من جهة ثانيه
ناديه : مريوم عيب علينا مانقوم نسلم على خوات العروس وبنات عمهم
مريم : كنت بقول لك بس انتي سبقتيني .. بس ستصدقين
ناديه : شنو ؟
مريم : مره مزيونات
ناديه : إي والله بالدات صاحبة فجر اتوقع سمها ملاك ..
مريم : شرايك نخطبها الى سعود
ناديه : وقصصم انك مخفه
مريم : إيه ليش ؟
ناديه : نسيتي امك شنو تقول .. سعود ل منال ومنال ل سعود
مريم : إيه والله رجونا هم وهالمنال هذي .. من حلاوتها هالمتينه
ناديه ضحكت : استغفر الله .. حرام عليك لاتعيبي
سكتوا لما وصلوا للطاوله
ناديه : السلام عليكم
ريماس و رسيل باسغراب : وعليكم السلام
مريم ضحكت على اشكالهم : هههههه اكيد ماعرفتونا .. احنا اخوات العروس
ريماس بابتسامه حلوه : هلا والله
ناديه : هلا فيك ..
قعدوا يسولفوا وشوي شوي انسجموا مع بعض
**********************
الساعه 10 ونص .. وقت زفة فجر
بغرفة العروس
ناديه : مريم روحي قولي لمهاوي تجي هالبارده دي .. اختها بتنزف وحضرتها مدري شنو تسوي
مها تدخل : هذاني جيت بلاك انتي معصبه
فجر بارتباك وقلق : بنات شكلي اوكي ؟
مريم بسرعه : حلوه والله قمر بس كم مره سألتي هالسؤال بالله ؟
فجر : شسوي مرتبكه لو انتي مكاني اكيد بتكونين مثل حالتي
لينا بنت خالتهم : اقول يله فجير وقت الزفه .. نور قالت للطقاه عشان الزفه
نور دخلت : يلا الطقاق تقول الحين خليها تدخل عشان بشغلوا الزفه
فجر تعدل طرحتها : يلا انا جاهزه
تقدمت فجر
وراها خواتها وبنات خالتها وبنات عمها .. يعني الاقارب
تعالت اصوات الزغاريط واشتغلت موسيقى هاديه روعه
كانت فجر تحس بالسعاده ومبسوطه ..
ومع ذلك الموضوع لايخلى من الارتباك الوخوف ..
الين ماوصلت الكوشه وحست الوقت يمشي سريع مره
انتهت الموسيقى وبدأت الطقاقه شغلها ..
وبدأوا الناس يباركون لها
ملاك تبوسها : مبروك ياقلبي مبروك
فجر بتسامه حلوه : الله يبارك فيك غناتي ..
منار فاتحه ايدينها بتسامه : هلا والله بالعروس
فجر تحضنها وتبوسها : الله يبارك فيك ياقلبي
منار : والله وكبرتي وتزوجتي يافجير ..
فجر : هههه شفتي كيف
ليال بتسامه : هلا والله بمرة اخوي .. الف مبروك غناتي
فجر تحضنها وتبوسها : الله يبارك في عمرك ياعمري
وبدأوا الناس يسلموا عليها
والوقت كان يمشي بسرعه مرره
وجات الساعه 12 وشوي
وجا وقت زفة عزام
والناس كانت تلبس عبائتهم ..
ملاك : ليال يلا قولي لأمي تجي عزام ينتظر عند الباب
ليال : طيب انتي اسبقينا
ملاك : اوكي
بعد فتره مهي طويله
دخل عزام وكان رائع بمعنا الكلمه .. والي محليه البشت طالع خق .. والابتسامه الي شاقه وجهه شق
تعالت اصوات زغاريط خواته وجدته وامه ..
عزام كانت حالته لاتوصف كان بقمة السعاده ..
يحس انه ملك العالم واللي فيه ..
اما بالنسبه لفجر ..
فكانت فرحانه كثير كثير كثير ..
تحس بالسعاده غامره قلبها ..
ومع ذلك تحس بالتوتر والخجل ..
وزاد توترها لمّا عزام كان يرفع الطرحه ويبوس جبينها ..
****************************** *
بالصباح الساعه 10 ..
ملاك وليال وام عزام بالمطبخ يسون الغذاء
ام عزام : يلا يابنات استعجلوا ورانا شغل كثير
ليال : عارفه يمه لاتاكلين هم احنا تقريباً سوينا كل شيء ماباقي الا شغلات بسيطه
ام عزام وكأنها تذكرت شيء : يا الله نسينا نسوي الحلا هو اهم شيء
ملاك تطمنها : يمه لاتشغلي بالك لوجين بنت عمي الله يجزاها خير قالت لي ماليه داعي اتعب نفسي هي والجوري راح يعملون الحلا
ام عزام : يجزاها خير والله هالبنت حليله .. إن شاء الله بس تكون من نصيب راكان
ملاك : الله يسمع منك يآ أمي
**************************
كان مار بالصدفه يبي يروح لغرفته ..
استمع لكلامهم وابتسم ..
تنهد براحه الحمد لله ان اهلي مبسوطين على الجوازه ..
الله يخليكم لي يارب ..
" ابتسم بهبال " ..
اليوم الحلا الي راح تعمله لوجين راح ابلعه كله ..
ضحك على سخافته وكمل طريقه وهو يدندن ويصفر ويعلب بالمفتاح الي بيده ..
***********************
الساعه 1 الظهر
كانت بغرفتها تجهز ..
لبست لها فستان احمر لنص الركبه .. مخصر عليها .. عليه حزام عريض اسود تحت الصدر .. و مجعده شعرها لكن غرتها كانت مستشورتها ومميلتها .. وحاطه لهامناكير احمر صارخ روعه .. اخذت لها كريم اساس وحطته بوجها .. وبعدين اخذت الكحل ورسمت بيه عيونها .. واخذت روج أحمر هادئ .. وناظرت بنفسها بالمرآة .. حست شيء ناقصها .. مدت يدها للماسكر وحطت لها .. وحطت لها شدو ناعم كثير .. قامت من مكانها واخذت لها بوت اسود طويل للركبه جلد .. وحطت لها اكسسوارات منوعه ولبست الساعه الي خلتها احلى احلى ... وحطت لها حلق ناعم .. مسكت عبائتها الكتف وشنطتها الحمراء الصغيره ونزلت تحت ..
مشت متجهه الى المرآة اللي جنب باب المدخل ..
فجر تلف الطرحه عليها : سوري حبيبي تأخرت عليك
عزام الي كاشخ بالثوب والغتره والسكسوكه الي محليته ولا العطر الي دوخ فجر ومدوخ البنات .. طالع عذاب : ههههه حبيبتي .. وانا ماعرفكم يالحريم ياحبكم للكشخه
فجر بعد مالبست النقاب رفعته : ههههههه يلا حبيبي امشي عشان مانتأخر اكثر من كذا
عزام وقف : يلا
*
*
*
*
*
بالسياره
عزام برومانسيه قاصد يحرج فجر : أحبگ
فجر ضحكت بحيا : ههههه وانا بعد
عزام يناظرها نظرات احرجتها : أنتي شنو ؟
فجر : أحبگ
عزام : ههه بس انا احبك اكثر
فجر : والدليل ؟
عزام : متأكده تبين دليل ؟
فجر بتلقائيه هزت راسها بالايجاب : إيوه
عزام بحركه جنونيه فتح النافذه تبع السياره وصرخ : أحبهآ يآنآس ويلوموني فيهآ
فجر انحرجت وانصبغ وجها بكل الاوان .. قالت بحيا واحراج : عزام سكر النافذه
عزام بعد ماسكرها : اقتنعتي ؟
فجر ضحكت على خباله وهزت راسها بالايجاب و جلست تطالع بالنافذه تلهي نفسها ..
*****************
في احدى الزاويات من المجلس
ليال بتسامه : اوه اوه شهالكشخه يالجوري ..
الجوري بدلع وغرور : احم احم .. هبيبتي انا تول املي كشخه وهيدا شيء مو جديد عليّآ
رؤى : الله والغرور عاد شوي شوي مو تطيحي على شوشتك
[ الجوري :. كانت لابسه جينز اسود و قميص حرير لونه بنفسحي بخطوط عريضه مايله سوداء .. مع كرفته حمراء ... و مروله شعرها على الاطراف ولابسه طوق احمر .. يعني كانت رسميه بضيمير ههههه ]
ليال : لكن لو تشيلي الطوق هو اللي مخربك
لوجين : وه بس ماقلت لها .. بس تعرفين الجوري راسها يابس
ريماس: ههههههه باين حاطتنه بضمير
البنات : هههههههههههه
الجوري بطنازه وبنص عين : ها ها ها ها .. ما اضرفكم .. الا وين العروس والمعرس
ملاك : خخخخ لسى ماوصلوا
الا بدخلة فجر
فجر بتسامه : السلام عليكم ورحمة الله وبركاته
الجميع : وعليكم السلام ورحمة الله وبركاته
ام عزام تقدمت من فجر وحضنتها وسلمت عليها : هلا والله بمرت اوليدي هلا والله بالزين والغلا كله
فجر ابتسمت : هلا فيك خالتي
وراحت سملت على الموجودات وبعدين وصلت للبنات الي بالزاويه
الجوري تصفر : واو شنو هالكشخه عسى بس ماجننتي عزوز
فجر ضحكت بحيا وضربتها بمزح : وجع لاتدلعين زوجي قدامي
الجوري تحرك فمها يمين ويسار : الله واكبر بدينا بحركات البعارين
ملاك : ستوب حدك حدك تجاوزتي الخط الاحمر .. مرت اخوي تقولين عنها بعارين ..
الجوري : خ خ خ خ بدينا بعد بحركات الحموات
البنات : ههههههههههه
الا يسموا صوت ام راشد
ام راشد : يلا يابنات قوموا تغذوا
البنات قاموا : يلآ
**************************
بنفس الوقت لكن بمجلس الرجال ...
عزام توه واصل : السلام عليكم ورحمة الله وبركاته
الكل : وعليكم السلام ورحمة الله وبركاته
وبدأ عزام يسلم ع الموجودين ..
وجلس بين اخوه راكان وفارس
عزام : اوه راكانو شطاري عليك مكشخ بالثوب والغتره
راكان : أحم أحم كل شيء بوقته حلو ياحلو
عزام : هههه عاد انت بالأول سوي اللي قال لك أبوي عنه
راكان انقهر : مالك خص بشيء مايخصك
وقام قعد جنب مشعل وجا مكانه ريان
ريان : ههههه شنو فيه اخوك قام وفيه قرون
فارس : هههههه ماعليك منه ويلا اقعد .. شخبآرك من زمان عنك ريون
ريان : أصغر عيالك انا ..
فارس : ههههههه صج والله من زمان عنك
*
*
*
*
*
دق جوال ركان وكانت ليال
راكان بدون نفس : هاه
ليال : بل النفسيه بالخشم
راكان : خلصي شتبين انتي وهالخشه ؟
ليال : مالت عليك مو متصله عشان سواد عيونك .. بس بقول لك اوقف عند الباب ابيك تاخذ الغذاء
راكان : زين
وسكر في وجها
*
*
*
*
*
*
ليال : وجع شوف الي مايستحي
الجوري : بلاك استجنيتي تكملين حالك ؟
ليال : لا بس الزفت اخوي ركون سكر بوجهي
الجوري تهمس لها : اوش لاتسمعك لوجين كان تفلقك بالصحن فوق راسك
ليال : خخخ وانتي الصادقه خلني اقوم اودي الاكل احسن لي
الجوري : تسوين خير
ليال تحمل السلطه : ليه قاعده على قلبك انا ؟
الجوري : روحي وانتي ساكته
---------------------------------
البارت الواحد والعشرون
21
البارت بعنوان
[ ..~ هدوء ماقبل عاصفه
**********************
بالليل في بيت بو عزام
كان الجو في غاية الروعه ضحك وناسه والحلا والقهوه والسوالف
طبعاً الي كانوا موجودين فقط من اقارب عزام واقارب فجر
ام راشد : والله انا من زمان احن على وليدي فارس يتزوج لكن دائماً يعي مدري ليش ؟ والله تعبت منه وانا غاسله يدي منه
الجده : ههههه الله يعينك عليه يام راشد .. تبيني احاكيه ؟
ام راشد : والله كان زين يمكن يسمع منك وربي يهديه
رسيل : هههههه ليش اخوكم مايبي يتزوج
الجوري : عباطه والله البيت جاهز الشغل جاهز " بصوت أعلى " والعروسه كمان جاهزه .. بس تعرفين العباطه وماتسوي
لوجين ضربت كوعها على يد الجوري :وقال بهمس : وجع يالجوري والله ان فتحي فمك بكلمه لأفلق راسك بدلة القهوه
الجوري بتأف وهي تمحس على يدها : زين زين حشى بنطم خلاص بلاش ضرب
اما ملاك من بعد كلام الجوري سرحت لعالم بعيد بعيد بعيد جداً
لكن قطع الضمت جوال فجر
فجر تحاول ماتبين صوتها للبنات : هلا
عزام بهيام : هلا والله باللي اسرتني بقلبها هلا و
فجر تقاطعه وجهها احمر خصوصاً البنات صاروا يناظرون فيها : خلاص عزام ..
عزام : ههههه طيب طيب حبيت اقولك يللا انا انتظرك بره
فجر : ليش ؟
عزام : عشان نروح البيت صراحه انا مليت
فجر : لا بدري حرام عليك توها الساعه 9 ونص
عزام بهمس : وحشتيني
فجر خلاص ذابت : اوكي اكلمك بعدين باي
وسكرت ..
الجوري بغمز : أحلى أحلى يبيلك تعلميني كورسات عن الرومانسيه
فجر رمتها بغرشة الماي يلي بيدها
البنات : هههههههههههههههههههههههههه
لجين : ههههههه احسن تستاهلي عشان مره ثانيه مو بس تقطي حكي منّا منّاك
************************
ابو عزام : مدامنا جالسين ومبسوطين هنا .. حبيت افتح معكم موضوع ياجماعه
راكان هينا بلع ريقه
ابو راشد : تفضل يابو عزام كلنا نسمعك
ابو عزام : والله يابو راشد انا ابي القرب منك .. ولدي راكان يبي بنتك لوجين .. وها اقولك من الحين مهما كان الجواب مستحيل يفرق بيننا ونحنا اقارب واحباب
ابو راشد : هذا العشم فيك يابو عزام .. والله ماتوقع بنتي ترد واحد مثل اولدك راكان .. انا ان شاء الله اشاورها وارد لك خبر
ابو عزام : على خير ان شاء الله ..
فارس : اوكشخ ياراكان اجل تبي تصير نسيبنا
راكان يهز راسه يمين وشمال : والله ماكان ودي اصير نسيبك يافويرش بس شنو اسوي القدر كذا مكتوب
فارس : اجل فويرش ها ؟؟ " بمزح " تشوف كيف افر راس اختي فر لين ماتقولها بوجهك انا مني موافقه
راكان : لا لا خلاص التوبه ياخي انت ماينمزح معاك عطول تشب
فارس : إيه عشان تعرف انا فارس مو حيّ الله ..
بعد فتره ..
ابو راشد بضحك : والله انا كمان من زمان وانا ناوي افاتحك بالموضوع يابو عزام .. من زمان و ولدي فارس يبي القرب منك بنتك ملاك ...
ابو عزام : هههههه والله لنا الشرف يابو راشد .. وان شاء الله اشاور البنت وارد لكم خبر
امّا فارس الي كان منصدم من ابوه اصلاً هو ماجاب هالسيره لأبوه .. كان حزين وفرحان بنفس الوقت .. حزين انه مايبي يتزوج يحس توها بدري .. وفرحان انه بيتزوج ملاك مو غيرها ؟؟؟؟
عزام : آآآآخ يافوريس اجل بتزوج اختي وانت ماقلت لي
فارس يدارك الوضع : هههه ههه حبيت اخليها لكم مفاجئه
ريان : هههههه واحلى مفاجئه كمان ..
راكان يستهبل : فارس شنو رايك ادا اختك وافقت علي واختي وافقت عليك نسوي العرس بيوم واحد وبقاعه وحده
تعرف انا وياك ربع واختي واختك ربع
فارس ضحك وصار يستهبل معاه : ههههههه والله سالفه مو شينه .. نسويها ليش لأ
الكل : هههههههههههههههههه
***********************
بالليل الساعه 12 الكل رجع على بيته ..
في بيت ابو راشد بغرفة لجين
لوجين دخلت غرفتها وهي متكسره ع الآخر .. قفلت الباب واتجهت لدولابها طلعت لها بيجامه نعومه وراحت تاخذ لها شاور سريع تحس نفسها هلكانه
بعد خمس دقايق طلعت ولبست بيجامتها ولفت شعرها بالمنشفه وانطق الباب
لوجين : مين
ابو راشد : انا ابوك
لوجين راحت تفتح الباب ودخل ابو راشد
ابو راشد : يالوجين انا ابي احاكيك بموضوع
لوجين دق قلبها وتوترت وهي خايفه من الموضوع متدري ليش : تفضل يبه اجلس
جلس ابو راشد على الكرسي : والله اليوم وانا بيت عمك ابو عزام .. ابو عزام طالب القرب مننا .. يبيك لولده راكان .. وها اقولك من الحين مهما كان جوابك ترى ماراح يفرق بيننا .. واحنا اهل واقارب .. وصدقيني وانا ابوك يالوجين راكان ولد ماينرد .. لاتضيعي الفرصه من يدك وفكري زين .. اوكي ؟ .. يله انا طالع
وطلع من الغرفه ولوجين لسى ماتحركت من مكانها .. تحاول تستوعب الي قاله ابوها .. شوي حست على نفسها و انسدحت على سريرها وهي فرحانه كثير وكمان مرتعبه من فكرة الزواج .. وجلست تفكر وهي حاضنه دبدوبها .. الين ماغلبها النوم بعد تفكير طويل ومتعب ..
**********************
في بيت ابو عزام ..
بنفس الوقت ..
بغرفة ملاك كانت لابسه بيجامه فوشيه فيها رسمة ميني ماوس مع ميكي ماوس ..
كان جالسه على لاب توبها ملانه مافيها النوم
مناآر :. هلآ والله
ملاآك :. أهلين بيك .. الحمد لله انك شبكتي .. ملانه بشكل مو طبيعي
مناآر : ههههههه نفس الحال عندي
وبدأوا يسولفوا وهم مو حاسين بالوقت ..
اللين صار الصباح الساعه 6 ..
ملاآك : هئ ياربي
مناآر بخرعه : شفيك ؟؟ [ فيس مصدوم ]
ملام : شوفي الساعه كم
منار شهقت : إويلي صار الصبح واحنا نحكي .. هههههههههههههه شوفي صفحة المحادثه كيف طولها
ملاك : هههههههه .. شفتي كيف.. خساره كان بودي اروح الجامعه اليوم ... بس اجازه
منار : ويع انتي تفكيرك غريب جداً .. احد يطيق الجامعه
ملاك : إيوه انا .. تعالي شرايك نطلع انا وياك مطعم نروح نفطر بره .. ونشوف ادا لوجين او فجر جالسين ...
منار : بالأول انتظري لين الساعه 7 ونص الحين لسى بدري .. وثانياً ماتوقع فجر قاعده ولوجين ممكن
ملاك : نجرب ونشوف اني برسل لهم مسج
منار : طيب .. عن اذنك ملاك اخواتي التوام يبكون [ عمرهم 4 شهور ..] شكلهم جوعانين بقوم اسوي لهم حليب والله يعيني عليهم 2 مو وحده [ فيس يبكي ]
ملاك : هههههههه اللآآي ياحليلهم يريتهم معاي والله كنت بنبسطت كثير ..
منار :. ههههههه إيه كلام وبس يجننوا الواحد يطلعوا لك قرون لكن يهبلون ؤربي
ملاك : هههههههه قومي قومي بس شوفينهم جوعانين وانتي ولا على بالك
منار :. هههههههههههه طيب طيب برب
***********************
في بيت عزام ..
فجر بالمطبخ تتسلى شوي تحس بملل عزام بالعمل آخر يوم له اليوم عشان يروح شهر العسل الى تركيا
ماتدري شنو تسوي لها وبعدها استقرت على حليب مع كورن فليكس
وراحت للصاله تدور لها شي تشاهده
بعدين استقرت على فلم
بعد ماخلصت راحت نامت
**********************
الجوري دخلت على غرفة اختها
لقتها نايمه توها بتطلع الا تسمع صوت مسج
جاها فضول كانت بتراجع لكن جاها فضول شوي ويقتلها
راحت مسكت الجوال وشافته من ملاك عمري
الجوري فتحت المسج باستغراب وكان محتواه
[.. مرحبا لجونه
ان شاء الله تكوني قاعده المهم كنت بقول لك إن انا ومنار بنروح نفطر بمطعم
ادا كنتي قاعده دزي لي مسج عشان نمر عليك طيب
بإنتظار ردك ..]
الجوري كانت لسى مانامت وماتدري شنو تسوي
راحت كتبت مسج الى ملاك بجوال لوجين
[.. هلا والله
ايوه انا صاحيه وملانه كمان
ادا بتمروا علي اعطوني رنه وبانزل لكم طيب
بايو ..]
خلت الجوال مكانه وطلعت بره الغرفه بهدوء عشان ماتصحي اختها
وراحت لغرفتها
********************
منار :. ايش الاخبار عندك ؟
ملاك :. لوجين دزت لي مسج انها قاعده لكن فجر شكلها نايمه
منار :. توقعت كذا .. يلله الحين على مانجهز الا صارت الساعه 8 بعد ..
ملاك :. طيب اني كمان بجهز وباقولك طيب
منار :. طيب
قامت من المسن وراحت لبست لها جينز غامق ضيق مرره مع بدي احمر برقبه وطويل الاكمام لان الجو شوي بارد .. وراحت رفعت شعرها ذيل الحصان واخذت لها بوت طويل لبسته فوق الجينز لأن مثل ماقلت لكم ضيق كثير .. واخذت شنطتها الحمراء ولبست عباتها الكتف و حطت الشيله على كتوفها واخذت شنطتها ونزل تحت
شافت اختها سجى تشاهد قناة كرتون و تاكل لها شيبس
ملاك : الله الله شيبس من صباح الله
سجى تتخصر : على وين بالله من " تقلدها " صباح الله
ملاك تتخصر مثلها وتكلم مثلها مثل الاطفال : رايحه افطر بره انا مع صديقاتي
سجى فزت لها : ابي افطر معاكم خذوني
ملاك : لاحبيبتي انتي انطقي هينا
سجى طلعت لها دموع التماسيح : يالله ملاك حرام عليك ماتشوفيني قاعده بروحي " سوت نفسها زعلانه وهي ماده البوز شبرين لقدام " خلاص انتي روحي انبسطي واني بقعد بروحي هينا .. سلام
ملاك عرفت انها تمثل عليها ومع ذلك رحمتها : طيب خلاص روحي لبسي بسرعه
سجى نطت : غمضي وفتحي بس بتشوفيني خالصه
*
*
*
*
*
*
*
بالسياره
سجى : مين صديقاتك الي بجوا معانا ؟
ملاك : لوجين بنت عمي وصديقتي منار وانتي وانا
سجى : اها ..
ملاك : وانتي ليش مانمتي للحين ؟
سجى : الا نمت من زمان ومن شوي قعدت
ملاك : ماشاء الله عليك تنامي بدري وتصحي بدري
سجى : أجل شايفتني مثلك اساهر
ملاك : يؤ نسيت مادز الى لوجين مسج عشان بنمر عليها ولا قلت الى منار
سجى : لأنك غبيه
ملاك تدور جوالها بالشنطه : مالغبي غيرك وبعدين احترميني انا اختك الكبيره
وطلعت جوالها ورنة الى لوجين رنه و الى منار
*****************
الجوري : يؤ جوا
لبست عباتها واخذت شيلة لوجين ولبست كعب مرره طويل خلاها تقريباً طول لوجين لكن اقصر بشوي
وطلعت بره
وركبت وهي ساكته
منار : بل لاسلام ولا كلام
الجوري حاقرتها وهي تناظر بالنافذه والضحكه متعلقه بحلقها
ملاك : شكلها الاخت نايمه ماعليك خلنا نكمل سوالف بس
وكملوا سوالفهم ونسوا وجود لوجين او بالاصح الجوري
اما سجى اللي كانت حاسه بشيء غريب اولاً هذا مو طول لوجين ولاعباة لوجين .. انتبهت الى الكعب الطويل حبت تسوي حركة عباطه
فجأه بدون سابق انذار صارت تدلدغ بالجوري
والجوري ماتحملت خصوصاً انها كانت ملاحظه نظرات سجى لها
وصارت تضحك بشكل هستري
سجى : هاهاي كشفتك اصلاً انتي الجوريو
الجوري كانت تضحك بهستريه : هههههههههههههههههههههههههههههه هههههههههههههههههههه ا ع وذ بالله من ههههههههههههههههههههه منك ههههههههههههه ش لون عر عرفتي ان ههههههههههه انها انا ههههههههههههههههههههههههههه
سجى تقدلها وهي تعدل ياقة قميصها : عشان تعرفي ان انا سجى مو حي الله
[ سجى كانت لابسه قميص ابيض مخط بالازرق وفوقه بلوزه صوف بيضاء اكمام على الكتف .. مع جينز ورافعه شعرها بفوضه وكانت نازله منه خصل .. كانت بريئه وتهبل مرره ]
***********************
الساعه 12 الظهر
..
سجى : انتي متى بتقومي تنامي ؟
ملاك الي كانت منسدحه على الكنبه وتفسفس حَبْ دوار الشمس : شنو دخلك انتي ؟
سجى : اسأل
ملاك : ماجاني نوم .. الا ليالو للحين نايمه ؟
سجى : لا تاخذ شاور
ملاك : امم
دخل عليهم ابو عزام
ابو عزام : السلام عليكم ورحمة الله وبركاته
سجى وملاك : وعليكم السلام ورحمة الله وبركاته ..
ابو عزام : ملاك
ملاك فزت : سم يبه
ابو عزام وقف : سم الله عدوك .. تعالي ابيك بمكتبي
ملاك باسغراب : اوكي يبه
وقامت معاه
*
*
*
*
*
*
*
بالمكتب ..
ملاك واقفه : سم يبه آمرني ..
ابو عزام : اجلسي وانا ابوك
ملاك جلست وهي ساكته
ابو عزام : طبعاً تعرفين ياملاك ان كل وحده مردها بتي زوجها صح ؟
ملاك دق قلبها وقالت بتوتر : اكيد يبه
ابو عزام : والله يابنيتي كبرتي وصرتي عروس وفارس ولد عمك الامس طلب يدك على سنة الله ورسوله .. عاد ماوصيك يابنيتي فكري زين وماحد راح يجبرك على شيء .. وفارس ولد عمك ومن لحمك ودمك .. وهو شاب محترم وسيم وغير كذا دكتور ومثقف .. وهو يبيك وشاريك
ملاك من سمعت اسمه دق قلبها اكثر وقالت بحيا : اوكي يبه اني بقوم تامرني بشي ثاني
ابو عزام ضحك : لايابنيتي سلامتك بس فكري زين
ملاك منزله راسها : ان شاء الله ..
و طلعت
راكان يدندن ويلعب بمفاتيح سيارته : ملاكو البشاره بابا فديته خطب لي لجون فديتها
ملاك سرحانه وبالها مو معه : ...............
راكان عطاها كف على خفيف : الو
ملاك افاقت من سرحانها : هاه
راكان : اوه الاخت سرحانه " بخبث " اكيد ابوي كلمك عن موضوع بيني بينك
ملاك ولع وجها وصار طاطم : مالك خص
وراحت لغرفتها وقفلت الباب وراكان يضحك عليها
******************************
لوجين صحت من النوم بنشاط راحت تاخذ لها شاور عشان تصحصح اكثر ... وبعد ماطلعت لبست لها بيجامه وردي قطن عشان البرد .. ولبست شبشب البيت بنفس البيجامه ... ورفعت شعرها بعد مانشفته بطريقه اهماليه واخذت جوالها ونزلت
كانت تحوس فيه وبالغلط فتحت على صندوق الرسائل .
فتحت عيونها على وسعهم وعصبت
لجين : الجوري ي
سوزي : مدام شو بكي
لوجين : وين الجوري الزفت ؟
سوزي : في نوم من شوي
لوجين : هين اوريها الزفته
نهاية البارت
---------------------------------
البارت الثاني والعشرون
22
****************************
بعد مرور 3 اسابيع ..
طبعاً ملاك ولوجين وافقوا ..
واليوم ملكتهم جميع
فارس & ملاك
راكان & لوجين
كان الكل مبسوط وفرحان لالهم الا الخبيثه شمس ..
بالصباح الساعه 10 ونص ..
ليال : ها ان شاء الله متجهزه نفسياً ؟
ملاك : آآآآه ياليال مادري شقولك بس انا مرره مرتبكه وخايفه
ليال : هههه ماعليك حبيبتي هذا شيء طبيعي يحصل لأي وحده بنفس وضعك
ملاك غرقت عيونها : بس ......... بس انا ... بس انا راح افقدكم .. راح توحشوني
ليال ابتسمت لها وحضنتها : ياحبيبتي انتي الي يقول انك راح تنطي بعيد .. وثانياً ياقلبي الحين ملكه بس بعدين ان شاء الله انتي كل يوم عندنا وانا ماراح اخليك لحالك كل يوم ناطه عندك
ملاك بكت وضحكت بنفس الوقت : ههههههههه يفداك البيت وراعيته
راكان دخل عليهم بدفاشه : اوه عاملين فلم مكسيكي ههههههههههآآي
ملاك تمسح دموعها بإيدينها الناعمه : راكان شهالدفاشه احنا بنات المفروض تطق الباب .. وبعدين وراك مارحت تحلق وتجهز .. ياواد ترى اليوم ملكتك .... ادا ماتدري
راكان : ادري ادري شفيكم انتوا وقسم بالله ادري ....... وبعدين توها بدري شوفي الساعه كم عشره ونص
ليال : طيب انقلع انا ابي اختي بشغله
راكان : وع من زين القعده وياكم خلني اقوم اشوف ست الحبايب >>>> أمه
ملاك باستهبال : خخخخخ قلبت موزه ولوزه على غفله ...... ماقول الا الله يعين لوجين عليك وعلى صوتك النشاز ..
راكان بناظرها بقوه : و الله يعين فويرس عليك يالسمينه
وطلع بسرعه
ملاك نزلت دمعه منها : شفتي حتى راكانو يقول اني سمنانه ...... وف ياربي "وصاحت"
ليال [ هين يارويكن ]: ههههه ماعليك منه عاد هو يبي يرد عليك زي ماعيبتي عليه
ملاك : حتى جوريو تقول كذا
ليال : وانتي كأنك ماتعرفين الجوري .... تمزح معك وانتي ياغافلين لكم الله بسرعه تصدقي
ملاك : وف طيب ..... " بلعت ريقها " خايفه
ليال ضحكت : هههههههه رجعت حليمه لعادتها القديمه ......
************************
في بيت ابو راشد
كان راشد وزوجته وعياله معاهم عشان يساعدونهم
بغرفة لوجين
ورود زوجة راشد : ههههههههههههههههه يالوجين صدقيني بالبدايه راح ترتبكي مثلي بملكتي لما كنت بشوف راشد , لكن شوفينا الحين نهبل وراح تضحكين على نفسك بعدين .. صح يالجوري ؟
الجوري : صحين بس " تناظر لوجين من طر عينها " . تعرفي لوجين وياحبها للمبالغه
لوجين عصبت : ورود خلي هالعنز تفارق وجهي مني طايقتها السخيفه
ورود : ههههههههههه خلاص يالجوري .. وبعدين لوجين انتِي شنو بتلبسي
لوجين فتحت عينها على وسعها وضربت نفسها كف بخفيف : يا الله .. نسيت ماجيب الفستان من الخياط ! ...........
****************************** ***
بالليل بأحد الاستراحات الفخمه ..
كان المكان يعمه السوالف والضحك ..
والناس كانوا كثار شوي والكل مبسوط وفرحان لهم ..
بغرفه من الغرف ..
ملاك : ههههههههههههههههههههههههه قولي قسم
لوجين : هههههههههههه ؤربي بعدين لما نزلت اقول للسواق يجيب الفستان كان رايح يجيب بعض الشغلات وفارس وراشد مو هنا
ملاك : ههههههههههههههههههه وبعدين ؟!
لوجين : هههههه لو اقولك ماتصدقي
ملاك : شنو حمستيني ؟؟؟
لوجين : الحين سلمك الله لما قلت لأمي ماشوفها الا وتدق على بيت جيرانا تقول ادا سواقكم فاضي نبيه يروح الخياط يجيب الفستان
ملاك فطست ضحك : هههههههههههههههههههههههههههههه هههههههههههههههههههه وأي بيت جيران ؟!
لوجين : ههههههههه عاد هنا المصيبه .. تذكرين جيرانا ام رامي و التوأم ؟
ملاك : مو تقولي هم
لوجين : ههههههه الا هم اللي راميو كان يحبك وكان بين عداوه مع فارس
دخلت الجوري
الجوري تصفق : الله الله .. حضراتكم جالسين مبسطين اشوف وداقينها سوالف .. ليش ماعزمتونا معاكم ؟!
ملاك : ايش تبين جايه ؟
الجوري : لاتخافي مو جايه لسواد عيونك .. بس كنت بقولكم اجهزوا عشان تطلعوا
لجين بخوف : يممه ميته خوف ملاكو
الجوري ترفع ضغطها : بالله من إيش خايفه .. يقالك الحين راكانو الزفت يخرع
لجين عصبت : الجوري بلا سخافه ترى ادري انك تستفزيني .. وثانياً لاتقولين عن راكاني زفت
الجوري : هههههههههاي الله الله بدينا بشغلة المدافقه عن " بهيام " حبيب القلب
ونحاشت
امّا ملاك اللي كانت فاقعه ضحك عليهم : هههههههههههههههههههههههه ؤربي انك تحفه يالجين
لجين : وجع انتِي الثانيه ماني ناقصتك " قالت بنذاله " اقول الحين مو تسوين نفسك منتي خايفه اعضم مني .. ولا تبين اقول
ملاك توترت : هاه
ورود و رسيل و شوق دخلوا عليهم
رسيل : احم احم بشنو تتكلمون .. او تبونا نروح
ملاك : وجع رسيل بلا فلسفه
شوق : ههههههه المهم احنا جاين نقول لكم .. " وهي تأشر على اللي بيدها "
الجوري دخلت عليهم وبيدها كميرة تصوير
لجين : خير ايش تبين
الجوري : ومعقوله اضيع هاللقطه الجمهوريه وانتي توقعي
ملاك : يوه جوري
الجوري : لا لاتحاولي باصور يعني باصور
ورود : ماعليكم منها ويلا وقعوا عشان بعد شوي بجي الشيخ يسألكم
الجوري تأشر بإصبعها : عقره بقره قلي ربي عند العشره واحد ثنين ثلاثه اربعه خمسه سته سبعه ثمانيه تسعه عشره .. ملاكو هاهاهاها انتي وقعي قبل
لجين حطت يدها على وجهها وهي تهز راسها بأسف : وانتي لو تظلي تكبري لين ماتعجزي تضلي خبله
ملاك خافت : لا لا لجين بالأول توقع
لجين : ههههههه هاتي وامري لله
اخذته من يد شوق و مسكت القلم بتوقع .. ابتسمت لما طاحت عينها على توقيع راكان .. سمت بالله وتعوذت من الشيطان وقعت
الجوري تزغرط : كلو وش افضل الصلاة والسلام عليك يا حبيب الله محمد كلوش
ورود تضحك : ههههههههههههههه بلاك الجوري داقه فيوزاتك على عشره اليوم
الجوري : وش اسوي يامرت اخوي مبسوطه واخيراً بظل دلوعة بيتنا .. ياه وناسه بس انا بكون بوحدي بالبيت فارس و لجينو بيذلفوا واخيرا
لجين : مالت عليك هذا بدل ما ماتحضنيني وتقولين بتوحشيني ياختي لاتركيني بنفقدك بصير بيتنا ظلمه بدونك ومن هالكلام مافيه !؟
الجوري : مشكلتي ياختي اكره المجاملات واحب اكون صريحه ع الآخر
رسيل : ههههههههه شكلكم نسيتوا لسى باقي ملاك ماوقعت .. ها لاتقولي مني موافقه ؟
ملاك : هاه
الجوري : هههههههاي والله ملاكو طلعتي انتي يلي نجنيتي مو انا .. انتي كل مانقولك شي تقولين هاه ؟
ملاك : وف .. خايفه
ورود : طبيعي هالشعور ياقلبي .. والحين يللا وقعي ..
ملاك مسكت القلم بتردد
الجوري ترفع حواجبها : ملاكو هي عيني عينك ترى اقول لفارس انك ماكنتي تبييه
ملاك خافت وقعت بسرعه
الكل فقع ضحك عليها وهي تفشلت ونطقت مكانها
وهم بين ضحكم ماسمعوا غير صفعة الباب
الكل اخترع والتفت
****************************** ************
راكان يناظر بساعته : وينهم ماتحس انهم طولوا
فارس بتوتر يناظر الساعه يلي ع الحائط : ايه والله معاك حق
ريان : هههههههههههه بديتوا الحين مالهم الا خمس دقايق .. اركدوا
مشعل : هع هذا راكانو بعد مفشوح على الزواج .. اجل شنو اقول عن فارس الراكد
ريان : خخخخ وقصم الف له عائلة فارس الراكد وهو فارس ال....
فارس : اوهو ماتحسون انكم زودتوها حبتين بالكثرة الحكي
فيصل : ههههههههه شنو فيك يافارس لاتوتر وخليك ثقيل
راكان يستهبل : خخخخخخ قول قسم اجل هو خفيف
فيصل : والله انت اللي خليك ثقيل .. الواحد بليلة عرسه يكون راكد مو مفشوح مثلك
شوي جا لهم وليد وبإيده الدفتر
****************************** *
رؤى : يؤ شوف الجوري النذله راحت للعروسات بدون ماتقول لي
ليال: ههههه الا قالت لك ياحظي انتي اللي كنتي سرحانه
رؤى : قولي والله
ريماس : هههههههه وليش تحلف .. قوموا نروح لهم كلنا
رؤى وقفت : يله
****************************** ******
الجوري بصوت عالي يصم الاذن : وجعه ان شاء الله ماتعرفي تفتحي الباب كويس .. والا انتي حوله ماشفتين الباب
شمس اللي كانت منقهره والجوري زادت الطين بله : ......... مانتبهت
الجوري بصوت اعلى واعلى : لا حلفي باب طول بعرف مانتبهتي .. اقول من وين اصرفها هذي .. والله من القهر اللي فيك ان اخوي اخذ ملاك ما اخذك يالشيفه
شمس بحده : عن الغلط وترى ما اسمح لك .. وبعدين لا تخليني اغلط عليك فاهمه
الجوري تخصر : لا والله حبيبتي مني فاهمه تعالي فهميني
دخلوا البنات على صراخهم
ريماس : ويش فيكم ليش هالصراخ ..
شمس : والله قولي لها مو تقولين لي
الجوري عصبت من جدها : هي انتي مو تخليني امد يدي عليك .. والحين تقدري تتفضلي برا لو سمحتي .. والله مانتشرف بوجودك هنا
شوق : الجوري خلاص عاد اقصري الشر وتعوذي من بليس
شمس مشي ناحية لجين وملاك
شمس بصوت فيه سخريه : هه .. مبروك عليكم يا .... ياعروسات
ومسكت شنطته وطلعت بره بغرور وكبرياء ولا كأنها عامله شي
الجوري قعدت على الكنبه الموجوده وحطت يدها جنب جبهتها : والله رفعت لي ضغطي لو اشوفها جايه والله بالكعب في وجها
رؤى : ماعليك منها اصلاً هذي كانت تدور المشاكل من زمان والحين جا وقته ..
ام راشد دخلت عليهم : الجوري شنو فيك ليش صورتك واصل لبره ؟
الجوري توها بتكلم وهي منقهره مره الا ورود تقاطعها : ولا شيء خالتي سلامتك .. بس تعرفين الجوري
ام راشد : ههههه ايه والله معاك حق .. المهم كنت جايه اقول ان الشيخ الحين جاي يسأل ملاك ولوجين ادا موافقين
بعد مده
الشيخ من خلف الباب : لوجين فراس ال......... ... هل توافقين بالزواج من راكان ال...... ؟
لوجين بلعت ريقها : نعم موافقه
اعتلت اصوات الزغرايط من الحريم
الشيخ : ملاك ال ..... هل توافقين الزواج من فارس فراس ال............
ملاك سكت ... وبعدها قالت : موافقه
*************************
رؤى : هههههه والله كنت خايفه من ملاك انها ماتوافق
الجوري : ههههههه اي والله وانا ازيك .. بس الحمد لله مرت السالفه على خير
الجوري بخبث : هع هع بالي خطةٌ رائعةٌ
رؤى : هههه الله يجرينا من خطك اللي ماوراها الا المصايب و البلاوي
الجوري : يؤ حرام عليك تظلميني وتظلمي افكاري .. بس مقبوله منك دامك بنت عمي .. المهم وش رايك نروح نخرف على المعاريس
رؤى بلا مبالاه : لا شنو هالفكره ماشاء الله المفروض تحصلين على جائزة الاوسكار .. بالله عليك يا الخبله تخيلي نفسك مكانهم والله لتصفقيهم تصفيتن محترمه
الجوري: يوه منك والله ماتشجعي الواحد على شيء ؟! !!
*
*
*
*
*
*
*
فارٍس بحنيه : ملاك ليش جالسه بعيد .. تعالي جنبي
ملاك بارتباك : لا كذا مبسوطه
فارس بخبث : بس انا مو مبسوط الا بقربك
ملاك ولع وجها : .............
فارس : ههههههههههههههه طيب تعالي بلبسك المحبس
ملاك تقربت شوي مره
فارس : هههههه والله لو اتابعك كان مانخلص ..
قرب منها لين ماصار شوي ويطب بحضنها
طلع من مخباته علبة كبيره شوي حمراء مخمل .. فتحها وملاك انبهرت كانوا كثير حلوين وذوق
طلع الدبله ومسك يد ملاك ودخل الدبله في صبعها .. وباس يدها بهدوء
...
فارس ابتسم بهدوء : ههه ماتبين تلبسيني ؟
ملاك الي تحس انها بعالم ثاني مو بعالمها الحقيقي .. تحس انها بعالم فارس وبس .. مسكت العلبه وطلعت الدبله .. مسكت يد فارس وحست بقشعريره تمر بجسمها ..
فارس يحاول يكتم ضحكته : ههههه احم .. مو ناويه تلبسيني الدبله ؟
ملاك استحت ودخلت الدبله بإصبعه ..
فارس مسك ايدينها الصغيره بالنسبه لإيدينه الكبيره وقال بحب : والله يا ملاك لاعيشك بسعاده وماراح اقصر ليك بشيء .. وأتمنى ان نكون زوجين سعيدين .. أحبك يا ملاك واموت فيك ياعيون فارس
/
اما في غرفة ثانيه ..
راكان : أحبك أحبك أحبك أحبك
لوجين كانت مستحيه موت من كلام راكان الجريئ شوي ..: راكان
راكان : ياعيونه وقلبه وروحه
لوجين : خلاص عاد
راكان : إيوه صحيح ذكرتيني ياقلبي .. بالبسك الدبله
دخل يدينه بمخباته ماشاف شيء ........ توتر ودور بالمخبه الثاني كمان ماشاف شيء ... صار يدور بتوتر
لوجين تناظره باستغراب : شفيك ؟
راكان بلع ريقه بتوتر : الدبل .. ماشفتهم
لوجين كتمت ضحكتها : ههه تذكر فين حطيتهم
راكان : احم .. يمكن نسيتهم بالسياره .. دقيقه انتظري هنا لاتتحركي طيب
لوجين تكتم ضحكها الي بالموت حابسته : هه طيب
راكان راح جري لبرا
وترك لوجين بنوبة ضحكها
طلع راكان برا بسرعه
الجوري : بل شفيه هذا قليل الحيا لا احم ولا دستور
رؤى : ههههههههه تلاقي لوجين خبلت فيه ..
الجوري :يؤ صحيح شنو اللي خلاه يطلع كذا مسرع .. شكله ذبح اختي
قامت
ليال : أقول انطقي بس مكانك اصلاً شكله حتى ماشافك .. تستروا يمكن يجي مره ثانيه
عند راكان
فتح السياره والحمد لله شاف العلبه يلي فيها الدبل
فتح العلبة يتأكد خخ
وارتاح لما شافهم
لكن جات هبة رياح قويه شوي و انفلت العلبة من يده وطاحوا الدبل منها وصاروا يتدحرجوا بأرضية الشارع
راكان يصارخ : هي تعالوا انتوا ياهبلان ناقصكم انا
وصار يراكض وراهم
وليد و ريما يلي كان فيصل معاهم ماخذهم للبقاله
وليد ياكل من الآيسكريم اللي موسخ ملابسه وفمه .. وصار يأشر : هههه هههههه ههههههههههههههههه شوفوا عمو راكان يلعب صيّده
فيصل فقع ضحك عليه : هههههههههههه هذا من جده تارك حرمته .. " انتبه للدبل " يؤ مشهد مايتفوت .. ... طلع موبايله وفتح التصوير وصوره بالفيديو وهو يجري يحاول يمسك الدبل
راكان وأخيراً وصل للدبل الي طاحوا بالطين .. مسك العلبه المخمليه اللي كمان توسخت بالطين ..
راكان بقهر : اوف على هالحظ
بي يب
راكان اخترع من صوت بوري السياره وطاحوا الدبل من يده مره ثانيه
وهو تباعد لأن كانت السياره راح تطيره
راكان خلاص فار الدم وترك الدبل ورجع لداخل
فيصل : يؤ شوف الغبي ترك المحابس وراح .. " يكلم وليد و ريما " شوفوا حبايبي انتوا خليكم هنا لاتتحركوا طيب بجيب شغله وبجي
وراح بسرعه يركض الى المحابس واخذهم ورجع
*
*
*
*
*
*
*
*
لجين استغربت لما شافته كذا
لجين يحك راسه بتوتر : امم يعني الصراحه .. انا مدري شقولك .. بس
قطع كلامهم
ريما : عمو راكان
التفتوا لها
ريما تمد له العلبه
راكان بفرح : من وين جبتيهم
ريما : مادري
وركضت بسرعه لبره
لجين : ههههه .. " بشك واستغراب " . راكان شصاير ؟
راكان : امم .. ماعليك شغله بايخه .. الحين خليني البسك الدبل .. وبالليل ادا عطيتيني رقمك اقولك " وغمز لها "
انتهى البارت
---------------------------------
البارت الثالث و العشرون
.
.
.
الليل الساعه 1 فجراً ..
دق جوالها وهي توها غافيه عيونها .. مالها نفس تكلم احد النوم ماخذ مجراه .. عودت نامت لكن الظاهر انو المتصل ماراح يتكرها بحالها
مدت يدها للكمدينه تدور الجوال اللي بغى يطيح .. فتحت نص عينها لقته بدون اسم .. حطت الجوال ع السايلنت وكملت نومها بدون ماتهتم .. وبنفس اللحظه يلي حطت سايلنت جا لها مسج
:
:
:
:
:
:
:
بصباح يوم جديد مشمس الساعه 12 ظهراً بتوقيت السعوديه ..
بالصاله كانت العائله مجتمعه
الجوري : بابا
فارس اللي حاط رجل على رجل ويفسفس حب : وجع انتي شنو بابا قولي يبه تراك كبرتي مو تفكرين نفسك بزره
الجوري بنفاذ اعصاب : بابا
ابو راشد : ياعيونه
الجوري : هع تسلم عيونك بس خليها لك .. بابا خاطري اسافر بليز .. نبي نروح بريطانيا امريكا تركيا باريس .. وماباقي غير اسبوع على رمضان نبي نروح نغير جو يلا عاد بابا عاد
فارس يتمسخر : لا تعالي حبي راسه بعد
الجوري عصبت : مالك شغل ياملقوف . ها بابا شنو قلت ؟؟
لوجين اللي نازله من الدرج : شنو يقول
الجوري بنفس العصبيه : مالك شغل انتي
ابو راشد : والله مادري .. بس " بتردد " يعني صعبه نترك الشركه وكذا
الجوري تقنعه : يلا يبه عشان لوجين وملاك " ناظرت بفارس بطرف عينها " يجهزون لعرسهم من هناك
لوجين : والله فكره مش بطاله .. معاك حق نجهز من هناك " ناظرت بأخوها " شنو قلت فارس ؟
فارس : مادري الشور الأول والأخير لك يبه
ابو راشد : مادري .. احم المهم انا اسأل عمانكم ان وافقوا كان بها وان ما وافقوا ان شاء الله المره الجايه
الجوري نقزت : يس .. أحبك باباي
فارس فاطس ضحك : هههههههههههههههههههههههههههههه هههههههههههههههههه وقسم انك حفله اول مره اشوف وحده تحب بابها
الجوري عصبت ورمت عليه الخداديه : انكتم
//
//
//
بنفس الوقت .. بالمطبخ
ملاك كانت تزين التورته بكريمه بيضاء وتحط عليهم الكرز
راكان دخل وهو يصفر ومبسوط : ياه شنو هالريحه العطره هذي
ملاك : هاها حدك متأثر بعطره .. اسوي حلا مسويه عزيمه لبنات عمي وصاحباتي بجوا لي العصر
راكان يناظرها بقوه : ولوجين بتجي معاهم ؟
ملاك اخترعت : يممه منك شنو هالنظره هذي تخوف بلد ماشاء الله .. وبعدين مالك خص انت منو بجي ومن ما بجي
راكان اخذ الصحن وقالت بهديد : وقسم ان ماقلتي لأخرب لك الحلا حقك
ملاك تصارخ : لا امانه راكانو تأدب تعبت عليه ؤربي .. وبعدين مادري قالت بتشوف ادا حصل لها بتجي .. سخيف وغبي
راكان يضربها : وجع شنو قلتي ؟
ملاك : آآآآخ غبي ماقلت شي يلا اذلف يللاا
راكان طلع وهو يضحك بعد مالعب بأعصابها
/
/
/
/