|
الفصـــــــــل الخـــــــامــــــــــــس
بالسياره شجون و تماضر ساكتين شجون مسكت يد تماضر
شجون:تماضر ردي علي
تماضر سحبت يدها بسرعه:ارد شقول شجون
شجون:اقصد يعني عطي حبنا فرصه
تماضر:حبنا !اي حب انا مستحيل احبج بعد ماجرحتييني
شجون وهي مب فاهمه شي:جرحتج!!
تماضر بدت تصييح شجون انتبهت عليها و وقفت على جنب
شجون مسكت ويها:ليش تصيحين!!متى جرحتج تماضر
تماضر لفت:شجون رجعيني البيت
شجون:تكلمي وبرجعج
تماضر مابي اتكلم رجعيني ولا بنزل
شجون تدريي انتماضر تخاف:مب متحركه
تماضر فتحت الباب ونزلت وانصدمت شجون من حركتها بس هي اعند من تماضر
شجون نزلت الدريشه:تماضر اعقلي واركبي
تماضر لفت عنها :باخذ تكسي
شجون انقهرت منها وحركت عنها
تماضر انصدمت وقعدت تصييح ماتعرف شتسوي بس شجون لفت عل دوار ورجعت لها ونزلت الدريشه
شجون:تماضر اعقلي واركبي
تماضر:.........
شجون بصراخ:ولله لو رحت مابرجع
تماضر فتحت الباب الي ورى وركبت
شجون:ماشتغلت دريول ابوج انا
تماضر ضحكت شجون ابتسمت لما شافتها تضحك
شجون:لعيون تماضر اصير دريول وحركت لبيتهم
فالجامعه رشد و مها طالعين من المحاضره جات لهم عاشه (عاشه حبيبه شجون السابقه على ايام الثانوي وانفصلو بسبب الخيانه ,عاشه قصيره شعرها طويل و اشقر ودايم تسوي تان ينقال عنها حلوه)
عاشه:رشود ابيج ف موضوع
رشد لايعه جبدها وماتطيقها على الي سوته ف رفيجتها: امري
عاشه:بروحج
رشد :عادي قولي جدام مها ماخش عليها شي
عاشه تنهدت ومشت معاهم :رشد انا ابي شجون انا صح خنتها قبل بس هاي من زمان انا تغيرت و..
شافو البنات متجمعين على بنت طايحه على الارض راحو يركضون عشان يشوفون من الي على الارض
مها:رششد هاي حصه
رشد حست قلبها عورها بس ماتدري ليش تجاهلت هل احساس وقالت:شفييها وخرو عنها عشان تتنفس قربت من حصه
رشد بصراخ:عطوني عطر
عطتها بنت عطر من شنطتها و رشد ماتعرف شتسوي فيه بس تعرف ان الي يغمى عليه يقومونه بعطر راحت رشد و رشت العطر على وجه حصه
مها:رشششد شسويتي
حصه فتحت عينها وشافت رشد ف وجها
حصه:رشد!
رشد:حصه شصار في شي يعورج؟
حصه وهي طااايره على اهتمام رشد :ايي ماقدر اقووم (طبعا كذب)
رشد شلتها عشان توديها الممرضه
حصه حطت يدها على رقبه رشد
رشد:خوفتينا عليج
حصه حطت يدها على بلوزه رشد وتلعب بالازره عضت شفايفها:خفتي علي؟
رشد:كل الي فـ الجامعه خافو عليج
حصه تحطمت من برود رشد
فهالوقت شجون و تماضر و صلو البيت تماضر فتحت الباب ونزلت ونزلت وراها شجون
شجون :العفو
تماضر:ماقلت شكرا
شجون :سو خير و قطه بحر
تماضر:شتبين لاحقتني
شجون:ادب يابنت
تماضر:مع اشكالج ماينفع
شجون دزت تماضر على الطوفه و لزقت فيها :عيدي
فهالحضه دش ابو رشد و شجون وخرت عنها
خالد:السلام عليكم
شجون :عليكم السلام وسلمت عليه (لاتستغربون هو يعتبرها نفس بناته)
خالد:شفيها توتو
شجون :مااادري
تماضر سرحانه ف عالم ثاني ومستغربه من جراءه شجوون
خالد:انزين انا اخليكم بروح اخذ اوراق وراجع الشغل
تماضر:خلك شوي يبه
خالد :عندي شغل ولله اذا رجعت فليل بقعد معاج الا رشد و رناد وينهم
شجون:فالجامعه
خالد:وانتي يبه شجون متى بتروحين
شجون:تطردني يا عمي
خالد:هههههه خلي عنج التغلي انا اسأل بس مابي توتو تقعد بروحها فالبيت
تماضر :لا عادي يبه الخدم هني
خالد:لا لازم حد هني معاج غير الخدم
تماضر:يبه جوليا هني(جوليا هي مربية تماضر من يوم كانت صغيره وهي اسبانيه )
خالد:حتى لو قعدي معاها شجون لين يرجعون خواتها
شجون رففعت حاجب حق تماضر:انشالله
راح خالد المكتب خذ اوراق و طلع اما تماضر بدلت و خذت جوالها (بلاك بيري) وقعدت تكلم ربعها شجون دشت غرفه رشد لانها ماحبت تضايق تماضر
تماضر اتصلت ف بنت خالتها ريم
تماضر:الو
ريم بخياس:خيير
تماضر:بل شفييج
ريم :متملله
تماضر:ليش انتي مارجعتي مع نجود بيتهم
ريم:بلا بس بنات خالتها الاغبيا قعدو معانا طول الوقت و قعدت بثياب المدرسه
تماضر :شدخل !!
ريم:شنو شدخل ليش انتي عبالج نلبس شي احنا لما نقعد مع بعض
تماضر انصدمت:.........
ريم:تووتو
تماضر:لبيه ريم انا بسكر الحين باي
تماضر سكرت وقعدت تفكر ف الي قالته ريم لين رقدت
اما شجون شافت ان تماضر مالها حس ف راحت تتطمن عليها دشت الغرفه ولقتها نايمه شغلت المكيف وقعدت جمبها على السرير وتتأمل وجها لين غفت جمب تماضر وراسها كان على راس تماضر بعد 15 دقيقه قامت تماضر لانها حست بثقل راس شجون على راسها ابتسمت لما شافت انها نايمه جمبها حست براحه بس قررت تخوفها وصرخت تماضر شجون قامت من نومها متخرعه
شجون:تمااااضر شفييييج!!!
تماضر كاتمه ضحكتها:شصااار شجوون شسوييتي
شجون:شسوويييت !! كنتي نايمه فالحر وجيت شغلت و
قاطعتها تماضر :واستغليتي الوضع صح
شجون فتحت عيونها:شستغغغغل!!!
تماضر ماقدرت تمسك نفسها وقعدت تضحك و شجون مب مستوعبه شي وبعد ماستوعبت ابتسمت
شجون:سخييفه
تماضر بزعل:انا؟
شجون :تماضر عطيني فرصه
تماضر نزلت راسها
كملت:متى جرحتج ؟
تماضر :لما كنت احبج قلتي اني بزر ومستحيل تحبيني
شجون:كنتي تحبيييينييي!!
تماضر:شجون كفايه تمثيل
شجون:تماضر ولله مادري انج كنتي تحبيني محد قالي ولله مادري
تماضر:انزين خلاص
شجون:يعني؟
تماضر احمرت خدودها و نزلت راسها:يعني خلاص
شجون قربت منها وباستها على راسها:برجع البيت انا الحين بتصل اول ماوصل
تماضر:الله يحفضج
---------------------
رناد و الهنوف طلعو من الجامعه وراحو لمطعم ابل بيز عشان يتغدون
الهنوف:تدرين ان عبير اختي تقول ل حبيبتها كلميني على اساس اني ولد
رناد عجبتها الفكره:شلون يعني
الهنوف :يعني ماتقول لها انتي وينج تقولها انت وينك جي يعني
رناد:انزيين
الهنوف:رناد شنو انزين يعني انا لو مكان حبيبتها اقولها اسفه انا لو ابي اكلم حبيبتي بصيغه المذكر بكلم لي واحد
رناد تحطمت لان عرفت ان الهنوف مستحيل تسويها
الهنوف :المهم ماعلينا منهم اليوم كم التاريخ؟
رناد:نووفه يرحم امج لاااء
الهنوف:هههههههه اسفه عيدميلاد حبيبتي و بحتفل كيفي
رناد:انزين بلا مفاجئات تدرين ماحبهم
الهنوف تسوي نفسها ماتسمع
خذت رناد الجبس و حذفته عليها
الهنوف شهقت:تحذفييني بالاكل تستخدمين نعمه ربي ك سلاح
رناد:هههههههههههههههههههههه عيديها ارجوج
الهنوف:ماقلت نكته وبتشوفين بس خل نطلع
رناد:اعتبره تهديد يعني
الهنوف رفست رييل رناد :اووبس سووري
رناد:لا ياشيخه احلفي اتني
الهنوف:هههههههه
------------------------
تماضر اتصلت ل رشد عشان يروحون يشترون ل اختهم هديه (صحيح رناد و تماضر مب قراب من بعض بس تماضر تمووت ف رناد) راحو المجمع وتماضر خذت لها ساعه كارتييه و اسواره من مون بلان وخذت لها 4 بولو من رالف لورين اما رشد ف خذت لها ساعه من رولكس و جوال بلاك بيري الجديد الابيض
تماضر كانت ف محل ديور تقيس فستان حق حفله عيدميلاد رناد رشد قاعده على الكرسي ومتملله تكره الشوبنق
تماضر طلعت :يله نطلع
رشد:مابتاخذينه ؟
تماضر:لاء بنشوف مكان ثاني
رشد:توتو ارحمييني شوي بسج لف فالمجمع
تماضر :بس محلين ولله
مشت رشد مع تماضر و وصلها مسج من شجون تقولها فيه ان هي و تماضر صارو حبايب
رشد لفت على تماضر:الحب الحئييئي بيعيش ياحبيبي(اغنيه مصريه قديمه)
تماضر:اقدم شوي ماحصلتي اغنيه غير
رشد رفعت لها حواجبها:هاذي الوحيده الي تعبر عن الي ف داخلج
تماضر وجها صار احمر:سخيفه
رشد:كبررنا و صرنا نحب
تماضر:جب
دشو محل دولجي اند قبانا اختارت فستان قصير لين فخذها و فيه دلعه و فتحه من ورا الفستان كان وايد بسيط وهي تحب البساطه والنعومه وكان حلو عليها ومطلع جسمها بس وايد عاري طلعت ل رشد عشان ترويها
تماضر: شراايج حللووووو صح
رشد رافعه حاجب:لبسي بكيني وايد استر
تماضر:شدخل شدخل الحين كل البنات يلبسون جي جات علي انا ولا يعني عشان امي توفت تتحكمون فيني وردت غرفه التبديل وقعدت تصييح
رشد عورها قلبها :توتو فتحي الباب بكلمج
تماضر لبست عبايتها و لفت شيلتها ولبست النضاره عشان تخفي دموعها
رشد:محد يقدر يتحكم فييج امي صج توفت بس انا الحين امج واختج الكبيره ومابسمح ل حد يتحكم فيج
تماضر:.........
رشد:يله جيبي الفستان
تماضر:مابيه
رشد:تبيينه يله جيبيه
تماضر:بلبس اي فستان من فساتيني يله نطلع
رشد سكتت و حست بالذنب مع ان الحق معاها وتماضر طول الطريق تصيح وشجون تتصل لها و تماضر ماترد
لما وصلو البيت تماضر راحت غرفتها وقفلت الباب اما رشد اتصلت لـ شجون وقالت لها السالفه
--------------------------
صباح جديد و يوم مهم بالنسبه لـ ابطال روايتي اليوم عيد ميلاد اختهم رناد تماضر قامت من الصبح عشان تدور لها فستان وكانت تكلم شجون
شجون:توتو حياتي اهدي
تماضر:شلون اهدى اليوم الحفله و انا ماعندي شي البسه
دشت الخدامه ف يدها بوكس كبير ابيض و فييه شريطه حمرا و كرت صغيره تماضر قرت الكرت
تماضر:حياااااااااتي ولله ماله داعي ليش تعبتي نفسج
شجون:تعبج راحه افتحييه شوفي
فتحته كان فيه الفستان الي كانت بتاخذه و معاه كعب احمر غامق يسمونه دم الغزال و عااالي و فيه فيونكه على جنب واحد
تماضر و هي فيها الصيحه :بيييبي مشكوره ماعرف شقولج
شجون:ههههههه لاتقولين شي
----------------------------------
الساعه ست كانوا كلهم فل شاليه و ييجهزون للحفله الا رناد لانها كانت مكتئبه لان الهنوف قالت لهاا انها بتسافر البحيرن و خواتها طلعو ومحد تذكر عيدميلادها
رشد كانت لابسه بلوزه سودا وكانت نص كم و لابسه برمودا جينز وسوت شعرها ستريت و الي فوق سبايكي
اما تماضر لبست الفستان و الكعب و حطت روج احمر نفس الكعب و حطت كل فوق عينها طاير و سوت شعرها ويفي ورفعت نصه ب فيونكه كبيره احمر
شجون لبست جينز ابيض و بلوزه بيضا وحطت كرفته حمرا نفس الدرجه الي لابستها تماضر و جوتي نفس اللون
الهنوف لبست فستان اسود لين الفخذ مفتوح من جدام لين سرتها اللي كانت تزينها ب حلق و سوت شعرها ستريت و اكتفت ب مسكرا و روج احمر
انــتـــهـــى البــــارت
__________________
ﺂگسسَجينيّ [ ﺂنٺ ]
وَ ﺂنفآسگ ﺂنآﺂ `
وَ صصحٺگ يَ نُور عِينيّ[ رَآحٺيّ ]
ﺂنٺبھ يَ روحيّ ː
بَ صَدرگ ﺂنآﺂ
لآ ٺٺعبَ يُوم وٺھلگ صَححٺيّ :$ |