| اليوم اخترة لكم من كل بستان زهره مقتطفات من الشعر الشعبي ابيات اعجبتني منقوله
عاتبوني ليش اذكرك
وليش ما اذكر سواك
ما درو انك حبيبي
وانت بعيوني ملاك
.......................................
اوصفك بالكمر وانت من الكمر اجمل
اوصفك بالورد لا..ميدوم الورد يذبل
انت شمس دنيتي ومنك شعاع الشمس يخجل
بيش اوصفك وانت روحي التصعد وتنزل
.........................................................
اكتبلي شماردة تكتب وردلك
ازعل وابتعد وامشي وردلك
بساتين بوسط كلبي ورد لك
شما تبعد تضل غالي عليه
................................................
ايام البعد ما تنجرع ياايام مره
وعلي ياحلو سوي الك مره
اعد ايام عمري ولا مرتاح مره
فلا انساك يلمبعد علي
.................................................
دزيت الفرح بجناح الطيور..الك مرسال نهديلك كلبنه
يمحبوب العشك مو كلمه تنكال..ولاكلمة احبك سهله عدنه
هاي الناس حبه بس بالوجوه..واحنه بالكلب خضر عشكنه
على هموم العشك عودنه الكلوب..وعلى خيل الصبر مشينه حبنه
وتعلمنه الدمع والحزن والنوح..وزرعنه الطيب بدروب اليحبنه
..................................................................................................
يارب يعجبكم هذا النوع من الشعر الشعبي واريد رايكم
 |