..
& عند فيصل بالشركه &
فز من كرسيه بسرعه و محتاس مو عارف شو يسوي
دخل عليه فارس
فارس : وين وين أبو الشباب ؟؟؟؟؟؟
فيصل بيطلع : رسيل شكله جاها الطلق
وطلع بسرعه
فارس قعد و علامة استفهامات و وتعجب فوق راسه .. إبتسم بفرحه للفيصل
وطلع بره
..............
& بالمستشفى &
بعد نص ساعه طلع الدكتور
فيصل محتاس : ها دكتور بشر
الدكتور بضحكه : استاز فيصل هيدي اعراض عاديه بتعرض لها المرأه خصوصا انها بالشهور الأخيره للولاده ..
فيصل بتعجب : يعني رسيل ما ولدت ؟؟!
الدكتور : لا لا اعراض عاديه مريضتنا حست بآلام قويه شوي و فكرت انها ولاده منشان هيك ه
فيصل قاطعه وهو منقهر : طيب الحين ممكن نخرجها
الدكتور : ايوه ايوه دلوئتي ممكن تفزل معي
.....
& بالبيت &
فيصل بعصبيه و صراخ : يعني مطلعتني من العمل عشان أعراض عاديه حضرة جنابك .. مفتكرتني فاضي لك أنا رايح جاي عشان الآنسه و الست رسيل تعبت ع الخفيف ؟؟
رسيل بدموع و اعصابها فارت : فيص ل لهِينا وبس .. انا لمتى بتحملك و بتحمل معاملتك الجافه و القاسيه لي .. لي متى ها ؟؟ ترى أنا خلاص تعبت و انتهيت صبرت و صبرت لين قلت كفايه .. إذا راح أبقى معاك كذا للأبد فإسمح لي يا استاذ فيصل .. يا أنك تعاملني عدل .. او انا آسفه مابيك
فيصل .... : ............
ياترى شنو ردة فعل فيصل ..؟؟
................
& بيت بو رائد &
رؤى منسدحه ع السرير و تكلم جوري بالجوال وهي قاعده تحط لها منكير : وف ملل تعالي لي
جوري : ماني .. قولي لأخوك ريان ادا فاضي يودينا انا وياك نتمشى نمر باسكن و نروح البحر ونتمشى بالشرقيه شوي
رؤى : امم فكره حلوه طيب بشوفه
جوري : اوكي ردي لي خبر اذا وافق
رؤى : اوكيشن
..
& غرفة ريان &
كان جالس و نار الإنتقام تغلي بقلبه
تذكر الأمس لما جات له رسيل وهي تشكي من فيصل الحقير و شلون يعاملها
كان جالس يفكر بخطه مقهور قلبه على أخته مو عارف شنو يسوي فيه نار تغلي فيه ..
>> ياترى شنو راح يسوي ؟؟ <<
وهو جالس يفكر سمع تفحيط عند الباب و طراخ صقعة الباب
وقفت رؤى بأدب و إحترام : أحم أحم .. أحم .. " تقولها بلغه شعر و قصائد " أخي العزيز و المحترم ( ريان ) .. أتمنى أن تكون بأفضل صحة و سلامه .. الخ الخ .... ,, " ولما خلصت " .. سأطلب منك طلباً راجيتاً منك أن لآ تردني خائبه
ريان مو رايق لها : خلصيني اش تبي
رؤى : اول شيء روق
ريان برود : ها روقت وش تبي ؟
رؤى : ابغاك توديني انا و جوري نروح نتمشى و نمر باسكن و البحر وندور في الشرقيه
ريان حس انه فعلاً محتاج يغير جو : اوكي عشر دقايق و تكوني جاهزه ودقي على جوري قولين لها تجز بدري
رؤى بفرحه : اوكيك لعيونك
وراحت برا ركض تبشر جوري
......
& بيت بو راشد _ غرفة لجين &
لجين تكلم راكان : لا لا سوري ركون اليوم ماقدر " تصرف " انت عارف حال العائله صايره كركبه و بهدله إن شاء الله أول ما يصير الحال أحسن راح اوافق اني اطلع معك
راكان براءه وهو يعرف انها تصرف وباله خطه : أوكي متى ماحبيتي طلعنا
لجين استغربت من نبرته بس مشتها
وجلسوا يسولفوا نص ساعه و سكرت .. بعد ماسكرت علطول جا لها ابوها
ابو راشد : لجين يابنيتي قومي البسي أحلى شيء عندك
لجين بإستغراب : ليه ؟
ابو راشد : انتِ البسي ولا عليكِ ادا لبستي راح تعرفي
لجين ما اهتمت : اوكي
ابو راشد : موتنسي أبيكِ تطلعين قمر
لجين : طيب
بعد ماطلع بو راشد
لجين استغربت من طلبه بس مشتها وقامت تشوف وش بتلبس
فتحت الكبت حقها وبدأت تشوف لها لبس مناسب .. طلعت لها قميص حرير لونه بنفسجي يخق عليه حركات حلوه بنفس قطعه الحرير .. و جينز غامق ضيق عليها ومخصصر .. سرحت شعرها بالإستشوار و رولت الأطراق .. حطت لها قلوس فوشي فاتح مررآ .. و مسكرا سودا و كحله سودا بعد .. و بلاشر لونه غريب صاير بنفسجي غريب .. و طلعت لها عطر ريحته حلوه مررا وفسرت لها 3 فسرات وصار ريحة المكان كله عطر .. ولبست لها كعب طويل شوي و نزلت
شافت أبوها و أمها ابوها كان جالس مبتسم لما شافها : هلا والله بالزين كله طالعه قمر يابنيتي
لجين : احم شكرا يبه .. الا شكنت تبي مني عشان اتزين؟
ابو راشد : روحي للمجلس و تعرفي ..
لجين بإستغراب : ليه اروح المجلس ؟
ابو راشد : في هديه لك هناك
لجين استغربت بس مشتها .. راحت للمجلس فتحت الباب و إنصدمت ؟!
>> يآترى شنو شافت لجين بالمجلس ؟؟
.............................. .......
& بالطابق الأعلى من بيت أبو راشد _ غرفة جوري &
جوري بفرح : وناسه راح نفلها ع الآخر
رؤى : اي ع العموم انتِ خلك جاهزه مو تخلينا نطول و احنا نستناك برا
جوري : ههههههههه طيب طيب يلا بقوم أجهز و إنتِ بعد
رؤى : اوكي يلا بايو
جوري : سلملم
قامت جوري طلعت لها شيء بسيط لأنها ماتحب تلبس و تتكشخ بهالطلعات
طلعت لها بدي أسود ساده .. و جينز أسود كمان مافيه شيء .. و لبست عليه حزام عريض أحمر فاقع وربطت لها على عقنها شال صغير أحمر وعليه خطوط أسود .. رفعت شعرها ذيل الحصان و لبست عباتها .. اخذت شنطتها و جزمتها ( وانتوا بكرامه ) .. وطلعت تستنى تحت بالصاله
>> ياترى شنو راح يصير بهالطلعه ؟؟
.............................. ......
& نآخذ لنا لفه على المتزوجين ^_^ &
شوق : هلا والله باللي جات لنا أهلاً و سهلاً ..
الجده : هلا والله بيكِ يا بنيتي
شوق : نور المكان
الجده : نور بوجودك حبيبتي .. الا فينهم البنوتات مشتاقه لهم موت
شوق : هههه إيثار نايمه و إثير ثواني و اجيبها لك
الجده : ههه طيب
ركبت شوق و بعدها بلحظات نزل رائد
جلس جنب جدته .. توه بيتكلم الا حصل ضربه من الجده على رجله
رائد : آآآآآآي .. جدتي شبلاك ليه ضربتيني رجال طول بعرض
الجده : أجل جالس بدون لا سلام ولا كلام بدل ماتقوم تساعد زوجتك جالس لي
رائد يقاطعها : انا توي كنت بسلم عليكِ الا انتِ الله يهداك ضربتيني
الجده عودت ضربته : لا تقاطعني فاهم بعدين ليه ماتقوم تساعد زوجتك بالبنات معذبينها وانت جالس لي على ذيك الكنبه متكي و مبسوط و زوجتك تكرف و... الخ الخ ... ,, عطته محاظره طويله عريضه
.............................. .......
& بيت أم تركي &
ام تركي : انا طالعه ياشمس ديري بالك على حالك لو تبين شيء قولي لي
شمس : زين
ام تركي لبست عباتها وطلعت
مرت على صديقتها أم حمد وطلعوا بالسياره
ام تركي : تصدقي واحد كبير متزوج عمره فوق الأربيع طالب يد بنتي شمس .. أفكر أني اوافق يمكن تتأدب و تبطل عن حركات المبزره
ام حمد : وانا معاك بهالرأي .. من الأفضل إنك توافين على قولتك يمكن تهتدي و ...
ماكملت كلمتها الا و السياره تتقلب عدة مرات وطاخ تصدم بتريله قديمه ماحد فيهآ
---------------------------------
البارت الأخير
الجزء " 2 " و الأخير
..............................
& في المجلس &
لجين استغربت بس مشتها .. راحت للمجلس فتحت الباب و إنصدمت ؟!
لجين بصدمه : ر ر ا كان ؟؟!
راكان بإبتسامه وشاق الخشه ^_^ : بشحمه و لحمه
لجين كانت تطالعه وفيها الضحكه من هالموقف المحرج .. كان شكله جذاب و وسيم بالثوب الأبيض اللي طالع مقاسه بالضبط .. و الغتره البيضاء المزبوطه عليه بشكل حلو لكن مضحك بعد ..
اما من جهة راكان كان نفس الشيء يطالعها بإنبهار .. : طالعه حلوه اليوم ..! *_^
نتركم شوي ع جنب و نروح لأبطال ثآنين
............
& بيت فيصل &
رسيل بدموع و اعصابها فارت : فيص ل لهِينا وبس .. انا لمتى بتحملك و بتحمل معاملتك الجافه و القاسيه لي .. لي متى ها ؟؟ ترى أنا خلاص تعبت و انتهيت صبرت و صبرت لين قلت كفايه .. إذا راح أبقى معاك كذا للأبد فإسمح لي يا استاذ فيصل .. يا أنك تعاملني عدل .. او انا آسفه مابيك
فيصل ............. بهدوء :............... رسيل
رسيل تحط إصابعها بإدنيها وتهز راسها ب(لا) و دموعهآ تنزل كنها شلال : لا لا لا لاتقول شيء مابي أسمع منك أي كلمه
فيصل ضمها لصدره بحنان : رسيل
رسيل تحاول تبعد : إبعد عني مابيك إبعد
فيصل بصرامه : رسيل
رسيل سكت ..
فيصل يمسح على شعرها بحنان : إسمعيني زين .. إنتِ قد فكرتي بالعذاب اللي كنت عايشه وانتي بعيده عني ؟! .. قد فكرتي قد إيش كنت اتعذب وانا احاول ابر لك ان انا بريء .. كم مره ها ؟؟ عمرك فكرتي بهالشيء ؟؟ فكرتي ليه انا اعاملك كذا ؟؟؟؟ ... عشان تحسين باللي انا كنت أحس فيه ؟ تفكرين اني اسوي كذا وانا مستانس .؟ تدرين ان انا كنت اتعذب أكثر منك بمليون مرره ... كنت أقول إنك ادا ولدتي راح اعترف لك .. بس انتِ ماصبرتي .. كنت كل يوم وكل ساعه وكل دقيقه اتعذب وانتي بعيده عني .. اما الحين .. أبيك تنسين كل شيء .. كل شيء .. ونبدأ بصفحه جديده
رسيل كانت واقفه مصنمه و منصدمه من كلامه .. معه حق بكل اللي سواه .. ماراح تلومه ابد ......... بعد فتره هزت راسها بالإيجآب .............................. .................... ..................
^_^ ..
.............................. .
& بيت بو عزام &
أبو عزام : يا سجى روحي شوفي أخوك عزام قولي له ينزل أبيه بكلمه
سجى : طيب بابا
ركبت فوق و طقت باب غرفة عزام
ماسمعت رد عشان كذا فتحت الباب
الغرفه كانت مظلمه وبارده حست سجى بقشعريره اول مافتحت الباب .... شغلت الليت عشان تشوف عزام بس انصدمت ....... بصراخ سمعوه اللي تحت : ع زا ام
.............................. ........
في بيت أم حمد ..
تركي و شمس جالسين بالصاله بطفش يتفرجون ع التلفزيون
دق التيلفون
تركي متكي على الاريكه ويشاهد : شمسو شوفي التلفون
شمس تبرد أظافيرها بملل :وف ليه ماتشوفه انت
تركي يناظر فيها : اقولك قومي شوفي التلفون
شمس وقفت وهي تتأف .. رفعت التلفون بدلع : آلو
.....: السلام عليكم .. بيت بو تركي ال........
شمس : يب مين معي؟
.......: احنا من مستشفى ....... ,, لازم تجون لأن ام تركي ال.... تعرضت لحادث ومعها حرمه ثانيه ! وحالتهم جداً خطيره
شمس بصدمه وصرخه : شنو ؟؟ شنو تقول انت
سكرت التلفون بوجهه وانهارت
تركي خاف : شمس .. شمس شبلاك شصاير؟
شمس بكى وتحس نفسها توها توتعي على حالها : امي .. امي يا تركي .. حادث .. وحالتهم " بشهيق " خطره كثير
تركي بصدمه : إيش؟؟؟ قومي قومي لبسي عباتك على ماجيب مفتاح السياره بسرعه
شمس وقفت وهي تحس نفسها بحلم .. خايفه تفقد أمها مثل مافقدت أبوها .. شمس ماكانت كذا أبد .. كانت انسانه حنونه وطيبه وتحب الخير .. من لما توفى أبوها وحالتها حاله .. كانت متعلقه فيه موت .. ومو ناقصه تفقد أمها .. تحس نفسها توها تحس على عمرهآآ و اللي تسويه .. ماحست بنفسها الا وهي لابسه عباته وتبي تنزل الدرج ..
سمعت صرخة تركي : شمس يلا بنتاخر
نزلت بسرعه و دموعها على خدها اربع اربع ..
..
بعد عشر دقايق وصلوا المسشفى ..
نزلوا بسرعه . راح تركي يركض جهة الرسبشن .. : سماح خالد ال..... , تعرضت لحادث من شوي ... حالتها خطره
بعد ماعرف وين امه وانها بغرفة العمليات مسك يد شمس وراحوا ركض لجهة الاصنصير ...
..
بنفس المشفى لكن جهة ثانيه
طلع الدكتور
ابو عزام : ها بشر يادكتور كيف حاله اولدي؟
الدكتور : والله يابو عزام كانت حرارتو جداً مرتفعه .. ومعاه نقص بالأكل .. الزاهر انو مابياكول منيح .. نحنا سوينا يلي علينا البائي انكم تحدروا لئلوا الدواء ..
ابو عزام : الحمد لله لك يارب .. و متى نخرجه
الدكتور : فيكن تخرجو اليوم ازا بدكن
ابو عزام : شكراً يادكتور تعبناك معنا
الدكتور : ولو يابو عزام .. بالازن انا عندي مرضى هلئ
ابو عزام : اذنك معك
رفع بو عزام جواله عشان يطمنهم ان عزام بخير
.............................. .................... ............
بعد مرور سنه وشهر ..
ب إحدى أفخم و أجمل القاعات حيث كان عرس (( ملاك & فآرس , لجين & راكان ))
الساعه 9 ..
بغرفة العروس
الجوري بدفاشه تقرص خد ملاك : كبرتي يامليك و تزوجتي أجل
ملاك تعورت : آخ وجع إن شآء الله عليك ايد ولا ايد الغوريلا بكبره .. ماقول الا الله يصبر زوجك على دفاشتك يارب
لجين : هههههههههههههههه اي والله بتجيب العيد .. بطلقها من أول ليله
الجوري : وجع تف تف بتضربونا بعين أني و زوجي
لجين : مالت عليك انتي وزوجك
رؤى بنحاسه : الجوري مو كنه العروسات بيوم عرسهم يكونوا خايفين ومستحين مو دفشين كنهم مصارعين
الجوري تقهرم تقول بدلع : يارؤى ياقلبي انتي ذولاك العروسات الناعمين الانثوات .. مو المتوحشين و المصارعات
ملاك تشهق :وجع انا متوحشه ومصارعه !! .. هين يالجوري اردها لك ليلة زواجك
ليال : هع عاد اذا تزوجت
لجين : اي والله قلتيها
طلعوا البنات وهم يضحكوا وتركوا العروسات بلحالهم
بعد مده
دخلت الجوري بقوه ودفاشه وصقعة الباب : ايوه ايوه قوموا وحده وحده بالدور زفتكم
لجين : وجع مو اخت ذي .. " استوعبت " وشو ؟؟؟
الجوري : يب يب زفتكم
ملاك : معقول مر الوقت بسرعه !
الجوري : ياربيه عليكم بتقوموا ولا إيش؟؟
لجين : يلا ملاك قومي قبل
ملاك : نعم؟
لجين : إي انتي قبل
الجوري : الحين بتهاوشون على مين الا قبل ؟؟ بسرعه أي وحده منكم .. تبغوني أعقر ؟؟ يلا عقره بقره ........
لجين تقاطعها : الجوري بلا ظرافه خلاص انا بقوم قبل عشان " بغرور " آخذ قلوب الكل و اكون مميزه
الجوري : عدال بس عدال
انزفت لجين و بعدها ملاك وكانوا أحمل عروستين .. أبهرت لهم الاعين ..
.............................. .................... .....
مرت السنين و الشهور و الايام و الساعات و الدقائق
بعد مرور 8 سنوات
..
منزل فآرس .
ملاك بصراخ : عبود يلا عآآد تعال كل عشان تروح لبيت جدو
عبد الله 4 سنوات : ماما مابي أنا شبعآآن
ملاك تقرص خدوده : دخيل الشبعان انا .. ماتبي تصير مثل سوبر مان؟؟
عبد الله : ايوه ايوه سوبر مان " اكل " امم
جت فجر 7 سنوات : ماما مابنروح بيت جدو
ملاك تأكل عبد الله : نأكل أخوك عبد الله بس ونروح
فجر تتنقز : ايوه بيت جدو
دخل فارس : ها جاهزين؟؟
ملاك : لا .. تعال أكل ولدك بقوم أحمم فجر
فارس : ايوه كيف الحال سوبر مان؟
عبد الله صدق عمره : جين
الكل ضحك على طريقة عبد الله مضحه في الكلام خصوصاً إن نص الحروف عنده مكسره
...
منزل راكان و لجين
اواع اواع اواع
لجين شوي وتصيح : ياربيه جايه جايه
راحت لولدها فرآس شهرين وتحاول تسكته .. شوي شوي بدأ يغفي ونام
..
ليان : ماما ا
لجين راحت لها : نعم ماما لاتصارخي كذا اخوك فيرو نايم
ليان 5 سنوات توريها الرسمه : ماما شوفي رسمه هذا بابا وهذي ماما وانا وانتي وفيرو ~> هع دلع فراس
لجين : ههههههههه دخيلو الرسام انا
راكان : لجين ماحطيتي الغذاء
لجين : الحين الحين بحطه بس صاح ولدك
راكان : ههههههههه الله يعينيك بس
لجين بنص عين : كان فيك غير ساعدني عليهم
راكان : ههههههههههههههههه نسيتي هاه كيف أساعدك عليهم
لجين : إي إي مرره صرآحه
ليان : ماما يلا اني دوعانه
راكان يستلم ليان ويبدأ يستهبل فوق راسها
...
الجوري : ياربيه بطني يعورني
إياد ( صديق فارس كان تذكروه ) : هههههههههههههه مابقى شيء عليك وتولدي حبيبتي
الجوري : آخخ ألم مو طبيعي
إياد : تحملي ياقلبي تحملي .. الجوري
الجوري : هلا
إياد : أحبك
الجوري بخجل : وانا بعد
إياد يناظرها : انتي شنو ؟
الجوري : زيك .. أحبك
..
رؤى بكرشتها قاعده على الكنبه وتاكل فاكهه : ريأن من جدك انت ؟؟ طقيت الثلاثين وللحين ماتزوجت حرام عليك عاد زودتها
ريان : ياربيه رؤى كفايه حنة إمي تجي انتي تكملي علي
رؤى تاكل العنب : معها حق إمي صراحه
ريان : مدري
رؤى ناظرت فيه بقوه : يعني نويت نخطب لك ؟؟؟؟؟؟؟؟؟؟؟؟؟
ريان ابتسم : على حطة يدك
...
ليال : تركي
تركي جا لها : إيوه حبيبتي
ليال بخجل منزله راسها : عندي لك خبريه
تركي يرفع رآسهأ : شنو هي
ليآل نزلت رآسها من جديد بخجل : أنا حامل
تركي بفرحه : امانه ؟؟
ليال بنفس فرحته : اي واخيراً ياتركي
تركي رفعها وهو مبسوط و الدنيا مو سايعته من الفرحه .. رفعها وهو يصرخ : أحبك ليآل أحبك
النه ايه ..
هذهِ نهاية قصتنا ..
---------------------------------
ملاك & فارس // فجر ( 7 سنوات ) ... عبد الله ( 4 سنوات ) .. والحين ملاك حامل بالشهر الثاني
لجين & راكان // ليان ( 5 سنوات ) .. فراس ( شهرين )
الجوري & إياد // الجوري حالياً حامل بالشهر الثامن
رؤى & ماجد ولد جيرانهم كان يعشها ويموت على شيء إسمه رؤى .. وتزوجوا الحمد لله // وحالياً رؤى حامل بالشهر التاسع
رسيل & فيصل // جهاد ( 8 سنوات ) قمر ( 6 سنوات ) ( محمد و أسرار . . توأم 3 سنوات
ليال & تركي // عانوا كثير لحتى حملت ليال .. وحالياً حامل ب إسبوعين
عزام // ظل طول حياته على بقيآ فجر .. ماتزوج أبداً ولسى حب فجر ساكن بقلبه وباقي .. حياته صايره من الشغل لين البيت ومن البيت للشغل .. صحيح ان لسى منعزل عن الناس لكن تغير بكثير عن أول .. يقعد مع اهله و يسولف ..
شمس // تابت الى ربها توبة نصوحة .. تزوجت من واحد إسمه يوسف .. و يوسف رجل شهم ويعتمد عليه .. و بار بوالديه وعايشين حياتهم احلى مم يكون .. عندهم رهف 2 سنتين
أم تركي // بعد ماصار فيهآ الحادث انشلت .. و نادمه عن كل شيء سوته قبل ... وتابت الى ربها وصارت تهتم بعيالها ..
ريان // خطبوا له وحده آدميه و طيبه .. وحبوا بعض و إسمها أسيل .. جميله و طيبه و حبوبه بمعنى الكلمه ..
ريماس & نايف // تزوجت ريماس من نايف ولد عمتهآ .. وحبوا بعض بعد الزواج .. عندهم ( طلال 6 سنوات - خالد 5 سنوات - سليمان 3 سنوات - مشآعل سنتين )
و الأطفال سجى & نواف // كبروا و حبهم كبر معآهم .. لسى بآقين على حبهم وكل يوم يزيد أكثر و أكثر ..
أتمنى اني ماكون نسيت أحد من الأبطال
و آسفه ع التأخير حبآآبيبي
أتمنى انكم استمتعم ب روايتي الأولى .. ادري انها مو ذإك الزود بالنسبه لباقي الروايات .. وطولت كثير بتنزيل البارتات
بس تعرفون أول روايه لي تجربه .. ماعندي خلفيه ولا خبره عن الموضوع
أشكركم كل الشكر على وقفتكم معاي ..
و بس ..
قراءة ممتعه
تقبلوا مرور ي..
منقول من عاشقة القمر