بسم الله الرحمن الرحيم
كيفكم جميعنا هذي اول روايه لي اتمنى من كل قلبي تعجبكم
واذا عجبتكم ابي ردودكم الحلوه مثلكم واتمنى الكل تعجبه الروايه
البارت الاول:
في بيت من اكبر بيوت الحسا وبتحديد في غرفت البنات
قامت من النوم وهي مرتاعه جلست وهي تسمع صوت المسجل مطول على حد مسكت المخده ورمتها وهي تصارخ:بسسسسسسسسسس قمت والله قمت تكفين طفيه.
زينب:ماراح اطفيه الا لين اشوفج ب عيوني داخله الحمام
>>> زينب وحده عربجيه لا ابعد الحدوود اتعب وانا اقول عنها
عربجيه شعرها قصير اسود كانه سوااد اليل ناعم حرير مو كثيير طويله عيونه واسعه وكبار الي يشوفها يذووووب شفايفها صغار خشمها
مثل السيف وتقوم الواحد مفزوع من مكانه عنييد لا ابعد الحدود اذا تبي شي تسويه صج انها عربجيه بس قلبها حساس وماتبين لاحد انها حزينه او مهمومه عمرها 17سنة في ثاني ثانوي>>طولت عليكم ادري<<بس
رغد:طيب شفتي قمت قمت دخلت (تصارخ)ارتحتيييييييييييي
>>رغد بنت طيوبه قزمه عيونها عاديه شعرها ناعم حرير شعرها قصيرهاديه حساسه صديقة زينب الروح بالروح وختها بعد تفهم زينب على طول وزينب بعد تفهم رغد على طول بسرعه ينلعب عليها اكبر من زينب ب3 سنوات يعني عمرها 20 سنه>> زينب اكبر من زينب ب3 سنوات يعني عمرها 20 سنه>> زينب وهي كاتمه ضحكتها: عفيه على الشطورين
رغد: قولي امييين تعرسين ونفتك منج
زينب وهي تجلس على السرير:عندج رجال حلو جيبيه ماعندج خليه عند اهله
رغد: يممممممممممممه كيف انخبلت وصرت اختج
زينب: احد قالج نولدي كان متي ببطن امي
رغد وهي تتثاوب: اروح اسبح احس من مقابل وجه النحس
زينب:فكه
دخلت رغد الحمام(وانتوا بكرامتكم)وجلست بالحمام كذا ربع ساعه
طلعت وشهقت شهقه طويله وهي فاتحا عيونها ع الاخروهي تطالع الغرفه
رغد وهي تصارخ:زووووووووووووووووووووووينب شنو سويتي بالغرفه
زينب وهي تدور على عطرها :ادور عطري
رغد شوي بتذبحها:طلعيييييييييييييييي برااااااااا قبل لا اذبحج
زينب وهي تتخصر:وماراح اطلع الا لين القى عطري
رغد وزاد صراخها:اقولج طلعيييييييييييي براااااااااااااا
دخلت عليهم ام طلال (هدى):خير شنو فيكم اصواتكم طالعه لبره>>طبعا مانتبهت للعفسه يوم فرت جسمها بتشوف ليه صاكتين فتحت عيونها على الاخر<<
ام طلال:ليه الغرفه كذا كانها غرفت شباب عزابيه
رغد:يمه هذي زووووينب بنتج الماصونه
زينب تمثل الرائه:انا!!!!!!!
رغدوهي تقلد صوتها:انا!! اكيييد انتي في غيرج يعني رجه في البيت
زينب قامت تصارخ:لالالالالالالالالالالالالالالا يعني انتي البريئه
رغد: بريئه وقصب على بوزج بعد
ام طلال وهي تصارخ:بسسسسسسسسس الله يفكني منكم قولو اميين
رغد:امييين بس ابي افتك من السوسه الي يمي
زينب كلمتها المعتاده:عندج واحد حلو جيبيه ما عندج خليه عند اهله
ام طلال: ماتستحي هالبنت شلون طلعتي بنتي ما ادري
زينب: انا اقولج
ام طلال وهي تكتف ايدينها: تفضلي
زينب: تزوجتي ابوي وجبتو خواني ويوم جبتو اخواني رقيتو غرقتكم وقفلتوا الباب وعاد صار الي صار>> اشك انه مريضه
ام طلال فاتحه فمها وعيونها على بنتها الي مافيها حيا ابد اما رغد متعوده على اختها
ام طلال: استحي على وجهج انتي بنت انتي
زينب وهي تغني اغنية اسيل عمران قويه: انا انا في داخلي بنيه قويه قويه ماهي بشويه....
قاطعتها رغد: اقول بلا بنت بلا ولد عدلي الغرفه
زينب وهي تصارخ تنادي علي الخدامه:نووووووووووور تعالي
نور جات:نعم مادام زينب
زينب وهي تأشر بيدها على الغرفه:رتبي الغرفه
نور وهي فاتحه عيونها:شنو هادا مدام انا مافي سوي ترتيب قبل خمسه دقيقه
زينب: بلا كثرت هرج ونظفيه وطلعت وخلت نور وهي تتحلطم
{في الصاله}
نزلت وهي تغني خليجي على بناني على سوري >>راديو مو بنت
رغد وهي تفطر:رتبتي الغرفه
زينب: نوور جالسه تنظفها>>طبعا الكل يقول ماعندهم مدارس لا لانه اليوم الخميس
رغد: انا قلت انتي ماقلت نور
زينب وهي تجلي على الكرسي: انتي تبين الغرفه نظيفه مالج دخل مين ينظفها
رغد: اوووووووووووووووف
ام طلال: بس عاد من الصبح هواش بس بس
دخل عليهم طلال وهو يتثاوب>>بقول لكم شوي عن طلال
رجال ولا كل الرجاجيل وسييم وسييم اتعب وانا اقول وسسسسسسسسسيم جماله جمال عربي اصل عيون خشم هيبه جسمه رياضي رهيييييييب عمره 28 سنة اكبر عيال ام طلال
متقلب المزاج ساعه يغني ويمزح ويغني وساعه مصعب محد يكلمه عنييييييييد حييل حيل عنيد كلمته ما تنعاد مرتين ولا تمشي الاهي << كني طولت عليكم
طلال: يمه وين فوطتي
ام طلال: يمه اسئل نور
طلال: وينها ذي ذلفت مو في المطبخ
زينب: فوق ترتب الغرفه
طلال: قومي ناديها
زينب: عندك رجول روح انت نادها
طلال: زوينب قومي لا اجيب الكاس ذا على راسج
زينب: لاتكفى خفت اقول طر يلا ولا يكثر كلامك
طلا: بس ابي اعرف يمه يوم جبتيها فيج شي مودينج عند اولاد
ام طلال: والله علمي علمك
زينب: بتروح عن وجهي ولا والله وانا زينب بنت فهد لااموتك هنا
طلال: ما استبعد هذا الشي منج .. ومشي لقى فوطته وراح ياخذ له شور
زينب: فكه من وجه البومه ذا
ام طلال:/عييب هذا اخوج الكبير
زينب توها بتتكلم قطع كلامها صوت الخدامه لووز :مدام زينب واحد اسم مثااايل يبقى انتا >>مدام زينب في وحده تبيج اسمها مثايل<<
زينب قامت ع طول من سمعت اسم مثايل>>مثايل صديقة زينب من اولى متوسط طويلع وعريضه وشمره وشعرها مو ناعم ولا فلافل شاطره احيانا تصير هاديه واحيانا لا حتى رجتها على هدوء عكس زينب في نفس الصف مع زينب<<
زينب وهي تاخذ سماعة التلفون:هلا والله باطش والرش هلا بامثووول
مثايل:هلا فيج والله كيف الحال ...~
زينب: اذا حبي بخير انا بخير
طلال وهو يسمع كلام اخته: من متى الذرابه ذي
زينب: مثول دقيقه ها
مثايل: خذي راحتج
زينب وهي تصر خ: لييييه شايف وحد من الشارع مع وجهك ذا تقول نعله مقلوبه
طلال: بس بس خلاص توبه خلااص
زينب: أي كذا
زينب وهي ترجع تكلم مثايل الي اسمعت كل كلامهم:أي ياهلا
مثايل: كل هالجمال ونعله مقلوبه
زينب: خليه يولي زين ههه لا مو بايلي
مثايل:هههههه لا اس تي سي
زينب: هههه على فكره ماتعرفين تنكتين
مثايل: زنوووب اكلمج بعدين امي تبي التلفون
زينب: اوكي بس فتحي اليوم المسن طيب
مثايل: طيب
زينب: برب يلا روجي
مثايل: هه برب باااي
سكرت التلفون تلف بس صوت اخوانها المزعجين
مثايل وهي تصرخ خلت اخوانها صنم: والله ان شفت احد يتكلم موته طق زييييييييييييييييييين
اخوانها بصوت واحد:زيييين
ام مهند(لطيفه): خير شفيج معصبه
مثايل: بس فقعو الطبله حقت اذاني عيالج
ام مهند: طيب يلا روحي فطري
مثايل: انشاء الله
مشت مثايل لغرفتها توها بتطلع بس صوت الجوال حقا خلاها توقف شافت الرقم ماتت خوف ايدينها قامت ترتجف تحس الدنيا مو قادره تشيلها من الخوف( يارب وش هالورطه الي انبليت فيها)
تتوقعون مين الي داق على مثايل وش هالمصيبه الي خايفه منها ؟
وهل ستظهر شخصيات لها اثر كبير على ابطالنا انتضرونا في البارت الثاني ولا تنسون التقيم اختكم:ملاك وعيوني هلاك...~