ابو منصور:أي ألي تجي كل جمعه..مع امها..
وداد:عرفتها..منصور إلى الان يبيها..
ابو منصور:هو يتكلم عنها..بس مدري كان يبيها ولا..
وداد مسكت الجوال ورسلت له رساله"سوري على ازعاجك..انا بروح بيت اهلك كم يووم..وإذ يهمك الامر..ابوك ألي وصلني..مره ثانيه آسفه على الازعاج"...
وداد:يبه انا ابي اجلس كم يوم في بيتك..ممكن؟؟
ابومنصور استغرب من طلبها:حياك الله..
وداد:الله يحيك..وراحت جمعت اغراضها وحطتها في الشنطه... وادادماسكه دموعها وهي تلبس عباتيها:أي خلصت...يلاا خلينا نطلع...
ابومنصور وهو يركب السياره:قلتي لمنصور..
وداد:هو مايهتم اصلن..بس أي استاذنت منه.. وحرك السياره ومشوا..
بيت فيصل وساره..
في الصاله؟؟فيصل(ليه تبكي..وش هالسؤال يافيصل..هي تحب سلطان ويوم قال لها ان هو ملك..بكت لانها ماتتصور يكون سلطان لوحده ثانيه..مافيه تفسير غير هذا...احس اني بجن من الغيرره..الغيره تاكلني..)وقام وصعد فوق ولقى الباب مفتوح..
فيصل بهمس:غريبه الباب مفتوح يمكن نست تغفله..وشافني مستلقيه على الكنبه...
فيصل(ابي اقسي عليها..بس من اشوفها..مقدرر..شكلها زي الملاك وهي نايمه..لاتضعف يافيصل خلك صارم معها وشديد) واقترب مني وسحب اللحاف بدفاشه..وتنح على شكلي..كنت لابسه قميص احمركرزي بدون كم كاشف الصدر..ويصل طوله لين الفخذ..وشعري الاسود المزروقي منسدل على ذراعي وظهري..ولاشعوريا كورت جسمي ساره:همممم..
فيصل بهمس:ساره..ساره..قومي..
ساره بهمس:نعم..
فيصل:يلا قومي عشان تصلين..
ساره وبهمس:كم الساعه احين..
فيصل:الساعه ست..
ساره فزيت من الكنب:تاخرت عن الصلاه... رحت بسرعه فتحت دولاب التسريحه وطلعت التوكه..ورفعت شعري...ودخلت الحمام"وانتوا بكرامه"
فيصل:تاخرتي..احين الساعه6 إلا ربع..توا من خمس دقايق خلصوا الصلاه...
وبعد شوي..طلعت..وخذت المنشفه ونشفت وجهي ويدي..ورحت صليت المغرب..
وفيصل دخل الحمام"وانتوا بكرامه" وبعد مخلصت من الصلاه رحت غيرت قميص النوم ولبست بجامه ناعمه باللون الوردي..وحطيت لي كحل عند نهايه العين..وغلوس وردي محمر من ماكس فاكتر.. ولبست حلق لولو وردي..رفعت جزء من شعري وحطيت توكه ناعمه..شكلي صاير حلوو مره كني بنت عمرها 15سنه... وخذت جوالي وشفت مكلمتين من وداد ورساله وحده من رقم غريب..نزلت تحت في الصاله وفتحت الرساله"هلا قلبي انا صالح..ادري انك قلتي لي اني مدق عليك..والله اشتقت لك ياساره..الشوق ذبحني..حبيت اطمن عليك وش اخبارك بعد الطيحه؟؟)
رديت عليه"أي طيحه؟؟"
رد علي"مو انتي طحتي من الدرج..اقصد فيصل طيحك" استغربت ورديت عليه"وانت وش دراك اني انا طحت من الدرج!!"
رد علي"من ساره بنت خالك..هي ألي قالت لي..ان فيصل هو الي طيحك من الدرج"..
رديت عليه"لا ياصالح مو فيصل ألي طيحني من الدرج..انا طحت بل حالي..هو ماله ذنب"
رد علي"لاتدافعين عنه...هو اصلن مايستاهلك ياساره"...
رديت عليه"لا هو يستاهلني..ويستاهل الي احسن مني بعد".. ردعلي"لهدرجه تحبينه"..
رديت عليه"واكثر بعد..انا مو احبه اناا امووت فيه..ومتخيل حياتي من دونه"
رد علي"متوقعتك راح تحبينه بعد ألي سواه لك"
رديت عليه"وليه محبه..صحيح هو يقسي علي بس انا احبه..ومهما وش سواء بظل احبه "...
رد علي"والله بمووت من الغيره ياساره..مقدر اتخيلك مع واحد غيري..مقدر ياساره"
رديت عليه"صالح انت رجال والنعم فيك..الله يسعدك وين متكون..انت واحد طيب مرره..تمنيت انك تكون اخوي بس انت متقرب لي بشيء..موفق ياصالح..رجاء لاترسل لي ولا تدق..لاني مقدر اكلم واحد غير فيصل..ارجو انك تتفهمني..سلاام" وبعد هذه الرساله مدق ولا رسل لي..ودقيت على وداد..
ساره:هلاا وداد..
وداد بحزن:هلاا ساره..
ساره:وش فيك وداد تعبانه؟؟
وداد حكت لي عن كل ألي صار..
ساره منصعقه:ول قويه..وهو مردك للبيت..
وداد بهم:لا..هو تفكيره في شمس بنت خاله..حتى مكلف نفسه..وقال بدق على زوجتي..اطمن عليها..ماعنده هل الكلام..وانا بعد ياساره مليت حاولت اكون رومانسيه معاه..بس دايم يسك الباب في وجهي...حاولت اكلمه..اتقرب منه..بس هو يبتعد عني اكثر واكثر..
ساره:انتي تحبينه يادواد؟؟
وداد:أي احبه حييل ياسااره..احس انه هو دنيتي كلها..وعشانه تغيرت هو مو راضي يتقبلني..
ساره:خلاص وداد..انا عندي لك خطه بس اتبعي خطتي بحذافيرها.. وان طبقتيها عدل..والله راح تنسيه شمس وطوايفها..
وداد بفرح:صدق..
ساره:صدق ياقلبي..
وداد بحماس:وش هي الخطه..
وقلت لها الخطه اول باول..
وداد:احس بتفاؤل...شكلها راح تنجح..
ساره:انا متاكده انها راح تنجح بس انتي صبري شووي.. وداد:اوكي...بصبر بس اهم شيء يصير مثل فيصل..
ساره:فيصل!!!
وداد:ابيه يحبني ويدلعني زي ميعاملك فيصل..
ساره(هو مايحني ولا يطيقني..):ان شاء الله احسن من فيصل..
وداد:لا انا مو طماعة ابيه زي زوجك فيصل وخلااص.. ساره:هههههههه(والله ان عرفتي فيصل كيف يعاملني كان حرمتي)
وداد:امي تناديني احين..اكلمك بعدين..
ساره:ماشي ياقلبي..سلاام.. وسكرت الجوال..ورحت المطبخ وسمعت.. الخادمه الاولى:حقا فعل هذا؟؟
ساره:؟؟؟؟؟
الخادمه الثانيه:حقا..لقد رائيته بأم عيني..
الخادمه الثالثه:السيده ساره تستحق السيد فيصل..
الخادمه:نعم.
الخادمه الثانيه:انها امراءه جميله جداا..
الخادمه الثالثه:لاعجب إذ احبها السيد فيصل..هي ليست جميله فقط بل ملكه جمال..
الخادمه الثانيه:لقد رائيته يقبلها ويحضنها..
الخادمه الثالثه والاولى باندفاع:حقا!!! متى؟؟
الخادمه الثانيه:كنت انظف المرايه التي في غرفه الطعام..وشاهدت ماحذث.
الخادمه الاولى والثالثه:آآآه..كم هذا رومانسي...
يوم سمعتم يتكلموون وجهي صار طماطه..ودخلت وسويت نفسي مسمعت شيء.. ساره ابتسمت:هاااي بنات..
الخدم بارتباك:هااي مدام..
ساره:ماذا عندنا للعشاء..
الخادمه الاولى:وجبات ايطاليه..
ساره ابتسمت:اممممم..يبدوا شهيا..اخبروا الطاهيه اني اريد العشاء الساعه السابعه والنصف..
الخدم:حسنا..
ساره:شكرا لكم..وطلعت..
الخادمه الثالثه:لاتبدوا انها سمعتنا...تبدوا صغيره في السن... الخادمةالاولى:لقد رائيت جوازها..ولن تصدقوا كم عمرها..
الخادمه الثانيه والثالثه:كم؟؟
الخادمه الاولى:التاسع عشر..
الخادمه الثانيه:يإلهي..انها اصغر مني..
الخادمه الثالثه:تبدوا اصغر بكثير..ظننت انها في16 او 18...
الخادمه الاولى:انا ايضا ظننت هذا....إلخ<<<تعرفون كلام النسوه..
ورحت الصاله وشغلت التلفزيون وانا اغير شفت مسرحيه"مراهقه في الخمسين"صحيح انها قديمه بس والله تمووت من الضحك...متصير المسرحيات حلوه إلا لما يكون عبدالحسين عبدالرضا فيها...
سارةبفرح:اللـه وناسه...
وبعد 15 دقيقه جاء فيصل..ومنتبهت عليه .. ساره ضحكت ضحكه اسرت فيصل:ههههه..
فيصل(شكلها خيااال كنها طفله..):انا طالع احين..
ساره التفت:على وين..
فيصل بدون نفس:بروح عند الربع..
سار ابتسمت:بحفظ الله..
وصلته لين الباب..فيصل بحده:تبين شيء..


يتبع...