| ((الفصل العشرون ))
مر الوقت طويل على الأثنين
ثامر كان فاتح اللاب توب
وريم كانت ماسكة مجلة اجنبية وجالسة تتصفحها
دقايق مرت وفجاة طاحت المجلة على الأرض وارتخى جسم ريم وطاحت إيدها على إيد ثامر اللي كان مسندها على الكرسي
ثامر التفتت خايف عليها: ريم وشفيك ..؟؟!!
ريم ضغطت على إيده وهي تتكلم كلام مو مفهوم: بردانة .. ااااا .. تعبانة
ثامر خاف وماعرف يتصرف وبسرعة قام وراح للدكتور اللي بالطيارة وجابه معه
الدكتور كشف على ريم: لا هي مافيها شي بس داخلها شوية برد وفيها حرارة
ثامر: إذا وصلنا أنا على طول بوديها المستشفى
الدكتور: يكون أحسن .. بس لا تخاف خلها نايمة ألحين
ثامر: إن شاء الله .. مشكور
وراح الدكتور
وثامر جلس في محله
ومسك إيد ريم وهو يحاول يدفيها
ثامر: ريم يلا شوي بنوصل .. كلها ربع ساعة أصبري
#############################################
تمشي رايحة راجعة
: ياربي مو كانهم تأخروا
حسام: لا يمة توهم باقي شوي ويوصلون
أبو حسام: وراك تدورين .. أجلسي
أم حسام: ماأقدر قلبي يعورني .. هذا وجهي إذا خليتها مرررة ثانية لحالها
لولو: ماما ثامر معها مافيها شي إن شاء الله
أم حسام: إن شاء الله
حسام: طيب تعالي أجلسي وأنا ألحين بروح المطار
أم حسام: إيه يلا بسرعة
نواف: أروح معك
حسام: لا ما يحتاج
وراح فوق لغرفته علشان يغير ملابسه
#############################################
: ندى
ندى: هاا
سجى: قولي نعم
ندى: نعم وش تبغين
سجى: قومي خلينا نروح
ندى: وين نروح
سجى: عند أبرار ولما
ندى: كل وحدة منهم في بيت أختاري وحدة منهم
سجى: لا نقولهم نجتمع في بيت أي أحد
ندى: خبلة أنتي
سجى: ليييييه ..؟؟!!
ندى: تدرين اليوم إيش
سجى: إيه .. الأحد
ندى: يعني عمرك خبرتي جمعة بنات بيوم الأحد
سجى: إيه .. عادي تصير وليش لا
ندى: طيب روحي لحالك .. وإذا طرودوك خالاتي لاتقولين ليه
سجى: وليه يطردوني يعني
ندى: يا ماما ياحبيبتي ياغبية إلى متى وأنا أعلمك .. أن مافي زيارات ولا جمعات ولا أي شي بوسط الأسبوع لأن فيه شي سخيف أسمه مدرسة فهمتي
سجى: أوووووووووووف منك
ندى: ومنك
رن التلفون وردت عليه سجى
سجى: ألو .. هلا أبرار
أبرار: أهلا ً ... كيف الحال
سجى: تمام والله .. وأنتي
أبرار: مررررررة طفشانة تعالوا عندنا
سجى: ندى تقول أن ماما ماراح ترضى لأن في وسط الأسبوع
أبرار: أدري حتى أمي أنا مو راضية
سجى: بموت من الطفش
أبرار: خلاص كيفهم .. تعالوا بيتنا
سجى: وأمي وامك
أبرار: كيفهم
سجى: أجل يلا بااااي .. بروح أقول حق ماما
أبرار: بااااي .. واتصلي علي بعدين
سجى: أوووك
وسكرت السماعة
وراحت بسرعة فوق عند أمها
#############################################
حطت الطيارة على أرض عروس البحر الأحمر
نزلوا الناس من الطيارة
شالها على إيده ونزل فيها ناسي كل شي وراه
ركض ووقف عند كراسي الإنتظار وجلسها على الكراسي
وطلع جواله من جيبه واتصل على حسام
ثامر: أووووف بسرعة رد
حسام: ألو هلا وصلتوا
ثامر وهو يناظر في ريم بخوف: حسام بسرعة تعال المطار
حسام خاف: وشفيك ... ريم فيها شي
ثامر: تعال وأنا أعلمك
حسام: أنا في الطريق .. دقايق وأنا عندكم
ثامر: أستعجل
حسام: إن شاء الله
وسكر منه
ثامر جلس في الأرض قدام ريم وقرب من وجهها وحط إيده على خدها
ثامر: ريم ريم تسمعيني
ريم كانت متسندة براحة على الكرسي ومغمضة عيونها
ثامر: الله يخليك ردي علي ... حبيبتي قلبي أنتي ردي علي
رن جواله وبسرعة رد عليه بدون مايشوف الشاشة
ثامر: ألو .. حسام وصلت المطار
عبير زوجة أبوه بدون نفس: وصلت ؟؟
ثامر: إيه
عبير: ماكنت ناوي تتصل يعني .. رحت بدون ماتعلمنا وبترجع بدون ماتعلمنا بعد
ثامر كان ماله خلق أي شي
سكر في وجهها ورن الجوال مرة ثانية
وشاف الشاشة حسام
ثامر: هلا
حسام: يلا وصلت وينكم
ثامر: عند كراسي الإنتظار
حسام: يلا جايكم
وسكر
ثامر شال ريم
ومشى متجه للباب
ووراه واحد يدف العربة اللي فيها الشنط
شافه حسام وقرب منه: وشفيها ريم
ثامر: مدري فجأة طاحت .. ويقول الدكتور اللي بالطيارة ودوها المستشفى
حسام أخذ ريم وطلع فيها للسيارة
وثامر وراه
حطوا الشنط بالسيارة وركبوا وبسرعة على المستشفى
#############################################
جالسة قدام التلفزيون وتاكل بوب كورن
رنيم: أوووووووف .. أكيد وصلت طيب ليش مااتصلت
نزلت رزان من الدرج: مين اللي مااتصلت
رنيم: مين يعني .. ريم
رزان: يمكن نست اتصلي عليها أنتي
رنيم: جوالها مقفل
رزان: خلاص أنتظري
رن التليفون
وركضت رنيم ردت
رنيم: ألو
: ألو
رنيم: أهلين لما كيفك
لما: تمام .. أنتي
رنيم: بخير
لما: بقولك سر
رنيم: تفضلي
لما: بس ماتعلمين أحد
رنيم: ماراح أعلم أحد .. لاتخافين
لما: يمكن أحط بريسز
رنيم فتحت عيونها وقالت بإستغراب: ليييييييه ..؟؟!! أسنانك احسن من أسناني
لما: لا خلاص قررت
رنيم: غبية
لما: كيفي
رنيم: ومتى بتحطين
لما: مدري والله .. إلى الآن ماوافقت ماما
رنيم: أجل ماراح تحطين
لما: إلا بتوافق إن شاء الله
رنيم: نشوف
لما: طيب
رنيم: يلا ألحين باااي أخاف تكلم ريم وتلاقيه مشغول
لما: هي من زمان ماشية .. ماوصلت ..؟؟!!
رنيم: مدري عنها
لما: لينا تبغى تكلمك
رنيم: يلا عطيني إياها بسرعة
لما: طيب يلا خذيها .. بس لا تطولين عشان يمكن تدق ريم
رنيم: اوك
لما عطت السماعه للينا
لينا: الو .. أهلين
رنيم: اهلا كيفك ..؟؟!
لينا: بخير اسلم عليك .. و في ناس جنبي بعد تسلم عليك
رنيم ابتسمت: الله يسلمك و يسلمهم
لينا: ما تبين نوصل بوسة بعد
رنيم: لا شكراً
لينا: سلميلي على رزان
رنيم: ما تبغين نسلم على فراس على الطريق
لينا: اذا مافيها تعب ما نقول لا
رنيم: خلاص و لا تزعلين .. يلا الحين باي ريم بتكلم بعد شوي
لينا: اوك يلا بااااااي
بعدين سكروا
رزان: مين هذي لينا
رنيم: كلمتني لما بعدين كلمتني لينا
رزان: اهاا
رنيم: تسلم عليك
رزان: الله يسلمها
ورن التليفون من جديد
وراحت بسرعة رفعته رنيم بعد ماشافت الرقم بيت ريم
رنيم: ألو .. ياحمارة وراك مادقيتي من زمان أنتظرك
: ألو
رنيم: لولو ..؟؟!! .. إيش فيه صوتك كذا فيكم شي
لولو: رنيم .. ألحين ريم بالمستشفى تعبانة
رنيم فتحت عيونها: إيش ..؟؟!! وشفيها
لولو: ماأعرف لسة اتصل حسام وقال أنها تعبت بالطيارة ولما وصلوا ودوها المستشفى
رنيم بكت: إيش فيها يعني مرررة تعبانة
لولو: مدري عنها
رنيم مازالت تبكي
لولو: أنا بس أتصلت أقولك .. ألحين يلا مع السلامة
رنيم: مع السلامة
وسكرت السماعة
وراحت عند رزان وضمتها
رزان: إيش فيك .. مين اللي تعبان ..؟؟!!
رنيم: ريم تعبانة بالمستشفى
رزان شهقت: إيش ..؟؟!!
إلا بنزلة أم فراس
أم فراس بخوف: وشفيكم .. ماما رنيم فيك شي .. وراك تبكين
رنيم: ماما ريم بالمستشفى
أم فراس ارتاحت أن رنيم مافيها شي .. بعدين رجعت خافت من جديد: وش فيها ..؟؟ هي مشت من عندنا مافيها إلا العافية
رزان: لولو تقول أنها تعبانة وألحين هي بالمستشفى
أم فراس: الله يستر بس
وجلست جنب رزان وأخذت رنيم لحضتنها وضمتها بقوة
#########################################
جالسين ثنتينهم بالصالة ينتظرون شوق
غادة: شكلها مطولة خلينا نروح فوق
جوري: يلا خلينا نطفي التلفزيون ونروح
غادة: رتال الحمارة ورى ماجات تنام عندنا معك
جوري: تقول مالها خلق تجي هنا
غادة: أحسن كيفها
جوري: يلا خلينا نروح فوق
وراحوا
غادة راحت غرفتها
وجوري دخلت غرفة شوق لكن وقفت وهي تسمعها
شوق بدلع: ليش إيش سويت لك .. شدعوة يعني .. خلودي
جوري عقدت حواجبها مستغربة
شوق نزلت السماعة من أذنها: أووووف .. لولا الحاجة مااتصلت عليك
والتفتت وشافت جوري وبلعت ريقها
جوري قربت منها وجلست جنبها على السرير: مين هذا .. وأي حاجة هو سوالك شي
شوق نزلت راسها وسكتت
جوري: أنا بروح الحمام وبغير ملابسي وبعد كذا راح تقولين لي كل شي
شوق سكتت وماردت عليها
جوري قامت ودخلت دورة المياه ولبست وخلصت وطلعت
وشافت شوق منسدحة على السرير وتطالع فوق
وراحت سكرت النور وانسدحت جنبها وطالعت فوق
جوري: يلا قولي لي كل شي من الأول
شوق: مو عارفة إيش أقول
جوري: قولي كل شي بخاطرك
شوق سكتت
جوري: لا تسكتين .. أنا أقرب وحدة لك كيف ماتقولين لي
شوق: طيب اسمعي
جوري: تفضلي أسمع
شوق: تذكرين لما غصبتوني أكلم واحد ونكذب عليه
جوري: أي واحد ماأتذكر
شوق: لما أنا بعد ماسكرت منه ركضت للحمام
جوري: إيه إيه تذكرت
شوق: أنا دخلت الحمام كان قلبي يدق بقوة ماأعرف ليه .. ومرت أيام بعد كذا دقت عليه مرررة ثانية وحسيت بالراحة وأنا أكلمه
جوري: وبعدين
شوق: هو أسمه خالد وأنا كل مررة أكلمه فيها كان يسمعني كلام بعد كذا يسكر بوجهي
جوري: شي طبيعي وخصوصا ً انك تتكلمين بدلع .. ومو أي دلع بدلع ماصخ بعد
شوق سكتت
جوري: شوق حبيبتي لا تزعلين مني .. بس اللي تسوينه غلط .. مافي بنت مؤدبة واخلاقها عالية تسوي اللي تسوينه
شوق: بس أنتي ماتدرين باللي أحس فيه لما أكلمه .. أو يمكن تحسين
جوري: إيش قصدك .. مافهمت عليك
شوق: أنا عارفة أنك تحبين محمد أخوي .. وأكيد راح تحسين بإحساسي كل ماأكلم خالد .. مثلك كل ماشفتي محمد
جوري: بس ولو ماأسوي مثلك
شوق: إيش الغلط اللي سويته
جوري: أكبر غلط أنك تكلمينه .. وأصلا ً إذا كنتي تفكرين انه بيحبك فهذا مستحيل
شوق:ليييه ..؟؟!!
جوري: لأن مستحيل أي ولد يحب بنت كانت تزعجه وتكلمه وبدلع وماأعرف إيش
شوق رجعت سكتت من جديد
جوري: أنتي مفروض ماكلمتيه من الأساس
شوق ظلت ساكتة
جوري سمعت صوت منها وخافت: شوق تبكين ..؟؟!!
##########################################
دخلوا المستشفى وعلى طول غرفة الطوارئ
وحطوا لها مغذي وهي نايمة بعد ماأعطوها إبرة مخدر
..............................
حسام كان يمشي برى عند الغرفة ويكلم
حسام: يمة خلاص قلت مافيها شي .. إن شاء الله ألحين جاي .. لاتخافين .. يلا مع السلامة
وسكر
ودخل غرفة الطوارئ الخاصة اللي فيها ريم
وشاف ثامر جالس على الكرسي جنبها
حسام: ثامر الله يعافيك أدري تعبتك معي
ثامر: لا وش دعوة .. وش بغيت
حسام: بروح للوالدة البيت .. أهديها وأطمنها
ثامر: توكل .. خالتي أعرفها خوافة وخاصة على ريم
حسام: وكان ماعليك كلافة بعد مايخلص المغذي بعد شوي وصلها البيت
ثامر: أكيد .. أصلا ً مين قال بخليك ترجع مررة ثانية هنا
حسام: الله يعطيك العافية .. إيه صح خذ مفتاح سيارتي
ثامر أخذه منه: يلا روح .. وانتبه لا تسرع مثل ماتوصيك ريم دايم
حسام ابتسم وطلع
وثامر التفت على ريم ومسك إيدها: ريم يلا قومي عاد بلا دلع .. إذا كنتي تبغين تعرفين غلاتك فالكل يحبك وأولهم أنا .. بس فتحي عيونك
وتوه كان بيترك إيدها ضغطت عليها ريم وكأنها تقول لا تتركني
ثامر ابتسم وماتركها
__________________
iLove every one ... |