ساره:ليه يمه؟؟وش فيها..
ام حمد:حملها متعبها حيل..زين انها بتجي..
ساره:الله يعينها..
حنان بصوت عالي:يمه..يمه..ابوي يبك..ردي هو ع التلفون احين.. ام حمد في التلفون:هلاا بوحمد..اي..حياهم الله..ان شاء الله..ياهلا.. وسكرت..
ساره:وش يبي ابوي؟؟
ام حمد:يبينا نضاعف كميه الاكل..لان زوجك فيصل بجي مع اهله..
ساره(مصدق فيصل..فيصل بيجي عندنا في البيت)وبرود:اهاا..يمه انا ابي اطبخ..
ام حمد ابتسمت:عشان فيصل صح؟؟
ساره:هه..
ام حمد:ههههه..براحتك بس اخاف تتعبين..
ساره:ولا اتعب ولاشيء..انا من حملت وانا مسوي شيء خلني اساعدكم هل مره..
ام حمد وحنان ابتسموا بمكر:..............
ساره استحيت من نظراتهم:وش فيكم تطالعون فيني كذا..
حنان:ابد سلامتك..روحي طبخي..طبخي لفصيل..
ساره بحيا:اسمه فيصل..
حنان:هههههه..
وخليتهم ورحت المطبخ وقطعت البصل وجهزت كل شيء وبعد مخلصت من الحمسه..رقيت فوق..غيرت ملابسي ولبست فستان قصير لنصف الساق..بلون الاورنج الفاتح وجاكيت نصف كم باللون الاسود..ماسك وكاشف من الصدر وتحت يوسع..ولون الذهبي تزين فتحه الصدر..وصندل متوسط الطول بلون الذهبي..ومناكير باللون البرتقالي وعند نهايه الظفر رسمات ناعمه بلون الاسود..اعرف ارسم ع اظافري فيكم تقولون هوايه.. وخاتم ذهب ناعم واساور باللون البرتقالي ومكياج سنبل باللون البرتقالي المدموج الاسود عند نهايه العينين وكثقت الماسكار..وملمع برتقالي من نيفا وعدسات بندقيه..وسيحت شعري وفرته ع كتفي.. شكلي صاير تحفه مرره..وعطرت بعطر من شانيل..ونزلت..
حنان باعجاب:واااو..انتي كل يوم تصيرين حلووه..
رغد:ليه غيرتي..حلو لبسك مساع..بالبنطلون جنان..
ساره:يعني احين شين..
رغد:لا بس..
قاطعتها حنان:هي غيرت لبسها عشان فصوولي حبيب قلبها بيجي..
رغد:صدق..بس عشان كذا هل الجمال كله يعني مو لنا لفصيل..
ساره بحيا:لامن قال...
حنان بترجي:يلا عاد قولي ألي في بطنك وش ولد ولابنت.. يلاا.. ساره:انا كم مره اقول لك..لبقى شهر على الولاده بقول لكم لاتحنون..
رغد بقهر:وألي يبط كبدي ان السيد حمد مايبي يقول بعد.. ساره:انا موصيته ميقول لحد.. ورحت للمطبخ وعملت الكبسه ودخلت غاده علي..
غاده:قمر..قمر..
ساره التفت وبشوق:هلاا غاده حبيبه قلبي..
غاده وهي تضمني:اشتقت لك مرره..
ساره:وانا كمان..انا ادق عليك بس بالموت تردين..
غاده:وش اسوي بعد..انتي كلا تحلوين اكثرر..مشاء الله عليك.. ساره ابتسمت:عيونك الحلوه..
غاده:تصدقين مكان فهد بيخليني اجي..
ساره:وي ليه؟؟
غاده:يخاف اتعب..بس يوم قلت له اني اشتهيت كبستك قال روحي..هههههه.
ساره:ههههه..الله يقطع بليسك..
غاده بهمس:اشتقتي له..
ساره:اشتقت لمين؟؟
غاده:لفيصل..اشتقتي له اعترفي..
ساره(قال مشتاقه قال قصدك شوقي له ذبحني):وينها امي"اقصد ام فيصل"
غاده مسكتني من يدي:لاتتهربين..
ساره:ولا اتهرب ولا شيء..بس حدي مشتاقه لامي..
غاده بعدم اقتناع:في الصاله..
ورحت حضنتها بقووه..
ام فيصل بشوق:هلاا بقلبي سااره..
ساره بست يدها وراسها:هلا فيك يمه..
ام فيصل:نسيتينا ياساره..مصرتي تجين بيتي..
ساره:افا عليك بس..متى مشتقتي لي دقي علي..وانا اجيك مباشره..
ام فيصل:بشوف انا..مستويتي يابنتي..اقصد مامتنتي..ليكون ماتاكلي عدل..
ام حمد:لاتاكل عدل..
ام فيصل:اهم شيء..انا ابي حفيدي معافه..
ساره ابتسمت:ان شاء الله
ام حمد وقفت:رغد حنان تعالوا شوي.. وطلعوا..
ام حمد بهمس:اسمعوا لاتقولون لاي حد ان ساره سوت فحوص اليوم وعرفت ألي في بطنها..
حنان ورغد:ليه؟؟
ام حمد:انا وش قلت؟؟
رغد وحنان:ان شاء الله يمه..
ام حمد:أي..
ودقايق جاوا بنات خالي محمد...وقعدنا مع بعض..
صيته:انا سمعت ان الوحده الحامل..مالها خلق تتزين..بس انتي غير عطيني امل..مشاء الله عليك..
ساره ابتسمت:اسلمتي هو يعتمد على الوحده..وحملها يمكن يكون حملها متعب وماتشتهي تلبس..
نوف:في أي شهر انتي احين؟؟
ساره:الشهر السادس..
نوف باندفاع:مشاء الله...مبين انك في الشهر التاسع..
ساره:ادري بطني كبير..
فاطمه:يمكن فيه توم..وش دراك..
ساره:.............
صيته:اول مره اشوف عليك لون البرتقالي..صايره قمرر إلا خيال..بسم الله عليك..
غاده:شربي مويه..
صيته:ليه؟؟
غاده:باخذ اثركم..اخاف بكره تنسدح..
الكل:ههههههه....
الكل:مشاء الله..
ساره:هههه..عن اذنكم.. ورحت شفت كبستي..
ساره(كل ذه عشانك يافيصل..مكنت بطبخ إلا يوم عرفت انك بتجي).. وفي الصاله..
رن جوال غاده..غاده:عن اذنكم وقامت..
غاده في التلفون:نعم فيصل.
فيصل:هلا...وين ساره؟؟
غاده ابتسمت:ليه؟؟
فيصل:انتي قولي وينها بل الاول..
غاده:في المطبخ ليه؟؟
فيصل:غاده ابي اشوفها..
غاده:كلمها وقول لها انك تبي تشوفها وتطلع لك..
فيصل(ليت الامر بهالسهوله بعد كل ألي سويته لها متوقع انها تبي تشوفني):ابيها افاجئها..
غاده:اهاا..انا مو صاحبه البيت كلم امها وتعمل لك درب بس بعد العشاء
فيصل ابتسم:أي والله..يلاا اكلمك بعدين..
يتبع...