غادة:أي تزورنا..
سارة بققت عيوني:كييف؟؟يعني حصة..
قاطعتني:أي تجينا كل جمعة او أي يوم في الاسبوع..
سارة:وفيصل يقابلها ولا..
غادة:اكييد يقابلها..لانها اصلن ماتتغطى عنه...
سارة استغربت:ماتتغطى عنه..مافهمت؟؟
غادة:اصلن حصة من كانت صغيرة ماتتغطى عنه..إلين ماكبرت..
سارة:نبوا السالفه لعبه..
غادة:والله اني مكذبت عليك..هي كانت حب فيصل الاول..
مدري وش حسيت من قالت لي حبيبه فيصل الاولى..حطوا مكانكم في مكاني..
سارة بغيرة واضحة:وفيصل إلى الان يحبها ولا؟؟
غادة:......................
سارة بقهر:يعني يحبها إلى الان...
غادة:والله مدري وش اقول لك يامرت اخوي..اخاف لقلت لك تزعلين ولا....
قاطعتها:لامتخافين قولي..يلا.
غادة:انا احس انه يكن لها بعض المشاعر..ويوم قرر انه يتزوجك حسيت انه يطالع فيها وهي تطالع فيه بنظرات غيرة...ولاحظت بينهم كلام ذيك المرة في المزرعة..مزرعة فيصل..المهم شفتهم مع بعض يسالفون بس مقلت لحد غيرك حتى امي ماتدري لانها لو درت كان صار علوم..
سارةمو مستوعبه ألي تقوله:سؤال اخير..انتي متأكده انه طلقها بثلاث؟؟
غادة تحرك كتفها.يعني مدري..
سارة بعصبيه:كييف ماتدرين ياغادة..كييف؟؟
غادة باندفاع:والله مدري ياسارة..ألي اعرفه ان هو قال لامي انه طلقها بثلاث..
سارة(متوقع..أكييد قال لامه كذا بس عشان يسكتها..يمكن طلقها مرة او مرتين..)وانا قايمه:الحمدلله..
غادة:خلصتي..انتي مااكلتي إلا كم لقمه بس..
سارة ابتسمت بتصنع:بس خلصت..
غادة:اها..عشان كذا انتي ضعفتي..
سارة بدون نفس:هههه...لاوش دعوه انا كلا اكل..يلا عن اذنك..بروح اجلي..
غادة:اساعدك..
سارة:والله ماتجين انا احب الغسيل اصلن..انتي كملي فطورك..ومتى مخلصتي روحي الحديقة تشمسي...
غادة:هههه حلوة اتشمس ذي..اوكي..
ورحت المطبخ..ورحت في نوبه بكى..بكى على حظي..
سارة بصوت باكي وبهمس:ليه يافيصل؟؟ليه؟؟ تزوجتني كل ذه عشان تقهرني وبس..ليه جبرتني اتزوجك؟؟ ليه بس؟؟ ليه خليتني احبك..وامووت فيك..اهئ اهئ..ليه بس..اهئ..
خفت تجي غادة ورحت جليت الصحون كلهم ونظفت غرفة الطعام والصالة..وبعد مخلصت الشغل رحت خذت دش سريع لان شغلي مخلص كله..
لبست بلوزه بلون الفستقي وبنطلون باللون الزيتي المدموج باللون البني مع قلادة بنيه طويله..
وسيحت شعري ولبست صندل بني..وماحطيت مكياج بس غلوس بلون الزهر

ورتبت غرفتي..
سارة جلست بالكرسي:آآآه..ظهري يعورني..كني من زمان ماجلست..آآه وقعدت افكر بكلام غادة..
سارة(افكار تدور براسي..آآه..وش يسوي فيصل مع حصة في المزرعة بل حالهم..مع انه طلقها إلا ان يكلمها وش السالفه..وش دخلني فيه طلقها ماطلقها..انا وش يخصني..كيفهم.. انا لازم انساك يافيصل...لازم)وقطع تفكيري صوت جوالي..
سارة بنعومه:هلا يمه..أخبارك؟؟
ام فيصل:زينه الله يسعدك..انتي اخبارك واخبار اهلك..
سارة(والله مدري عنهم..اما عن اخباري فالله ادرا فيها):الحمدلله..
ام فيصل:وش كنت بقول لك.."وهو تفكر"اعوذ بالله...اي تذكرت..قولي لفيصل يوم الجمعة يجي المزرعة انتي وياه..انا دقيت عليه بس محد يرد شكله في اجتماع..
سارة:ابشري يمه..
ام فيصل:يبشرك ربك بالجنه..
سارة:وياك يارب..يوصل ان شاء الله..
ام فيصل:اسلمتي..يلا مع السلامه..
سارة:الله يسلمك..
سارة(اصلن مراح ينسى..لان حبيبته حصة بتجي كالعادة).. ونزلت تحت في الحديقة شفت غادة تشرب عصير..ابتسمت سارة:اخذ...والله منتي سهله..
غادة ابتسمت:احب اعلمك... بيتك كبير ولا مستغلته زين..قلت استغله انا احسن..
سارة:ههههه..خذي راحتك فديتك..
غادة وهي تنزل النظارة على عيونه:وش هل الجمال هذا...أنتي قمرر مررة..
سارة ابتسمت:بدينا احين..
غادة:ههههه..والله انتي جميلة..انتي احلى من حصة..
سارة بفرح:صدق..
غادة:أي والله بكثيررر بعد..هي سمراء وملينه بنسبه لك..وشعرها قصير لين كتفها..وشعرها باللون الاشقر..ويليته حلو عليها..يعععع يلوع الكبد سمرها بزيااده..مدري وش شايف فيها فيصل..
سارة:الله يسلمك..كلك نظر فديتك...
غادة وهي تستنشق الهواء:الجو هنا حلو مرره..مدخلنا في البرد حيل..اتوقع مراح يجي بررد مرة وتشوفين..
سارة:أي معك حق من قبل ايام كان الجو شوي بارد..
غادة:أي..بس احين حلو لتشميس..."وهو تمد لي عصير برتقال"
سارة:ثانكيو..
غادة:يوار ولكم..
في الشركة..
محمد:هذا الملفات إلي طلبتها..
فيصل ابتسم:شكرا..
السكرتيرة نور:استاز فيصل المدام بيدا ياك..
فيصل:اوكي..حوليها لي..
السكرتيرة:ان شاء الله..
فيصل وهو يرد على التلفون:هلا هلابقلبي وعمري حصة...
محمد:؟؟؟؟؟؟
حصة بدلع:فديتك..ليه ماقمت تجيني قلبي والله اشتقت لك..
محمد:عن اذنك..وطلع..
فيصل:ياعمري عمرك..حتى انا اشتقت لك حيلل بس وش اسوي لازم شهر العسل يطول..
حصة بغيرة:هي حلووة ولا..
فيصل(قمررر..):لا شينه..
حصة فرحانه:يعني انا احلى منها..قلبي.
فيصل(لا طبعا انتي تصيرين نقطه بالشمال):بكثيرر..
حصة بدلع:بتجي اليوم تتغدا عندي ولا..
فيصل:ياقلبي مقدر انتي تدرين..أنا ماابي تشك سارة..
حصة:اسمها سارة..عشتوا..
فيصل:ههههه..تغارين علي..
حصة:اموووت من الغيرة..كيف ماتبيني اغار عليك...
فيصل:فديتك..
حصة:حبيبي..متى راح تقول لامك..
فيصل:عن شوو؟؟
حصة:وش فيك قلبي..عنا..
فيصل:لا لسه...أنتي صبري شوي بس..
حصة:اوك فديتك..مو تنسى..
فيصل:لاا وش دعوه انتي في بالي طول الوقت...
حصة:احبك مووووووت..
فيصل:هههههه ياروح فيصل انتي..
حصة:يلا اخليك احين..موعدنا في المزرعة..
فيصل:اوكي ياقلبي...
فهد مدرعم فتح الباب بسرعة:هلاااا..
فيصل:يلا قلبي اكلمك بعدين..وسكر
فهد يحرك حاجبه وبمكر:من ذي يالملعون..
فيصل:ههههه انت وش جيبك احين..ولابعد داخل من دون احم ولاتستور..
فهد:لاتغير الموضوع من ذي؟؟حصة ولاسارة..
فيصل:وانت وش دخلك..
فهد:بس من قلت كذا معناتها حصة..وش تبي فيها يافيصل اتركها طالما هي كذا..
فيصل"ليتها جات على الخيانه وبس ذي ناويه على شيء ثاني ست حصه":.........
فهد:وساره تدري انك ماطلقت حصه...
فيصل:حتى لو درت وش بتسوي بعد..
بيت ابوجمعان..
عند الساعة11:00
ام جمعان في التلفون:اليوم يعني..
ام حمد:أي..اتوقع بكره بنتي ريم..
ام جمعان:الله يسهل"تتنهد"الكل بيتزوج إلا بناتي..يقلون مايبون يتزوجون يااختي..
ام حمد:ليه في حد جاهم؟؟
ام جمعان:لاا..
ام حمد:اجل لاتتكلمين..لين مايجي حد يطق بابهم..وانتي وش دراك يمكن يوافقون لجى حد..
ام جمعان بهم:ماهقيت راح يجي حد..مو اتشائم..بس خليها على ربك..
ام حمد:وش السالفه يامنيرة..
ام جمعان بنفس همها:جات حرمه من كم يوم وشكلها جايه تشوف بناتي...عشان تخطب وحده منهم لولدها..بس من شافتهم غيرت رايها..
ام حمد:الله يكون بالعون..انتي يامنيرة حاولي فيهم..يعني خليهم يتكشخون..يسرحون شعورهم..ولايعلون صوتهم..لان يامنيرة صوت عيالك عالي مررة وخشن في الكلام والاسلوب..الحمدلله..
ام جمعان:حاولت فيهم..بس هم ماينفلون..
ام حمد:تصدقين حتى حنان بنتي ضعفت مشاء الله عليها..مقامت تاكل زي قبل..
ام جمعان:مشاء الله..المتن مافيه خير لاهله..
ام حمد:وانتي الصادقة..أنا حسيت انها تبي تضعف من تزوجت سارة وريم في الطريق ان شاء الله..
ام جمعان:اها..اكييد حست بنفسها..لانها متبي تعنس..
ام حمد:أي والله..يلا منيرة انا بسوي الغداء..اكلمك بعدين..
ام جمعان:يلا مع السلامه..
ام جمعان وهي تنادي من عند الدرج:سارة ياسارة..
ساره وصوتها كله نوم:هه..
ام جمعان:وهواه..لما اناديك قولي نعم مو هاه..
سارة:بغيتي شيء؟؟
ام جمعان:طالما انتي غايبه وماتذاكرين تعالي اعلمك كيف تطبخين؟؟؟
سارة بستغراب:وليه يمه؟؟في حد قال لك انا ابي اتعلم الطبخ..
ام جمعان:لامحد قال..بس انا قلت تتعلمين كم شغله تستفدين منها بعدين..احسن من جلوسك كذا..
سارة:يووه يمه..بعدين بعدين..
ام جمعان:مالت عليك..ملازم تتعلمين بس ساعديني..
سارة وهي ترقى الدرج:انزين.دقايق وجايه لك..
ام جمعان تتحلطم:ادري انك رايحه ومانتي راده زي كل يوم..الله يعني عليك بس..
بيت ام فيصل..
فهد:هلابيك عمتي..اخبارك؟؟
ام فيصل ابتسمت:الحمدلله زينه"وهي تمد يدها"حياك..تفضل..
فهد وهو يجلس:الله يحيك ويبقيك..عسى ماعطلتك عن الطبخ..
ام فيصل:لاابد ياولدي..طمني عن اهلك عساهم زيون..
فهد:الحمدلله..إلا وين غادة؟؟
ام فيصل مستغربه:غادة!!!
فهد ابتسم:اقول عمتي وينها؟؟في غرفتها ولافي المطبخ؟؟
ام فيصل مو فاهمه شيء:ليه هي مو عندك؟؟
فهد بجديه:يعني هي مو عندك..
ام فيصل:لا والله..
فهد:تمزحين معي عمتي...
ام فيصل بجديه:والله انها مو معي...
فهد بخوف:اجل وين راحت.
ام فيصل بتوتر:وش السالفه؟؟
فهد:عمتي عطيني جوالك..
ام فيصل:وش السالفه يافهد..
فهد:عطيني جوالك وتعرفين السالفه...
بيت سارة وفيصل..
في المطبخ........
غادة:وش بتسوين اليوم..
سارة:مدري..بكلم فيصل..
غادة:لاملازم طبخي اليوم عشاني موع شانه...
سارة(والله ان يتغدا فيني ان ماقلت له..بس انا ابي اغيظ..)ابتسمت:ابشري..وش تبين على الغداء..
غادة"وهي تفكر":اممممم..ابي معكرونه بالباشميل وكبسه وشوربه فطر والحلى ابي حلى من عندك..
سارة:هههههه كبسه مع الباشميل ابشري طال عمرك...
غادة ابتسمت:اسلمتي..
وسكتنا شوي..
غادة:أنا احبك اكثر من حصة..
سارة بان الاهتمام علي:ليه وش فيها هي؟؟
غادة:هي مغرور وفوق كل ذه متعرف تطبخ وعمرها كبير علي..يعني مافيه تقارب..
سارة:ليه هي كم عمرها؟؟
غادة"وهي تفكر":اممم تقدرين تقولين احين هي عمرها...29 و0
سارة شهقت:29 سنه...من صدقك..
غادة:أي والله..
سارة:هي كم سنه متزوجه من فيصل..
غادة:امممم..يمكن سنتين و سنوات..
سارة:ومجابت عيال..
غادة:تقول انها متبي تخرب جسمها...
سارة:امحق بس..طيب وفيصل وش رده..
غادة:حاول فيها بس هي ماتبي..احس انه مطاوعها..ولا ليه مايعطيها كف مع وجها يرن اذونها..لو هو ماعطيها كف كان مشت سيده من زمان...
سارة(انا كل يوم كفوف ضرب وهي ولا شيء باين عليه يحبها من قلبه):أي..باين عليه يحبها مررة..
غادة باندفاع:مرررة.."حست بنفسها"سارة انتي متغارين؟؟
سارة(والله امووت واتقطع مليون قطعه)بدون اهتمام:لا ولاشيء...
غادة استغربت:اجل كيف تحبينه..


يتبع....