03-19-2007, 09:43 PM
|
| |
| شي حلو
 شي حلـو إن الإنسـان ياخذ العادات الحـلوه من الغير ويقتدي فيهم علشـان يطور من نفسه ويرتقي بدولته ويخليها من احسن للاحسن .. . ..
شي مـو حلو انا ناخذ العادات الغريبه و الاشياء الي يستنكرها مجتمعنا وماتمشـي مع عاداتنا وتقاليدنا ونحاول نلبس ثوب مو ثوبنا .. . ..
حلو انا نقلد الغير في العلم والمعرفه .. . .. ونطلع على تراثهم وثقافتهم علشان نستفيد منهم وناخذ الزين ونطرح الشين .. . ..
مو حلو ان نصير مثل الغير في لبسهم وشعرهم وصرعتهم اللي مالها شغل بدينا ومبادئنـا .. . ..
*** ** *** ** *** ** *** ** *** ** *** ** ***
حلو ان الانسان يلبس ويكشخ ويتبع الموضه بس بشكل معقول .. . ..
مو حلو ان الواحد يبالغ في لبسه وشكله ويصير نسخ بس علشان الاستايل .. . ..
وحلـو ان الواحد يختار الانسان كصديق بنفسه و اشوف اللي يتوافق مع افكاري وميولي واطباعي .. . ..
بس اللي مو حلو ان تكون معايير التقييم للشخصيات مبنيه على مظاهرهم .. . .. وشنو عندهم وماعندهم .. . ..
*** ** *** ** *** ** *** ** *** ** *** ** ***
وايد حلو ان تكون لنا نظرتنا الخاصه بالناس وقناعتنا اللي من خلالها نتقرب ونبتعد و نتناقش ونتحـاور فيها ونحترم غيرنا بافكارهم وتوجهاتهم وقناعاتهم .. . ..
وكـلش مو حلو انا نعادي و نحتقر الاشخاص اللي يخالفونا بالرأي والفكر .. . ..ونقول عنهم مايفهمون او معقدين .. . ..
*** ** *** ** *** ** *** ** *** ** *** ** ***
ترى حلو ان الواحد يكون صريح بحدود اللباقه وبدون تجريح والمجامله همن زينه و وايد لها بدون تخطي الازمات في العلاقات سواء الشخصيه او الاجتماعيه .. . ..
واللي مو حلو ان الانسان يجامل لحد النفاق ويصير لفاق ويخادع علشان لا يزعلون منه .. . .. ودايما يكسبهم بصفه .. . ..
*** ** *** ** *** ** *** ** *** ** *** ** ***
حلو ان الانسان يجتهد ويحاول يوصل بجهده و تعبه وان ياخذ من غيره الشي الزين اللي يفيده بشغله ويحسن من مستواه وادائه ويخليه يرتقي بمكانته عملياً ومجتمعياً .. . ..
بس مو حلو ان الواحد يتملق الناس ويتمصلح ويكون معاهم ,معاهم .. . .. عليهم,عليهم وياخذ جهد غيره وينسبـه لنفسـه علشـان يكون اهـوو اليزن الي مافي منـه .. . . ..
*** ** *** ** *** ** *** ** *** ** *** ** ***
تـرى حلو ان افتخر بنفسـي وانجازاتي وشنو سويت وما سويت .. . .. كل انسان من حقه يفتخر بنفسه و جهده وانجازاته .. . ..
والشي اللي مو حلو ان الافتخار يصل لحد المبالغه اللي طيحني من عين غيري وجنـه يا (( ارض انهدي ماعليكي قدي )) .. . ..
__________________   |