| ♪♪♪
رمى خالد جســـمه على الكنبه بتعب ... البيت كان بااارد
و متوااااضع وصغير الصاله صغييره وفيها كنبتين وتلفزيون قديييم
وغرفتين و مطبخ صغييير و( انتوا بكرامه ) حمام
طبعا هالبيت مو لخالد استأجره من واحد صديقه كان يعرفه ومهجور شوي
فجأه رن جواله طلعه من جيبه خالد وشاف الاسم: هلا يمه
ام خالد : هلا خالد شلوونك
خالد وهو يتنهد : بخير وانـتي كـ
ام خالد قاطعته بسرعه : ويينك خااالد قلقتني علييك تقول اختك جمانه انك من طلعت الساعه 2 الليل مارجعت البيت واتصل على جوالك مقفل
خالد وهو يحاول يصرفها بأي شي : لا.. بس ..انا وربعي رحنا للبحر وشكلنا بناخذ هالويكند كله هنااا
ام خالد بعصبيه شوي : ولييه ماقلت لي ... تتركني افكر فيك قلت ليكون صابك مكروه لا سمح الله وبعديين في احد يروح للبحر في هالجوو البارد
خالد بحنيه : ههههههههه حقك علي يمه والله مو قصدي بس ماحبيت ازعجك اخر الليل وانا بخيير الحمدالله
ام خالد : الحمدالله ... عساك فطرت
خالد : لا والله مابعد هالحين بنجهز الفطور
ام خالد : طيب انتبه على نفسك ... كم الساعه بترجع
خالد توهق : مدري يمه متى مارجعت بدق عليك .. يالله يمه الشباب ينادوني
ام خالد : طيييب شفيك مستعجل
خالد : ههههههه يالله مع السلامه
ام خالد ببتسامه حنونه : ربي عليك حافظ
سكر خالد من امه وحط الجوال جنبه.. وبتسامه الم على شفايفه
خالد حنووون وقلبه طيب لاكن اللي صار لابوه ولأهله مو شوي
جاته ردت فعل قاسيه
خلته مايفكر الا في الانتقام عشان خاطر ابوه الله يرحمه واهله اللي انظلموا
والسبب كان عبد العزيز ابو ليان اللي لطالما مثل عليهم بأنه مثل عمهم ... اخو لأبوهم
وعبد العزيز ستغفلهم ونصب عليهم وأتهم ابو خالد بأنه تاجر مخدرات معروف
والكل وقف ضد ابو خالد بدون رحمه ودخلوه السجن سنتين وتوفاه مسجون
وسبب كان ايش ... حب التملك اللي كان مغطي قلب عبد العزيز
وعبد العزيز ما كان عنده غير ليان اللي عمرها 17 سنه( جمييله كل شي فيها ناعم ورقيق شعرها طوييل تحت ظهرها و لونه عسلي وبييضه بياض الثلج وعيونها جنااان ولونهم بحري رموشها كثاااف و واسعه وبؤبؤتها كبيره .. وشفايفها صغار لاكن ممتلئين ولونهم لون التوت...اللي يشوفها مستحييل يشيل عيونه من عليها وتحب تمشي كلمتها) وابوها يحبها ويهتم فيها ومدلعهاا اخر دلع .. لاكن مو فاضي لهاا بسبب شغله وسفراته الكثيره ... وليان شافت خالد ونقدر نقول اعجبت فييه فقط .. وتعرفت عليه وهو حبهاااا موت
ولما قال لها انه راح يتزوجها ارفضت بكل غرور ...وبعدها صار اللي صار لأبوه
أبو ليان متزوج 4 زوجات لاكن الله ارزقه البنت الوحيده
أم ليان توفت وكانت لبنانيه
وليان تعيش مع مرت ابوها وماكانت علاقتهم قويه يعني محد يسأل على ثاني
لاكن ليان كانت عايشه حياتها بدون هموم بالعكس كانت بنت مفعمه بالحياه والتفاؤل
ودائما الفرحه بعيونها وبنت دلع ورقه وبريئه ومرحه.. ماتعرف شي عن الحياه او ماعندها خبره ^_^ومغروورهـ
__________________  |