شوق: اوووف إيش هذا الموقف اللي انحطيت فيه .. يعني إيش هذي الصدفة سبحان الله .. والله العظيم انها فشيلة لو عرفني وهو كارهني أصلاً .. إيش أقوله بعدين لو عرف اني نفسها اللي كانت تزعجه .. اتنهدت بضيق ونزلت من على السرير .. إيش أسوي ألحين
فتحت الباب وطلعت وسكرته وراها
ومشت وهي مو عارفة وين تروح
طلعت برا
ومشت ومالقت نفسها إلا قدام البحر
شوق: مشيت كل هذي المسافة بدون ماأحس بنفسي .. كل هذا من التفكير فيك ياخالد
جلست على الأرض قدام البحر وضمت رجولها لصدرها وحطت راسها على ركبتها وهي تشوف البحر كيف أمواجه تتحرك جاية لها ورايحة
.................................................. .
كان في غرفته اللي بالدور الثاني وواقف عند النافذة اللي كلها قزاز عاكس هو يشوف برا وهم مايشوفونه
اخذ غرفة لحاله مايحب يشارك احد علشان يرتاح اكثر
شاف وحدة تمشي من بعيد بس ماقدر يلمحها وماعرف من هي
كانت تمشي وشكلها تفكر وجلست على البحر قدامه بالضبط
فتح النافذة وطلع إيده كان الجو بارد شوي
سكره وطلع من الغرفة ونزل تحت
وطلع متوجه للبحر
لما قرب شوي شاف شعرها يطير مع الهواء وعرفها من شعرها الأشقر
كانت لابسة .. بيجامة لونها أصفر ومرسوم على البلوزة النصف كم ميكي ماوس ..
جاء ووقف من وراها
.................................................. .......
جالسة وتفكر ومو حاسة بنفسها صح كاااان الجو بارد
وبيجامتها خفيفة لكن فقدت الإحساس من عرفت بالمصيبة اللي تسحب وراها مصايب ثانية
حست الهواء ماعد يجي على ظهرها وكأن في حاجز
التفتت وفتحت عيونها لما شافت اللي واقف: خالد
خالد ابتسم: ممكن اجلس معك
شوق: من متى انت هنا
خالد على نفس الإبتسامة: لسة واصل هنا
شوق أشرت بإيدها بدون ماتتكلم يعني أجلس
خالد جلس وكان في مسافة بينهم
شوق اخذت نفس وهي مغمضة عيونها وقلبها ماوقف دق
خالد: إيش جيبك هنا الجو بارد ومع البحر يبرد زيادة
شوق بدون ماتلتفت: ماجاني نوم
خالد: شكلك تفكرين بشي شاغلك
شوق: تقدر تقول كذا
سكتوا وكل واحد يطالع قدام ويشوف البحر
شوق التفتت وقامت ترسم على التراب في المساحة اللي بينهم
خالد ماكان حاس فيها كان مندمج وهو يشوف البحر
مد إيده اليمين لجهة واليسار للجهة الثانية علشان يزين جلسته
وماحس إلا انه لمس شي بارد بإيده اليسار
التفتت وهي بسرعة أسحبت إيدها وهو نفس الشي
كلهم رجعوا يطالعون قدام ومرتبكين
شوق في نفسها: أنا بالموت جالسة معه بدون حجاب ولا شي كيف وهو لمس إيدي بعد
خالد التفتت وشاف الرسمة اللي على التراب .. كانت راسمة فيس حزين ..
خالد:على هذي الرسمة أحسك مرررة دلوعة .. وانا من النوع اللي مايحب البنات الدلوعات صراحة يعني
شوق التفتت عليه وقالت بإنفعال: بسم الله علي .. وحتى انا ماأحبهم
خالد ضحك على شكلها لما انفعلت: اها .. كويس
شوق: بس أكيد تقدر تستحملهم بماأن اختك سارة دلوعة
خالد: إيه للأسف
شوق: سارة ولولو ماأعرف كيف عايشين صراحة فيهم دلع زايد شوي .. عذرا ً يعني
خالد ضحك على كلمة عذرا ً: إيه أدري .. بس ماأقدر أسوي لهم شي غير أني استحملهم واعطيهم على قد عقلهم
شوق ضحكت
خالد: يلا خلينا ندخل ترا الجو بدأ يبرد
شوق بسرعة وقفت ونفضت التراب من عليها من زمان كانت تبغى تقوم بس مو عارفة إيش تقول له: إيه يلا .. أصلا ً انا بردت
خالد: اووووك يلا
ومشوا مع بعض وهم ساكتين وكانوا بعيدين عن بعض
وصلوا ودخلوا ومروا على الصالة بعدين راحوا عند جهة غرف البنات ووقفت شوق عند غرفتها
شوق: شكرا ً .. وتصبح على خير
خالد ابتسم: عفوا ً .. وأنتي من أهله
وراح صعد فوق علشان غرف العيال كلهم فوق
شوق دخلت الغرفة وسكرت الباب وتسندت عليه: آااااه ياقلبي بيوقفت .. والله إذا عرفني بيصفقني كف .. وقالت وهي تضحك على نفسها .. لا أصلا ً أنت بنت عسولة والكل يحبني علشان كذا بيتقبلني ههههه والله اني مجنونة .. مشت ورمت نفسها على السرير وهي مبسوطة وجلست تطالع فوق وهي تحلم وتتخيل شكله ومامرت إلا عشر دقايق وراحت بسابع نومه
.................................................. .............
اما خالد دخل الغرفة وانسدح على السرير
خالد بحيره: يوووه هذي وين شايفها أنا .. لا لا انا ماشفتها من قبل بس مو غريبة على أحس أعرفها .. لا كيف بعرفها وهي صديقة رنيم لا لا يمكن شايف أحد يشبهها ولا شي .. بس من جد إنسانة غريبة شكلها زعلانة بس تضحك ولا تبين للناس تكتم داخلها
نام وهو يفكر فيها وقام يشك بنفسه أنه خرف
###########################################
طلعو من المطعم ومروا على محل
واشتروا هدية صغيرة وباقة ورد
ورجعوا البيت
أول مادخلوا شافوا في وجههم عبير جالسة بالصالة لحالها فوق
اول ماشافتهم وقفت: ليش تاخرتوا الساعة 12
ديما راحت لها وباستها: ماما سوري إذا زعلتك
واعطتها الهدية اللي كانت عبارة عن علبة صغيرة وفيها سلسال ناعم وأعطتها الورد
عبير ابتسمت بحب لبنتها: ومين قال زعلت منك .. وانا أقدر أزعل من بنتي حبيبتي
ديما باست راسها: لا تزعلين علي أبدا ً
عبير باست خدها: قلبي مايطاوعني ازعل عليك .. بس خذت على خاطري شوي .. بس ألحين خلاص كان ماصار شي
ثامر كان واقف بعيد شوي عنهم ومتكتف ويطالعهم
يا ما تمنى هذا الموقف وهذي اللحظة تكون له .. حسد ديما في هذا الوقت .. ياما تمنى أمه ترجع دقيقة وحدة ويضمها ويراضيها إذا زعلها ويدلع عليها ويبوسها .. وتمنى اكثر أن عبير تحبه زي وولده وتعطيه من حنانها اللي مخبيته
مشى وتوجه لغرفته
دخل وغير ملابسة ولبس بيجامة وانسدح على السرير
ديما جلست مع امها شوي بعدين وقفت
عبير: بتنامين
ديما: لا بروح أرتب شنطتي علشان بكرة السفر
عبير: رتبتها لك
ديما ابتسمت: جد .؟؟!! مررررة شكرا ً ماما
عبير ضربتها بخفيف على إيدها: يابنت ماتستحين أنا أمك .. وأصلا ً أستغربت انك رتبتيها اول مرررة تصير .. عارفتك دلوعة وماتعرفين تسوين شي
ديما ضحكت: ثامر علمني كيف .. إيه صح يلا اجل بنام بكرة أبغى أروح أشتري لي كم شوز
عبير: اووووك تصبحين على خيير حتى انا بروح أنام
ديما: وانتي من أهله
وكل وحدة راحت من جهة على غرفتها
ديما كانت بتدخل غرفتها بس غيرت طريقها لغرفة ثامر
دقت الباب ولا احد رد وفتحت كانت الغرفة ظلام بس في نور خفيف دخلت من الباب
ثامر كان قايم بس أول ماحس بأحد يدخل غمض عيونه كانه نايم
ديما راحت عنده وجلست على طرف السرير وباست خده: الله لا يحرمني منك يا أحلى اخو بالدنيا
باسته مرررة ثانية على خده الثاني
وطلعت بشويش وسكرت الباب
وثامر اول ماطلعت ابتسم
###########################################
جاء اليوم الثاني
أشرقت الشمس
يوم جميل جدا ً جدا ً جدا ً
الكل كان نايم
ماعدا الحريم والرجال صاحين
صحت ودخلت دورة المياه وطلعت وصلت ولبست تنورة فوق الركبة جينز وبلوزة لونها أبيض كات
وراحت جلست على السرير تصحي ريم
ريم: رنيم بلا سخافة خليني انام بس شوي
رنيم: لا مافي يلا قومي
ريم جلست ومسكت اللحاف وشالته بقوة: خلاص قمنا قمنا .. ياحووول
رنيم: إيه خليك كذا شاطرة أسمعي الكلام
ريم انسدحت وغمضت عيونها
رنيم وقفت على السرير وقامت تنطط: قومي ياحمااارة .. يلا عاااد ريم با سخافتك ألحين
ريم فتحت عيونها وصرخت: ثامررررررررررررررررر
رنيم جلست على السرير وهي فاطسة ضحك: وش دخل ثامر بالسالفة ألحين
ريم جلست وهي عافسة وجهها: مدري حلمت فيه
رنيم وهي مازالت تضحك: نصابة
ريم: والله
رنيم تربعت قدام ريم بإهتمام: وإيش الحلم
ريم بدون نفس: كنت جالسة امشي ومتزينة ومتكشخة وشفته واقف مع وحدة وعصبت
رنيم خلاص ماقدرت تمسك الضحكة انسدحت وهي تضحك
ريم قامت من على السرير ودخلت الحمام: الحمدلله والشكر استخفيتي على هالصباح شكلك
رنيم: والله الحلم يضحك .. وباين فيه بداية حبك له .. اول دليل انك متزينة يمكنه كان عازمك على العشاء ولا شي هههههههه .. واللي معه يمكن اممممممممم أي احد يقرب له بس والله الحلم خطير ههههههههههه
ريم وهي بالحمام قاعدة تغسل وجهها وفاتحة الباب: والله العظيم مع نفسك .. وش ذا التحليل الخطير
طلعت وهي تفتح السجادة
رنيم: طيب يعني طول الليل وانتي تحلمين كذا .. ماحلمتي بشي ثاني
ريم: يعني ماأحد قالك أن الواحد يحلم اكثر من حلم ومايقدر يتذكر إلا آخر حلم .. وانا هذا آخر حلم فهمتي ياذكية
رنيم: اها ماشاء الله
ريم: إيه والله .. علشان تعرفين أني مثقفة
رنيم: صلي صلي بس بلا بربرة زايدة
صلت ريم وخلصت ولبست جينز وتيشيرت تفاحي وربطت شعرها على فوق
وطلعوا وجلسوا بالصالة عند التلفزيون
.................................................. ...............
قاموا وجلسوا يلبسون متعودين هذي الأيام يصحون بدري
جلست على السرير ولبست شوزها الأبيض من لاكوست
وتنتظر شوق تطلع من دورة المياه
مرت خمس دقايق بعدين طلعت شوق
كانت لابسة ليقنز أسود وتيشيرت أسود نصف كم سوداء فيه ياقة من فوق ورابطة شعرها ذيل حصان
جوري: وشذا الإغراء بدينا من ألحين
شوق: أنقلعي مالي خلقك .. والله اللي صار أمس يكفي
جوري وقفت من الحماس واللقافة: إيش صار ..؟؟!! قولي
شوق: لا مو لازم أقولك أخاف تفضحينا
جوري: وش أفضحك وينا فيه .. خلصيني قولي
شوق بضيقة: شفت خالد أمس
جوري فتحت عيونها وكأنها مجنونة .. وقالت بغباء: هااا ..؟؟!!
شوق: وشفيك صحصحي معي
جوري إلى الآن آثار على وجهها: إيش قلتي من شوي ..؟؟!!
شوق: أقولك شفت خالد .. وجلست على الكنب تلبس الشراب والشوزالأسود
جوري صرخت: بذمتك
شوق: أسكتي فضحتينا
جوري حطيت إيدها على فمها: سوووري
شوق: انا الغلطانة اللي قلت لك
جوري: لا خلاص بسكت .. بس قولي لي وين شفتيه حنا ماطلعنا
شوق: ومن قال أني شفته برا يعني
جوري بغباء: هااا أجل مو تقولين شفتيه
شوق: ياربي من غبائك اللي أوقاته غلط
جوري: خلاص بسكت وقولي كل شي
شوق مشت راحت عند الباب وتأكدت انه مقفول وتسندت عليه: شفتي اخو سارة
جوري: أي واحد انا أصلا ً ما شفت ولا واحد من العيال
شوق: المهم في واحد من اخوانها اسمه خالد هذا هو نفسه
وقالت لها كل لما أول ماتعرفوا يوم مع سمر .. ولما كانوا على البحر
جوري فاتحة عيونها من الصاعقة اللي نزلت عليها: ماأصدق إيش هذي الصدفة اللي جدا ً جدا ً غريبة .. سبحان الله كأن ربي يبغى يجمعكم
شوق تنهدت بضيقة: شفتي عااااد .. انا قلت نفس كلامك مرررة شي غريب
جوري: طيب وشفيك احسك مررة زعلانة
شوق: اكيد بزعل .. انا كنت مفكرة ومخططة أنساه .. هو مرة جرحني دايم اكلمه ويصرخ علي ويجرحني بكلامه
جوري: بس مو انتي قلتي هو قالك مايحب البنات الدلوعات يكون علشان كذا
شوق : بس حتى ولو
جوري: انتي لا تصيرين حساسة بكثير .. أقول خلينا نطلع ولا أحد يشوفك كذا
شوق: يلا
وفتحوا الباب وطلعوا وشافوا
رنيم وريم جالسين بالصالة
رنيم: أهلا ً ياحلوين
جوري: أهلا ً .. صباح الخير
وجلست جنب رنيم
ريم كانت في عالم آخر تفكر بالحلم وإيش تفسيره
جات شوق جنبها وهي تفكر في عالمها الخاص الثانية
مرت مدة وهم على هذا الحال
رنيم وجوري جالسين سولفون
وشوق وريم جالسين جنب بعض ولا كانهم جالسين كل وحدة بعالمها
فجأة وفي وقت واحد كل وحدة لفت على الثانية وأشرت بإصبعها السبابة
شوق .. ريم ..: لقيتها
وطالعوا في بعض وقاموا يضحكون
رنيم: لاحمدلله والشكر بس .. قوموا نطلع نتمشى لما يصحون البنات
جوري: يلا .. حتى العيال أصلا ً نايمين
رنيم: أكيد
قاموا ريم وشوق ومشوا معهم وهم ساكتين وكل وحدة قررت في نفسها انها ماعااد تفكر في أحد وتسكر على قلبها
طلعوا ومشوا
ووقفت جوري فجأة
.................................................. ...
صحوا الثلاثة مع بعض
مرررررة حبوا بعض وانبسطوا مع بعض
مع انهم ماعرفوا بعض إلا من يوم واحد بس
لكن سولفوا كثير وعرفوا بعض
كانوا يمشون
وفجأة وقفوا
: محمد وشفيك وقفت
محمد ساكت
وليد ابتسم: شكلها يحبها
فيصل: مين ..؟؟ّ!!
وليد أشر للمكان اللي يشوفه محمد
فيصل ضحك: إيه والله شكله .. وهي بعد شكلها تحبه
محمد: وشذا القصة اللي ألفتوها من عقلكم
وليد: أحلف أنك ماتحبها
محمد سكت شوي بعدين قال بسرعة: أمي معلمتني مااكذب
فيصل: هههههههههههه يعني تحبها
محمد: الصراحة إيه
وليد: وهي تحبك
محمد: والله مدري
................................................
جوري واقفة مرررة مستحية اول مرررة يشوفها محمد
وماتدخل تتغطى أو أي شي كااان الوضع طبيعي وعادي
كانت لابسة فستان وردي إلى نصف الفخذ كم طويل وتحته كيلون أبيض
ورابطة شعرها
رنيم: جوري وشفيك امشي
جوري حست على نفسها ومشت
وشوق كانت تضحك عليها
مشوا وراحوا عند العيال محمد وفيصل ووليد
رنيم: هاااااي
فيصل: أهلين
رنيم مسكت إيد جوري ورفعتها: هذي صديقتي الجميلة جوجو .. جوري
وليد: تشرفنا
فيصل يقلد رنيم مسك إيد محمد ورفعها: وهذا عاااد صديقنا الجديد محمد هههه
رنيم: نعرفه .. بس يلا تشرفنا ههه
جوري: رنيم يلا خلينا نروح عند البحر هنااااك
شوق وريم توهم وصلوا لانهم كانوا يمشون شوي شوي
ريم: هاااي شباب .. ماتعرفنا
محمد: محمد
ريم: تشرفنا بمعرفتك .. معك آنسة ريم الجميلة
وحاوطت إيدها كتف شوق: وهذي الشينة شوق
شوق: انتي الشينة .. وبعدين هذا أخوي يعرفني
ريم: جد ..؟؟!! وإذا يعني في فيصل ووليد
شوق: وش كبرهم
ريم: كبري
شوق: اوووه توهم بزارين
ريم: ياماما يالكبيرة
شوق: أكبر منكم بسنة ياحبي .. والسنة الجاية رايحة ثانوي
محمد: يلا شباب نمشي .. شكلهم مطولين
فيصل: حنا بالموت مستحملين ريم تجينا وحدة تشبهها
فيصل: إيه والله هههههه
ريم: هيييييي حدكم إلا شوق
شوق: إيه .. وحدكم بعد إلا ريم
مشوا العيال
وريم وشوق راحوا ركض عند جوري ورنيم عند البحر
وجلسوا يسولفون ويلعبون شوي بالكرة الطائرة
.................................................. .............
جات الساعة 11 وقام الكل
وجلسوا يفطرون
وخلصوا وتجمعوا على البحر
البنات والعيال
لينا: وين بنروح اليوم
رنيم: مغارة جعيتا
أبرار: إيه وناسسسسسة
أفنان: أنس عندك إعتراض بعد هذي المرة
انس: لا ماعندي .. يكفي مستحملك هذاك اليوم
أفنان: انا قايلة لك من قبل لك الشرف تمشي معي
انس: يووووه كنت ناسي .. طيري
غادة: طيب متى نروح
حسام: متى ماتبغون نروح
رزان: ألحين
فراس: لا الوقت بدري بعد ساعة أو ساعتين نروح
ندى: اووووك
حمد: قسموا نفسكم علشان ماتتهاوشون هناك كل واحد يقول مع مين يبغى يركب
ريم: انا بقسم وأقولكم
خالد: اووووووك زين
فهد: كلكم بتركبون قوارب .. مااحد يبغى يمشي
شوق: لا
راحوا العيال
وجلسوا البنات
ريم جالسة على الكرسي منسدحة وتفكر
ريم في نفسها: رنيم مع فيصل وانا وبعد مين يركب معنا خالد وشوق وجوري .. ولينا مع فراس ورزان وحسام ورتال .. لما مع لمار وندى وأبرار وماجد ومحمد ووليد .. وأفنان مع أنس وأسماء وسجى وحمد .. مين باقي إيه صح لولو مع سارة مع نواف وفهد وغادة .. وبس خلاص فرقت كل أحد هههههههههههههه
ضحكت بصوت عالي وكلهم التفتوا لها
سارة: وشفيك الحمد لله ياربي بس
لما: تضحكين مع نفسك الله لا يبلانا
ريم: وشفيكم علي ..تذكرت شي وقمت اضحك
أسماء: خبلة
ريم وقفت: يلا قوموا خلونا نروح نقول لهم نطلع ألحين
رنيم : يلا أمشي
وقاموا كلهم وبعضهم غير ملابسه وبعضهم لا
طلعوا من الشاليه وركبوا السيارة الكبيرة
وتوجهوا إلى المغارة
كانت فيها ناس لكن مو مررررة زحمة لأنهم رايحين بدري شوي
الحريم والرجال دخلوا
كل واحد اخذ زوجته وراحوا يتمشون فوق مايبغون يركبون القوارب
أما العيال والبنات وقفوا كلهم علشان بيركبون
كانوا كلهم واقفين جنب بعض
ريم وزعت عليهم ورقة في التقسيم
رنيم بسرعة راحت عند ريم: ريم ريم
ريم: نعم
رنيم: خلي محمد معنا
ريم: ليه
رنيم: لا تسألين
ريم: طيب
ريم: شباب بنات في تغيير بسيط
حسام: إيش بعد
ريم: محمد بيجي معنا
وليد: لا والله وانا يعني
ريم: لا مايكفي
وليد: أووووووف
رنيم مع فيصل وانا وبعد مين يركب معنا خالد وشوق وجوري .. ولينا مع فراس ورزان وحسام ورتال .. لما مع لمار وندى وأبرار وماجد ومحمد ووليد .. وأفنان مع أنس وأسماء وسجى وحمد .. مين باقي إيه صح لولو مع سارة مع نواف وفهد وغادة
خالد جاء عند شوق
خالد: هاااي
شوق ابتسمت: هاااي
خالد: كيفك
شوق: تمام .. وأنت
خالد: الحمدلله .. إيش سويتي امس اول مارجعتي
شوق ضحكت: على طول نمت .. وأنت
خالد ضحك معها: وحتى انا
شوق سكتت وهي تطالع القوارب ومرررة مستحية تحي الحول الشعرو اول مررة تحس فيه
خالد مد إيه: وشرايك نصير أصحاب
شوق شافت إيده ومترددة تمد ولا لا
خالد: بتمدين ولا أسحبها
شوق ضحكت ومدتها: أوووك نصير أصحاب وليش لا
خالد أخذها وساعدها علشان تركب القارب
ركب الكل نفس ماقسمتهم ريم
أول قارب
(( رنيم وجنبها ريم وجوري .. وفيصل جنبه محمد .. وخالد جلس جنبه شوق وجلس يسولف معها ))
ثاني قارب
((ولينا جنبها رزان ورتال .. وفراس جنبه حسام .. وركبوا معهم لمار ولما وندى وسجى وأبرار وماجد لأنه يكفي ))
القارب الثالث
(( أفنان جلست جنب أسماء .. أنس جنب حمد ووليد .. وركبوا سارة ونواف وغادة ))
مشوا هذولي القوارب طبعا ً الكل ركب
لكن بقى لولو جات تركض لأنها كانت بدورة المياه مع سارة .. لكن سارة جات قبلها
لولو: يوووه مشوا وخلوني
جاء فهد من وراها: أنتي معهم
لولو التفتت عليه: انت مين ..؟؟!!
فهد: أنا فهد اخو شوق وغادة
لولو: أها .. وأنا لولو أخت حسام تعرفه صح
فهد عجبته لولو كان باين من شكلها ولبسها مرررة دلوعة
(( كانت لابسة تنورة نصف الفخذ لونها بنفسجي غامق .. وبلوزة شيفون فخمة نصف كم لونها موف فاتح وفاتحة شعرها اللي يوصل تحت كتقها بشوي وكانت عاملته كيرلي وطالع شكلها كيوت وحلو ))