أنس: أتمنى هذا الشي
أفنان: طيب اسمع .. سالفة الكعب من البنات .. اما الساندويتش ولما قلت نجلس مني أنا
أنس: ماشاء الله
أفنان: أقول أحمد ربك أني سويت لك شي بسيط .. ولا هم قالوا أشياء أعظم بس كسرت خاطري
أنس: ياماما يارحيمة
أفنان: يلا خلنا نروح لهم
أنس: يلا قدامي
أفنان: طيب لاتنافخ
وراحوا
ومازالت في عيون تراقبهم طول الوقت ومشت وراهم
#######################################
رجعوا البيت وكانت الساعة سبعة الليل
دخلوا وهم يضحكون
عبير: ماشاء الله ماكان رجعتوا كل هذا تحجزون
ديما أول ماشافت امها تغير وجهها وتذكرت كلام ثامر وماردت عليها
ثامر كان يسب نفسه في داخله لما شاف وجه ديما وندم انها قالها: ديما كانت حابة تتمشى ومشتها
عبير: من الظهر إلى ألحين
ديما بدون نفس: مافيها شي
عبير بحدة: أعرفي كيف تتكلمين معي انا امك
ديما مشت وراحت فوق ركض
عبير بصراخ: ديما تعالي انا اكلمك .. ديما ديما
ماردت عليها
عبير التفتت على ثامر: وش قايل لها وش معبي راسها فيه هااا
ثامر: سلامتك ماقلت لها شي .. بس جاء الوقت اللي تعرف فيه امها على حقيقتها
عبير بلعت ريقها: تلكم معي زي الناس .. انا مثل أمك
ثامر ضحك: مثل أمي .. شفتي ظفرها أنتي ماتوصلين له
وراح فوق
وهي جلست تأكل في نفسها تبغى تعرف وش فيها ديما
#########################################
جالسين على كراسي البحر منسدحين في كرسيين جنب بعض
ماسك الجوال في إيده وفاتحه سبيكر
: إيه وش سويتوا بعد
رنيم: مررررة انبسطنا
ريم: أنت إيش مسوي مع الحلوة هيله
سامي: هذي هي جنبي
رنيم: عطنا نكلمها
سامي: هيله رنيم وريم يكلمونك
ريم: وش هيله هاا .. قول لها حياتي قلبي عمري مو .. تقلده .. هيله يكلمونك
هيله ضحكت: أهلين ياحلوين
سامي: انا أصلا ً طول الوقت أدلعها .. بس قدامكم عيب توكم اطفال
رنيم: قال إيش قال أطفال .. انت وش تطلع اجل
سامي: سوبر مان .. التفتت لهيله .. مو كذا ياحلوة
هيله ابتسمت: أكيد
ريم: يلا نخليك في حياتك الجديدة خلنا ننبسط بااااي
رنيم: باااي وبوس لي هيله
وسكروا
سامي باس هيله في خدها: هذي منهم .. وباس خدها الثاني .. لكن هذي مني
هيله ابتسمت: احلى بوسة اللي منهم
سامي رفع حوجبه: لااا .. طيب معليش
هيله قامت تركض وراحت عند البحر وقامت تطشر عليه
سامي: تعالي وين بتروحين
هيله: سامي خلاص روح عني
سامي: علشان تعرفين من بوسته احلى
هيله: هم أحلى
سامي: طيب أوريك
وقام يلحقها وهي تركض وتطشر عليه
ركض بسرعة ومسكها من ورى ودورها
هيله: لااااااااا سامي
سامي كان ماسكها من ورى وضامها بقوة: مين بوسته أحلى
هيله بعناد: هم
سامي: إلى الآن مصرة
هيله: إيه
سامي قام يدغدغها: وألحين
هيله: هههههههه لا خلاص والله انت والله
سامي: نصابة
هيله وهي تضحك: والله انت .. سوسو الله يخليك خلاص ههههههههههه
سامي ضمها بقوة وباسها في خدها: إيوه أعقلي
هيله: دب
مشوا ورجعوا للكراسي
وكملوا سوالفهم وعايشين مبسوطين
############################################
جالسين طفشانين مررررة تعبوا وهم في الطيارة
جوري: أوووووووف متى بنوصل
شوق: خلاص شوي تلاقينا وصلنا
: سوف يتم الهبوط بعد ثواني على أرض لبنان فليستعد الجميع
جوري صرخت: وناسسسسسسسسسسة
شوق ضحكت: هدي وش ذا الحماس الزايد
جوري: رنيم
شوق عقدت حواجبها: وشفيها رنيم .. أصلا ً وش دخلها
جوري: موجودة هنا
شوق: موجودة هنا بلبنان
جوري: إيه
شوق: حمااااااااااااااااس
نزلت الطيارة ونزل الكل وتوجهوا للفندق
أخذوا لهم جناح كامل
فيه ست غرف
جوري دخلت غرفتها مع شوق وفصخت العباية وانسدحت على السرير
وعلى طول اتصلت على رنيم
لكن للأسف الجوال مايصلح تتصل فيه ألحين لانه ماحولته للبنان
جوري: يوووووووووووه
شوق: وشفيك
جوري: ماأقدر أتصل عليها لسه ماحولت الجوال
شوق: اتوقع العيال حولوه بروح أشوف
وطلعت وراحت عند محمد
دقت الباب فتح أسامة
أسامة: حتى هنا زاعجتنا
شوق: ابعد عن وجهي .. ودخلت
محمد: هلا شوق وش تبغين
شوق: جوالك وينه أقدر أتصل فيه محوله انت
محمد: إيه .. بس ماأبغى أعطيك
أسامة: خلاص تفضلي برا
جوري: جوجو تبغاه
محمد بتفكير علشان مايبين قدلمهم: خلاص خذيه كسرتوا خاطري .. بس بسرعة رجعيه
شوق: كسرنا خاطرك هااا .. باااي بس
وطلعت
ورجعت غرفتهم
جوري: ها لقيتي
شوق رفعت الجوال آي فون وغمزت لها: حق محمد
جوري سحبته: حيوانة
وبسرعة دقت على رقم رنيم اللي حافظته وماردت
جوري: يوووه ماترد
شوق: خليه بعد شوي
جوري: اوووووك
#########################################
تجمعوا كلهم علشان بيرجعون الشاليــــه
جاتهم أفنان: آااااااااااه ياقلبي
أسماء: بسم الله عليك وش صااار
رنيم: وين اختفيتي
سارة: خطفتي اخوي ورحتي
أفنان: ياناس .. ياحبيله والله
لما: بدينا القلة الأدب
ندى: قولي بدينا حب
أفنان: انقلعي أنتي معها
رزان: خلصينا قولي لنا وش صااار بالتفصيل الممل
ريم جات تركض متحمسة: وين الكعب الله يفشلك هههههههههه
البنات كلهم ضحكوا لما شافوا رجولها
أفنان: ماشفتوني في الغداء كنت حفيانة
أبرار: بالله عليك بنطل من تحت الطاولة مثلا ً
لمار: طيب ليش جاية حفيانة ألحين
أفنان: سويت اللي قلتوا لي
سجى: طيب بعدين
أفنان: هو فصخ شوزه معي وماه بعيد ومشى معي حفيان
ريم: ياسلام والله أنس كشخة .. ياليتك ياسارة طالعة عليه
سارة: انا أحسن منه
ريم: على فكرة انتي غبية ياأفنان
أفنان: أنطمي .. ليييييه
ريم: خليت نواف يمشي وراكم ويراقبكم ويقول ماسويتي فيه ولا مقلب يبرد القلب
أفنان: كسر خاطري .. بس سويت فيه كذا شي
رنيم: خلونا نرجع الشاليه بعدين نسحب منها الحكي ونعرف كل السالفة
ركبوا السيارة
وتوجهوا للشاليه
اول مادخلوا
رن جوال رنيم: اووووف هذا الرقم دق علي وانا هناك ومارديت وألحين دق مرررررررة ثانية
ريم: ردي
رنيم: ماأبغى اخاف ينشب لي بعدين
ريم سحبت الجوال منها: جيبي .. وردت .. ألو
جوري: ألو
ريم: مين معي
جوري: مو هذا جوال رنيم
ريم: إلا بس مين معي
جوري: انتي ريم صح ..؟؟!!
ريم: إيه .. بسك أسئلة الله يعافيك مين أنتي
جوري: أنا وحدة
ريم: سبحان الله كنت أحسبك واحد .. خلصينا ياأم الشباب مين انتي
جوري ضحكت: توقعي
ريم: مخي مقفلة عليه ماينفتح إلا نهاية الإجازة فخلصيني مين
جوري: عطيني رنيم وبتعرفني
ريم: تحبين رنيم
جوري: إيه
ريم: تحبيني
جوري: لا
ريم: أجل جوري مافي غيرك
جوري: إيه هههههههههههه
رنيم سحبت الجوال
ريم: شوي شوي لا تموتين علينا
رنيم: انقلعي .. هاااي جوجو كيفك
جوري: تمام .. تتوقعين أنا وين
رنيم: وين ..؟؟!!
جوري صرخت: لبنان
رنيم صرخت بقوة: بذمتك
جوري: والله .. لسة واصلين
رنيم: وناسسسسسسسسسة .. وين ساكنين
جوري: أخذنا لنا جناح بفندق
رنيم: تعالوا عندنا
جوري: وين
رنيم: حنا مستأجرين شاليـــــــه مرررة كبير
جوري: مدري بقول حق ماما
رنيم: أنا ألحين بسكر منك بقول لرزان علشان تنبسط ان رتال هنا .. وانتي روحي أرتاحي ونامي توك واصلة من سفر
جوري: أووووك أكلمك بكرة وأقولك إيش قالت ماما
رنيم: أووووك باي
جوري: باااي
وسكرت
البنات كلهم دخلوا داخل على غرفهم علشان يغيرون إلا أبرار وندى ولما وريم
ندى: وراك تصارخين فقعتي أذاننا
أبرار: وش صاير
رنيم: جوري صديقتي هنا بلبنان
لما: اللي قلتي لنا عنها
رنيم: إيه
ريم: والله أنا المسكينة اللي بنترك لحالي
رنيم ضمتها: لا شدعوة .. وإذا تركتك عندك شوق
ريم: هي جاات
رنيم: أكيد هم مايسافرون بدون عمهم
ريم: كويس
رنيم: حمااارة .. نسيتيني
ريم: نفس مانسيتيني انتي
ندى: مين شوق هذي بعد
ريم: هذي بنت مزة اوي .. دايم تنكت ودمها خفيف مثلي .. بتعجبك
ندى: نشوفها
رنيم راحت ركض لداخل وفتح الغرفة على رزان ولينا
رزان: بسم الله ماتعرفين تدقين الباب
رنيم: بمناسبة الخبر اللي عندي لا
رزان: وإيش الخبر إن شاء الله انخطبتي
رنيم: لا شي ثاني مررررة حلو
رزان: خلصينا قولي
رنيم: رتال هنا بلبنان
رزان فتحت عيونها: أحلفي
رنيم: والله .. لسة مكلمتني جوري
رزان: وناسسسسسسسة
لينا: حماس اخيرا ً بشوف رتال
رنيم طلعت وراحت غرفتها وتروشت وبدلت لبست بيجامة وطلعت راحت عند أمها
دخلت عليهم وكانوا كل الحريم جالسين بالصالة الكبيرة
رنيم: ماما
أم فراس: هلا حبيبتي
رنيم: ماما جوري جاوو هنا لبنان
أم فراس أبتسمت: جد .. اجل لازم تشوفينها .. إيه صح وين سكنوا
رنيم: سكنوا بفندق .. انا قلت لها تعالوا هنا الشاليه مرررة كبير
أم فراس: إيه والله
رنيم: ماما كلمي أمها قولي لها
أ مفراس: إيه لازم بكلمها .. انبسطوا معهم وحنا ننبسط معها .. إيه صح ام فهد جايين معهم بعد
رنيم: إيه أكيد
ام فراس: أجل كويس .. بتصل عليها بعد شوي
رنيم طلعت عند البنات وهي طايرة من الفرحة
########################################
الكل نااام إلا هم جالسين
جوري بإنفعال: شوق
شوق: نعم
جوري: مو حنا سمعنا العيال يقولون بنروح باريس
شوق: إيه والله صح
جوري: شوفي حنا رحنا لبنان
شوق: هههه اتوقع قصوا عليهم
جوري: يمكن
شوق: قومي خلينا نقول حق امهاتنا علشان نروح عند رنيم
جوري: إيه من جد يلا قومي .. والله بننبسط مع بنات خالاتها ماشاء الله هم كثار
ووقفوا وطلعوا ودخلوا عند أم فهد وأم ماجد اللي كانوا جالسن مع بعض
أم ماجد تكلم جوال: إيه والله ودي .. بس تعرفين يانادية يمكن أبو ماجد مايرتاح ويخاف يضايقكم .. إن شاء الله بحاول .. لا أبد بننبسط معكم .. والله حتى العيال والبنات بيفرحون فيكم .. إن شاء الله .. أشوفك على خير .. مع السلامة
وسكرت
جوري: ماما مين هذي خالتي نادية ام رنيم
أم ماجد: إيه .. هم بلبنان .. وتقول تعالوا اجلسوا معنا في الشاليه .. تقول مررة كبير وبيكفي
شوق: خالتي خلونا نروح
ام فهد: بس يمكن نضايقهم
جوري: لا ماراح نضايقهم من كثرنا يعني .. ورنيم بعد قالت لي تعالوا
أم ماجد: طيب أبوك وعمك يمكن مايرضون
جوري: إذا أنتوا رضيتوا بيرضون
شوق: إيه صح
أم ماجد: خلاص بنشوف
ام فهد: روحوا ناموا ألحين .. وحنا بنفكر
جوري: إ ن شاء الله
شوق: تصبحون على خير
وطلعوا
############################################
ام حسام: مين ذولي طيب
أم فراس: هذولي امها صديقات رنيم ورزان
أم فيصل: ماشاء الله .. وحليوات
ام فراس: إيه والله ياحبي لهم .. كم مررة جلست معهم يدخلون القلب
أم طلال: والله ودنا نجلس مع احد نوسع صدرنا
أم وليد: وانتي الصادقة
أم فراس: عاااد إن شاء الله يجوووون
ام أحمد: إن شاء الله يجون .. على الأقل ننبسط معهم وعيالنا بعد ينبسطون مع عيالهم
أم فراس: إيه والله
.................................................. ..........................
جاااء اليوم الثاني
قام الكل الظهر علشانهم امس تعبوا طول اليوم وهو في الجبل ومررررة تعبوا
البنات جالسين حول النافوة ويسولفون
رن الجرس
وراحت وحدة من الخدم اللبنانيات علشان تفتح الباب
رنيم ركضت: دقيقة
وقفت ماريا: أمرك بدك شي
رنيم ضحكت: مشتهية افتح الباب أجرب لأنه مررررة كبير
ماريا ابتسمت: تفضلي افتحيه
رنيم فتحت الباب وفتحت فمها وصرخت بقووووووووة صرخة هزت الشاليه هز
أنتهى البارت
اختكم الحلوة (( حكايا قلم ))
أنتظر توقعاتكم بكل شوق