04-10-2011, 01:43 AM
|
| |
"
،
:
/
،
ياصاحبـي والضيـق .. أمـره مسلَّـم
لو فاح.. خلّه .. في وسط صدري يفوح
لاتنشـد اللـي مـا شكـاك .. وتظلّـم
من لاشكى لك .. لا تحدّه على البـوح
بعض الألـم .. يفـرض عليـك اتّكلّـم
وبعض الألم بوحه مثل طلعَـة الـروح
وبعض القلـوب مـن الجـروح أتّعلّـم
وبعض القلوب تقضّي العمـر بجـروح
ليـه اكشـف آلام المحانـي .. واعلّـم
وانت بتواسيني لك شـوي .. وتـروح
حتـى ولـو انـك لجرحـي .. تـألـم
ماذقت طعم الجرح .. والحزن .. والنوح
مـن لا يعالـج قلبـه .. اليـا تثـلّـم
مـا للبشـر بمعالجـه .. أي مصلـوح
هذا جديد القلـب .. واسلـم وسلّـم ..
ولا عاد تنشدني عـن حكايـة البـوح |