(( الفصل الثاني والعشرون ))
جالسة بالحديقة تتمشى
ووقفت فجأة وجلست عند الورود
رنيم: وناسسسسسسسة طلعوا كثار
وفجأة رن جوالها
وطلعته من جيب الجينز
رنيم: ألو .. هلا ريم
ريم: هلا والله ..مين تتوقعين جالس جنبي
رنيم بإستغراب: مين
ريم: توقعي .. أحد تحبينه وتموتين فيه
رنيم: ماأتوقع عندكم أحد أحبه
ريم: ياحمارة .. وأنا يعني
رنيم: أقول خلصيني مين عندك
سحب من ريم الجوال: ألو
رنيم وقفت من الفرحة: خالي سامي
سامي: وش قلنا
رنيم: سوري سامي
سامي: كيفك ياحلوة
رنيم: زعلانة عليك
سامي شهق: ليييييييه ..!!؟؟
رنيم: أولا ً لي سنة ماشفتك
سامي: يالنصابة .. توني جاي بالإجازة اللي راحت
رنيم: كلها يومين ورجعت مرررة ثانية لندن .. المهم وثانيا ً ليش تروح عند ريم وماجيت عندي هنا
سامي: مالقيت حجز إلا على جدة وجيت عاد .. بس لاتخافين راح أجي مع خواتي للشرقية بعد كم يوم بسكن بالشرقية
رنيم: من جد .. يعني خلاص ماراح ترجع لندن من جديد
سامي: لا خلصت دراستي
رنيم: وناسسسسسسسسسسسسسة
سامي: مابقى إلا أتزوج
رنيم: أزوج جدك إذا بغيت .. بس أنت تعال .. طيب يلا باااااي بروح أقول حق ماما
سامي: هههههه يلا أركضي .. بااااي
رنيم سكرت منه وركضت داخل وقامت تصرخ: ماما ماما
أم فراس كانت جالسة في الصالة وبسرعة وقفت: وشفيك ..؟؟!!
رنيم وهي مبتسمة: سامي جاء السعودية
أم فراس: جد .. متى ماقالي
رنيم: لسة جاء اليوم .. وهو ألحين بيت خالتي أم حسام .. وراح يجي معهم وبيسكن بالشرقية هنا
أم فراس: زين أجل
نزلت رزان ومعها فراس
رزان: إيش اللي زين
رنيم بنفس الإبتسامة: خالو وصل
فراس: متى
رنيم: اليوم
أم فراس: بروح أنا أكلمه
وراحت فوق وهم جلسوا مع بعض
############################################
جالسين حول المسبح بإسترخاء
شوق وهي منسدحة على الكرسي: بنات يلا قرروا وين نروح بالإجازة طفش
رتال: أنتظروا تجي جوجو ونقرر
غادة: شكل الأخت مطولة
شوق: طيب فكروا على ماتجي
وسكتوا دقايق
إلا جوري جات تركض وهي لابسة شورت فوق الركبة وتيشيرت كات وطبت في المسبح
وطشر موية عليهم كلهم
شوق: جعلك منيب قايلة سبحتيني
رتال: جوجو تستهبلين
جوري طلعت راسها من الموية: والله كنت مرة متحمسة ههههههههه
غادة: لأنك خبلة
جوري: لا يكون بتجلسون تتفرجون علي كذا .. تعالوا اسبحوا معي
رتال: لا حنا نبغى نسوي تان
شوق: أنا راح أجي أسبح معك بعد شوي
جوري: ألحين ليش بعد شوي
شوق: ياشينك حنانة
غادة: أقول يلا فكروا وين نروح في الإجازة
جوري وهو تدور في المسبح ومغمضة عيونها: تركيا أو إيطاليا
شوق: لا تركيا وعععع
غادة: حرام عليك تجنن
رتال: لا مايصلح نروح مكان مااتفقنا عليه كلنا
جوري: إيه
شوق: ألحين أنتوا حضرتكم واثقين أن المكان اللي يتختارونه بيوافقون عليه الأهل
غادة: السنة الماضية العيال أختاروا ورضوا لهم .. وهذي السنة عاد كيفهم حنا بنختار
جوري طلعت من المسبح وكان الشورت مرفوع إلى نصف فخذها علشانه مليان موية والتيشيرت كان لاصق بجسمها ووقفت قدام شوق
جوري: شوق يلا عاد قومي بلا سخافة
شوق: شوي مو ألحين
جوري: أووووف ياشينك
.........................................
فتحت لهم الخدامة ودخلوا البيت
أسامة: أنتظر دقيقة بروح أجيب الآي باد حقي علشان أوريك البرامج الجديدة اللي حملتها فيه
محمد: بسرعة لا تتأخر
وطلع أسامة
ومحمد تمشى ينتظره يرجع
..........................................
جوري مازالت واقفة قدام شوق وتترجاها تقوم معها
وأول مالمحت محمد من بعيد طبت بالمسبح وقامت تسبح
شوق: بسم الله إيش فيها هذي فجأة
غادة: ههههههههه مدري عنها
رتال شافت محمد وغطت وجهها بالفوطة اللي جنبها وجسمها كله طالع لأنها كانت لابسة شورت نفس جوري
شوق التفتت: محمد كم مرررة قلت لك إذا سمعت صوت إزعاج مننا أعرف أن جوجو هنا لأن هي مصدر الإزعاج
جوري كانت لافة ومعطيهم ظهرها وشعرها الطويل متناثر حولها في المسبح والتفتت بعفوية: لا والله أحلفي .. مدري مين مصدر الإزعاج أنا ولا أنتي .. وانتبهت لمحمد واقف ورى شوق وبسرعة غطست داخل الموية
شوق: محمد الله يخليك روح لا تموت البنت علينا تحت الموية ههههه
محمد ضحك: طيب خلاص رايح
وراح
غادة صرخت: جوجو خلاص راح
جوري طلعت وهي تتنفس بصعوبة: راح
غادة: ماسمعتيني أصارخ أقول راح
جوري: تستهبلين يعني .. كيف بسمع وأنا تحت الموية
شوق: أما أنتي يارتال توحفة وقسم .. رجولك وإيدينك طالعة ومغطية راسك .. يرحم أمك ماكان له داعي
رتال: يعني إيش أسوي حق أخوكم اللي كل شوي يجي فجأة
غادة: أصلا ً أحس محمد بزر ماله داعي تتغطون عنه
شوق وقفت قريب من المسبح
وجوري على طول سحبتها من رجولها وطاحت معها
شوق: يالسخيفة
جوري: ههههههههههههه أحسن تستاهلين
وجلسوا يسولفون ويسبحون متحمسين
################################################## ##
حمد: مين قالكم بنروح لبنان
فيصل: البنات يقولون
وليد: أكيد أمهاتنا قرروا
حمد: تصدقون عاد ماودي نروح لبنان
وليد: وين تبغى تروح أجل
حمد: مدري والله
فيصل: قوموا خلونا نروح عند البنات نشوف وش يسوون
حمد: يلا
وقاموا كلهم وراحوا
.................................................. .....
أفنان: ندو عطيني من البوب كورن اللي عندك
ندى: لا هذا حقي أنا وبس
أفنان: بلا سخافة عاد عطيني إياه
ندى: ماتفهمين قلت لا
لينا: أتركيها بزر
ندى: أنا صرت بزر ألحين هاااا
لينا: إيه .. وش بتسوين
أسماء: اسكتوا خلاص .. إلا صح العيال ماقالوا شي على روحة لبنان
لما: ليييه إيش يقولون بعد
ندى: إيه والله صح كلام أسوم .. أتوقع حمد يعارض
أبرار: يجرب ويشوف وش يجيه
ودخلوا حمد ومعه فيصل ووليد
حمد: أهلين صبايا
سجى: طرينا الكلب جانا ينبح
البنات تسدحوا من الضحك
حمد: وشفيكم الله لايبلانا
لمار: سلامتك ياجميـــــــل .. بس كنا نتكلم عنك ولما جيت قلنا طرينا الكلب وجانا ينبح هههههههههههههههه
حمد: أجل أنا كلب هااا .. وجلس جنب ندى .. وأنا عارف مين اللي قايل
ندى: والله أنه مو أنا .. هذي أختك الخبلة
حمد التفت على سجى: سجى معليش أنا أوريك
لينا: المهم أقول أسمع
حمد: سمي عمتي
لينا: غصبن عنك .. المهم مو تخرب علينا روحتنا
حمد: وين بتروحون حضرتكم
أبرار: لا تستعبط حضرتك .. نبغى نروح لبنان
حمد: روحوا وأنا مانعكم
سجى: قصدهم مو تقول ماأبغى وماأعرف إيش .. ترى كلنا متحمسين
أفنان: وحتى أنتوا يافيصل ووليد
فيصل: كل العايلة بتروح
وليد: ولا بس حنا
ندى: أكيد الكل بيروح علشان كذا حنا متحمسين
حمد: أها .. أجل مخططين لكل شي .. عاد أسمعوني ألحين أنتوا
أسماء: تفضل
حمد: بشاور الشباب وإذا عارضوا بخربها عليكم
ندى: بلا سخافة
فيصل: لا من جد حمد لاتستهبل وتسوي حركات
وليد: والله العظيم أنتوا مخفات هههههههه
أبرار: لييييه ..؟؟!!
وليد: يعني حمد إذا قال مانبغى نروح بيقولون له حاضر على أمرك .. مو على كيفه
حمد: إيش ماسمعت وش قلت
ندى: إيه من جد معه حق .. صدق أنكم أغبياء
لينا: وأنتي معنا ياست ندى .. وأكبر غبية بعد
أفنان: خلاص أنتي معها بلا بزارة .. خلونا نسوي شي
لما: أولا ً يلا شباب من غير مطرود
وليد: شف طردونا
فيصل: بيتكم وأنا مدري
ندى: لا بيتنا وأنت الصادق .. يلا برى
حمد: يلا شباب .. بنات آخر زمن
طلعوا برى الحديقة
والبنات كملوا سوالفهم وهبالهم
############################################
جالسة معه في الحديقة وسوالفهم ماتخلص
ريم وهي ميتة ضحك: وبعدين
سامي: ولا أبلين .. قصيت عليها بكلمتين وتركتها
ريم: هههههههه مسكينة
سامي: بس من جد الغربة ماتنطاق
ريم: والله ماأحد قالك تدرس برى
سامي: خلاص الحمدلله خلصت ماعاد لي رجعة
ريم: يلا عاد ألحين جاء وقت التحقيق
سامي: هههه وش تحقيقه
ريم: قول الصدق عاد
سامي: يلا أسألي .. وبحاول ماأكذب
ريم: احم احم .. ماحبيت لك وحدة يمين شمال
سامي: لا ياحبي أنتي .. أنا ماأحب إلا شي واحد وهو الزواج التقليدي بلا حب بلا هم
جات لولو ومعها سارة
لولو: هااااااااااااي
سامي: أهلين ياأحلى بنات في العالم
سارة: ياليتك راجع من زمان .. مافي أحد يمدحنا وأولهم اللي جنبك
سامي: هههههه ليييه إيش مسوية فيهم بعد
ريم: طفشوني وجابولي المرض .. كل ماشفتهم يا كل وحدة تنفخ المناكير حق الثانية ولا جالسين يتزينون ولا مدري إيش ياخي مدري وش أسوي معهم
سامي: هههههههههههههه عاد ريم والزمن طويل
لولو: بتسافر معنا صح
سارة: ترانا كلنا بنسافر سوا مع خالاتي
سامي: لا والله ودي أجلس بالسعودية .. طفشت وأنا أفرفر بالعالم مابقى محل مارحته
ريم: لاااا حسافة
سامي: بس لازم أتزوج قبل ماتسافرون
سارة: كيف راح يمديك وحنا يمكن نسافر بعد أسبوعين أو ثلاثة
سامي: لا تخافين يمدي
لولو: نشوف
دخل حسام ومعه ثامر
حسام: السلام عليكم
الكل: وعليكم السلام
لولو وسارة: باااي
ودخلوا
سامي: أهلين كيف الحال .. حسام ماعرفتنا
حسام ابتسم: هذا خويي ثامر
سامي مد إيده يسلم عليه: هلا والله
ثامر مد إيده له: هلا فيك .. الحمدلله على السلامة
سامي: الله يسلمك .. حياك
جلسوا كلهم على الكراسي اللي حول الطاولة
وثامر كان جالس جنب ريم
ريم وقفت ومشت
سامي: ريم أمشي وين رايحة
ريم: رايحة داخل .. أجلسوا سولفوا لحالكم
ودخلت
سامي: وشفيها ..؟؟!!
حسام: ماعليك منها تستهبل
وجلسوا سوالف
.................................................. .
لولو: سارة لازم نروح بكرة نشتري ملابس جديدة علشان السفر
سارة: إيه من جد
دخلت ريم وجلست على الكنب ومسكت الريموت وهي تغير في القنوات
لولو: ريم وشفيك
ريم بدون ماتلتفت: مافيني شي
سارة: ايه باين .. والدليل أنك قاعدة تفرفرين في قنوات الراديو وهي بدون صوت ولا صورة
ريم انتبهت وقالت تصرف: إيه كنت أدور على قناة مشتهية أسمع أغنية
لولو: أهاااا .. واضح
ريم: عاد خلاص اسكتوا .. اتركوني في حالي
سارة: طيب قولي صاير شي
ريم: ياحول .. وبعدين يعني
لولو: خلاص بنسكت
ريم وقفت: أنا بروح أنام شوي
سارة: بااااي
وراحت ريم فوق
وهم جلسوا يسولفون ومرررة مستغربين من ريم
###########################################
مرت ثلاثة أيام سريعة جدا ً على الكل
في الصباح
العصافير بأصواتها الجميلة
والشمس بأشعتها الحارة والقوية
الكل تعبان مرررة
طلعوا كل الأغراض بالشحن علشان خلاص راح يودعون بيتهم
رايحين للشرقية للأبد
واقفة داخل الغرفة
ريم: والله مو مطاوعني قلبي أمشي وأخلي هذي الغرفة اللي مرررة أحبها
دخلت لولو: ريم يلا ترا بنتأخر
ريم: طيب روحي وأنا جاية وراك
لولو: طيب بسرعة لا تطولين
وراحت
ريم: أوووووف أحس أني نسيت شي بس مدري إيش
وأخذت شنطتها السودة الصغيرة ولبستها وخلتها من على جنب وطلعت ونزلت تحت
وشافتهم كلهم واقفين بالحديقة
أم حسام: يلا حبيبتي ريم تأخرنا كثير
ريم: أووووك يلا خلصت
أبو حسام: مانسيتي شي وأنا أبوك
ريم: لا
حسام حاوط كتفها بيده: يلا أمشي
وطلعوا وهم ساكتين
وشافت ثامر واقف ويطالعها
وحسام راح لأبوه وتركها واقفة عند الباب
كانت تطالع في ثامر اللي واقف بعيد عند السيارة
ثامر ابتسم لها إبتسامة صغيرة
وهي نزلت راسها وبسرعة مشت وركبت السيارة
حسام: يلا ثامر ماتبغى تروح معنا المطار
ثامر: لا سامحني ماأقدر اتصلوا الأهل يبغوني
حسام: أجل تعال أسلم عليك
وجاء وسلموا على بعض سلام حاررر مرة
ثامر: يلا توصلون بالسلامة
حسام: الله يسلمك .. لا تقطع عااد
ثامر ابتسم: وأنت بعد
سامي وهو داخل السيارة: حسام يلا عااااد تأخرنا
حسام: يلا جاااي
وركب السيارة وشغلها وتحرك متجه للمطار
ريم أول مامشت السيارة
التفتت على ورى وهي تشوف ثامر واقف ويطالعهم
بدون أي إنذار سابق حست قلبها بيفقده حست نفسها تعودت عليه يمكن تعودت تعصب عليه وهو ينرفزها ولا يمكن أشياء ثانية كثيرة موجودة داخل قلبها
رجعت التفتت لقدام لما بعدوا شوي ولا عاااد قدرت تلمحه
سامي التفت لها ومد إيده لها: ريوم حبيبتي وش فيك
ريم مسكت إيده وابتسمت من على جنب: لا سلامتك بس بفقد أشياء كثيرة مررة هنا
سامي: يلا ولا يهمك .. هناك أول ماتشوفين رنيم بتغيرين رايك وبتقولين ياليتني رايحة الشرقية من زمان
ريم: إن شاء الله يكون كلامك صح
سامي ابتسم لها
طبعا ً كانوا معهم بيت أبو أحمد كلهم
إلا أحمد وزوجته مريم راح يضلون ساكنين بجدة
وصلوا للمطار وركبوا الطيارة على طول لأنهم متأخرين أصلا ً
############################################
شوق: يمة متى بنسافر طفشنا
أم فهد: مو ألحين يمة بعد كم يوم إن شاء الله
شوق: متى يعني بعد كم يوم بالضبط
أم فهد: شوق وبعدين .. لاتحنين خلاص
شوق وقفت: بروح بيت عمي .. غادة راحت من زمان
أم فهد: روحي .. اصلا ً مرت عمك بتجي عندي بعد شوي
شوق لبست عبايتها وطلعت
ودخلت بيت عمها بعد مافتحت لها الخدامة
شوق: أوووووووووووووووف
جوري: وشفيك
شوق جلست جنبها: طفشت مدري متى بنسافر
جوري: صدقيني ماراح نسافرإلا بعد مايخلص هذا الشهر .. علشان على قولتهم هذيك السنة نقعد شهر كامل في ثاني شهر بالإجازة
شوق: يووووه مرة طفشانة .. وين رتال وغادة ماأشوفهم