############################################
جالسة جنب أمها تنتظرها تخلص من التيلفون
أم وليد: إيه وبعدين .. بسم الله عليها .. إذا طلعت اتصلي علي طمنيني
وسكرت السماعة والتفتت
أم وليد: أبرار وراك أزعجتيني
أبرار: يمة سجى وندى بيجون عندنا بس خالتي مو راضية .. اتصلي عليها قولي لها
أم وليد: وهي الصادقة ليه ترضى وبكرة مدرسة
أبرار: يمة
أم وليد: خلاص انتظري إلى يوم الأربعاء كلنا بنجتمع
دخلت أسماء: أبرار وشفيك
أبرار: أمي وخالتي مايبغونا نجتمع انا وسجى وندى
أسماء: شي طبيعي
أم وليد: اسكتوا اسمعوني وش بقول
دخلت أفنان ومعها وليد
أفنان: السلام
قاطعتها أبرار: أسكتي خلينا نسمع أمي وش بتقول
أفنان: ردي السلام على الأقل
وليد جلس جنب أمه: يمة وش فيك
أم وليد: ريم بالمستشفى
أبرارشهقت: بالمستشفى ..؟؟!!
أسماء: إيش فيها
أم وليد: تو كلمتني خالتكم أم أحمد وقالت لي
أفنان: إيش قالت بالضبط
أم وليد: تقول طاحت بالطيارة ولما وصلوا ودوها المستشفى
أبرار: ياحياتي
وليد: أبرار روحي اتصلي عليهم شوفي يمكن طلعت
أبرار: بروح ألحين
أفنان: إن شاء الله مايصير فيها شي
أسماء: إن شاء الله
##########################################
سارة جالسة جنب لولو اللي حاطة راسها عليها
وأم حسام جالسة على أعصابها
وجنبها أم احمد
وخالد جنبه نواف
خالد: لولو خلاص أسكتي مافيها شي
لولو تبكي: ماأبغى أسكت .. ماأقدر
سارة: إيه من جد لولو .. ترى مافيها شي إن شاء الله
لولو سكتت وهي تبكي بصمت
دخل حسام وكلهم التفتوا عليه
أم حسام: وينها ليش ماجات معك
أم احمد: إيه وينها
حسام: لا تخافون مافيها إلا العافية
لولو: أجل ليش ماجبتها معك
حسام جلس جنبها: لأنهم حطوا لها مغذي وإذا خلص بتجي
نواف: مين بيجيبها ..؟؟!!
حسام: ثامر
أم حسام: قوم ودني لها
حسام: خلاص هي بعد شوي بتجي والله
خالد: خلاص خالتي قالك أن مافيها شي
أم حسام: أنا ماراح أرتاح إلا إذا شفتها
حسام: بتشوفينها إن شاء الله
#################################################
: في المستشفى ..؟؟!!
لينا: إيه
لما: ياقلبي .. إيش فيها
لينا: تعبانة شوي
لما: تتوقعين رنيم درت
لينا: أكيد
لما: لسة يوم كلمناها قالت أن ريم بتكلمها
لينا: أكيد أن رنيم درت اول وحدة
دخل فيصل: درت بإيش
لينا: أن ريم بالمستشفى
فيصل: إيه تو قال لي وليد
لما: خلونا نكلم رنيم
لينا: لا نكلم لولو أحسن
لما: إيه صح
#########################################
أم طلال: ياسجي قلت لك لا
سجى: ماما لو سمحتي
أم طلال: لاتحاولين قلت لا
سجى: ياربي
ورن التيلفون
سجى رفعته: ألو .. هلا عمتي
أم وليد: هلا حبيبتي سجى .. وين أمك
سجى: دقيقة .. ومدت السماعة لأمها .. ماما عمتي أم وليد
أخذته أم طلال: هلا والله
أم وليد: هلا كيف الحال
أم طلال: الحمدلله والله
أم وليد: كيف أخوي بوطلال
أم طلال: الحمدلله يسلم عليك
أم وليد: دريتي أن ريم بالمستشفى
أم طلال: ريم ؟؟.. بسم الله عليها .. وشفيها
أم وليد: تعبت عليهم وودوها المستشفى
أم طلال: مو هي رجعت اليوم من الشرقية
أم وليد: إيه تعبت بالطيارة
أم طلال: يوووه .. وش صار عليها ألحين
أم وليد: والله مدري .. أنا أتصلت أسلم عليك .. حسبتك تدرين
أم طلال: لا والله .. توني أدري منك
أم وليد: أجل يلا أنا ألحين راح أتصل على أم حسام أشوف وش صار معهم
أم طلال: يلا مع السلامة
أم وليد: مع السلامة
وسكرت
سجى: وشفيها ريم
أم طلال: بالمستشفى
سجى: وشو ..؟؟!!
أم طلال: تو عمتك تقول
سجى وقفت: بروح أقول لندى
وراحت وشافت ندى جالسة في الصالة اللي فوق ومعها حمد
سجى: ريم بالمستشفى
ندى: هااااا
حمد: وشفيك .. تكلمي زي الناس
سجى: من جدي أتكلم
ندى: كذابة .. وشفيها
سجى: تعبانة
حمد: من إيش يعني تعبانة
سجى: مدري تعبانة وبس
حمد: مين قالك
سجى: تو عمتي كلمت ماما وقالت لها
ندى: أوووف .. إيش فيها هذي بعد مايكفي رنيم اللي دايم تتعب علينا
#######################################
طلعوا من المستشفى بعد ماخلص المغذي وصحت ريم
أخذها ثامر ووصلها لبيتهم
ووقفوا عند باب الفلة
ثامر التفت عليها: يلا وصلنا
ريم فتحت الباب
ثامر: أنزل اوصلك
ريم التفتت عليه وهزت رسها " لا "
ونزلت وراحت عند الباب ورنت الجرس
وفتحت لها الخدامة
وقبل ماتدخل التفت عليه وابتسمت له شكر
وثامر بادلها نفس الإبتسامة
ودخلت هي وهو مشى
خواكا: سلامات ريم
ريم ابتسمت: الله يسلمك خوخة
ودخلت الخدامة ووراها ريم
ريم ابتسمت بفرح أول ماخلت وكان وجهها أصفر
ريم: كيفكـووون ؟؟ أخبآركون ؟؟ في الحقيقه والواقع والبحر مليان قواقع والسمك لابس براقع ما أشتقتوا لي
التفتوا كلهم عليها
وقامت لولو ركضت لها وضمتها
لولو: كيفك يالدبة خوفتيني عليك
ريم ضحكت: مافيني شي .. بس شوية برد لا أكثر
جات أم حسام وسحبتها لحضنها: توبة والله ماعاد أخليك لحالك وأجي .. رجلك على رجلي
ريم: ههههههه خلاص ماعاد راح أتركك
خالد: الحمدلله على السلامة
ريم: الله يسلمك
أم أحمد: طيحتي قلوبنا
سارة: كيفك ألحين
نواف جاء عندها وضمها بقوة: أولا ً أشتقت لك ثانيا ً خفت عليك مررررة
ريم ابتسمت: الله وشذا كل هذولي معجبين
حسام: أقول لاتشوفين حالك علينا
لولو: ترى كل البنات اتصلوا يسألون عنك
ريم: ياويلي من رنيم .. بتقولي كل هذا من البيجامات القصيرة
أم حسام: وهي الصادقة
أم احمد: يلا سارة خالد .. خلونا نروح البيت علشان هم يرتاحون
سارة: يلا تصبحون على خير
خالد: مع السلامة
وطلعوا
وأم حسام: أخذت ريم ونومتها عندها في الغرفة في حضنها
ولولو وحسام ونواف كل واحد منهم راح غرفته
وطبعا ً أبو حسام في الشركة مايقدر يجي إلا متأخر
#######################################
بعد ماوصل ريم راح لبيتهم
وقف سيارة حسام برى
وأول مادخل
شاف زوجة أبوه جالسة ومعها أخته
عبير بدون نفس: الحمدلله على السلامة
ديما بإبتسامة: الحمدلله على سلامتك ثمور
عبير نغزتها في جنبها وديما سكتت
ثامر: الله يسلمك
وجلس على الكنب قبالها
عبير: كذا تروح بدون ماتعلمنا ولا شي
ثامر ابتسم بإستهزاء: ليه .. يعني لهذي الدرجة مهتمة فيني
عبير: تشك في هذا الشي
ثامر بنفس أسلوبه: لا حشى .. أنا أشك في حبك لي .. هذا وأنا مثل ولدك
عبير: على العموم أبوك زعلان منك لأنك سافرت بدون ماتعلمه ولاحتى دقيت عليه
ثامر: كنت ادق عليه بس مدري مين دايم يسكر في وجهي
عبير: أسأل نفسك
ثامر وقف
ديما: وين
ثامر: والله تعبان وفيني النوم الساعة ألحين 11
ومشى بيصعد فوق
عبير: وقف .. قولي أول ليش لما دقيت عليك سكرت في وجهي
ثامر وهو يواصل مشيه: كنت مشغول
عبير: معليش أنا أوريك
ثامر ضحك: تصبحين على خير ماما عبير
عبير سكتت منقهرة منه
وديما ضايعة بينهم
ترضي أمها
ولا
تحب أخوها
#########################################
خلص اليوم والكل نام وارتاح
كان يوم مليء بالأخبار والحماس وكل متوقع وغير متوقع
Zzzzzz
zzzzzz
zzzzzZ
...............................................
يوم الأثنين
أشرقت الشمس
زقزقت العصافير
بدء اليوم الجديد
بدء وقت العمل
وساعة الجد بعيدا ً عن المزاح
...............................................
صحت من النوم وهي تحك عيونها
أمس كلمت ريم وتطمنت عليها
وأتفقت مع جوري ماتروح المدرسة اليوم
انفتح الباب ودخلت رزان
رزان: أهلا ً رنيم
رنيم: اهلا ً
رزان: ماراح تروحين اليوم صح
رنيم: إيه
رزان: طيب عطيني شوزك الأسود ديور
رنيم: يجي قدك
رزان: مو هو كبير عليك شوي
رنيم: إلا .. خلاص خذيه لك .. أصلا ً ماألبسه
رزان: أوووك
وفتحت الدولاب واخذته وطلعت
رنيم: إيش أسوي ألحين أنام أو لا
وقامت ودخلت دورة المياه وتروشت وتوضت وطلعت وصلت
ولبست (( جينز وتيشيرت وردي ))
ونزلت
وشافت أم فراس جالسة لحالها قدام التيلفزيون
رنيم: صباح الخير ماما
أم فراس: صباح النور ياحلوة
رنيم: ترى الساعة تسعة بروح أفطر مع جوري
أم فراس: اجل متفقين تغيبون هااا
رنيم ابتسمت: إيه
أم فراس: بتروحين لها متى
رنيم: هي بتمرني
أم فراس: أها .. بس مو تتأخرين
رنيم: إن شاء الله
####################################
كانوا نايمين في حضن بعض
أمس شوق ولأول مرررة تفضفض لجوري بكل شي وهي تبكي
فتحت عيونها جوري وجلست وهزت شوق
جوري: شوق شوق يلا قومي
شوق تحركت: نعم
جوري: قومي مدرسة
شوق: جوجو انتظري لا تحنين
جوري ابتسمت بشر: لاتخليني أتصل بخالد يصحيك
شوق على طول قامت وقفت: أنطمي
جوري: هههههههههههههههههههههه
شوق: وأناأقول لاتخليني أنادي محمد يوريك
جوري: أتحداك
شوق: أنتظري
ووقفت عند الباب وصرخت: محمد يممممممممة تعالوا بسرعة
جاء فهد يركض: وشفيك
شوق: أنا قلت محمد مو أنت
جوري:ههههههههههههههه تستاهلين
فهد وهو واقف برى عند الباب: جوري هنا
جوري: إيه ناوي تطردني
فهد: إيه يلا قومي روحي بيتكم
جوري: قاعدة على قلبك وقلب أختك
فهد: يلا أنا بروح مع السلامة
شوق وجوري: مع السلامة
ودخلت شوق وسكرت الباب
جوري: شفتي أنك ماتقدرين علي
شوق: مالت
ودخلت دورة المياه
جوري: ترى أنا بروح بيتنا ألحين علشان بطلع أفطر مع رنيم
شوق وهي داخل الحمام: يالحمير متفقين
جوري ضحكت: إيه
شوق: المشكلة عندنا إختبار ولا كنت غبت وماهمني
جوري: لا عاد ماأقدر على الدفارة أنا
شوق: أقول اذلفي بيتكم بس لا أتوطى في بطنك بعد شوي
جوري: هههههه خلاص بطلع
وأخذت عبايتها ومسكتهاوفتحت الباب وطلعت بسرعة وهي تضحك
وماحست نفسها إلا صدمت في أحد
رفعت راسها وشافته محمد وجمدت في محلها
محمد إبتسم كان باين أنها مستحية
كانت لابسة بيجامة وردية بنطولها ميدي إلى نصف الساق وتيشرت نصف كم
محمد نزل عيونه والتفت علشان يمشي
وجوري على طول مشت علشان تنزل تحت
ومحمد التفت بس للأسف ماأمداه يلمحها
نزلت جوري وبسرعة لبست عبايتها وراحت لبيتهم
################################################
صحت أول وحدة
من الأساس ماقدرت تنام كانت تفكر طول الوقت
ضلت منسدحة جنب أمها ومغمضة عيونها كأنها نايمة
بس لما قامت أمها على طول فتحت عيونها
وحطت إيدها على راسها
بعد كذا قامت ونزلت تحت وجلست على الكنب
أم حسام طلعت من المطبخ: ريم وراك قمتي مانمتي زين
ريم: يمة شبعت نوم
أم حسام: أجل يلا قومي أفطري معنا
ريم: مالي نفس
نزلت لولو: صباح الخير رورو
ريم ابتسمت: صباح النور