ريم: إلا لقيت
وقالت لهم وكل واحد عارفة إيش راح يسوي
أبرار: أنتي متأكدة أن مافي أحد غير العيال لأن إذا كانوا موجودين الرجال بيذبحونا
ريم: لاتخافين متأكدة
ندى: ألحين مين بيسوي معنا
ريم: أنا وأنتي ولما ورنيم وأبرار
لينا: وأنا صادقة طول عمري وأنا أقول عنكم وحوش بشرية
ريم: أقول البخي أحسن لك
ندى: يلا رنيم روحي جيبي الأسلحة
أفنان: صارت أسلحة مرة وحدة هههههههه
لولو: عاشوا الجو شكلهم
سجى: ودي أجي معكم بس حرام أخاف يخترب لبسي وشعري
لما: أحسن أصلا ً حنا مانبغاك
سارة: سجو نصيحة مني لا تروحين
أسماء: من جد سجى ترا بتندمين
لمار: بعد شوي بتشوفينهم معلقين في الثريا اللي فوق
رزان: ههههههههههه إيه والله
لينا: ياويلكم إذا عصبوا العيال
أبرار: عني أنا بتخبا ورى الولد المزيون وش اسمه قلتوا
لولو: ثامر
أبرار: إيوه ثامر
لما: أجل ماأتوقع يهون قلبك تسوين فيه شي
أبرار: إيه والله ماأقدر
رنيم جات وجابت الأسلحة على قولة ندى
رنيم: ريم هي اللي بتسوي فيه مو انتوا
ريم طالعت رنيم كأنها حاسة فيها أنها تبغى تطلع حرتها في ثامر: إيه بوريه شغله
أبرار: حرام عليك عاد بشويش عليه
ندى: بلا مصاخة أبرار ويلا خلونا .. نعبي الأسلحة
رنيم: خلينا نروح نطلع من باب المطبخ علشان ماأحد يشوفنا
ريم: يلا .. ومنها نعبيهم من مغاسل المطبخ
وكلهم راحوا للمطبخ وطلعوا من هناك
.................................................. .................
كانوا جالسين على حالهم يضحكون ويسولفون وأصواتهم عالية
فيصل جالس مع نواف ووليد ويلعبون كيرم
فيصل: شباب بروح السوبر ماركت القريب من هنا بشتري لي شي تجون معي
وليد: لا بس لاتتأخر
فيصل: وأنت نواف
نواف: لا ماودي أروح بس أشتري شي معك
فيصل: إن شاء الله
ووقف بيطلع
فراس: وين رايح فيصل ..؟؟!!
فيصل: بروح السوبر ماركت
حسام: موجود هنا كل شي وشوله تروح
فيصل: بس أغير جو
فراس: يلا أجل سلام
فيصل: مع السلامة
وطلع ..
بعد خمس دقايق بالضبط من طلع فيصل
كانوا العيال يسولفون بصوت أعلى من قبل
فجأة وقفوا البنات كلهم عند باب الخيمة الكبير اللي كان مفتوح كله
واقفين كأنهم يستعدون لسباق رجل قدام ورجل ورى وماسكين في إيدهم
رشاش موية كبير وموجهينهم للعيال
ندى: لاأحد يفكر يتحرك
رنيم اللي كانت تدور فيصل بعيونها وراح حماسها لأنها مالقته
لكن تحمست مرة ثانية لما سمعت ضحكة البنات الشيطانية وضحكت معهم
ريم كانت موجهة الرشاش لثامر وتطالعه بحقد وهي فيها الضحكة
العيال كلهم وقفوا
ثامر وقف معهم وقام يطالع ريم وهو مبتسم
ريم طالعته وغمضت عيونها وبدأت ترش عليه
والبنات كلهم معها
العيال كانوا يحاولون يهربون برا ويركضون داخل الخيمة لأن البنات محاصرينهم عند الباب
ودخلوا البنات لهم داخل
حمد: ندى اعقلي تراني أخوك الكبير
ندى: وإذا يعني كبير
حسام: رنيم روحي ابعدي عني
طلع فراس من الخيمة ووراه لما
فراس: لما نزليه أحسن لك ترى بتندمين
لما: بعد تهدد
وقامت ترشه أكثر
أبرار وقفت قبال وليد ونواف اللي طلعوا من الخيمة وحاصرتهم عند زاويه في الحديقة
ريم وهي ترش بقوة على ثامر
ثامر: ريم خلاص سبحتيني
ريم ولا كأنها تسمع
رنيم: خالد وقف مكانك
خالد: احلمي
رنيم: بالطيب أحسن لك
خالد: لااااا تصدقين عاد خوفتيني مرة
ندى وهي ترش على حمد وأنس
ندى: أنس لا تتحرك كثير أثبت
أنس: إن شاء الله عمتي .. أقول اذلفي عن وجهي
حمد: خلاص ندى عاد بلا سخافة
طلع الكل من الخيمة إلا ثامر وريم
ريم بدأت تتعب لأنها كانت تبي تبرد حرتها وحطت كل طاقتها في صبعها وهي تضغط على الرشاش
وبدأت تخف سرعتها
وثامر استغل الفرصة وحاوطها بإيده ولصق ظهرها بصدره
ريم كانت إيدها تحت لأنه محاوطها وكأنها مربوطة والرشاش تحت ماتقدر ترش
ريم وهي تتنفس بصعوبة لأنها تعبت: اتركني
ثامر: لا خلاص تعبتي ارتاحي شوي واتركك
مرت رنيم وهي تلحق خالد وشافت ريم وغمزت لها
ريم انقهرت وقدرت تفك نفسها منه والتفتت عليه وقامت ترش عليه وهو ماتحرك من مكانه مسلم نفسه لها
ماخلصت إلا نصفه ورمت المسدس الرشاش في الأرض وطلعت من الخيمة
ورجعت داخل عند البنات
وشافتهم كلهم واقفين عند القزاز ويطلون
رمت جسمها على الكنب بتعب وهي تتنفس بقوة
لولو: تعبتي ؟؟
ريم: لا بس خلاص طفشت
لينا: إيه واضح
دخلوا باقي البنات برشاشاتهم
ندى: ريم وراك دخلتي
رنيم: خلص رشاشك
ريم وهي عارفة أن رنيم تستفزها وتبي تقهرها: لا بس طفشت
أبرار: كثري منها إلا قولي ثامر الجميل ماقدرتي عليه
رنيم: وين إلا قدرت عليه ونص
ريم: رنيم خلاص ترا زودتيها
رنيم جلست جنبها: لا خلاص خلاص توبة ماراح أتكلم
ريم: بعد حسبت
ندى غمزت لهم: بنات عليها
أبرار: يلا
لما بغباء: مين ..؟؟!!
رنيم: بلا غباء وحدة متحمسة تناظر أظافرها الجميلة
ووقفوا الأربعة قدامها
سجى رفعت راسها وابتسمت خايفة منهم: أهلين
ندى: أهلا ً بأختي العزيزة
لما: هجوووووووووووم
وكلهم قاموا يرشون عليها
سجى: لا حرام عليكم شعري بالموت سويته كيرلي
رنيم: أسوي لك إياه مرة ثانية ولا تزعلين .. بس تدرين متى
سجى: متى ..؟؟!!
رنيم: في أحلامك
أبرار: هههههههههههههههههه خطيرة والله رنيم
خلصوا الرشاشات وفضوا من الموية ورموهم في الأرض وكلهم رموا جسمهم على الكنب
سجى: اااااااااه .. ياحمير خربتوا فستاني
ندى: الفستان بداله فستان
أبرار: بس الفرص الثمينة لا تتعوض
رنيم: ياحياتي رحمتك
سجى: انطموا
لما: ههههههههههههه عصبت
رن الجرس وكلهم الخمسة راحوا عنده
رنيم فتحت الباب: مريم أهلين
مريم: أهلين كيف الحال
ريم: لين كيفك ياحلوة
لين: واوا
ريم: مريم أنا شاكة أن بنتك تحسبني مصنع حلويات
مريم: ههههههههه يمكن
أبرار: أخبارك مريم
مريم: تمام .. وأنتوا بنات
ندى: ليش جيتوا متأخر
لما: إيه من جد مرة متأخر
مريم: أختي بتسافر بكرة ورحت سلمت عليها وجلست معها شوي
دخل أحمد: هلا بنات .. وراكم متسبحين وشعوركم معفوسة ومبلولة
البنات: هههههههههههههههههههههههههههههه
مريم: إيه من جد ورى ملابسكم فيها موية
ريم: خليها مستورة الله يخليك
مريم: ههههههه إن شاء الله
رنيم: أحمد تبغى تجلس مع العيال ولا مع الرجال
أبرار: أنصحك بالرجال لأن العيال متبسحين مثلنا ههه
أحمد: لا والله ودي أشوف الرجال من زمان ماسلمت عليهم
ندى: هم في القهوة القريبة من هنا
أحمد: اجل يلا مع السلامة سلموا على خالاتي
وطلع
لما: يلا خلونا ندخل
ودخلوا وسلمت مريم على الكل وجلست مع الحريم
#############################################
بعد ماطلعت من بيتهم
رنت الجرس حق بيت عمها وفتحت لها الخدامة
دخلت بسرعة وشافتهم جالسين في الصالة
شوق: هلا جوري وراك تأخرتي
جوري فصخت عبايتها وحطتها على الكنب: كنت ألبس
غادة: ليش متزينة حضرتك وكاشخة انخطبتي وأنا مدري
شوق: ترا مافي أحد في البيت فهد طالع ومحمد في بيتكم مافي أحد بيطلع وبيشوفك متكشخة
جوري بعصبية: انطمي
رتال: هههه وراك معصبة
جوري: بس كذا
شوق: لاااا علينا قولي الصدق
جوري: يوووه قلت مافيني شي
غادة: مافيها شي يعني مافيها شي خلاص اسكتوا
شوق: خلونا نسوي شي طفش
رتال: إيش نسوي
جوري: أول شي وروني إيش اشتريتوا
غادة: انتي اللي ورينا اول
جوري: وديت الأغراض لبيتنا
شوق: من غبائك
رتال: أقول ألحين بيجي المسلسل حطوا عليه
غادة: إيه صح
ومسكت الريموت وقامت تغير القنوات
جوري: هذا هو بدأ
شوق: وعععععع ياشينكم مع الأشياء السخيفة اللي تطالعونها .. بروح آخذ شاور وأرجع
رتال: وطولي قد ماتقدرين
جوري: علشان ماتجين تنكدين علينا
غادة: هههههههههههه إيه من جد
شوق: اسكتوا لا تخلوني أجي أسكتكم
رتال: روحي الله يستر عليك بس
وصعدت فوق
###########################################
الساعة 11 ونصف الكل قاعد يتعشى
كان فيه بوفيه في الحديقة حول المسبح مع إضائة مرة حلوة
كانوا البنات قاعدين مع بعض في طاولة كبيرة
والعيال كانوا يتعشون معهم في طاولة لحالهم مع بعض
والحريم أخذوا من البوفيه ودخلوا ياكلون داخل
والرجال في غرفة الطعام الكبيرة للضيوف
ريم: بنات وراكم ساكتين ولا يعنني مطبقين آداب الطعام
رزان: إيه وعندك مانع
ريم: لا سلامتك .. بس غريبة عليكم
رنيم: من جد اتكلموا جبتوا لي الكآبة
لينا: تكلموا أنتوا طيب
أبرار غمزت لريم: ريم قولي لنا مافي ولد عجبك في المدرسة يمين يسار
ريم: أكيد لازم أحد يعجبني وصارت بيني وبينه قصة حب وانشروها في الجرايد ومابقى شي ماصار
لما: ههههههههههههههههههه .. عاد بلا استهبال من جد قولي ماأحد بيعلم
ريم: من جدكم انتوا .. تستهبلون يعني
نطوا عندهم حسام وفراس
فراس وقف بين كرسي رنيم وريم: هاااي صبايا
ندى: لا هلا ولا مسهلا وش تبغون
حسام كان واقف قبال فراس بين كرسي رزان ولينا: أفاااا ماهقيتها منك ياندى .. مااشتقتي لنا يعني
ندى: وععععع مالقيت أشتاق إلا لك .. لا تلوع كبدي بس
فراس التفت للعيال وصرخ: ثامر ثامر
ريم دق قلبها لكن طالعت في صحنها وهي تكمل أكل
ثامر جاء ووقف جنب فراس عند جهة ريم
فراس: أعرفكم على صديقنا الجديد ثامر
أسماء: فراس صدق انك ماتستحي
فراس: لييييييه .. ؟؟!!
أسماء: تعرفنا على عيال
فراس: ههههههههههه حسبت شي خطير ألحين .. لاعادي أعتبريه واحد من العايلة
أبرار: نعتبره وليش لا
سجى من جنبها نغزته وقالت بهمس: أبرار ووجع أستحي
أبرار بنفس الهمس: ياناس ياخذ العقل وربي
فراس: أعرفك ياثامر على بنات عايلتنا الحلوين
رنيم: شي طبيعي حلوين شاك في هذا الشي
فراس: خليني أكمل طيب .. والله طبعا ً مااخذوا الجمال إلا مني
لولو: نعم ماسمعت عذرا ً
أفنان: هذا اللي ناقص بعد
فراس: ياربي خلوني أكمل طيب
وبدأ يأشر عليهم وحدة وحدة
فراس: هذي أختي رنيم وهذي ندى وهذي الحلوة لما
لما بدلع مصطنع: شي أكيد حلوة
فراس: وبعدين معكم لاتقاطعوني .. وهذي لمار وهذي أختي رزان
حسام: أنا بكمل
فراس: طيب .. وفي نفسه .. ماخلاني مع وجهه أكمل وأقول لينا على الأقل
حسام: هذي لينا وأبرار وأفنان وأختي لولو تعرفها وسارة بعد .. وهذي أسماء
فراس: وهذي أوووف وأخيرا ً ريم
ريم: لا والله أحلف
فراس: خير وش تبغين
ريم: يوم جاء دور أسمي قلت أوووف
فراس: ههههههههههه لا يعني خلاص أخيرا ً وصلت آخر وحدة
ريم: بعد أحسب
لينا: هههههههههههههههه ألحين أبسأل سؤال
فراس .. وأخيرا ً سمعت صوتها: تفضلي اسألي
لينا: ليش لابسين بيجامات .. وحتى الصديق الجديد على قولتك
حسام: الله يسلمك يعني ماتعرفين أن بعض الناس سبحوناا
فراس ناظر في سجى اللي كانت الوحيدة فيهم لابسة بجامة ورافعة شعرها وطالع شكلها مرة عادي
فراس: ههههه وشكل في أحد هنا سبحوه بعد
سجى مدت بوزها: إيه سبحوني وخربوا شكلي .. وكل هذا من ريم
ريم: نعم نعم أصلا ً أنا ماسويت لك شي
سجى: لا حبيبتي أنتي رجعتي قبلهم وشكلك كنتي زعلانة وسبحوني علشان تنبسطين
ريم: أصلا ً السالفة مو كذا .. بس أحسن تستاهلين
فراس: ليه بعد زعلانة مايكفي أنها سبحت ثامر
ريم: أحسن يستاهل
ثامر: وش سويت لك علشان أستاهل
ريم: كذا قاهرني
أبرار بلقافة: حرام عليك
كل البنات التفتوا عليها بعدين سكتت متفشلة
حسام: هههههههههه طيب وش سوا لك
ريم: خلاص روحوا طفشتونا
فراس: تطردينا يعني
ريم: إيه عندك مانع .. بسرعة روحوا لا تخلوني أسبحكم مرة ثانية
ثامر: أمشوا شباب لا تسبحنا وغمز لريم
ريم لفت عنه وطالعت البنات
والعيال راحوا
أبرار: ريم حرام عليك مدري ليه أحسك حاقده عليه
ريم: تبغينه وكاسر خاطرك روحي راضيه وحبي راسه بعد
سجى حكت راسها خايفة من ريم تقوم عليها: صراحة من جد أحس أنك مزودتها عليه شوي
سارة: إيه صح حتى بجدة دايم ماتحبين تسمعين سيرته
ريم بعصبية: طيب وش تبغون أسوي له أنا ماأحبه ماأبلعه غصب يعني .. وقفت .. أووووووف
وراحت دخلت داخل
رنيم: وراها صايرة عصبية هذي المرة
رزان: من جد كل مرة نجتمع هي الوحيدة اللي تضحكنا وماتخلينا نعصب وألحين هي المعصبة
لولو: ماعليكم منها هي دايم كذا
أفنان: صح دايم تعصب بس على خفيف وبعدين دقيقتين وتضحك
لمار: اسكتوا جات
لينا: خلاص مافيها شي أكيد ألحين بتجي تضحك ولايمكن تقول صادووه
وصلت ريم للطاولة وهي بنفس العصبية ومعقدة حواجبها: نسيت جوالي
وأخذته وراحت بعيد عنهم شوي وجلست جنب المسبح وحطت رجولها فيه
أسماء: لا مش طبيعية
لما: أبدا ً إيش فيها متغيرة
ندى: يمكن تحب
البنات ماتوا ضحك
رنيم ماضحكت ضايق صدرها على ريم ووقفت: أنا بروح لها
ومشت للمغاسل أول بعدين رجعت وجلست جنب ريم وحطت رجولها في الموية معها
ريم كانت جالسة وماسكة البي بي حقها وتكلم
رنيم: ريم
ريم: اممممممممم
رنيم: ردي علي
ريم: نعم
رنيم: اتركي اللي بيدك وطالعيني
ريم رفعت راسها والتفتت على رنيم وكانت عيونها مغرقة بالدموع
رنيم فتحت عيونها وقالت بإنفعال: ريم بتبكين
ريم: خير وش فيك
رنيم: لاتقولين بتبكين على شي سخيف .. أنتي مابكيتي على المهم بتبكين على شي سخيف مثل هذا
ريم: ألحين أنا بكيت
رنيم: عيونك مليانة دموع
ريم اغتصبت الضحكة: ههههه لا يالغبية هذي الدموع لأني قاعدة أطالع البي بي مدة طويلة
رنيم صدقتها: ههههههههههههه صدق أني غبية وأنا حسبتك بتبكين
ريم: أقول قومي عني لا تعاديني بغبائك
رنيم: هههههههههههههههههههههه
وهم جالسين كانت في عيون تراقبهم
الأولى مشتاقة
والثانية تتطمن
الأولى عيون فيصل مشتاق لرنيم مشتاق لصوتها لضحكتها لشوفتها لكل شي فيها
أما العيون الثانية كانت عيون ثامر كان يطمن على ريم لأنها شكلها زعلانة وتوقع أنها من حركته في الخيمة
##############################################
أول ماتركتهم وصعدت فوق دخلت غرفتها وأخذت لها روب وفوطة ودخلت دورت المياه
تروشت بسرعة وطلعت ونزلت
شافتهم متحمسين وهم يطالعون التلفزيون
اللي فاتحة فمها
واللي منسدحة على بطنها
واللي تاكل وماتدري وين الله قاطها
صورت كل وحدة لحالها وارسلت لها في البي بي صورتها
وجلست على الكنب وهم كانوا جالسين على الأرض
خمس دقايق وخلص المسلسل
غادة: أووووف وأخيرا ً خلص
رتال: كانت الحلقة سخيفة
جوري: من جد وبسرعة خلصت بعد
شوق جالسة على الكنب مؤدبة وساكتة ماعلقت وماسكة ضحكتها
جوري مسكت جوالها ودخلت على chats ))الدردشات ))
ودخلت حق شوق وفتحت عيونها والتفتت عليها: شوق ياحمارة ماكان شكلي كذا
رتال فتحت حقها بعد وقالت بصراخ: ياحمارة من بإذنه تصوريني
وغادة فتحته بعدهم وقالت بإستغراب: هذي مو أنا أكيد وحدة ثانية من متى وانا آكل كذا
شوق انفجرت ضحك عليهم: ههههههههههههههههههههههه .. اولا ً ههههه ياجوري مين اجل اللي بالصورة جدتي
جوري: من جد أنا كنت فاتحة فمي كذا
شوق: وثانيا ً رتال أنا ماأحتاج اذن من احد بس من جد شكلك خطير وانتي منسدحة هههههههههههههه
رتال: انقلعي
شوق: وثالثا ً واأخيرا ً ياغادة ياحلوة يامقرفة يامدري وش اقول .. لا هذي مو وحدة ثانية هذي أنتي
جوري: لا يكون ارسلتي صورتي لاحد ثاني
شوق غمزت لها: ارسلتها لمحمد
جوري بعصبية: إيش..؟؟!! تستهبلين
شوق: لا ليش أستهبل
جوري في نفسها: توه شايفني بكشختي وألحين لو من جد شاف الصورة بيشوف الحقيقة
شوق: هههههههههههههه لا تصدقين عاد .. مهبولة أنا أخلي اخوي يرتاع
جوري: مالت عليك وعليه.. وله الشرف بس لو يشوف صورتي
شوق: إيه مرة
رتال: خلاص اسمعوا
غادة: وش نسمع
رتال: اسمعوني أنا .. خلونا نسوي مقالب حق اللي في البيت
شوق: ومين اللي في البيت
رتال: ومين يعني تستهبلون
جوري: لا من جد رتال مافي أحد في البيت غيرنا .. إلا إذا قصدك الخدم هذا شي ثاني
غادة: ههههههههه رتال بدت تخرف وتشوف جن

__________________
iLove every one ...