نتيجة العراق للعام الدراسي 3008ق.م ادرس يا وطن اني امتحنتك ليش المفروض ناخذ منك اعفاء ناجح مدري راسب مدري طلعت اكمال مجموعك شعب شيجمعه صار اجزاء اقرالك درجتك كلهة بالتفصيل وانطيتك وتفرح وتستاء اخذت باللغه 100عالعروبه البيك وصفر كل العرب من الالف للياء لان كلك قواعد يا وطن مملوء صرت اشطر انت بالاملاء ولهذا السبب كسلان بالاعراب وليهسه ماكو انشاء وامريكا وافتهة يرفعن قواعد ترسن البيداء وفعل ناقص تعربه وشعبك المسكين مفعول به بل حتى بالآباء والفاعل تعرفه وتبني للمجهول تحالف مستتر تقديرهم اعداء وبغداد واختهة اعربهم بيا حال مكسورات خاطر هي والحدباء واكسل بلد انت بالرياضيات يحكمونك جبر وتكول استفتاء واحنه بدائرة وطول المحيط ذياب والمركز عميل ونص قطرنه اعداء مثلث سني جنه وشيعي متحدين كسرت ضلوعنه وما مكتفي بما جاء اضربتنه وقسمتنه ونقصتنه هواي وبعد ما تنجمع حاصل جمعنه اشلاء وباوعت على شعبك شفته كله اموات وانطيتك صفر ياوطن بالاحياء وعفيتك بالزراعه وهسه اكلك ليش لان صارت فحم كل ارضك الخضراء ولان اكثر بلد تنزرع بي عبوات اسئلة الزراعه نحله بالكيمياء درجتك ميه صفر بالدين بيك حسين ميت والطغات احياء وبيك العسكري ومحد يزوره بضيق مسجون بحضرته بلا سقف جرداء وخيلك ينسرق وسراقه معروفين حتى الاعمى نسأله يكلي هؤلاء ولا فتوى اسمعت من رجال الدين وسعانا من العمايم تنفرش سوداء حسرتنه على حقنه وحقك المسلوب يكبر حسرة لازم يا عراق تعيد بالتاريخ اكتب من جديد وامسح الاخطاء خلص عمرك على الماكو شي ملموس اكتب لاتداحس وامسح كل صرف بي اوهم الابناء وامسح كل بلد ضم راسه وكت الضيج وامسح كل ريس ودولته الخرساء واكتب مو عرب كلهم ومو امتي السمراء بس اني الابن بس اني روح الله بس اني طلعت من مريم العذراء.استنا الردود