| هذي بعض المواقف الي صارتلي ههههه .. ياطويلين العمر..~
السلام عليكم ورحمه الله وبركاته هذي بعض المواقف الي صارتلي بالاجاوه وايضا في ايام البرد انا كتبت الموضوع في منتدى قلوب ولكن حبيت انقله لكم هنا فشوفو مواقفي الثلاث الموقف الاول او الشي الاول..ّ
ايه اقولكم مره خليت بنت خالتي تزين شعري(( تسويله تمليس)) ابتكشخ فيه تدرون ليش..؟!
عشان لو جاء هواء يتحرك ويقولون الله شعرتس حلو..!
ايه اقولكم بعدين وهي قاعده تملسه راحت تبي تشرب لها مويه >> تقعد ساعه
وحط حق التمليس تحت فالارض ومن زود الفهاوه كنت مستانسه ع الشعر الي ملسته وخلصت وقاعده اقول الفرق بين الشوشه وبين الزين والا فجاءه..!
احط رجلي وسط التمليس ..!
قسم بالله حرق رجلي حرق والا انبطحت فالارض ومسكت رجلي وقاعده اتقلب ..!
تصدقون توي احس بمعناه الشعر اذا ملسووه  >>مسكين ينرحم
.................................................. .............................................
اما الموقف الثاني
كان تو الجو بدا يزين ويبرد وقلنا بنكشخ شوي بنروح للبر المهم وروح اقول لابوي نبي نروح وزي سذا الين وافق
ويوم رحنا طفشنا..!
وطلعت اوراق اللعب((الشده)) وقمنا نسوي فيها كشخه لعبنا كنكان ولا ياطويلين العمر كانت يدي تحكني كان فيه شئ يدغدغ وكنت في وسط تفكيري العميق ابي افوز ع اخوي في اللعبه
وكانت الدغدغه تزيد  >>اهم شئ الاسلوب
ومير يوم رفعت يدي عشان احكها الا الشئ الي يطير عند خدي وقسم بالله نقزت نقزه ماهيب صاحيه حتى ان قلبي طاح بسروالي من الخوف
وبعدها ركبنا انا واخوي ورا مره الشنطه حقت الجيب وقمنا نكمل اللعبه..!
.................................................. ................................................
اما الموقف اللثالث ((ولد خالي)) ايام البرد القارس
كنت مره من المرات اتابع mbc 4 ((ياقدمي ))المهم وكنت اتابع فلم خطييير ومن زود الحماس فاكه خشتي 10 سم ورحت اقول لولد خالي يجيب لي مويه وراح ورجعت افك خشتي مره ثانيه وياليت بس الخشه حتى عيوني مره مركزه ع التلفزيون..!
وجاء ولد خالي وجاب المويه ويناديني ومرديت >>ع كلامه<< والله ماحسيت فيه
المهم الحينوان>>سبه محترمه<<
جاب كاس لبن وكان بارد مرره ويكبه ع شعري ونقزت وراح يهج ولحقته وصفقته الييين قال امين
وبعدين تحسبوني رحت اتروووش
لا رحت اكمل الفلم ولا وتعالو شوفو اللبن ينقط ع الفرشه وانا اتابع
ويوم خلص الفلم بعد ساعه ونص رحت اتروش
وخلصت..!
.................................................. .........
اتمنى اني اكون ماطولت وان شاء الله ماكون سامجه
تحياتي..!
واعيد واقول ترا انا الي كاتبه الموضوع مو تحسبونه منقول
بس اللهم كتبته في منتدى قلوب وجيت وكتبته هنا
لاانهم ماشجعوني 
__________________
الـآ رغيييد لحَحٍد يزعلهَـآ :7b:
Who says this phrase Uzumaki Naruto |