ساره:وش فيك ياقلبي..
فيصل بعدني عنه:لاتكلميني وبس..
ساره:فيصل زعلت جد..
فيصل بنظرات كلها زعل:اجل امزح وياك.. ومشى ولحقته..ساره بترجي:فيصل..خلاص مراح اعيدها.. معطاني وجه وكمل مشيته.. ونزل من الدرج وجلس بالصاله..
ساره:فيصل اوعدك اني معيدها مره ثانيه.. ومسك الجهاز وغير في التلفزيون..وقفت يم الشاشه التلفزيون..
ساره:فيصل..رد علي..
فيصل بهدوء:وخري عن التلفزيون..
وتميت وافقه حول دقيقه ولا قال لي وخري ولا شيء..
ساره اقتربت منه:فصولي..فصوولي.. آسفه..اوعدك مراح اقول لك..
ولا عطاني وجه وعلا ع صوت التلفزيون
ساره بترجي:فيصل..والله مراح اعيدها..اوعدك..
ومره ثانيه معبرني..كان اجلس بحضنه وانا مقابلته حطيت يدي حول عنقه..
ساره بهمس:قلت اسفه..
فيصل:وانا مراح اسامحك لو تبكين دم..
ساره شهقت:حتى لو ابكي دم منت مسامحني..
فيصل من دون ميطالعني:بضبط..واحين تقدرين تقومين من حضني..
ساره بعناد:ماابي اقوم..انا كذا مرتاحه..
فيصل غير المحطه:.............
وانا اترجاه وهو ولا معبرني...
ساره قمت من حضنه:كل ذه عشان قلت لك فصيل..
فيصل:............ نزلت لمستواه..
ساره مسكت يده:فيصل انا آسفه..يلا عاد انا حلفت احين..مراح اعيدها يلا كلمني...
فيصل:.............
ساره:ان مكلمتني بضرب عن الطعام..
فيصل حط يده ع خده وبدون اهتمام:ان ماكلتي وفرتي..
ساره بقهر:بعد..ماشي..وصعدت الدرج..
فيصل(احبها..امووت فيها..آآآه بتذبحني بحركاتها)ابتسم:............ ورحت لغرفتي وطلبت من رشا تجيب العيال.. ساره مسكت خلودي:ليه تبكي ماما.. وشفته كان موصخ ولا"اكرمكم الله" ساره:خلااص ماما احين بنظفك.. وغيرت حفاضته.. ورضعته..ورضعت قيس ويزن... وغفيت من الهدوء ورن جوالي.. ساره رديت وبهمس:هلا يمه..
ام فيصل:هلا ساره..ليكون وقضتك من النوم..
ساره:لا يمه..اصلن انا بقوم عشان اصلي الظهر بعد..
ام فيصل:زين..حبيت ااكد عليك ان اليوم هو الحفله..
ساره:انا اول الحضور..
ام فيصل:باذن الله..ماابيك تتأخرين عاد..
ساره ابتسمت:ابشري يمه..
ام فيصل:يلا مع السلامه..
وسكرت منها ورحت توضيت وصليت وقريت قران زي كل يوم..ودق باب الغرفه..
ساره بهمس:اكيد ذه فيصل..ادخل..
رشا فتحت الباب:ست ساره مابدك تتغدي..
ساره بخيبه امل:هذا انتي يارشا..
رشا ابتسمت:ايوا..بدك تاكلي..
ساره مديت بوزي:لا ماابي..
وطلعت رشا..ونزلت تحت.. فيصل تلفت وبهمس:جات..
رشا:لا..بتئول مابدها..
فيصل:تكفين رشا حلفي عليها انها تاكل..
رشا ابتسمت:وليه ماتحلف عليها انتا..
فيصل بهمس:نسيتي انا احين زعلان..
رشا:ههههههه..
فيصل:يلا رشا روحي لها فوق..مقدر اتغداء وهي مو معي.. رشا:يعني مشان هيك بدك احلف عليها..
فيصل باندفاع:لاوالله..بس انا خايف عليها..اخاف يصير فيها شيء..هي مافطرت.."وهو يفكر يبي يقول شيء يقنع فيه رشا"أي صح..ذيك المره اغماء عليها لانها مكلت شيء...
رشا بخوف:بتحكي عن جد..
فيصل:أي والله...وش فيك يارشا قمتي تخرينها صار قدامك لما اغمى عليها...
وراحت رشا فوق بسرعه..
فيصل انبسط..فيصل(ذاك اليوم يوم اغماء عليها كان بيصير لي شيء لسمح الله..) وبعد 5دقايق نزلت وجلست في الطاوله..
فيصل ابتسم ع خفيف وحب يقهرني:سمعت انك مسويه اضراب عن الطعام..
ساره:حلفت علي رشا اني...
قاطعني:خوش عذر..ليه متقولين انك متقدرين تصبرين دقيقه وحده من دون متاكلين..
ساره بقهر:نعم.."ورميت الشوكه فالصحن"اجل والله ماني ماكله..للعصر..
فيصل:بس ع بالي شهر..والله كلفتي ع نفسك..
ساره بقهر:اجل والله.. وسد فيصل فمي.. فيصل:اوووش...لاتحلفين..ويلا تعالي اجلسي يمي واكليني.. ساره قمت:عفوا ماسمعت..اظن ان عندك يدين تـ.....
قاطعني وسحبني يمه:يلا جوعان.."وفتح فمه"آآآه..
سارة باصرار:انا ابي اعررف بس انت ليه تبيني ااكلك..
فيصل بحبور:احس انك تلقميني بحب..
ساره ابتسمت:.......
فيصل رفع حاجبه:ليه تبتسمين؟؟
ساره اقتربت منه:تذكرت ايام فرنسا..
فيصل كشر بوجها:لاتذكرين فيها..
ساره:وليه والله اجمل ايام حياتي يوم كنت بفرنسا..
فيصل استغرب:اجمل ايام حياتك!!
ساره:أي وليه مستغرب؟؟
فيصل:توقعتها اسوا ايام حياتك...تدرين لاني طينت عيشتك..واهنتك وضربتك.."تنهد"الله لايرد هالايام...انا اسف لاني...
قاطعته وحطيت يدي في خده:انا لما اكون معك انسى كل شيء حتى نفسي..احس اني في جنه...صحيح كنت تقسى علي بس عسل ع قلبي..
فيصل:ساره سامحيني..
ساره بسته ع خده:مسموح ياروح ساره انت... فيصل:..................
كملت:ماابيك تقول زي هل الكلام..انسى.."ومديت يدي له."قول آآه..
فيصل فتح فمه..
ودقايق..جات رشا..رشا ماسكه جوالي:جوالك عم يرن من مده طويله..
ساره خذت جوالي ورديت:هلاا سلطان..
فيصل:........
ساره:اشتقت لك موووت ياقلب ساره انت...
فيصل خذ جوالي وسكر السماعه..
ساره:ليه سكرت السماعه؟؟
فيصل بغيره:احين وقت اكل...وبعدين انتي إلى الان تكلمينه.. ساره استغربت:اكيد لبكره..ليه انت تتضايق لكلمته وكلمني.. فيصل باندفاع:اكييد..انا مو اتضايق انا اغاار بعد..لاتكلمينه..
ساره ابتسمت:فيصل إلى الان انت معرفت من يكون سلطان؟؟ فيصل:ولا ابي اعرف بعد..بس لاتدقين عليه والله اغاار...وتدرين انتي وش تسوي غيرتي..
ساره:فديتك..وفديت غيرتك..
فيصل مسك يدي:ساره لاتكلمينه..ابيك توعديني..
ساره:اوكي..
فيصل:قولي وعد..يلا ابي اسمعها منك..
ساره ابتسمت:ماشي..
فيصل بقهر:يعني بتكلمينه..
ساره استغربت:اناقلت كذا..
فيصل:أي هذا ردك..
ساره غيرت الموضوع:فيصل ابيك توديني المشغل بعد اذان العصر...
فيصل:وليه؟؟
ساره:انت ناسي ان اليوم الحفله..
فيصل:مانسيت بس وش تبين تسوين بالمشغل...
ساره:ابي اسوي منكير وبدكير واكيد مشان يحطون لي ميك اب..ويقصون شعر و....
قاطعني:قص حلمي فيها...
ساره بخيبه امل:لا فيصل..ابي اقص شعري والله تعبت منه.."وقفت"شوف لوين طوله... احس انه يبجي عند ركبتي.. فيصل مسك شعري:انا احبه كذا...
ساره بترجي:فيصل ابي اقصه..شعري ملعوزني بكل شيء..لجيت اجلس لازم احطه قدام..مشان مجلس عليه..ولا لجيت استحم اووف منه..يلعوز..يلا فيصل ابي اقص شعري..بس لهنا"وانا ااشر لاخر ظهري"
فيصل شهق:بل..وااجد..مافيه قصيه ع طوله..
ساره:اجل ماكدينا ع شيء..
فيصل:كيفك..بس انك تقصينه لهنا حلمي فيها..
ساره بعناد:لا بقصه..انا بس حبيت اعطيك خبر..وبعدين ذه شعري وانا حره فيه...
فيصل:لا منتي حره فيه..ولاتعاندين لتخليني احلف عليك انك متقصينه طول عمرك..
ساره بدون اهتمام:احلف ع كيفك بس انا بقصه...
وقمت من الطاوله وقام فيصل وراي..
فيصل:يعني السالفه سالفه عناد..هاه...
ساره بدلع:سمها زي ماتحب..
فيصل:يعني بتقصين شعرك..
ساره التفت له:لا مراح اقصه وانت مو راضي..
فيصل اقترب مني وابتسم:صدق..
ساره:أي صدق..لو بقصه بقصه برضاك..
فيصل:كفوا والله هذا الزوجه السنعه ألي تسمع كلام زوجها.. ساره ابتسمت:فديتك..اجل توديني احين..
فيصل:اوك..بس لاتنسين تاكلين العصر..
ساره:من عيوني..
فيصل بهمس مسموع:طبعاا لكان الموضوع فيه اكل..فااكيد بيكون من عيونك..
ساره بضحكه:نعممم!!وش قلت؟؟
فيصل بعباطه:هه..ولا شيء ياقلبي..روحي لبسي عباتك..
ورحت لبست عباتي..
فيصل يتفحصني بنظره:بتروحين كذا..
ساره:أي وش فيها..مراح افسخ عباتي..
فيصل:أي ع بالي بعد..
ودخلت في الكيسه فستاني وصندالي واكسسواراتي.. وركبت السياره..ووصلت للمشغل.. وشفت غاده هونيك..سلمت عليها..
ساره:سووري تاخرت...
غاده:عادي..
ساره:وين ليونه؟؟ غاده ابتسمت:عند ابوها..
وجلسنا نسولف مع بعض..
وحطينا قناع في وجهنا.. وقصيت شعري كوكتيل لنصف اردافي..مشان ميزعل واجد..هو بيزعل وبيعصب بعد بس بيرئف لاني مقصيت من شعري واجد..وحطوا لي مكياج في قمه من الجمال والروعه..ظل ناعم وروج احمر جذاب.. وحطوا لي مناكير احمر كرزي نفس لون فستاني..وعملوا لي تسريحه شانيل.. لبست فستاني بلون الاحمر الكرزي ماسك ع جسمي ويزينه من الصدر رسمه ناعمه بالاماس المميز..توب بدون حمالات
يكشف عن نصف ساقي ليميز صندالي الاحمر الفريد وطلبت منهم يرسمون في ساقي فراشات ناعم باللون الاسود.. اما غاده لبست فستان اسود ناعم كاشف من الصدر وعاري لنصف الظهر وتزين الفستان قماش من الدانتيل والساتان..وصبغت شعرها كابتشينوا وقصته ع طوله.. ومكياج ناعم مره..صايره تحفه...
غادة غمرت:مراح يخليك اليوم فيصل..
ساره بحيا:وانتي بعد فهد مراح يسيبك ولا دقيقه..
غاده:لابس انتي اكثر..فيصل يمووت بالاحمر..
يتبع...