(( نقلتنا من الفصل ))
طبعاً وفي بداية السنه الجديدة .. كنت بروح صف ثاني متوسط ^_
جيت بدري وصفيت بالطابور .. وطبعاً أيجو كانت معاي من السنه إلي فاتت .. بس قالت لي أنها بتنقل .. فكنت زعلانه .. لين شفتها فجأة وراي صافة .. اســــتــــــــانـــســــت وسلمنا على بعض
المهم دخلنا فصلنا وكان 2\2 وقعدنا انا وايجو ورا عند الزاويه .. وكان الفصل .. احم احم .. مـمـل .. وكله دوافير .. فقالت لي : أيلو ..رايك ننقل من الفصل ؟؟ نروح فصل 2\1
انا قلت : لااااااااا البنات يخرعووون .. أخاف ما أندمج معاهم
T_T
قالت :" بالعكس .. البنات فللله يجننون الأبلات ويهربون ويروحون قسم الثنوي وكل شي "
انا ارتجف كنت وقلت : لا مابي ><" "
قامت أيجو وقالت :" بكيفك .. انا عن نفسي بروح أنقل "
وراحت طلبت من وحده ندلعها بيشو أنها تنقل معاها .. بس هم بيشو مارضت ><"
وطلعت أيجو من الفصل .. بس مارضو يطلعونها عشان تروح للأداره ><"
المهم أنها رجعت .. اما انا قعدت أفكر وأفكر .. انقل ولالا ؟؟ بنات هالفصل ماينطاقون ><"
فقلت لـ أيجو وانا ارتجف : خلاص أيجو .. يالله ننقل ^_ " >> طبعا ماكنت مقتنعه بتاتاً "
المهم رحنا لـ أبله مسويه لنا فلم رعب اسمها (( لولو)) تخوووووف ><"
المهم انها رضت تنقلنا .. وقالت : خلاص يالله روحو فصلكم الجديد "
وانا قلت لنفسي :" اععععع .. الله يعيني .. راح آكل تبن ><" "
المهم شلنا شنطنا ورحنا للفصل .. وأول مافتحنا الباب
كلللللللللللل البنات قعدو يطالعونا نضرات 0_0 .. قعدت اررررتجف ><"
وقلت لنفسي :" آععععععع .. الله يلعن إلي يسمع كلام أيجوو ><"
المهم أني كنت اطالع شلة بنات يخوفون ><" ووحده منهم كانت ريدو .. وهينو .. ونيس .. كنت خايفه منهم ><" احسبهم راعيين طق
المهم جلسنا بآخر مكان بالزاوية .. وقمنا نسالف مع صديقة أيجوو اسمها هلا . هلا انسانه تحب تتفلس هههه بس مرره تجنن .. المهم كانو بنات هالفصل يستهبلوون وكذا
ايجو قالت لي : فلللله شكلهم صح ؟؟ شرايك بالفصل ؟ "
انا بدون نفس وودي أكفخها :" يب مررره يهبل "
المهم كانت هاذي الحصة الأخيرة .. فطلعنا ^_^
وأول مارجعت البيت .. قعدت أسب في أيجو سب .. وشوي واصيح كنت ><"
والطااااامه الكبره .. انها غابت في اليوم الثااااني وسحبت علي أكبر سحبه في حياتي
والمشكله ما اعرف احد والمشكله الأكبر اني جايه قبل الطابور ومادري شسوي .. كنت لحالي
فـ شفت بنت وكانت ميرو .. فقلت : يالله خل احاول اتقرب منها " >> وكان جمبها ميشو
سويت روحي بريئة وقلت :" لو سمحتو ممكن تدلوني على مكان طابور فصلكم ^_ "
المهم ان ميرو عطتني نضره خلتني اسكت .. بعدين اشرت على مكان وقالت :" هذا هو الطابور "
انا وشوي اصيح :" ااهاا "
ورن الجرس وصفيت مع شوشا .. هي شوشا كانت جديده بهالمدرسة .. وماكانت تعرف احد .. صفيت يمها ومشينا على الفصل .. قعدت انتضر ايجو تجي ><" بس طلعت غايبة .. سبيتها سب وجيت اصيح ><" .. المهم كانت في وحده جالسه قدامي .. شافتني ارسم شخصية في انمي
قلت لها :" تتابعين انمي ؟؟ "
قالت :" يب "
انا انهبلت .. اوووووول مره وحده اقابلها تعرف انمي .. تحمست وقلت لها : ايش تتابعين ؟؟"
قالت :" كللل شي .. بليتش ون بيس وناروتو .. وكلل الأنميات تقريباً
وبدينا ننطق سوالف عن الأنمي .. وكان اسمها (( بتول )) حبيتها مرره
المهم رن جرس الفسحة ورحت عند شلتي إلي بالفصل ذاك وتمشيت معاهم
ومن بعد الفسحة دخلت الفصل .. وقعدت اسالف مع بتول .. وقعدت اراقب البنات
كنت اشوف ريدو .. كانت تــجــنن .. كنت امووت ضحك على كلامها وتعليقاتها .. قلت : ابي اصادقها ><" "
وهم كنت اشووف وحده كمان اسمها ليموو .. كنت اكرها الصراحة .. مسويه لنا ازعاج هههه
وانتهى اليوم بسلام >> اخق على الفسحة