| شخصيات العشق الممنوع ...اقروها تخبل
مهند : حار شسوه و تايه بالمسلسلة كلها مرة هيج و مرة هيج وميدري شيسوي واذا عصبح مسح خشمه
سمر : لا حظت برجيلها ولا خذت سيد عل...ي المايعه
عدنان بيكَ : خوش زلمه + ثنين استيل فوكَ راسه وينطبق عليه المثل: نايم ورجليه بالشمس
نهال : مطفيية وطابكة على صفحة الفاهيه
مراد : مثاله الاعلى طلع هيج شراح يطلع هو لعد
فيروز خانم : اكشخ شي بالمسلسلة وبالاخير لا تحسين ولا احد صفت عالجودلية وجيس حرمل وبخور
لميس ( المادموزيل ) : ظلموها وهي خايفه عليهم وكلشي محصلت بس كعدت ليكدام يم عدنان من ديسوق هع عوووووبة
بيساال ( اني اسمعها بيسان ( هع تهجرت ووراهاكومة جهال
نهاد زوج بيسال : عاف شغله وصفه عالحديدة وهج بالعزيزة ههههه أغبر مسامع بالفرهود
حلمي بيك : هذا اليسوي خير للعالم مطلعو بس يم التابوت وكذلته طايرة ههههه استعملوا شامبو شولدرز .
زوجة حلمي : هاي زايدة كرايب المخرج
بشير : حظ العمبة لو حاجي من البداية مجان صار اللي صار لا حصل نهال ولا حس بجميلة مال العمة وسليمة لفتك
سليمان كبير الخدم : لا ماكل ولا شارب شحتوو من البيت حالياً يشتغل بالعلاوي يبيع باتريات
شهيرة : كوومة عوَت يمكن صرفو عليها عشر كيلوات بصل اخضر ...دموع تمساح
جميلة : شكد ركضت الخايبة واستاذ بشير مو يمها انقهرت عليها اكثر شي اني جذب وروح منكَاش
بشرى : ضحية من ضحايا مهند بس هم مقصرت الاخت سودة عليه هع
عمه انعام : بس بيها تكول منو خابر و منو اجه ومنو راح باب استعلامات بالكلية
وبعد اكو الخدامة السمينة كومة نكَلت سلال هدوم وشرابت وهم كلشي منطوها هي ورجلها .. احاله الى التقاعد مع الاشغال الشاقه هع
والله محد استفاد غير مهند لعب لعب بالساحة واطي هههههههههه
__________________ كَـمْ هُوَ مُؤلـِـــمٌ ,,,
أنْ يَـأتِيــكَ مَــا تَتَمَنَّــــى .. و قَــدْ تـَـــأَخـرَ الـوَقْـتُ ..
و تَغَيَــرْتَ أنْــت . . و تَغـَـيَرَتْ الأُمْنِيـات ... !! |