| فراس: إن صار فيها شي لا قدر الله فهو بسبب جنونك
وليد ساكت ومرة معصب
فراس: ماتشوف الولد كيف تعبان ومو قادر يتحرك
من الصراخ العالي
جاو بعض العيال والبنات لهم
لينا صرخت: فراس خلاص لا عاد تصرخ والله مرة تعبت تاركيني هنا لحالي مع فيصل ورايحين كلكم لرنيم .. بكت .. مو قادرة أستحمل أكثر خلاص
فراس سحبها قبل ماتكمل كلامها وضمها بقوة: أووووش خلاص أهدي انا مرة غلطان نسيتك هنا لحالك سوري
أخذها وطلع معها برى الغرفة وجلسها على الكرسي وجلس معها
مسح دموعها: لا عاد أشوفهم على خدودك مرة ثانية .. فتح قارورة الموية حقته .. امسكي أشربي
لينا مسحت دموعها وشربت من الموية شوي: خلاص شكرا ً
فراس: خلاص اهدي لا تبكين والله انا مثلك مو عارف إيش أسوي رنيم من جهة وفيصل ووليد من جهة .. تنهد بضيق .. تعبت
لينا طالعت فيه وهي ساكتة مو عارفة إيش تقول
رن جوال فراس وطالع في الشاشة وهو مصدوم مو عارف إيش يسوي
لينا بإستغراب: وشفيك ..؟؟!!
فراس بتوتر: أمي تتصل علي مو عارف إيش أقول لها
لينا: رد وقولها بهدوء ولا تخوفها أن رنيم تعبانة وبالمستشفى
فراس تنهد: طيب
رد عليها
أم فراس بخوف: فراس وراك ماترد لا أنت ولا رزان ولا رنيم صاير معكم شي
فراس بإرتباك: يمة
أم فراس خافت: وشفيك اكيد صاير شي .. خواتك فيهم شي
فراس بلع ريقه
لينا بهمس: تكلم لا تخوفها
ام فراس: فراس تكلم وقفت لي قلبي
فراس بسرعة : يمة رنيم تعبت وألحين هي بالمستشفى
أم فراس حطت إيدها على قلبها: إيش ..؟؟!! وشفيها وش صار لها يعني تعب خفيف مثل كل مرة
فراس ماعرف وش يقول: يمة انقلبت فيهم العربة هي وفيصل بس الحمدلله مافيهم شي كويسين
أم فراس: بأي مستشفى بنجيكم أنا وأبوك
فراس قالها بأي مستشفى
وهي على طول سكرت منه وراحت تقول لأبو فراس
فراس وقف: انا بروح أشوف رنيم شوي بعدين برجع لك
لينا وقفت: هي كيفها طلعت من العمليات
فراس: إيه بس دخلت بغيبوبة
لينا شهقت: كيف ..؟؟!! بروح معك أشوفها
فراس: يلا
راحوا من هنا وشافوا رزان وحسام وجوري ريم بس
فراس: وين الباقي
حسام: قلت لهم يروحون ماله داعي يجلسون وتعرف مستشفى وكذا فما يصلح نجلس كلنا
كانوا جالسين كلهم على الكرسي اللي قبال القزاز
جوري جنبها رزان وبعدين حسام
وريم واقفة وتبكي بدون صوت لاصقة بالقزاز
فراس جلس بعد ماطل من القزاز
لينا مشت بتروح لريم
حسام بهمس: لينا أتركيها لحالها شوي
لينا بتفهم: اووك
وجلست جنب فراس
ريم تطالع في رنيم تنتظرها تقوم تبكي من قلب عليها .. دموعها مو راضية توقف شكل رنيم يقطع القلب
ودها تدخل عليها تمسك إيدها تكلمها
مشت وطلعت من الممر الصغير اللي عند الغرفة ومشت
حسام قام وراها: ريم انتظري وين رايحة
ريم أشرت له بإيدها يعني " لا تجي "
مشت ودخلت غرفة الدكتور
شافته لابس نظارته وماسك ملف يقرأه بتمعن
ريم ببحة من كثر البكي: دكتور ممكن
الدكتور رفع راسه ونزل النظارة: اتفضلي
ريم جات وقفت قبال مكتبه: ممكن طلب وماتردني
الدكتور: ولو ماراح أكسفيك .. شو طلبك
ريم بكت: أبغى أدخل على رنيم لو سمحت بس دقيقة ماراح أطول
الدكتور سكت شوي: مو عارف شو بدي أول .. بس مابيصلح
ريم: والله ماراح أسوي شي بس أكلمها شوي بعدين أطلع لو سمحت
الدكتور رفع الملف: هاد ملفها وصلني من المشفى اللي بالسعودية حالتها جدا ً نادرة .. ماعندا مناعة عم تقل بالتدرج وهلأ مناعتها جدا ً ضعيفة وممكن أي فايروس من التنفس حتى يسبب لها تضاعفات
ريم: راح ألبس كل شي للإحتياط كل شي معقم ماراح يصير لها شي على مسؤوليتي
الدكتور كسرت خاطرت: أوووك بس ماحدا غيرك بيدخل ولمدة خمس دقائق بس
ريم ابتسمت بين دموعها: طيب
الدكتور طلع من المكتب: تعالي معي
ريم مشت وراه
ووداها عند وحدة من اللي يشتغلون
النيرس أخذتها ولبستها
لبس معقم لونه اخضر وشي برجولها وعلى راسها وقفازات ولبستها كمامة على وجهها
مشت وريم وراها
دخلوا للممر اللي عند الغرفة
كلهم التفتوا عليها وشافوها تدخل عند رنيم
طلعت النيرس وراحت
كلهم وقفوا عند القزاز وهم يشوفونها
.................................................. ...............
داخل الغرفة ..
دخلت بخطوات ثقيلة الغرفة جوها معتدل أصوات الاجهزة ماليه المكان
الغرفة جدا ً هدوء
مافي إلا صوت تنفس رنيم الهادي
قربت من عندها
ومسكت إيدها ونزلت دموعها على طول
ريم: رنومتي حبيبتي لا تتركيني قومي مرة محتاجة لك .. ماتتوقعين قد إيش الكل متأثر الكل ينتظرك .. إذا تحسين فيني تكلمي افتحي عيونك .. أو حركي يدك حتى
رنيم مافي أي تجاوب
ريم مسحت دموعها بالإيد الثانية وابتسمت: يلا يادبة قومي اشتريت لك اليوم لما رحنا إيه بي سي هدية مرة حلوة كنت بعطيك إياها بالليل .. بس شوفي نمتي لحالك هنا بالمستشفى بدون ماتشوفينها .. قومي بسرعة علشان تشوفينها
سكتت شوي تنتظرها تتكلم .. تحس انها تكلم نفسها
رنيم ماتحركت ولا في أي تجاوب أبدا ً
ريم بكت: ليه ليه ماتردين علي شوفي من القزاز قدامك في جوري ورزونة وحسام وفراس وشوفي حتى لينا تركت فيصل المسكين لحاله وجات .. يلا عاااد أصحي كلنا منتظرينك
دخلت النيرس: بليز ممكن تتفضلي تطلعي من هون
ريم: طيب دقيقة بس اودعها
قربت منها وضمتها بقوة ونزلت الكمامة وباستها على خدها وعلى راسها
وطلعت ووقفت عند الباب القزاز والتفتت لها: أحبك
وطلعت وشافت قدامها واقف فراس وعلى طول رمت نفسها عليه: ماترد علي
فراس: طيب خلاص أحمدي ربك دخلتي عليها أكيد كانت تسمعك بس ماعرفت كيف ترد عليك
ريم بعدت عنه وتتكلم زي الأطفال: اكلمها أقول لها ردي علي وأسكت أنتظرها ترد ماترد
فراس ابتسم: لا تخافين راح يجي يوم ترد
ريم: متى ..؟؟!!
فراس سكت مو عارف إيش يجاوبها
ريم بعدت عنه وجلست على الكرسي
لينا وقفت: أنا بروح أشوف فيصل
فراس: أنتظري بروح معك
مشوا جنب بعض وتوهم بيطلعون من الممر
إلا دخلت أم فراس وهي تبكي: فراس وينها وين بنتي
فراس التفت على القزاز بدون مايتكلم
أم فراس ركضت للقزاز ووقفت عنده بكت وهي تشوف شكل بنتها
وجهها أصفر وشفايفها رايح لونها
والأجهزة اللي عليها أكثر من كل مرة
قامت رزان وضمتها: ماما خلاص
ريم بعدها قامت وضمتهم ثنتينهم: خالتي خلاص لا تبكي راح تصحى
أم فراس ضمتهم ثنتينهم بقوة: آااااااااه ياقلبي بنتي بتروح من إيدي
جوري كانت جالسة جنب حسام وتبكي كل ماتحاول تسكت ترجع تبكي من جديد
حسام شاف شكلها وكسرت خاطره مافي أحد مواسيها جالسة لحالها
قرب منها وضمها: لا تبكين خلاص
جوري كانت محتاجة حضن أحد من زمان ضمت حسام بقوة: ماأقدر
حسام: خلاص خليني أوديك الشاليه الوقت ليل وأكيد امك خايفة عليك
جوري بعدت عنه وهي تمسح دموعها: لا ماراح أترك رنيم لحالها
جاء أبو فراس ووقف جنب أم فراس وهو يشوف أغلى الناس في عينه
نزلت دمعه وبسرعة مسحها
حسام وقف جوري ومسكها وقال بهمس: خليني أوديك علشان ريم ترضى تروح شوفيها كيف تعبانة وانتي بعد
جوري هزت راسها ريم كانت حالتها أصعب منها
حسام راح عند ريم اللي كانت جالسة على الكرسي وضامة رجولها لصدرها
حسام: ريم ريم يلا قومي خليني أرجعك الشاليه انتي مرة تعبانة
ريم ماردت عليه وكانت على وضعها ماتحركت
حسام جلس جنبها وهزها: ريم يلا قومي
ولا ردت
حسام خاف ورفع راسها: ريم
كانت نايمة من التعب وآثار الدموع لسة على وجهها
شالها وأشر جوري تجي معهم
ومشوا بيطلعون
فراس: دقيقة دقيقة
حسام: هلا
فراس: خذ امي وأبوي ورزان معك
حسام: يلا قول لهم يجون انا بنتظرهم بالسيارة
فراس راح لهم: يمة يبة يلا روحوا بكرة تعالوا وأنا بطمنكم عليها كل شوي
ام فراس: لا ماأقـــــ
أبو فراس قاطعها: خلينا نروح لا تتعبين علينا .. ورزان تعالي معنا أجلسي مع أمك
رزان هزت راسها كانت بتعارض لكن نظرات فراس ترجتها: طيب يلا
طلعوا وهم يمشون شوي شوي مو قادرين يتركون رنيم لحالها
أما فراس ولينا راحوا عند فيصل
شافوا ام فيصل تبكي عنده وهو كان مخدر ونايم ومو حاس فيها
لينا: ماما متى جيتي
أم فيصل: جيت مع أختي نادية
لينا راحت لها وضمتها: هم بيرجعون يلا روحي معهم
أم فيصل: وانتي وفيصل أترككم لحالكم
فراس: أنا معهم نسيتيني
أم فيصل: بس
لينا قاطعتها: ماما روحي مافي فايدة من جلستك هنا
أم فيصل: طيب بس كل دقيقة بتصل عليك تتطمنيني
لينا: اوووك
لينا جلست عند فيصل
وفراس اخذ أم فيصل ونزلها تحت للسيارة
########################################
جاليسن يتمشون على البحر
ماسك الجوال ويمشي متوتر: وبعدين وش صار يعني
بتردد: بعدين
سامي بعصبية: أنس لا تجلس تقول كلمة وتسكت تكلم مرة وحدة
انس: أنقلبت فيهم العربة و
سامي قاطعه بصدمة: و إيش وش صار لهم رنيم وفيصل فيهم شي
أنس بلع ريقه: فيصل فيه كدمات كثير بجسمه ومرة تعبان
سامي بخوف من كلمة ماتت: ورنيم
أنس بتردد وخوف: دخلت بغيبوبة
سامي فتح عيونه: إيش ..؟؟!! ومتى تصحى ماعلموكم
أنس: يقولون مايدرون .. ورحنا كلمنا الدكتور قال مناعتها جدا ً قليلة وماتستحمل أي شي علشان كذا تاركينها على الأجهزة مايقدرون يعطونها ولا دواء خايفين يفقدونها
سامي من كلمة يفقدونها انجن: كيف يفقدونها مو هم دكاترة ويعرفون يتصرفون
أنس: بس يعني تعرف الغيبوبة مافي لها حل إلا أننا ندعي الله
سامي عصب ويتنفس بصعوبة: طيب وبعدين ألحين تجلس كذا بين الحياة والموت وعلى الأجهزة
أنس: انت لا تقول كذا أدع الله يشفيها ويعافيها
سامي: وانتوا تخلونها تركب هذي العربة هااا
أنس: كلنا ركبنا وماصار شي بس ربي كاتب يصير لها ركبت ولا ماركبت
سامي سكت مرة معصب ومتوتر
انس: سامي أذكر الله
سامي: لا إله إلا الله
أنس: خلاص انا أكلمك بعدين اطمنك عليها أوووك
سامي مارد عليه
وسكروا
هيله بخوف: رنيم وفيصل وش فيهم
سامي نزلت دموعه: فيصل مريض مرة ورنيم بغيبوبة
هيله: كيف ..؟؟!! طيب وش صار عليهم ألحين
سامي: مدري يقولون مناعتها قليلة وماأعرف إيش ومو قادرين يسوون لها شي
هيله: خلنا بكرة نروح لهم لبنان نطمن
سامي: لازم .. هذا اللي كنت أفكر فيه
هيله ضمته: خلاص إن شاء الله مافيها إلا عافية
سامي: لسة أمس ضايعة .. واليوم يقولون لي بغيبوبة
هيله: هذا أمر الله .. مايصلح نعترض
سامي: أعرف بس والله رنيم بالنسبة لي شي كبير
هيله: والله العظيم أعرف .. طيب اتصل تطمن على ريم أكيد مرة تعبانة رنيم مثل أختها واكثر
سامي : لازم
ورفع الجوال واتصل
بعد خمس رنات
جاه الصوت
حسام: هلا
سامي: ريم وينها
حسام وهو يشوف ريم نايمة على السرير: نامت بالمستشفى ورجعتها الشاليه
سامي تطمن: يعني مافها شي
حسام مايبي يخوفه: لا مافيها شي الحمدلله .. بس بكت كثير ومرة منهارة
سامي عوره قلبه عليها: عارف .. رنيم بالنسبة لها مو زي أي أحد
حسام: إيه
سامي: طيب أنت نام أرتاح بعد شكلك تعبان .. وإذا صحت ريم خلها تكلمني
حسام: إن شاء الله .. مع السلامة
سامي: باااي
وسكروا
هيله: هاا وش قال
سامي: يقول تعبت من البكي ونامت بالمستشفى ورجعوها للشاليه
هيله: زين على الأقل ترتاح شوي .. وحنا بعد خلنا نرجع الفندق نرتاح علشان بكرة نروح لبنان عندهم
سامي مسكها: يلا
وراحوا للفندق وانسدحوا على السرير ومو قادرين ينامون
##################################################
جالس يفكر قلبه معوره على ريم أكثر من رنيم
صوت بكاها يعور القلب ماقد شافها تبكي
دايم أقوى من الكل
تركي وديما جالسين جنبه ويسولفون مندمجين
ديما: ثامر وشفيك
تركي: إيه صحيح وشفيك صاير شي .. ولا مشتاق لبابا ياروح البابا
ثامر: لا بس أخت صاحبي تعبانة
ديما بسرعة تأثرت: ياحياتي إيش فيها
ثامر: صار لها حادث
تركي: بسم الله وعسى ماصار فيها شي
ثامر: مدري عنها بس يقول أنها بالعمليات
ديما: مين أخت حسام ..؟؟!!
ثامر: لا بنت خالته
تركي: مو توك تقول أن أخت صاحبك
ثامر: إيه ولد خالته صاحبي بعد بس ديما ماتعرفه
ديما: إلا أعرفه اللي رحت عنده الشرقية صح
ثامر ابتسم: إيه
تركي: نسيتني أجل وتعرفت على ناس جدد هاااا
ثامر: لا تخليني أصدقك وأقول أنك ماتعرفت على احد غيري
تركي ضحك وحك راسه: لا ماتعرفت
ثامر: صدقتك
تركي ضحك: لا الصراحة تعرفت على كثير بنات وعيال وكل شي يحبه قلبك
ثامر: لا شكرا ً
تركي: طيب اتصل عليه شوف وش صار على البنت
ثامر: طيب
ووقف وراح بعيد شوي
ورفع الجوال لأذنه
بعد مادق على حسام
##########################################
أم فراس تبكي والكل يهدي فيها لين ماخلوها تنام غضبن عنها
ريم نايمة من الأول
جوري نامت بحضن أمها
البنات كلهم
راحوا أكبر غرفة وناموا فيها
والعيال كل اثنين راحوا غرفتهم وناموا
.................................................. .........................................
نايمة داخل الغرفة
تحركت شوي ..
التفتت يمين ..
رجعت يسار ..
بعدين صحت ..
طالعت في الغرفة وطالعت جنبها بالسرير وين رنيم وين راحت
قامت من السرير ودخلت دورة المياه غسلت وجهها أكثر من مرة
وسمعت صوت جوال يرن
مو جوالها طلعت وشافت على التسريحة جوال حسام الآي فون
نشفت إيدها ووجهها بالفوطة
وتوها بتأخذه إلا سكر
رجعته للتسريحة دق مرة ثانية
شافت المتصل (( ثامر ))
رجعته على التسريحة مالها خلق تكلم أحد نفسيتها زفت على الآخر
جلست على السرير
والجوال يدق ويطفي ويرجع يدق مرة ثانية
طفشت منه وراحت بدون تفكير وأخذته وردت
جاها صوته من زمان ماسمعت فاقدته من مدة
ثامر: ألو حسام
ريم ماردت
ثامر: حسام رد رنيم صار فيها شي
من قال رنيم ريم بكت
ثامر سمع صوتها وبسرعة قال: ريم
ريم ماردت عليه بس تبكي
ثامر: ريم ردي علي وشفيك
ريم بسرعة وبهجوم طلعت كل اللي بقلبها وهي تبكي وتشهق كل شوي: رنيم راحت وتركتني خلتني أبكي لحالي أنا بالغرفة لحالي نست أني أحبها ولا أقدر أفارقها قول لي إش أسوي أنا من دونها
ثامر قبضه قلبه مرة كسرت خاطره: أهدي مايحتاج كل هذا البكي
ريم وهي منهارة: كلكم تقولون أهدي .. كيف أهدى ورنيم بعيدة عني
ثامر بهدوء: ريم أسمعيني
ريم: ماأبغى أسمع شي رنيم دخلت بغيبوبة وماأدري متى أصحى
ثامر ارتاع ماتوقع أن رنيم مريضة لهذي الدرجة وقال بنفس الهدوء: طيب أسكتي شوي وأسمعي وش بقول
__________________
iLove every one ... |