سامي بضيقة أكثر: يقولون رنيم ضاعت مايدرون وينها
هيله حطت إيدها على فمها: ياحياتي وين راحت .. الحين عندهم ليل صح
سامي: إيه الساعة 11 تقريبا ً
هيله: وين راحت بهذا الوقت
كانوا جالسين على السرير
سامي انسدح وحط راسه على فخذ هيله: مدري وين راحت .. هيله رنيم راحت .. أنتي ماتدرين هي إيش بالنسبة لي
هيله بحزن وهي تمسح على شعره: أعرف والله أعرف .. بس قول ان شاء الله يلقونها
سامي: إن شاء الله
هيله ابتسمت: اتذكر مرررررررة قد ضعت وحنا بتركيا جلسوا ساعتين يدوروني
سامي: كويس لقوك .. ولا كان ماعرفتك
هيله: حتى رنيم إن شاء الله بيلقونها وزوجها بيقول لها نفس الكلام
سامي ابتسم: إن شاء الله
هيله باست جبهته: إدعي يلقونها
وجلسوا ينتظرون مكالمة أم فراس تطمنهم
#################################################
مع الفرحة قامت بسرعة
مع أنه ركبتها مرررة تعورها وتحرها لأن فيها دم
ضمته بقوة وهو مو قادرة توقف
رنيم: فيصل لا تخليني بليـــــــــــز
فيصل ضمها: لا تخافين أنا موجود
رنيم وهي تبكي: مررة تعبت خلاص مو قادرة اتحمل أكثر من كذا
فيصل: لا عاد تفكرين .. انسي كل اللي صار
مسكها يبغى يمشي معها
رنيم صرخت: آاااااااه
فيصل خاف: وشفيك ..؟؟!!
رنيم ورته ركبتها: تألمني
فيصل: سوري
حط إيدها على رقبته ومسكها من ورى ظهرها ومشاها معه
كان الطريق طويل
مشوا ومشوا ومشوا
ولما وصلوا فتحوا الباب ودخلوا وسكروه بقوة
الكل طلع لما سمع الباب
ريم ركضت: رنيم حبيبتي وين رحتي
ضمتها بقوة: مرررة خفت عليك
جات جوري وضمتها مع ريم: حبيبتي رنيم خوفتيني مررة .. وين كنتي
ام فراس جات تركض وسحبتها وضمتها بأقوى ماعندها: وينك ياحبيبتي .. بغى يوقف قلبي .. وين رحتي
رنيم بكت: ماما مرررة خفت .. المكان مرة ظلام ويخوف
ام فراس اخذتها ودخلتها صالة البنات ومددتها على الكنب واول ماشافت ركبتها والبيجامة المشقوقة شهقت: مين سوى فيك كذا
رنيم: طحت على صخرة كبيرة
رنيم طالعت فيهم كلهم وأشرت لهم مايقولون ولا كلمة عن اللي صار
وكلهم فهموها
أم فراس: ماما يلا قومي غيري ملابسك وخليني اعقم لك الجرح
فراس: لا هنا في اللبانية خليها تسوي لها
أم فراس: روح نادها
قامت أم فراس وساعدتها وجات اللبانية وعقمت الجرح
ونامت رنيم بعد ماكلمت خالها سامي وطمنته عليها
الكل كان متوتر وتعبان
أبو فراس دخل عندها وتطمن عليها وباسها وطلع
راحوا الحريم والرجال ناموا
وبعض البنات والعيال راحوا
في صالة البنات
حسام: فيصل يلا روح نام
فيصل: بعد شوي
خالد: إذا تبي تنام عندي تعال
فيصل: إيه والله ودي
خالد: روح غير ملابسك وروح الغرفة ونام
فيصل قام وراح دخل الغرفة اللي مخصصة له هو ووليد واخذ له بيجامة ولبسها وراح غرفة خالد
طبعا ً وليد كان نايم علشان كذا ماتهاوشوا ولا شي
فراس وقف: انا بروح انام .. تصبحون على خير
وراح
حسام: يلا ريم ياحلوة روحي نامي
ريم: طيب بعد شوي
حسام وقف: أجل انا بروح يلا مع السلامة
وراح
خالد: ريم
ريم: نعم
خالد: مرتاحة ألحين
ريم ضحكت طول عمرها كذا صح تعصب كثير لكن قلبها أبيض على طول تنسى وتضحك: أكيد أرتحت وكثير بعد .. ضحكت .. ضربت وليد المسكين .. وبكيت أكثر من كل مرررة بحياتي .. وإيش بعد عصبت وصرخت كثير
خالد ابتسم ومسك إيدها: اجل يلا قومي روحي نامي
ريم وقفت: اووووك .. من جد أصلا ً فيني النوم
مشوا وخالد وصلها غرفتها ودخلت
ريم: تصبح على خير
خالد: وأنتي من أهله
سكرت الباب وهو مشى
مر من عند غرفة شوق ووقف وابتسم
وبعد كذا كمل طريقه وصعد فوق
دخل الغرفة ولقى فيصل منسدح على السرير الكبير مرة ونايم بعمق
فتح الدولاب وطلع له بيجامه ودخل دورة المياه وطلع لبسها
(( شورت أزرق مخطط بسماوي لحد الركبة وتيشرت أزرق كم طويل ))
انسدح على السرير وينتظرها تجي الساعة 12 ونصف
.................................................. ..................................
الكل نام
الشاليه هدوء جدا ً
جالسة بالغرفة بالبيجامة السوداء اللي كمها طويل
فتحت الدولاب وشافت ملابسها وابتسمت
: يا حبيلك ياجوري جد جاء اليوم اللي احتجتهم
طلعت لها بيجامة وردية نادر مررة تلبسه ماتحب هذا اللون كثير
شوق: لا ماأبغى ألبسه يحسبني بعدين بنت دلوعة .. سكتت شوي تفكر .. وش دخلني فيه بكيفه بلبسها
دخلت دورة المياه ولبستها بسرعة وطلعت
وقفت قدام مراية الدولاب
وشافت شكلها
ربطت شعرها وفتحته اكثر من مررة
شوق ضحكت: هههههههه وشفيني استخفيت خليني أفتحه انا بنام فاتحته
(( بيجامتها كانت مررة ناعمة مناسبة لشكلها لونها بينك حلوو بنطلونها سادة اما البلوزة نصف كم وفيها نقط بالأبيض ومرسوم عليها بنت صغيرة شعرها أشقر ))
كان شكلها كيوت اول مررة تحس انها تبغى تطلع بمنظر حلو ومهتمة بشكلها
لبست شوز جوري البينك الفرو الكبير لأنها ماعندها ماتحبهم
جلست على طرف السرير وهي تشوف الساعة في إيدها
شوق: الساعة 12 وربع باقي شوي خليني اتأخر عليه علشان مايقول قاطة نفسي عليه
جلست تنتظر وهي تحس الوقت مرررررررة طويل
.................................................. .......................................
مررررررررررر الوقت مافي أطول منه
جات الساعة 12 ونصف
كل واحد كان مقرر يتأخر شوي
لكن أول ماجاء الوقت المحدد كل واحد طلع من غرفته بسرعة
طلع من الغرفة ونزل الدرج مستعجل
فتحت الباب بهدوء علشان مايطلع صوت ومشت بسرعة
الأثنين طلعوا من الباب وكل واحد منهم حس أنه صدم في شي
خالد: آاااااه
شوق: آاااي ياراسي
خالد: هههه أنتي
شوق: لاجدتي .. هههههه
خالد: يلا نطلع
شوق: يلا
مشوا مع بعض
صح ان مالهم إلا يومين مع بعض لكن تكلموا كثير وعرفوا بعض أكثر كأنهم سنتين
مشوا ووصلوا عند البحر وجلسوا على التراب
خالد: وشفيك ساكتة
شوق: وحتى انت ساكت
خالد بتفكير: ماعندي شي أقوله .. وطالع فيها
شوق بحيا: وشفيك تطالع فيني كذا لف وجهك
خالد ضحك: ولا شي بس فيك شي متغير
شوق: اكتشفه بنفسك
خالد قام يطالع فيها وهو معقد حواجبه
وشوق ميتة حيا خلاص مو قادرة تاخذ نفس
شوق: يلا ماعرفت
خالد: إلا بس لحظة
شوق: يلا ترا ماراح إعطيك جائزة إذا عرفت
خالد: إلا أنا اللي بعطيك بس أنتظري خليني اعرف
شوق: خلاص ماشبعت وأنت تناظر فيني .. يلا بسرعة
خالد ابتسم بذكاء: إيه صح عرفت
شوق: وأخيرا ً .. إيش
خالد: هم شيين
شوق: وإيش هم .. خلصني
خالد: أول واحد فاتحة شعرك .. وثاني واحد لابسة وردي
شوق ابتسمت: صح عليك .. وش جائزتي
خالد: غمضي عيونك
شوق: مع أني مو واثقة فيك بس يلا وش ورانا نغمض
غمضت عيونها بضمير
وهو وقف قدامها وطشر عليها من موية البحر
شوق فتحت عيونها بسرعة ووقفت: وش ذا الجائزة
خالد دخل البحر في البداية وهي واقفة قباله على التراب
شوق: لو أن بيجامتي شورت نفسك كان دخلت لكن ماأقدر
خالد: ههههههههه احسن .. اخذ وطشر عليها مرة ثانية .. بديتي تثبيتين لي أنك مثل أختي سارة دلوعة
شوق فتحت عيونها: طيب أنا اوريك مين الدلوعة على أصول .. رفعت بنطلون البيجامة إلى ركبتها
ودخلت البحر وقامت تطشر عليه
خالد: خلاص والله عرفت انك مو دلوعة هههههههههه عرفت ههههه
شوق: علشان تتعلم كيف تتكلم معي مرررة ثانية هههههه
خالد حاوط إيده رقبها كأنه بيقتلها: تبعيدن ولا أنحرك هنا ولا أحد يدري عنك
شوق استحت من نفسها مررة قريب منها وماعرفت تسوي شي
خالد ضحك: خفتي مني هااا
شوق: إيش ماسمعت .. قال خفت منه قال
مسكت إيده تحاول تبعده عنها
بعدت عنه وخالد مسك إيده وهي نفس الشي وجالسين كل واحد يدف الثاني
وبعدين طاحوا الأثنين في الموية وتملوا ملابسهم
خالد: هههههههههههههه خبلة كله بسببك
شوق: والله انت اللي بديت بالاول هههههههه شكلك يضحك وانت مبلل موية .. وطشرت على وجهه
خالد: ماتبتي إلى الآن .. هز شعره بقوة اللي فيه موية ورش عليها
شوق: هييي سبحتني ماشبعت
خالد: لا لسة هههههههههههههه .. وطشر على وجهها وشعرها
شوق: خالد خلاص بليـــــز
اتملى شعرها موية وبيجامتها ووقفت
خالد طالع فيها ولا شعوريا ً ابتسم شكلها كان كل شي فيه عفوي شعرها مليان موية ومنثور على كتفها وبجامتها اللي رجل نازل البنطلون والثانية مرفوع وكلها موية
شوق استحت مررررة نظراته لها والتفتت للجهة الثانية
خالد مد إيده: خلي عندك ذوق شوي وقوميني
شوق: لا شكرا ً انت مرررة ثقيل ومو ناقصة ينكسر ظهري
خالد ينرفزها: دلوعة دلوعة
شوق طالعته بنصف عين ومدت إيدها: يلا قوم
خالد مسك إيدهاوكان ناوي يقوم لكنه سحبها وطاحت جنبه: هههههههههههه فضيعة انتي .. وخطير أنا هههههه
شوق: سخيف مررررة
خالد وقف ومد إيده لها: يلا قومي خلاص تسبحنا بما فيه الكفاية
شوق مسكت إيده وقامت
كان فوق الطاولة في زي القماش يتدفون فيه اثنين للحريم
خالد اخذ واحد وصفطه وفرشه على الأرض قبال البحر: أجلسي
شوق جلست وهي ضامه نفسها: برررررد مرة
خالد اخذ الثاني وحطه عليها وجلس جنبها
شوق ابتسمت له: شكرا ً
خالد ابتسم لها
.................................................. .............
طلعت من الغرفة وطلعت برى شافتهم جالسين وابتسمت مبسوطة لهم
خالد يستاهل
وشوق بعد تستاهل
رجعت دخلت الغرفة وانسدحت جنب رنيم ونامت
.................................................. .............
جلسوا إلى الشروق وبعد كذا قام كل واحد راح تروش وصلى ونام
#############################################
جاء اليوم الثاني
في الصباح
الساعة 5 الصباح
وصلت الطيارة للولايات المتحدة الأمريكية
طبعا ً هذا الوقت بالنسبة للسعودية
لكن الوقت في امريكا 12 الظهر تقريبا ً
نزلوا من الطيارة وعلى طول توجهوا للفندق
اخذوا غرفتين جنب بعض
ديما ماسكة الجوال وتكلم: ماما راح أشتاق لك مرررة .. إيه ألحين راح ننام .. اوووك يلا باااي
وسكرت
ثامر: وش قالت لك
ديما: قالت إذا صحيتوا كلموني
ثامر وقف: أوووك اجل يلا ياحلوة انا بروح انام صدعتي لي راسي من حنتك
ديما: لا والله انا ألحين صدعت لك راسك هاا
ثامر ضحك: وفي غيرك .. سلام أقول بس
وطلع وراح غرفته وعلى طول غير ونام
اما ديما
جلست ترتب أغراضها وبعد كذا نامت
################################################
قام الكل من الصباح
ريم وحسام وفراس وسجى ورزان ولينا
راحوا مجمع إيه بي سي
واشتروا أشياء وتسوقوا
بعد كذا رجعوا
رنيم وهي منسدحة على الكنبة وتطالع التلفزيون: وين رحتوا بدوني
ريم: رحنا نشتري أشياء
وسجى: إيه كنتوا نايمين
وراحوا بسرعة غرفة ريم وقفلوا الباب
ندى: الحمدلله وشفيهم ذولي
رنيم: مدري
.................................................. ...........
أما بالغرفة
سجى وريم طلعوا اللي بالكيس وحطوهم على السرير بسرعة وبفوضة
ريم: أووووف تعبت
سجى صرخت: ريم
ريم: نعم
سجى: وش ذا الحوسة أنا ماأحب كذا
ريم: الباب وش كبره تفضلي
سجى: انقلعي
ريم: عاااد العيال ان شاء الله يطلع قدهم مدري عن مقاساتهم
سجى: لا بيطلع لا تخافين
ريم: مدري عنك .. كيفك بالطقاق
سجى رتبتهم وصفطتهم وخلتهم فوق السرير
ريم: خلصتي
سجى: إيه يلا خلاص
ريم: أجل يلا خلينا نطلع
سجى: أوووك يلا
وطلعوا وجلسوا بالصالة مع بعض
أبرار: ماقلتوا لنا وين رحتوا بدون ماتقومونا ولا شي
سجى: إيه بي سي
رتال: نصابة
ريم: والله
رتال: ورزان الحمارة رايحة ولا قالت لي
رزان وهي جالسة بالأرض وجنبها لينا يطلعون أغراض من الكيس: رتولة تعالي اشتريت أشياء كثار
رنيم: وانا يعني
رتال: لا بس أنا
رنيم: أحسن .. أصلا ً اكيد ريم حبيبتي أشترت لي
ريم: أكيد .. بس خليه بعدين بيني وبينك
رنيم ضحكت: أوووووووك
ريم: الساعة كم ألحين
لولو: 2 ونصف
ريم فتحت عيونها: احلفي
لولو: والله
ريم: ألحين ترا
سجى قاطعتها: خلونا نطلع برا كلنا
ريم طالعت فيها: نسيت كنت بخرب كل شي
سجى: لأنك غبية
قام الكل وطلع برا
وسجى وريم راحوا الغرفة وجابوا الأشياء اللي اشتروهم
وطلعوا راحوا عند العيال
ريم: أمسكوا هذي بدل البسوها
فهد: حق إيش هذولي
سجى: ألبسوهم بعدين تعرفون
حسام: طيب وشذا الألوان الحمدلله والشكر
ريم: ألبس بدون ماتتكلم
وعطوا كل واحد اللون المخصص له
وطلعوا وسووا نفس الشي للبنات
بعد ربع ساعة تقريبا ً
تجمعوا كلهم عند ملعب كرة السلة وسووا نفس الدائرة
ريم وسجى كانوا بالوسط
كانوا العيال والبنات كل واحد لابس لون
كانوا لابسين بدل سبور حقت رياضة وعليها علامة أديداس
وكلهم كانوا لابسين شوز أبيض رياضي
شوق: ألحين وشذا الجنون اللي فيكم مخلينا نلبس كذا
أفنان: والمشكلة ان حنا نسمع كلامهم ونلبس ونسوي كل شي يقولون
ريم: أسكتوا أسمعوني وش بقول
رزان: تفضلي خلصينا
ريم: بما أن امهاتنا العزيزات وآبائنا المحترمون
حسام: بسرعة بلا مقدمات
ريم: المهم انا والحلوة سجى
سجى: شكرا ً