الأم الهاي ولدها قبل الذهاب الى المدرسة وبالمقابل شوفوآ الأم الهظيك شو بتقول لإبنها
الأم الهاي: لا تنسى مامي تاكل الكورواسون في البريك
الأم الهظيك: يمّه... صندويشة الزعتر بالكيس اوعة يلطشوها منك
الأم الهاي: خليك عالرسيف لبين ما ييجي الباس واوعى من هدول اللي بيشحتوآ
الأم الهظيك: بتروح عالمدرسة دوز دوغري ويا ويلك اذا بعرف انك شلفت اليوم
الأم هاي: زي ما وسيتك ابعد عن الشلة النوتي اللي بتاكل السندويتش تبعك
الأم هظيك: أوعى الاقيك ظارب الولاد زي امبارح هي معك خمسو عشرين ليرة اشتري اللي بدك اياه وبلاش تاكل صندويشات صحابك غصبن عنهم
الأم هاي: مامي دونت فورجيت لما ترجع ما رآح تلاقيني في البيت عندي جيم متأخرة اليوم خلي الشغّالة تسخنلك البرغر
الأم هظيك: بترجع من المدرسة عالدار على طول وبلاش صرمحة بالشوارع تراني عاملتلك صحن مجدّرة من الآخر
الأم هاي: على فكرة المس كتير زعلانه منك وبعتتلي مسج انك صاير نوتي في الصف
الأم هظيك: ولا... ابوك بقول انه الاساتذة بشدوا شعرهم منك.. دير بالك وبلاش تزعلهم ما اسمهم الا بني آدمين زينا
الأم هاي: مامي لما تروح لا تئتع الشارع واستنى بابي لما يوصل
الأم هظيك: لما تقطع الشوارع لا تمشي زي الملطوش مش ناقصين مصايب بيكفي السنة الماظية اندعست عشر مرات
الأم هاي: على فكرة انا كتير كتير upset منك قالوالي شافوا بالهاند باغ تبعك سجاير
الأم هظيك: قال بتحمل موس بشنطتك يا واطي... ولك خليك عالشفرة وهيها مستورة
الأم هاي: قول لسحابك ميمي وتوتو ييجوا على عيد ميلاد اختك نانا
الأم هظيك: قول لصحابك عمر واسماعين ييجوا يتضلغصوا عنا بكرة حرام امهم ما بتعرف تعمل كرشات زينا
الأم هاي: مامي خليك كلاس مع المس تبعك ولو دليت هيك بجبلك موبايل جديد
الأم هظيك: اذا رجع هاظا الاستاذ وظربك بالعصاي لا تحكي معه واتركني اروح اتفاهم معه هو مفكرنا لاقينك بالشارع
الأم هاي: كتبت شيك لاستاز اللانجلش والعربي والريادة وخليته مع الشغالة لما ييجوا اعتيهم اياه... اففففف تاخرت عالجوكينغ عاجبك هيك هلأ سوسو بتدايأ
الأم هظيك: الاستاذ اللي قالكوآ انه ممكن يعطيكوا دروس خصوصي قوله روح لاقي امي بكرة بالوزارة يا 
شاطر منقوووووووووووول