| طلع حسام
ووقف فراس ينتظره
ودخل حسام مرررة ثانية
............................................
البنات كانوا جالسين كل ثنتين او ثلاث مع بعض
فجأة سجى وقفت عند النافذة الكبيرة القزاز وتطالع برى
سجى: ياناس مو طبيعي معقولة في جمال كذا
لما: إيش فيك
سجى: تعالوا بسرعة شوفوا
وكل البنات قاموا إلا ريم
سجى: شوفوا هذا الولد اللي واقف مع فراس وحسام
أسماء: يجنن مو إنسان هذا
لما: ياخذ العقل
أبرار: إلا يجنن
لولو بغرور: هذا ثامر أخو حسام
أبرار ببلاهة: أخوه كيف
سارة: تستهبلين حضرتك اخوه يعني صديقه
أبرار: إيش دراني قلت يمكن أبوك تزوج ثانية
لمار: من غبائك
أبرار: من جد اتكلم .. واستغربت أن حسام يحب أخوه من ابوه
أفنان: ههههههه من جد انك غبية يااختي
ندى: سويتيها قصة مو أخوه
رنيم: وليه اخوه من أبوه ومايحبه
لينا: أنا أعرف ناس معرفة شخصية وكثار بعد يحبون اخوانهم من أبوهم وكثير بعد
رزان: انا ماعجبتي وماركزت إلا على أنك تعرفينهم معرفة شخصية ههههههههههههههههه
أفنان: هههههههه إيه جد اللي يشوفهم يقول اهل زوجها على غفلة
سجى: أقول ماعلي منكم شوفوه يجنن شوفوا كيف يتكلم ويحرك إيده ولا عاد إبتسامته شي ثاني
أبرار: حجزته لي
لما: أقول روحي أنا حاجزته قبل
سارة: أقول لاانتي ولا أنتي أنا أقرب بنت خالة وعم صديقه
ريم هنا ثارت وقالت بعصبية: خيييير انتي معها مابقى شي ماقلتوه في الرجال ماعمركم شفتوا ولد يعني
أسماء: طيب وراك عصبتي
ريم: أنا أدري عنكم يعني اللي يشوفكم ماقد شفتوا أحد حلو وأصلا ً هو مو لهذي الدرجة يجنن
رنيم جلست جنبها وغمزت لها وقالت بهمس: ريم لايكون تحبينه
ريم فتحت عيونها وطالعته فترة بعدين فجأة فقعت ضحك: هههههههههههههههههههههههههههههههههه
كل البنات التفتنوا عليها
أفنان: وشفيها هذي بسم الله
ندى: استخفت يمكن
لينا: توها معصبة وألحين تضحك
ريم وهي مازالت تضحك: ههههههههههههههه تقول ههههه تقول
سجى: خلصينا وش تقول
ريم: هههههههههههههههه تقول أني أحبه
البنات كلهم فطسوا ضحك
لولو: أما ريم تحب هذي فضيعة
لما: من جد
أبرار: تخيلوا بس ريم دلوعة
أسماء: ولا عاد تصير رومنسية وغراميات
سجى: عاد من جد تصير مضخره
سارة: هههههههههههه قاعدة اتخيل كل اللي قلتوا مايركب
لمار: ولا في أبعد المستحيلات
سكتت ريم فجأة والباقي لسة يضحكون
ريم في نفسها: (( لهذي الدرجة أنا عندهم ماعندي قلب وماعندي أحاسيس ولا مشاعر يعني ماأقدر أحب ولا شي .. طيب انا كنت احب حمد لا يمكن بس إعجاب طيب وثامر ليش عصبت من شوي أصلا ً ماله داعي .. بس مدري ليه حسيت من ممتلكاتي الخاصة .. يوووه وشذا الأفكار .. طيب مو معقولة انا ماأحس وماعندي قلب ليش يقولون عني كذا ))
رنيم: لانها ريم فمن المستحيل أنها تحب
ريم بهمس ماأحد سمعه: صح كلامها
##################################################
كانوا يمشون ويدخلون محل ويطلعون من محل
شوق: خلاص ماطفشتوا
رتال: لا لسة ماشرينا شي
غادة: إيه تو الناس .. شوق وراك مستعجلة
شوق: بس كذا طفشت
أسامة: أجل أنا وش أقول .. وحضرتكم مخليني أشيل أغراضكم
شوق: أقول أنت أسكت وغصبن عنك بتشيلهم
أسامة: والله شين وقوي عين
شوق: إيه .. وخلاص ماعاد أبغى أروح
أسامة: المسألة صارت عناد يعني
شوق: إيه عندك مانع
غادة: خلاص اسكتوا ترا حنا مو بالبيت
رتال: تعالوا في محل هنا مرررررة حلو
ودخلوا كلهم
.................................................. ..........
في جهة ثانية بعيدة شوي
يمشون وبينهم مسافة مادخلوا إلا كم محل ومعهم كيس واحد بس
كانت تطالع قدام وما التفتت أبداً
أما هو كان يلتفت لها كل شوي يحسبها مو حاسة فيه
وهي كانت تحس بنظراته وخجلانة منه كثيـــــر
مروا جنبهم ناس زحمة وقرب منها ولامست إيده إيدها
ابتسم بدون شعور وبعفوية
أما هي ابتسمت من تحت الغطاء وقالت تصرف: محمد أبغى أدخل هذا المحل
محمد .. ياحلو أسمي على لسانها بس ..: براحتك .. على فكرة جوري
جوري التفتت عليه: هلا
محمد: إذا بغيتي تدخلين أي محل ماله داعي تقولين لي ادخلي وبس وانا وراك
جوري: بس
قاطعها محمد: لا بس ولا شي خذي راحتك
جوري ابتسمت: أوووك
دخلوا المحل وكان هذا المحل كان له بابين من جهتين مختلفتين وكان كبير مرة
دخلت جوري وشافت فستان مرة عجبها وكانت متعودة تاخذ راي البنات لكن ألحين مافي احد
جوري في نفسها: أووووف إيش أسوي ألحين الفستان عاجبني لكن محتارة آخذه ولا لا
ومسكته تشوفه زين
محمد ابتسم حس فيها: محتارة صح
جوري: الصراحة إيه
محمد: تبغين تاخذين رايي ولا لا
جوري سكتت شوي بعدين قالت: ماأعرف .. بكيفك
محمد: رايي أنه حلو لكن هذا احلى
وطلع لها فستان أحلى لكنه قصير شوي
جوري بحيا: إيه من جد هذا أحلى
: لا والله أحلفي أنتي معه
جوري ومحمد التفتوا وقالوا وهم مرتاعين: شوق
شوق: إيه شوق
رتال: لا ماهقيتها منكم
غادة: طحتوا من عيني
أسامة: لا لا هذي أختي وهذا ولد عمي ماأصدق
محمد: لا والله .. خير وراكم تتكلمون كذا
شوق: جالسين تتسوقون وتوريها وهي توريك وكانكم مدري إيش
غادة: إبه من جد وين حنا فيه ماتستحون
جوري: لا مانستحي وش تبغين
رتال: طيب أنا أوريكم
محمد: وش بتسوين
شوق: مو هي لحالها وحتى أنا معها
جوري: محمد تعال خلنا نحاسب على الفستان
محمد: يلا
غادة: ويسفهون بعد
أسامة: صدق قلة أدب
وطلعوا كلهم سوا من المحل
جوري: جوعانة
محمد: خلونا نروح المطاعم فوق
شوق: لا مالي خلق أروح فوق
غادة: وأنتي كل شي مالك خلقه
شوق: إيه
رتال: أقول ماعلينا منك كلنا بنروح
أسامة: امسكوا أغراضكم طيب
شوق: قلت لك ماأحد بيمسكهم غيرك
أسامة: أووووووووف
محمد: يلا خلونا نروح أكيد جوري جوعانة مرة
شوق: لا والله بس علشان جوري وحنا مالنا رب
محمد ارتبك: لا عادي .. بس هي قالت انها جوعانة
شوق: طيب صدقتك .. خلصونا خلونا نروح
وراحوا كلهم فوق
##############################################
كانوا البنات جالسين يرقصون في الجهة اللي فيها الحريم
ريم كانت جالسة وتصفق لهم
خلصت الأغنية وجلسوا كل البنات
رزان: تعبت
لينا: وأنا اكثر منك
رنيم وقفت: بروح آكل من الكوب كيك
أبرار: جيبي لي معك
ندى: وأنا بعد
لولو: وأنا بعد بليييييز رنومة
رنيم: احلفوا كم إيد لي أنا
ريم: بلا غباء جيبي الصحن كله
رنيم: الصحن مرة كبير ماأقدر أشيله ثقيل
ندى: ياشين الدلع بس
رنيم مشت وخلتهم وراحت للبوفيه الكبير وأخذت لها كوب كيك
وبعد كذا قاموا كل البنات وقاموا ياكلون
ندى: بنات وشرايكم نستهبل على العيال
سجى بقرف: وعععععع سكري فمك وأنتي تاكلين
سارة: والله من جد وناسة
أفنان: طيب وشو نسوي
لما: أممممممم فكروا شوي
لمار: نخوفهم
ريم: لاسويناها من قبل ..أنا بروح أغسل وأجي أقولكم خطة
أسماء: يلا بسرعة لا تتأخرين
ومشت ريم متوجهة للباب الرئيسي
رزان: ريم وين رايحة
ريم: بروح أغسل في المغاسل اللي برا
لينا: تعالي هنا اللي داخل أقرب
ريم: لااا أنا أبغى الأبعد علشان افكر في خطة
رنيم: أووووك لا تطولين
طلعت ريم
ومشت على الزرع ووصلت للمغاسل وكانت كلها منورة وومزينة بالورد المجفف
وقفت قدام أحد المغاسل وحطت إيدها تحت الموية ونزلت على إيدها أتوماتيكي
غسلت وهي منزلة راسها
خلصت وشالت إيدها
ورفعت راسها للمراية وفتحت عيونها وهي تشوفه
.................................................. ........
كانوا جالسين ومندمجين في السوالف ومتحمسين
الرجال طلعوا لقهوة شعبية علشان ياخذون راحتهم
والعيال جالسين داخل الخيمة ضحك ووناسة
فراس: حيا الله ثامر
ثامر: الله يحييك
حسام: كم مرة قلت له من دخلنا وأنا ماقلت لي ولا وحدة
حمد: فراس الأخ بدأ يغار
فراس: هههههههههههه ملاحظ
خالد: زوجته وأنا مدري
فراس: وثامر ضرته يعني ههههههههههههه
حسام: اضحكوا اضحكوا معليش .. لولا الله ثم أنا ماشفتوا خشة ثامر
ثامر: ههههههه كسرت خاطري والله
حمد: ماعلينا .. ثامر إذا تخرجت وش ودك تدخل
أنس: ودك بشي معين
ثامر: والله في راسي شي .. إذا صار قررت شي أكيد
فراس: أهااا
ثامر: عن اذنكم بس أبغى أروح دورة المياه وين هي فيه
فراس: هناك قريبة شوي عند آخرالزرع أجي معك
ثامر: لا بروح وبرجع أستريح
وطلع
ومشى على الطريق اللي بين الزرع
ووصل للمغاسل وشاف بنت جالسة تغسل مو منتبهة للي حولها
وقف وراها وعرف أنها ريم
رفعت راسها وشافت صورته على المراية
ريم: ياربي وأنا كل ماأروح مكان أشوفك فيه
ثامر بإبتسامة تذوب: والله عاد هذا حظك وش أسوي
ريم: مالت على ذا الحظ اللي يجمعني فيك
ومشت وهي معصبة
ثامر ضحك عليه كل ماعصبت زاد جمالها أكثر
دخل دورة المياه وشوي وطلع
وغسل إيده ومشى خطوتين ووقف
حس أنه داس على شي
رجع لورى شوي
ثامر: من ذا الشال حقه .. كأني شفته على ريم من شوي
وابتسم ونزل أخذه ولأنه كان ضعيف وخفيف دخله في جيب الثوب
###########################################
بعد ماتعشوا وخلصوا دقوا على السايق يجي ياخذهم
شوق: اخيرا ً بنرجع البيت طفشت
رتال: وأنا بعد طفشانة لأبعد حد
جوري: أما أنا بالنسبة لي مرة مبسوطة
شوق طالعتها ورفعت حواجبها: والسبب
جوري: إني ماتمشيت معكم
غادة: لك الشرف إذا تمشيتي معنا ياحلوة
أسامة: خلاص أسكتوا جاء السايق
محمد: يلا اركبوا
وركبوا كلهم رايحين للبيت
بعد ربع ساعة وصلوا البيت
شوق: جوجو رتال تعالوا عندنا نكمل السهرة
جوري: لا مالي خلقكم وبالأخص أنتي يالشينة
غادة: عاد بلا سخافة
رتال: إيه خلاص بنجي
جوري: أنا بروح أغير ملابسي وبجي أووووك
شوق: أوووك مو تتاخرين
جوري: لاتخافين .. أوووف حنانة
ونزلوا وتوجهوا شوق وغادة لبيتهم ومعهم رتال
وأسامة وجوري لبيتهم ومعهم محمد
.................................................. ..................
دخلت جوري أول وحدة وراحت على طول فوق على غرفتها
وفتحت الباب ودخلت ورمت الأكياس على الأرض وفصخت العباية ورمتها على الأرض بعد
ورمت الشنطة فوقهم
وأنسدحت في السريرعلى بطنها واخذت جوالها وأتصلت على رنيم
جوري: يوووه وراها ماترد
وبعد كم دقيقة
جوري: إيه صح اليوم عندهم عزيمة وشفيني نسيت
وقامت من السرير ورمت جوالها عليه
وفتحت دولابها الكبير مرة
وطلعت لها ملابس عادية لكن مرة حلوة
عبارة عن تنورة بيضاء فوق الركبة تحت نصف الفخذ بشوي
وبلوزة بطيخية لونها رايق وهي كات ومن ورى الكات ضعيف شوي
وفتحت شعرها الطويل وكان مموج طبيعي ولبست طوق أبيض ناعم
ولبست فلات أبيض
وكان شكلها اروع من الروعة نفسها
وأخذت عبايتها وطلعت من الغرفة
ونزلت ...
.................................................. ...............................
محمد وأسامة دخلوا بعد جوري وراحوا للصالة بما أن البيت مافيه أحد لأن الرجال
وفهد وماجد طالعين
وأم فهد وأم ماجد رايحين عند وحدة من صديقاتهم
محمد جلس على الكنبة براحة
أسامة: بروح أقول للخدامة تسوي لنا عصير أشتهيت مدري ليه
محمد: إيه وحتى أنا .. وعلى طريقك جيب لنا البلاي ستيشن نلعب من زمان عنه
أسامة: طيب
وراح للمطبخ الخارجي اللي كانت جالسة فيه الخدامة
ومحمد جلس طفشان يطالع يمين ويسار
وهو يلتفت وقف فجأة وهو يشوف الدرج
كانت تمشي ومو منتبهة وماسكة عبايتها في إيدها
ابتسم بدون شعور كان شكلها حلو متغير
جوري كانت تمشي ولا التفتت ولما وصلت لآخر الدرج انتبهت للنظرات اللي تراقبها
التفتت بسرعة وشافته محمد وقالت بحيا: أوووه سوري ماكنت أعرف أنك هنا
محمد وقف والتفت عنها: أنا اللي سوري نسيت انك مارحتي لبيتنا
جوري بسرعة لبست عبايتها وكانت مستحية لأن لبسها كان شوي عاري
طلعت بسرعة بدون ولا كلمة وراحت لبيت عمها
محمد جلس براحة من جديد على الكنبة وهو مبتسم حس أن اليوم أحلى يوم في حياته
جاء أسامة وشاف محمد مبتسم وغارق في أفكاره
أسامة وهو يلوح بيده على وجه محمد: محمد محمد وين وصلت
محمد انتبه فيه: هااا .. هلا
أسامة: ههههههههههه وراك ارتعت شايف جني
محمد: وانت اللي يشوف وجهك يشوف جني إلا يشوف حفار قبور أعوذ بالله صحيتني من خيالي الجميل
أسامة: امحق خيال .. أمش بس خلنا نلعب جبت البلاي ستيشن
محمد: طيب
وقاموا مع بعض وبدؤوا يلعبون
##############################################
بعد مارجعت من المغاسل دخلت عليهم وهي معصبة ومعقدة حواجبها
رنيم فطست ضحك: هههههههههههههههههههههه
ريم طالعتها بغباوة :وراك تضحكين الحمدلله والشكر بس
رنيم وهي مازالت تضحك: ههههه شكلك هههه شكلك يموت من الضحك
ريم حطت إيدها على رقبتها وقامت تحكها وحست انها تفشلت لأنها مفروض ترجع مبتسمة انها لقت خطة للعيال
وفجأة قالت ريم: السكارف حقي وينه
لولو: إيش ..؟؟!! ماسمعت لا يكون ضيعتيه
ريم: مدري وين راح توه كان علي
لولو: حرام عليك لسة شاريته جديد حتى مالبسته أنا الغلطانة اللي معطتك إياه
ريم: أحسن أقولك ماأبغى ألبس تقولين لا علشان تصيرين كشخة .. تستاهلين ضاع
رزان: وين اختفى اكيد موجود في البيت بعدين أقول للخدامة تدوره
ندى: أقول المهم لقيتي خطة ولا لا
__________________
iLove every one ... |