مرة تانية مع هبوشة ... وبيحكيلها عن مغامراتو لما نطت فيه السيارة واتشقلبت أربع

مرات وهو عم يرقص فيها وما خاف لانو هو وشوماخر خدمو عسكرية سوا

..

والمحاضرة التانية شغالة ...

بعدين بتحس هبوشة انها لازم تتقل حالها فبتعتذر وبتحمل حالها وبتروح عالبيت بعد ما دبحها هالشب

الكووووووووول بكلماتو

...

هون الشب الكوووووووول بيديق خلقو .. يااااحرام ... وبيقرر يطلع برات المقصف ..

وإذ بيلاقي بوشو رانيا ورزان وسوسن

..

وبيقول ...... الله أكبر وينكن انتو غاطين .. تعو تعو بلا المحاضرة ..

عازمكن ولا رح تعملولي فيها هلأ مجتهدين

... أي تعو ..

طبعا هون البنات بيلاقوها من حق الله لأنو هادا شب كووووووووول مو حيلا

بينزلو وبيعملو أعدة بالمقصف ولا أحلى

والمحاضرة التالتة شغالة ...

وفجأة بيدخلو رفقات الشب الكووووووول أكتر منو .. وبيطير عقلهن بالشلة الي قاعدة ..

وبيقررو انو القصة بدها طلعة برات الجامعة

.. وفجأة واحد فيهن بيتزكر انو في فيلم أخو أختو بالسينما

وبيقول شو شباب كفو ؟؟؟ هون البنات بيتلبكو ع أساس

.. وبعد ستين ألف كلمة بيقررو يروحو

والمحاضرة الرابعة شغالة ...

بعد الفيلم القصة بيصير بدها أركيلة معسل تفاحتين

يعبي طاسة الشباب الشبيحة يلي من الصبح هلكانين

بالجامعة .. فعلا بيحملو حالهن وبيروحو وأحلى نفس أركيلة يخدم شواربهن ..

وبالاخير بيرجع الشب الكووووووول باخر الليل .. بيقلو أبوه : وينك لهلأ يا بابا يا حبيبي

شو هالجامعة هي ؟؟ والله هلكوكن كل هاد دوام ؟؟

بيقلو الشب الكووووووووول شو بدنا نعمل يابابا حكم القوي عالضعيف

..

واذا ما حضرنا ما منترفع

..

هون الام بتطبخ لابنها أكلة ع كيف كيفو لأنو الولد جاية حضران وهلكان .. والدكاترة ما في بقلبهن رحمة

..

والبنات ... كل وحدة فيهن بترجع عالبيت وبراسها ستين مليون حلم وتخطيط لهالمشوار الي قضو

مع اربع خمس شباب كوووووووول

كل واحد فيهن فتح القلعة ....

وبتحتار عالبنت الي معها معها بتصير كوووووووول أي كووووووول منهن بدها تنقي

..

وبتنام شلة الكوووووووول هدول .. وعم يستنو نهار جديد ... كلو كوووووووووووول

بكووووووووووووووووول

وكل عام وانتو كووووووووووووووووول