| وليد: والله اختي قدرت عليك هههههههههههههههه
انس: مالت عليك أنت وأختك
حسام ضحك: هدي أعصابك مو لهذي الدرجة
أنس: كيف بصبر اليوم معها .. بتلعب بأعصابي
حمد: لا والله حرام عليك .. أفنان طيبة
أنس: بالنسبة لك
خالد: أنس وشفيك ..؟؟!! ماصار شي .. هبال بنات
فراس: والله ماأحد قالك تتحداهم
نواف: قوموا بس نروح نلبس علشان نطلع .. ترا بننبسط اليوم
فيصل: يلا لا نتأخر ويسوون فينا شي بعد هههه
فراس: وأنت الصادق هذولي البنات إذا حطونا في روسهم ماسلمنا
وراحوا لغرفهم علشان يبدلون
بعد نصف ساعة تقريبا ً
تجهز الكل وركبوا السيارة اللي أجروها بالسائق الخاص فيها
كانت السيارة مرررررة فاخرة وطويلة علشان تكفيهم كلهم
مشت السيارة متجهة للجبل
والبنات جالسين يكلمون أفنان ويعلمونها إيش تسوي في أنس بالضبط .. معروف أنس بسرعة يتنرفز ويعصب
مرت نصف ساعة ثانية ووصلوا
ونزلوا والسيارة مشت رجعت عند الشاليه
أم فراس: هنا البنات والعيال بينبسطون
أم فيصل: إيه والله
مشوا الحريم والرجال لفوق الجبل وراحوا يتمشون سوا
اما البنات واقفين في جهة
والعيال في جهة قريب منهم
أسماء: أفنان بلا سخافة
لينا: أفنان يلا عاد
أفنان: لا ماأبغى .. مو متعودة على أنس .. والله أستحي امشي معه لحالي
ريم: لا تصيرين سخيفة
رزان: روحي ماراح يأكلك
أفنان: وحدة منكم تروح بدالي
سارة: ماأحد غيرك بيروح .. ترا أخوي مو وحش
أفنان: إلا والله وحش ودراكولا بعد .. بسرعة يعصب والله خايفة يقتلي
لولو: ههههههه مو لهذي الدرجة
سحبوها كلهم وودوها قدام أنس
أبرار: تفضل أختي المصون بين إيدك .. قصدي انت بين إيدها .. بتامرك وأنت تنفذ
أفنان واقفة قباله بالضبط وساكتة بدون ماتطالع فيه
أنس: وراها هذي كأنها شوي بتبكي
أفنان رفعت راسها: مين قال راح أبكي
أنس: وجهك
ريم حطت إيد أفنان على إيد انس: يلا توكلوا
أفنان بسرعة شالت إيدها: زفتة
انس: خلصينا تفضلي أمشي مالي نفس اوقف أكثر من كذا
سارة: شوي شوي عليها ياأخوي .. تراها رقيقة
حسام: ههه يلا روحوا طفشتونا
مشوا أفنان وأنس وهم ساكتين
أفنان في نفسها: أسوي اللي قالوه البنات ولا لا .. خليني أسويه بس
كانت لابسة كعب متعمدة
مشت وكان قدامها زي الأحجار قاسين وشوي كبار وقفت عليهم وانكسر الكعب
أفنان صرخت: لااااااااااااا
أنس خاف: وشفيك ..؟؟!!
أفنان نزلت وأخذت الكعب حقها: انكسر
انس ارتاح: خوفتيني جعلك مانيب قايل .. كل هذا علشان كعب مدري زفت
أفنان بلعت ريقها .. الله يعيني على الأخلاق ..: إيه ماأقدر امشي وأنا مكسور الكعب حقي .. ولا تبغاني أمشي حفيانة
انس: إيه وشفيها يعني
أفنان: خلينا نروح نشتري وحدة
أنس: مو لازم .. ونزل على الأرض وفتح خيوط الشوز حقه وفصخه ووقف .. هذا انا فصخته علشانك
أفنان فتحت عيونها ماتوقعته يسوي كذا: يعني نمشي بدون شوز ولا شي
أنس: يابنت أفهمي .. مو انتي لحالك انا معك .. وأخذ الكعب اللي بإيدها .. أفصخي الثانية
أفنان فصحتها ومدتها له
أنس أخذها ومسك شوزه ورماهم بعيد
ومسك إيدها بعفوية: أمشي
وسحبها وقام يركض
.................................................. .....
البنات قاموا بجولاتهم الإستكشافية حول الجبل
وكان مررررة زحمة وحلوة المناظر فيه
رنيم: هذولي وين راحوا
أسماء: سارة شكل اخوك خطف اختي
سارة: شكله هههه .. خليه احسن علشان نفتك منهم ثنينهم
ريم: وأنتي الصادقة ههههههههههههههه
جاووو وليد وفيصل
فيصل: أهلين صبايا
رنيم: أهلا ً
وليد: كيفك رنيم .. عجبك الجبل
أبرار: وأنت كل ماجيت بس تسأل عن رنيم
ريم: منقهرة منه ولا غايرة .. تراه اخوك التوأم مو زوجك
أبرار: حتى ولو
رنيم: تعالوا تمشوا معنا
لما: لا مانستقبل ضيوف
رنيم وقفت بين ووليد ومسكت إيدهم: على كيفك هو
لما: إيه
ريم سحبت رنيم: تعالي انتي ترا أغااار عليك من الوحوش .. وانتوا يلا مع السلامة
وليد: شفتي يارنيم يطردونا
فيصل: خلاص زعلنا بنروح
رنيم: لا تعالوا ماعليكم منهم
البنات سحبوا رنيم ومشوا
ريم بجدية: رنيم من اليوم ماراح تروحين مكان بدوني .. خاصة مع فيصل ووليد
رنيم بإستغراب: اوووك
لولو: أحمدي ربك أنها تحبك لهذي الدرجة .. أنا ماقالت لي كذا
رنيم ضمت ريم: ياحبي لها ياناااس
ريم: أبعدي لا تتلصقين فيني ترا كثار معجبيني
رنيم بعدت عنها وضربتها: حماااارة
ريم: آاااااه وش ذا الدفاشة
سجى: بنات يلا خلونا نتمشى طفشنا وحنا واقفين
لمار: يلا من جد
ومشوا البنات يكملون جولتهم الأستكشافية
.................................................. ...........
خالد وهو شايل سمر على كتقه: وش تبغين
سمر: حلاوة
خالد: طيب .. بس مو ألحين بعد شوي
سمر: أوووك
فراس: بلشتنا بذي البزر جايبها معنا
خالد: وش تبغون بعد .. امي قاطتها علي .. تبغى تنبسط مع أبوي ههههههه
حسام: والله حسيتك خدامة هههه
خالد: خدامة أنت مع وجهك
مهند جاء عند حمد: حمد شيلني نفس سمر
حمد: بزر انت
مهند: لا رجال
حمد: أجل امسك أرضك
مهند: لا أبغى تشيلني زيها
حمد: ياأخي وش ثقلك
فراس: جانا البلشة الثاني ذا .. الحمدلله ان أصغر أخواني رنيم
حسام ضحك: أقول أسكت لا تجيك بعد شوي وتقولك شيلني مثلهم
فراس: وأنت أجيبلك نواف .. إلا صحيح وين راح
حسام: تلاقيه يمكن مع وليد وفيصل
حمد شال مهند: يلا خلونا نمشي
خالد: شلته ههههه
حمد: إيه طفشني .. شوي ويصيح ... عااد أمي تجلس توريني الويل
وجلسوا يتمشون
.................................................. ......................
مشى معها ووقفوا عند مكان في الجبل يطل على البحر وأمواجه وهي تمشي
ترك إيدها وقرب شوي
أفنان: أنتبه لا تطيح
انس: لا تخافين ماراح يصير لي شي .. تعالي انتي شوفي المنظر مررررة حلو
أفنان قربت شوي ورجعت: إيه حلو .. بس يخوف
أنس ضحك: دلع فيكم يالبنات
أفنان: يحق لنا
أنس: أكيد ههههه
أفنان: ليش تضحك ..؟؟!!
أنس: حتى الضحك حرام
أفنان: إيه
جات الشمس على وجهها ونزلت النظارة اللي كانت على راسها
أنس كل الل بقلبه على لسانه وجدا ً صريح: لا كذا مو حلو .. أرفعيها أحلى
افنان رفعتها: كذا كويس
أنس ابتسم: إيه أحلى
ومررت لحظة صمت
أنس: نمشي
أفنان: أوووك
ومشوا
أفنان جات في عقلها فكرة تبغى تجننه شوي علشان مايقولون البنات ماقدرت عليه
أفنان: تعبت أبغى أجلس
أنس: طيب أمشي هناك في جلسات
مشوا شوي ولقوا طاولة فاضية وفيها كرسيين
أنس تعب من المشي فرمى جسمه على الكرسي وجلس براحة وغمض عيونه
أفنان جلست وطالعت فيه وكسر خاطرها .. بس تذكرت البنات ووقفت: خلاص هونت أبغى أمشي
أنس فتح عيونه: تستهبلين
أفنان: كيفك قلت أبغى امشي
أنس: بعد شوي
أفنان: أجل بمشي لحالي .. وإذا ضعت بقولهم انت السبب
انس وقف بتأفف: يلا قدامي
أفنان مشت وهي تضحك
كانت في عيون تمشي وراهم وتراقبهم
##########################################
تغدوا كلهم في مطعم منير
وبعد كذا مررر الوقت وهم مررة مبسوطين
البنات قاموا يستهبلون وطول الوقت يدورون على أفنان وأنس مالقوهم
حاولوا يلحقونهم بعد الغداء لكن مافي أمل
رنيم: بنااات قوموا نروح
ريم: وين ..؟؟!!
رنيم: هناك عند هذاك المكان .. أشرت بإيدها .. أبغى أشوف البحر
ريم: تعالي نروح انا معك بس
رنيم: يلا
وراحوا ووقفوا وهم يشوفون البحر وامواجه كيف يتحرك كااان الوقت ليل والجو مررررة لطيف
جاء من وراهم ووقف وراى رنيم بالضبط
رنيم: بررررد
: تبغين أدفيك
رنيم بسرعة التفتت: فيصل..؟؟!!
فيصل: لا أخوه
رنيم: هههههه .. إيش جابك هنا .. وين وليد عنك
ريم: أرووح خلاص
رنيم مسكتها: لا وين تروحين
ريم ضحكت: بيأكلك يعني
رنيم: لا مو كذا .. بس لا تروحين عني
فيصل: أجل انا بروح
رنيم: لااااا
ريم: اختاري واحد يبقى وواحد يروح
رنيم: انا اللي بروح
فيصل: لا مافيه تروحين
ريم: خلاص قلت بروح
رنيم: شوفوا أفنان
ومشت بسرعة
ريم: وينها .. الحماررررررررة
فيصل قام يضحك على رنيم
ريم: السموحة اخ فيصل البنت خجولة
فيصل: روحي وراها لا تضيع ألحين
ريم باللبناني: من عيوني .. شو بيؤبرني هالصبي
ومشت وفيصل يضحك عليهم
#################################
كانت يتمشون لحالهم
تركوا البنات وجلسوا يسولفون
كانوا لا بسين تنانير شوي قصير فوق الركبة لونها أسود
وكل وحدة لا بسة بلوزة ناعمة غير عن الثانية
جاء ولدين من وراهم سعوديين
الأول: شوف بناتنا جايين هنا .. وانا أقول مافي أحلى منهم
الثاني: وانت الصادق .. والله انهم مزز بس مخبين الجمال
: رزان خلينا نمشي
رزان: يلا بسرعة
مشوا وهم خايفين
كان المكان بعيد عن الإزعاج وصاد شوي
الاول: وين ياحلوين لسة مااستنانسنا سوا
الثاني: لبنان حلوة وانتوا حلوين
جاوو من وراهم ومسكوهم
: مااستانستوا هاا
لينا شهقت: فراس
رزان بنفس الشهقة: حسام
حسام: لبنان حلوة صح .. اوريك شلون هي حلوة على أصول
ومسك الأول وعطاه بوكس على وجهه
فراس مسك الثاني وقام يضربه: والله لا أكره لبنان في وجهك واخليك تحرم تجي ثاني مرررة
الأول: خلاص والله توبة
الثاني: بنروح ولا عاد نرجع
رزان بخوف: خلاص خلوهم
لينا تمسكت في رزان: إيه أتركوهم
تركوهم وراحوا يركضون من الخوف
فراس وهو معصب: سوو لكم شي
رزان: لا
حسام: إيش جيبكم هنا لحالكم
رزان: جينا نتمشى .. مشت وراحت جنب حسام .. تعال وصلني للبنات
حسام: يلا أمشي
وراحوا
لينا كانت واقفة وباين انها خايفة << مافي إنسانة في العالم خوافة كثر لينا من أي شي تخاف
فراس قرب منها: خلاص راحوا ماصار شي
لينا كانت تطالع بعيد وهي ساكتة
فراس بهدوء: لينا
ولا ردت
فراس قرب ومسك إيدها: لينا وشفيك
لينا على طول نزلت دموعها
فراس: ليش تبكين ألحين
لينا: مررررة خفت .. يعني لو ماجيتوا كان ماأعرف إش صااار ..؟؟!!
فراس: طيب حصل خير
لينا كتفت إيدها وهي ساكتة
فراس مسح دموعها وهي ماتحركت وابتسم: اموت على دلع الخايفين انا
لينا ابتسمت غصب عنها: فراس وبعدين .. والله مالي خلق
فراس: مالك خلقي يعني
لينا: لا مو كذا بس لسة متأثرة نفسيا ً
فراس: لا تتأثرين ولا شي .. خلاص هم راحوا أصلا ً واتوقع يرجعون السعودية على أول طيارة ههههه
لينا ضحكت: خافوا منك
فراس: طيب يلا أمشي نروح لهم
لينا: اوووك يلا
ومشوا متجهين لهم
.................................................. .............
كانوا يمشون وساكتين بدون ولا كلمة
وفجأة قالت: انس جوعانة
انس: يعني وش تبغين أسوي لك
أفنان: انا مافطرت .. ولا تغديت كويس .. وألحين صار الليل ومررررة جوعانة
أنس: أمشي يلا خلينا نشتري لك ساندوتش من هناك
وراحوا ووقفوا عند محل صغير وهو أشترى وجاء عندها
أنس: تفضلي
أفنان .. ياحياتي جننته ..: لا خلاص هونت ماأبغى آكل
أنس فتح عيونه: ياشينك تستهبلين
أفنان: لا خلاص حستها ماتشهوي
أنس: ترا مافيها شي غير دجاج وصلصة خاصة فيه
أفنان: لا شكرا ً .. انت أكلها
أنس: اووووف
ومشوا وهو اكلها بسرعة لانها صغيرة
أفنان: أنت قد جيت لبنان من قبل
أنس: إيه
أفنان: متى ..؟؟!! احسك تعرف أشياء كثيرة فيها
أنس: من زمان لما كنت بمتوسط
افنان: ماأتذكر أني سمعت أنكم رحتوا لبنان
أنس: يمكن ناسية
أفنان: يمكن
ورجع الصمت بينهم مررررررررة ثانية
وهذي المررة طول
أفنان بتفكير: أنس
أنس: هلا
أفنان: تحب ..؟؟!!
انس أستغرب سؤالها: يعني واحد مثلي تعتقدين يحب
أفنان: عاادي وشفيها
أنس: ماأحب هذي الحركات .. طيب وأنتي
أفنان بسرعة: أكيد لا
أنس: و طيب ليه
أفنان: مين يعني بحب بالله
أنس: عيال العايلة كثار
أفنان: لا يابابا أنا ماراح أحب إلا زوجي
أنس ضحك عليها وهي تقول زوجي: كويس .. كذا طمنتيني عليك هههه
أفنان سكتت
أنس: طيب بسألك سؤال
أفنان: تفضل
أنس: ألحين كل اللي سيويته فيني من البنات ولا منك
أفنان ضحكت: تبي الصراحة الصراحة
__________________
iLove every one ... |