03-26-2011, 10:42 AM
|
| |
" وإذآ يعنى تضايقنا ؟ بنغيّر شيّ ؟ وإذا مات الزهر فـ أجمل حدآيقنآ بنغيّر شيّ ؟ وإذآ بـ هدومنآ ضقنـآ بنغيّر شيّ ؟ كثير نمر بعض أحيان بـ ضيقة بال زعل صاحب وحاجة مال شتيمة شخص مايعرفك عتب قارئ ونزعل حيل نتضايق وإذا يعني تضايقنا ,,! * وإذا يعنى تضايقنا هى الضيقه بتكون الحل ! اذا كانت شموس الوقت تحرقنا هى الضيقه بتكون الظل ! إذا غابوا جميع الناس وتفارقنا هى الضيقه بتكون الخِل ؟ * وإذا يعنى تضايقنا ! وكثير من التعب ذقنا وسهرنا الليل بيجى صبح ويفرقنا ونبكى سيل لين الدمع يغرقنا ولا به شخص فـ آلدنيا بليّـا هَمّ أحد ضايق سبب فاتورة الجوال أحد ضايق عشر سنين متزوج وربك مارزقه عيال أحد ضايق لأن البيت به صجه وزحام أطفال أحد ضايق من السكّر أحد ضايق لأنه نايم مبكّر أحد ضايق لأنه حبها بـ خبال أحد ضايق لأنه مامعاه ريال هموم أكثر من اللازم وتخنقنا سؤال الحال ! وإذا يعنى تضايقنا ؟ * وإذا يعنى تضآيقنآ ! من اللآ ششيّ إلى اللآ شيّ على اللآ شيّ تخآنقنـآ وندخل فى نوايا الناس أظن فلان يقصدني أظن السيده فلانه تسب الانسه فلانه عشان العانسه فلانه ! أظن الناس هنا بالحيل تكرهني أظن السيده فلانه تعالج من مرض نفسي ! أظن فلان غبى ويشابه الكرسي أظن فلان لها يكتب شعر حتى تغنى به أظن البنت بنت شيوخ أظن البنت لعّابه أظن البنت كذابه أظن البنت حطت (ورد) وسط (الرد) سبب من شان نتعرّف ! وأتقرف ترانا ناس فينا كذب وغبي منهو يصدقنا وإذا يعني تضايقنآ ! * وإذا يعنى تضايقنآ ! إذا راحوا وخلّونا نسوا كل الكلام العذب بكّونا وعرفنا بـ يوم بأن كل الحكايه كذب ملّونا وإذا خيّم علينا الليل ماأشرقنا وإذا ضقنا وصار الحرف حبال فى مشانقنا بعد هذا وإذا يعنى تضايقنا ! * وإذا يعنى تضايقنا ! إذا هذا الزمن لبّسك ثياب فـ يوم مو قدّك بتحط ايدك على خدّك وتبكي حيل إذا هذا البحر ضيّق ولآ يقدر على مدّك بتحط إيدك على خدّك وتبكي حيل إذا كل الجمر هذا عجز يصنع عطر ندّك بتحط إيدك على خدك وتبكي حيل إذا خدك طبع حزنه على يدك وعرّقنا أقول لك شي ؟ وإذا يعنى تضآيقنآ ! * وإذا يعنى تضايقنا ! وطفينا دروب النور وعتّمنا المدن والدور ويتّمنا شجر وزهور وكتّمنا رقيق شعور وشتّمنا علو السور عشان اشياء هي آلأتفه من الأتفه من الاشياء رجل خاين " ماهى دوم الرجال تخون ..! " وماهو باين وجود عيون خيانة بنت " ماهى كل البنات تخون ..! " لكن انت ترفرف من تنادى لك : حبيبي العاشق المجنون " وبعد هذا وإذا يعنى تضآيقنآ ! * وإذا يعنى تضآيقنآ ! ومشوا عنّا كثير أصحاب وتفارقنا وشققنا الورق للريح بعض فرقا تكون الحل قبل نطيح بعض فرقا مثل جمره وحنّا الشيح بعض فرقا كثير أكرم من التجريح بعض فرقا تجى جيّة دعا وتسبيح كثير أصحاب فارقنا ونسيناهم كأن كانت علاقتنا علاقة وقت مصالح وانتهت يمكن قرابة دم أو جيران يمكن تشابه هم يمكن واللى يهم ماضقنا وإذا يعنى تضايقنا ! * وإذا يعنى تضايقنا ..! وطيّرنا فراش النوم ومسحنا كل الوانه وإذا سيطر على جوّك حزن ووجوم وبديت تفسر الاشياء على كيفك زعلك لـ غيبة فلانه وبنت كنت تعرفها قبل مده وتفارقتوا وجتك تقول : ولهانه وبنت كل ماتحاول تصارحها بـ أحبك حيل تستأذن : بروح آنام نعسانه وبنت تعشق الدآفي من الهرج وتمرّك حيل بردآنه كثير أشياء غلط حولك وجوه الناس تعبانه قلق مدرى طفش مدرى تعب مدرى قرف مدرى ترف ! مدرى الناس زهقانه كثير اشياء تزهقنا وإذا يعنى تضآيقنآ ! * وإذا يعني تضآيقنآ ! بيهمّ الناس بيخلّي أحد بارد يفيض إحساس بتصنع هذي الضيقه علاقة حب مابين الحطب والفاس ! وإذا يعني زعلنا بيوم لإمر ما وطار نعاس وإذا فينا خنقنا أنفاس وحلّقنا يتغيّر شي إذا يعني تضآيقنآ ؟ وإذا يعني تضآيقنـآ ! ماهو حتى المطر يهجر حديقتنا وتنبت فينا ضيقتنا وتغرقنا سيول الملح والدمعه صديقتنا ولآ به شخص فـ آلدنيا تهمه ضحكتك غيرك لذا إضحك ولا ترمي بذور الشر في خيرك لذا إضحك كثير أشياء من الأجمل تحاول دوم تسرقنا لذا إضحك وقول بحب : وإذا يعني تضآيقنآ ؟ * وإذآ يعني تضآيقنآ بهدوء أكثر .! وإذا يعني تضآيقتي وجمعتي كل هـ العتمه ولا أشرقتي وقلتي في قرف مزمن : أحس الوقت مو وقتي ! وإحس اني تعبت أكثر من آلأكثر من همومي ! وقولي لـ طيحتك : قوميّ ! وقولي لكل هذي الأرض : بآعلّي .. وإنطري غيومي ! تعبتي كثير تلومي النفس ويخنقك آلبكا ساعات ! ولا واحد بحزنك حس بدفا العبرات ! وإذا يلمح أحد تقصير كذا من غير مانقصد هنا تنصب مشانقنا بعد هذا . . . . . . وإذا يعني , تضآيقنآ ؟ ="/ , :7b:  |