story13
((انا غايب))
احلى شي تسويه في الجامعه انك تسحب عليها .. والحلاوة كلها يوم الاهل كلهم يداومون وانت تتفرج على اهلك وهم يستعدون
للدوام ..والله لو فيك امراض الدنيا .. لو انت ايش ..بتكون سعيد ومبسوط ومستانس وفالها .. اما اذا رحت للجامعه تتطلع لك كل
الامراض التي تستعصي صداع مغص غثيان نعاس<< عاد النعاس مرض متفشي في 99 % من طلاب الجامعه عند المحاضرة
الاولى .. حتى لو كنت نايم الليل كله هالمرض يجيك يجيك ومايروح الا يوم يقولك المحاضر : انتهت المحاضره ... هنا الواحد يصحصح
وصاحبنا ساسكي الامور غايب .. بس مو على الفاضي لا .. الغريب انه غصبن عليه غايب والسبب هو
" الجدري " او " العنقز" او " CHEKN BOX" فهذا اليوم راح يريح الجامعه من شره
ساسكي ( لابس فانيلا وشورت ) ومتدهن بالبودره الورديه اللي يستعملونها المرضى بالجدري علشان تخف اثار الحكه
ومبسوط بالجو الدافئ والغياب طبعا منسيه ابو الحكه وابو الجدري بكبره
ساسكي ( يدور بالصاله ويغني مبسوط ) : قلب قلب وين وين غايب عليا يومين .. لاتغيب اكثر حبيبي اخاف اموت من الحنين
سنيك ( يطلع من الحمام وهو يفرش اسنانه ) : ياربي على هالبني ادام .. ادخل جوا اشوف والبس كويس .. ساير كنك حليب
فروله
ساسكي ( ولاكان في احد يكلمه ويكمل غنى ) : بس بس بس بس ميو
ايتاشي ( جاي وشايل ثلاث بلايز خضرا وحمرا وصفرا ): يبا يبا والله اني محتار .. ياوجه الله بس .. اي وحده البس يبا
سنيك ( يطالع ايتاشي ووده يصفقه بس ساكت له ) : والله ياابني اقترح تلبسهم كلهم وتسير اشارة مرور
ايتاشي : خلاص بلبس الصفرا علشان انور محد يصدمني ^^<< مايحتاج انت اشهر من انار على علم
سنيك : مانت ناوي تقعد بالبيت تداري اخوك .. ترى لايغرك شلكه ينطط بعد شوي يطيح ماعاد يتحرك
ايتاشي :لالالالا انا اليوم نشيط وبعدين المدير طالبني بشغله ضروريه تعرف هو مايستغني عني
سنيك : شغله ضروريه ؟؟؟ -__- تلقاه مو لاقي احد يسوي له شاي غيرك
ايتاشي ( وهو يلبس بلوزته الصفرا ): اللي هو يبا ( ويطالع ساسكي وهو يتنقز بالصاله ) هذا مريض هذا ؟؟ هذا
انشط مني ومنك حليب الفراوله
ساسكي : انا فراوله ياحليب ياعصير الموز
ايتاشي : يللا ياحبيبي روح مناك لاتعديني
ساسكي : يحصل لك الشرف اعديك انا
سنيك ( وهو طالع من الباب ) والله انكم ماروكو واختها ههههههههههههههههههه.. انا طالع انت ياولد اهجد وروح ارتاح
لاتتعب .. وانت ياعلاقه الملابس - ايتاشي - وراي اشوف ادري فيك ماتسكر الباب وراك يدخل علينا حرامي ولا شي مادرى ساسكي عنه
ايتاشي : ياوجه الله بس اللي يسمعك يايبا يقول كنز اتلانتس عندنا في البيت .. ياوجه الله بس ^^
ساسكي (يكمل رقص ) : الحرامي بيدخل بنكسر خاطره وبيتصدق علينا والله هههههههههههههههههههههههههه
سنيك( يضرب ايتاشي على راسه وجاي بيطلع ويسكر الباب وراه ) : هذا انتم ماوراكم الا الكلام .. قطاوه ناكرين معروف
يللا مع السلامة
كارلا( تطلع لسنيك وايتاشي عند باب الشقه ) : سلامات ياسنيك .. تضايقت من اللي سار لولدك والله عورني قلبي
سنيك : لاتخافين زي الشمبنزي ينطط جوا
كارلا ( معاها اكل انواع واشكال ) : انا جبتهم لساسكي .. ياعمري اكيد جوعان
سنيك : 0_0
ايتاشي : ماعليش اغيب عن الشغل يبا
سنيك : لا مافيه اذلف اشوف قبل لا اكسر رجولك .. كارلا ماادري شنسوي من غيرك .. توكلينا .. وتهتمين فينا ماادري من وين نطلع من جزاك
كارلا ( بخجل ) : احنا جيران وهذا الواجب
ايتاشي ( بكل فهاوه وغباء وعباطه ) : اقول يبا وش رايك تتزوج كارلا ونسير عائله واحده وناكل كل يوم اكل زين ^^ ( ويجيه كف من ابوه ) @_@
سنيك ( استحى وارتبك وماعرف شيقول ) :-_-
كارلا ( وجهها سار طماطم ) : انا .. انا .. انا بدخل . الاكل عند ساسكي .. انتو توكلو على الله وان شاء الله غداكم بسويه قبل لااروح الدوام ( وتدخل جوا الغرفه )
سنيك ( يسحب ايتاشي ) : انا اوريك ياحمار انا اوريك امش قدامي اشوف
طبعا كارلا حطت الاغراض وطلعت بسرعه لانها خافت من كيس غزل بنات يتمخطر جوا الشقه - ساسكي بفانيلته والكريم الوردي على جسمه - ههههههههههههه
المهم انها سوت اللي عليها .. الله يعينها ناقصها عاهات غير هالعاهات اللي عندها -_- ياوجه الله بس
ساسكي( يطلع من الغرفه وهو طربان اخر طرب ) : بس بس بس بس بس بس ميو
بسكي ( تطلع من الثلاجه وتتثاوب): عفوا من اللي ناداني ؟
ساسكي ( يروح للطاوله اللي عليها الاغراض ) : انتي نصابه عوده يابسكي .. من الفجر وانا بس بس بس ميو .. ماطلعتي الا يوم شميتي رحيته الاكل
بسكي ( تبتسم ابتسامه عريضه ) : ميووووووو ^^ ( وتنط على الطاوله )
ساسكي ( يسحب الاكل من عند بسكي ) : انا اللي مريض مو انتي
بسكي ( عصبت وكش شعرها ) : ويييييييييييييييييييييييييييييييييييييييييييييييو @_@
ساسكي ( طلع لها لحمه ) : خذي خذي بلا ويو بلا ميو انتي بعد
بسكي ( خذت اللحمه وراحت بعيد وجلست تاكل ) : ميوووووووو ^^ (وتطلع صوت خرفشه وتقطع اللحمه بيدها ورجلها )
ساسكي ( يطالعها باستغراب ) : شدعوه يبا زعلانه علي .. بالعاده تاكلين جوا حضني
بسكي : اخاف تعديني
ساسكي : اخس -_- الله يالدنيا بس .. يللا ^^ دامنا غايبين ومزاجنا رايقين وماااااااااااااااااااااااااااافي احد يغصص علينا اليوم
الباب ( يرن الجرس ) : تن تن
ساسكي : 0_0 بسم الله
مسكين ساسكي على باله بينبسط بالغياب .. بتجيه لعنه خير .. ياوجه الله بس
********************
تابعونا في البارت القادم من الحلقه
سوري البارت قصير بس وربي مشغول ><
اشكركم على حسن المتابعه
akatsuki boy