(( الفصل الخامس والعشرون ))
رن الجرس
وراحت وحدة من الخدم اللبنانيات علشان تفتح الباب
رنيم ركضت: دقيقة
وقفت ماريا: أمرك بدك شي
رنيم ضحكت: مشتهية افتح الباب أجرب لأنه مررررة كبير
ماريا ابتسمت: تفضلي افتحيه
رنيم فتحت الباب وفتحت فمها وصرخت بقووووووووة صرخة هزت الشاليه هز
جاوو البنات كلهم
ريم: وشفيك ..؟؟!!
رنيم شرعت كل الباب الكبير ودخلت جوري وشوق
جوري بسرعة ضمت رنيم
رنيم: وحشتيني يادبة
جوري: وأنا بعد
ندى: كل هذي الصرخة علشان كذا
ريم سلمت على شوق: كيف الحال
شوق: ماشي كويس
دخلت رتال ومعها غادة
رزان صرخت: رتال
رتال بسرعة راحت لها وضمتها بسرعة
أبرار: نخلص من الاولى تجي أختها
رنيم بعدت عن جوري وعرفتها على البنات
ورزان نفس الشي بعدت عن رتال وعرفتها
دخلوا أم ماجد وام فهد
ام ماجد: هلا حبيبتي رنيم
رنيم سلمت عليها: أهلين . كيفك خالتي
وسلمت على ام فهد بعد
دخلوا محمد وأسامة
وفي نفس الوقت جاء فراس ومعه حسام
فراس: ليش ماناديتونا علشان ألحين بيجون الضيوف
رنيم: وحنا وش مدرينا انهم بيجون ماأحد قال لنا
فراس وحسام طلعوا وبعدين دخلوا مع أبو فهد وأبو ماجد وفهد وماجد
واخذوهم عند الرجال ومعهم أسامة ومحمد
ورنيم ودت أم فهد وام ماجد عند الحريم
والبنات رجعوا جلسوا عند النافورة كلهم مع بعض
سجى: بنات أفصخوا عباياتكم ترا مافي أحد
رتال: حنا بابا وعمي مايرضون نفصخ حجابنا وعبايتنا إذا سافرنا
سجى: أها
لولو: اجل خلونا ندخل داخل علشان ترتاحون اكثر
لينا: إيه صح
وقاموا كلهم ودخلوا في الصالة المتوسطة اللي مخصصينها للبنات وكان فيها جميع وسائل الترفيه والتسلية
البنات فصخوا عباياتهم وجلسوا
جوري وقفت: شوق تعالي شوي
شوق وقفت معها
ريم: وين على الله
أفنان: وش دخلك فيهم .. لقافة
ريم: أنتي اللي وش دخلك .. ماأحد كلمك
أفنان سفهتها: جوري شوق روحوا تكلموا ماعليكم منها
جوري وشوق ضحكوا وطلعوا برى
شوق: وش تبغين
جوري: أمشي معي وأقولك
ومشوا ودخلوا عند الحريم وسلموا عليهم وراحوا عند امهاتهم وجسوا معهم على جنب
جوري: ماما
أم ماجد: هلا حبيبتي
جوري: نبغى نفصخ حجاباتنا وعباياتنا هنا كلهم مايلبسون
شوق: إيه صح .. يمة لو سمحتي
ام فهد: لا مايصلح أبوك وعمك مايرضون
جوري: إذا انتوا رضيتوا بيرضون
أم ماجد بتفكير: مدري وش أقول
شوق: هم أكثر مننا ومايلبسون وبعضهم اكبر وحنا أربع بس خلونا نفصخ
جوري بترجي: تونا صغار .. لو سمحتوا
ام فهد: طيب أنتطروا نتصل عليهم نسألهم
واتصلوا عليهم وقالوا لهم الجواب
شوق وجوري طلعوا
ورجعوا عند البنات
رتال: وين رحتوا
غادة: طولتوا
جوري: وين عباياتكم
رتال فتحت عيونها حسبت بيروحون: وش تبغين فيها
شوق: وينهم وتعرفون
غادة: شوفوهم على الكنب
جوري وشوق راحوا أخذوهم ورموهم فوق الشنطة
جوري ابتسمت: هذولي لا أشوفهم عليكم وحنا هنا
البنات كلهم فوق روسهم علامة إستفهام مافي أكبر منها
لما: بنات عسى ماشر خرفتوا
أسماء: شالسالفة ألحين
جوري: خلاص حنا زيكم بنطلع بدون عبايات
رتال: بذمتك
شوق: تونا قلنا لأمي وخالتي ورضوا
غادة: وبابا وعمي
جوري: رضوا بعد
أبرار: كويس
رنيم: إيه من جد وناسسسسسسسة
لمار: بنات اليوم لا نطلع
لينا: إيه خلونا نجلس ننبسط هنا
شوق: خلونا نوطد العلاقة الجديدة اللي بيننا
كلهم ضحكوا
ريم: لا حلوة هذي نوطد بضيفها في قاموسي هههه
جلسوا البنات يسولفون ومبسوطبن وطلعوا وراحوا يتمشون عند البحر
.................................................. .....................................
نواف ماكان جالس مع العيال كان طالع يتمشى لحاله
ورجع شافهم ناس جدد جالسين
وفتح عيونه: أسامة
أسامة بسرعة ألتفت: نواف ... انت وش جابك هنا ..؟؟!!
نواف: انت اللي وش جابك ..؟؟!!
أسامة: خواتي صديقات رنيم ورزان
نواف: رنيم بنت خالتي ورزان بعد
أسامة: كويس شفناك
نواف: قول كويس مانسينا بعض
أسامة: مايمدينا ننسى ثلاث سنوات وحنا كل مرررة نشوف بعض في العطلة
أسامة ونواف يعرفون بعض من ثلاث سنوات تعرفوا في مركز صيفي يروحون له في الإجازة وهو بالشرقية كان نواف دايم يجي من جدة علشان المركز هذا وعلشان يشوف أسامة
نواف جلس جنب أسامة وجلسوا يسولفون
..............................................
محمد في نفسه: ألحين البنات ذولي عاادي كذا قدامنا بدون عبايات ولا شي
فيصل ووليد جااوو عنده
فيصل: أهلين
وليد: محمد صح
محمد ابتسم: إيه .. وانتوا فيصل ووليد صح
فيصل: إيه
وليد: أخيرا ً طلع في أحد كبرنا
محمد: إيه والله .. أنا مااجلس مع أحد كبري إلا بالمدرسة هههههه
فيصل: خلاص اجل حنا بنكون لاصقين فيك نفس العلك
محمد: لا الله يعافيكم أخاف توصخوني وأبتلش
وليد: لا تخاف دورات المياه هنا كثار هههههههه
.................................................. ..........
فراس: وأخيرا ً شفتكم .. رنيم دايم تفولي تعرف على اخوان صديقاتي
ماجد: وحتى انا جوري مجننتني
حسام: كيفكم إيش مسوين
فهد: الحمدلله ماشي الحال
جلسوا العيال يسولفون ويتعرفون على بعض أكثر
.................................................. ..............
البنات جلسوا عند البحر في طاولة كبيرة مدورة
مررررررة الوقت وجاء الليل بدون ماأحد يحس بالوقت .. الجمعة الحلوة تنسي الواحد نفسه
جات سمر عند سارة وكان شكلها كيوت بفستانها الأحمر وفيه ياقة على شكل دائرة بالأبيض ويوصل إلى نصف فخذها ولا بسة شوز أبيض ورابطة شعرها الطويل ذيل حصان ومرفوع مررة على فوق
سمر: ثارة تعالي اتمثي معي
سارة: روحي أقول مالي خلقك
سمر: لو ثمحتي
سارة: ماسمحت خلاص روحي
سمربترجي: ثارة
سارة: انتي قولي أسمي زين أول .. ماناقص إلا تقولين فارة
سمر: فارة قومي
سارة رفعت حاجبها: لا والله أحلفي تقولين فارة وتبغيني أقوم
سمر: مو انتي قلتي
سارة: أذلفي عن وجهي .. روحي عند ماما
شوق تموت على البزارين: حرام عليك قومي مشيها
سارة: تبغين قومي مشيها أنتي
شوق سحبت سمر: تعالي ياحلوة وش أسمك
سمر: ثمر
شوق عقدت حواجبها: يعني كيف ثمر .. نفس اللي معلق في الشجرة
كلهم ضحكوا على غباء وهبال شوق
ريم: لا يامخ أنتي .. يعني سمر أفهمي سمر
شوق: فهمت خلاص فهمت .. وش دراني بعد هي تقول .. تقلدها .. ثمر
ريم: تستهبلين يعني .. هي بزر بالروضة وش عرفها
سمر مسكت إيدها: يلا قومي
شوق وقفت: يلا أمشي
ومسكت إيدها ومشت معها
سمر: أنتي حلوة . وث أثمك
شوق ابتسم: وأنتي أحلى .. شوق
سمر ببراءة: انتي أمك ترضى لك تصبغين ثعرك وتحطيني أزرق في عيونك
شوق ماتت ضحك عليها وهي تقول أزرق في عيونك قصدها على العدسات: لا أنا كذا لون شعري وعيوني من يوم أني صغيرة
سمر: طيب انا ليث مو مثلك
شوق: لانك أحلى مني شعرك أسود وحلو وطويل
سمر: إيه ثح تذكرت أنا أمث ثفت في الجبل ناث نفث ثعرك وعيونك
شوق: إيه هم زيي
سمر: طيب اوريك شعري مررة حلو
شوق: إيه وريني
سمر عطت شوق ظهرها: أفتحيه لي
شوق نزلت لمستوى سمر وهي تفتح الربطة من شعرها ورجعت وقفت زين لما فتحت ونزل شعر سمر الطويل الناعم على ظهرها
سمر: حلو صح
شوق توها بتتكلم
إلا سمر ركضت وهي تصرخ: خالد
خالد مسكها وشالها
سمر أشرت على شوق: ثوف هذي صديقتي ثوق
خالد مشى عند شوق
شوق أول مرررة توقف قدام ولد بدون حجاب ولا شي فكانت مرتبكة وساكتة
سمر: نزلني بروح عند ماما تربط شعري
خالد نزلها
وسمر أخذت ربطتها من عند شوق ومشت تركض عند أمها
شوق بلعت ريقها وأستغربت انه يطالعها
خالد: انتي صديقة البنات
شوق بصوت بالموت ينسمع: إيه
خالد: ماأمدى ماشاء الله تعرفوا على لبنانية مع أن اليوم ماطلعنا
شوق ضحكت
خالد: وشفيك تضحكين
شوق: أنا مو لبنانية
خالد فتح عيونه بإستغراب: أنتي سعودية
شوق: إيه
خالد أشر بصبعه من بعيد قصده على شعرها وعيونها
شوق ابتسمت: لا هذا لأن جدتي أردنية
خالد: أها وأنا أقول .. إلا صح ماتعرفنا
شوق ابتسمت: شوق صديقة رنيم .. او على قولة سمر ثوق
خالد ضحك: وأنا خالد
شوق: تشرفنا
خالد: وانا أكثر .. ألحين بروح أشوفك مررة ثانية
شوق ماردت بس أبتسمت
خالد راح وهي ضلت واقفة في مكانها
شوق تنهدت بقوة: لا يكون لالا ماأتوقع .. بس نفس الصوت والأسم .. وليش قلبي ماوقف دق من جاء .. لا عادي خلق من الشبه أربعين
مشت ترجع عند البنات وهي توخر هذي الأفكار من راسها
كلهم طالعوا فيها بإستغراب
شوق: وشفيكم حسيت أني بدون ملابس وانتوا تطالعوني كذا
رتال: وش ذا التفكير الوصخ
شوق: مدري عنكم وشفيكم تناظرون فيني كذا
أفنان: رحتي بحال ورجعتي بحال ثاني
سارة: وين اختي .. ضحكت .. اكيد جننتك ورميتها في النافورة
شوق : لا هي راحت عند امك .. جوجو عطيني جوالك شوي
جوري مدته لها: خذي ..وشتبغين فيه
شوق: بس بشوف شي
ومشت
رنيم: تعالي وين رايحة
شوق كملت طريفها تفكر وهي ماتسمع
ريم: شوق شوق
وشوق ماترد مشت وبعدت عنهم شوي
شافت خالد ومعه ولدين ماتعرف مين
رفعت جوال جوري وجوالها: خليني اتأكد مافيها شي
دقت على رقم خالد بجوال جوري بدون ماترفعه لأذنها
وشافت خالد من بعيد يطلع جواله من جيبه وهو يشوف الشاشة معقد حواجبه
سكرت بسرعة
شوق: يمكن صدفة تصير معليش .. خليني ادق مرررة ثانية
دقت ونفس الشي هو رفع جواله بدون ماايرد
شوق بسرعة عطته ظهرها مع أن كان بعيد عنها بكثير تحس أنه يشوفها ويعرفها
مشت بسرعة بإتجاه البنات
وهي تكلم نفسها: لا لا مايعرفني . أصلا ً مايعرف شكلي ولا أسمي .. مايعرف غير أسم شوشو . وماقد سمع صوتي على الطبيعة إلا مرررة ماراح يعرفني إن شاء الله
وقفت عند البنات ووجهها متغير أكثر من اول وواضح التوتر عليه
لينا: بسم الله أكيد فيك
لولو: وجهك رايح لونه
غادة: شوق وش صاير فيك
شوق: هااا .. لا عاادي ولا شي بس فيني النوم تعبانة من الصبح صاحية
ندى: صح بنات ترا كلنا صاحين بدري خلونا نروح ننام
ريم: يلا
وقاموا كلهم وراحوا الصالة المخصصة لهم اللي كانت غرفهم جنبها في الدور اللي تحت
دخلوا كل ثنتين غرفتهم وغيروا وناموا على طول هذا اليوم كان لعب وتعبوا فيه كثير
#################################################
عندهم الصباح
كانوا جالسين في غرفتهم في الفندق
جالس على الكنبة وهي منسدحة وحاطة راسها على فخوده وتبكي
سامي: خلاص حبيبتي بلا بكي عورتي قلبي
هيله: ماأقدر .. ماما تقول ان بابا تعبان
سامي: مو أنتي كلمته وقال لك مافيه شي
هيله: إيه
سامي: خلاص اجل ليش تبكين .. إذا تبغين نرجع ألحين الشرقية رجعنا
هيله : لا ماأبغى .. بابا حلف قال ياويلك إذا جيتي مافيني شي
سامي: هذا انتي قلتيها مافيه شي .. باسها في خدها .. خلاص يلا قومي غسلي وجهك
هيله قامت وجلست واتسندت عليه وراسها على كتفه
سامي حاوطها بإيده: خلاص ترا دموعك غالية علي .. صرت اغار من أبوك حسي فيني
هيله ضحكت: لا تخاف حاسة فيك .. بس مهما كااان هذا بابا
سامي يمثل الزعل ومد بوزه: ويعني انا مو زوجك وحبيبك مثلا ً
هيله عدلت جلستها: إلا .. وعمري وحياتي بعد .. وقرصت خده بخفه .. ياحبيله ياناس
سامي قرص خشمها نفس حركتها ويقلدها: وانا ياحبيلها ياناس
هيله ضحكت وقامت وقفت: بروح اغسل وألبس علشان نطلع نفطر عارفة أنك جوعان
سامي: كويس حسيتي فيني .. من زمان أحاول أهديك علشان بس آكل مت جوع
هيله وهي تمشي علشان تدخل دورة المياه: دب
################################################## ##
بكرة سفرهم وحماسهم مو طبيعي
اول مررررة يسافرون مع بعض لحالهم
وأكيد راح تكون أحلى سفرة في حياتهم بما ان مافي أحد ينكد عليهم وراح يكونون قراب من بعض مررررة
ومو نفس كل سفرة بعاد عن بعض
جالسة بالأرض
سكرت الشنطة الاولى وفتحت الثانية
وتحط الملابس بترتيب وتقريبا ً كلهم بينك تعشق هذا اللون ومررررة يطلع حلو عليها ويصير شكلها ناعم
انفتح الباب ودخل وجلس وراها على السرير
ثامر: ماخلصتي ..؟؟!!
ديما التفتت عليه وهي على نفس جلستها متربعة: لا لسة
ثامر شاف الشنطتين: من جدك بتودين هذولي الكبار
ديما بدلع: إيه ملابسي كثار وتعرف أني باليوم ألبس أكثر من لبس
ثامر ابتسم يحبها لما تتدلع يحسها طفلة: براحتك .. بس ترا كلهم أسبوعين
ديما مدت بوزها: لا ثلاثة
ثامر ضحك: ولا تزعلين شهر إذا تبغين
ديما: لا ثلاثة تكفي
ثامر: طيب يلا قومي
ديما: وين .. وأنا لسة ماخلصت
ثامر: قومي خلينا نتعشى مرررة جوعااان
ديما وقفت: بنطلع يعني
ثامر: مدري والله .. إذا تبغين نطلع يلا بسرعة تجهزي
ديما: أووووك يلا .. إذا رجعت أكمل الشنطة
ثامر: وعندك بكرة بعد .. أصلا ً الطيارة الساعة 9 بالليل
ديما: والله كويس لقينا حجز الناس كأنهم مفاجيع على السفر
ثامر ضحك عليها: مثلك
ديما بغرور مصطنع: لا يابابا أنا أصلا ً لو أنت مااترجيتني كاااااااان ماكنت راح أسافر
ثامر: باااين .. والدليل أني بس قلتها لك مزح وانتي ماصدقتي خبر
ديما :بلا حكي زايد .. وخليني ألبس علشان مانتأخر
ثامر طلع من الغرفة وهو يضحك: طيب .. لا تتأخرين ترا بمشي وبخليك
ديما: جرب وشوف إيش يصير لك
سكرت الباب
وهو جلس بالصالة اللي فوق قبال التلفزيون
جات عبير وجلست في الكنب اللي جنبه
عبير بتردد: ثامر
ثامر حط الريموت على الطاولة والتفتت عليها اول مررررة يسمعها تتكلم بهذي الطريقة: نعم
عبير بخوف: أنت قايل حق ديما شي
ثامر رفع حواجبه: ليه هذا الشي يهمك
عبير: أكيد يهمني .. هذي بنتي الوحيدة والله لو كرهتني ماأقدر أعيش بعد كذا
ثامر: مادامك عارفة أن اللي تسوينه غلط وماتبغينها تكرهك ليش تسوينه
عبير حست نفسها ذلت عمرها بزيادة فقالت بصوت قوي نفس عادتها: شوف أنا ماجيت أترجاك لا تقولها عن شي .. لا ياحبيبي .. بس أنا عارفة أنك تكرهني وبتقول لها أشياء زيادة تكرهها فيني
ثامر ابتسم بإستخفاف: لا أنا مو كذا .. ماتربيت كذا .. وديما مهما كانت اختي واحبها
انفتح الباب وطلعت ديما من غرفتها
ثامر بسرعة بديهية غير الموضوع: والله بنفقدك .. واكيد ديما ودها تروحين معنا
ديما وقفت قريب منه: يلا خلصت
عبير ابتسمت: وين بتروحون
ديما طالعت فيها وتذكرت كلام ثامر ولا ردت
ثامر: بنروح نتعشى .. تجين معنا
عبير وقفت: لا انبسطوا
وراحت
ثامر: مشينا
ديما: إيوا
وطلعوا وركبوا السيارة
ثامر شغل السيارة ومشى
كانوا ساكتين ولا تكلموا ولا كلمة
ثامر بجدية: ديما
ديما: نعم
ثامر: اسمعيني كويس
ديما خافت ثامر نادر يتكلم معها بجدية: إيش ..؟؟!!
ثامر: هذاك الكلام اللي قلت لك إياه .. أنا ماقلته علشان تكرهين أمك وتعاملينها بطرقة مو زينة
ديما كانت تطالع فيه وهي ساكتة
ثامر: هذي امك مهما سوت تبقى امك .. ولازم تتقبلينها بجميع الأشكال
ديما نزل دموعها: بس أنا ماأحبها .. حتى من قبل ماتقولي هذاك الكلام
ثامر بحدة: هذا الكلام مايصلح .. مافي أحد يقول ماأحب أمي
ديما: أنا ماأحب ماما مو غصب هو
ثامر بنفس الأسلوب: إلا غصب .. انتي ماعشتي فاقدة أمك وإن شاء الله ماتعيشين .. قال بحنان وحزن .. مافي شي بالدنيا يعوض عن الام ووجودها بالحياة نعمة كبيرة .. ماأبغاك تندمين يوم من الأيام
ديما: بس
ثامر: لا تقولين بس أسمعي كلامي وراح تستفيدين
ديما وهي تبكي بإنفعال: بس هي تكرهني
ثامر: مين قال تكرهك
ديما: أنا أقول .. هي دايم تصرخ علي ودايم تقولي سوي كذا ولا تسوين كذا .. وكاني مااعرف إيش عندها
ثامر: بس هي تحبك علشان كذا تقول هذا الكلام .. تعرفين إيش كانت تقولي من شوي
دبما: إيش ..؟؟!!
ثامر: كانت تقول إيش فيها ديما زعلانة .. ماأبغاها تزعل
ديما سكتت ووقفت بكي
ثامر: علشان كذا أبغاك لما نرجع البيت تروحين لها وتبوسينها وتقولين لها آسفة ياماما ماكان قصدي أزعلك أوووك
ديما ابتسمت: أوووك
ثامر: خلاص امسحي دموعك فشلتينا كل ماطلعنا مكان بكيتي والناس يشوفونك كأنك مغصوبة تطلعين
ديما: ثامر خلااااص والله لا أضربك ألحين
ثامر: أحلفي يا شيخة
وصلوا المطعم ونزلوا وجلسوا يتعشون
###########################################
الكل نايم إلا هي جالسة تفكر وتكلم نفسها
كانت معها جوري بالغرفة
وهي جالسة على السرير وتتكلم وتجاوب نفسها