رواية لمى في شقة شباب بقلمي
روايتي من نسج الخيال وبعض الأحداث من الواقع
منقول
ابداء روايتي من الرياض في ايام البرد وشبت النار وحلاة الطلعات قررة الرأس المدبر للعائله طلعه للمزاحميه
"الرأس المدبر هي لمى هذا البنت مشاكسه إلى ابعد حد الوحيده بين 7 اولاد ومع الأحداث بنتعرف عليها اكثر"
لمى وكالعادة إذا تبي طلبها يتنفذ تتكلم بدلع وسياسة: مـامي اش رايك نطلع البر؟
ام لمى : ومن بيطلع معك ؟
لمى :اعمامي وعماتي
أم لمى : كلمي ابوك مع إنه برد وماتوقع احد يطلع
لمى وبدة اسطوانة الأقناع تشتغل : اي برد يمه الله يهديك , تدرين إن البرد بس في البيت انتي بس اطلعي برى وشوفي الجوء دافئ, وبعدين حنا بنطلع من الصباح يعني بنطلع في الشمس وترى امس سمعت في الأخبار أن البرد بيبداء الشهر الجاي يعني البرد هذا بس شي خفيف
ام لمى :والله انك صادقه ,خلاص كلمي ابوك واعمامك
لمى: يالبى قلب امي ايه هذا الحكي الي يجبر الخاطر وترى من زمان مااجتمعنا
ام لمى اقتنعت : اي والله من زمان ماشفة عماتك
لمى : يعني موافقه
ام لمى : موافقه
لمى بإستهبال : الف الصلاة والسلام عليك ياحبيب الله محمد كلووووووش
ام لمى تضحك على هبال بنتها اللي متعوده عليه : ههههههههههه انتي متى بتعقلين ؟ اتمنى اشوفك عاقله مثل البنات
لمى : الله الله مثل البنات مره وحده ,هذا أمل ابليس في دخول الجنه
ام لمى : لا موب امل ابليس ترى الخطاب كل يوم يجون
لمى ماتحب طاري الزواج : يا ليـــــــــــل يمه لاتصرفين الموضوع ابوي وين؟
ام لمى : مادري ؟
لمى وهي تقوم لأنها عارفه مصيرها : الحمد لله والشكر اول مره في حياتي اشوف وحده ماتدري وين زوجها
ام لمى :هههههههههههههههههه بيجيك يوم وبسالك
لمى : الله لايجيب ذاك اليوم جعل يومي قبله
طلعة من الصاله لغرفتها وكتبة رساله
"اختي الداجه عزيزتي المهجوله نود ابلغكي ان فكرتاً طقت في راسي وهي غدا "يعني بكره"نبي نروح البر"يعني نطلع البر" فلذالك نأمل منك شن حملة اقناع ضد الأهل والأخوه والملتقى بالمزاحميه باااااااي "
وارسلتها لبنات عمها وعماتها وبعدها كلمة ابوها بما إنه اكبر الأعمام واقنعته على الطلعه
البنات مجتمعين عند عهد واول رساله وصلة لها فتحتها وقرتها ضحكوا عليها وعلى رسالتها الي نصفها عامي ونصفه بالفصحه
عهد : بنات اسكتو بتصل عليها
والكل وافقها الرائ واتصلت على لمى الي كانت بتطلع من الغرفه بس رنة الجوال رجعتها
عهد تنعم صوتها لأخر درجه:الــــــــــو
لمى وترد عليها بنفس النعومه :هلا باالــو وصاحبتها
عهد :هههههههههههأي كيفك حياتي ؟
لمى :حياتي من دونك ماتسوى
عهد :ياعمري عليك
لمى :اقول روقينا ترى ماعرف بكلام الحب كثير حدي ياعمري وياحياتي وان زادة احبك
عهد : وانا احبك ياقلبي
لمى :لا ارحميني ماقدر على الكلام الحلو لاتخليني اجيك الحين طيران
عهد : ياليت تكفين تعالي بسرعه الله يخليك
لمى:على كيفك اقول فارقي بس بروح اجهز اغراض الطلعه
عهد : وبعدها بتجين صح
لمى:لا ولاتحاولين
عهد : متأكده انك مرح تجين
لمى : ايه متاكده مليون بالالف
عهد : طيب اسمعي
البنات بصوت واحد : هاي لمى
لمى : وجع يالنذله انتي وياهم تجتمعون ولاتقولون لي وانا قاعده ادبر لكم طلعه عشان اشوفكم والله انذل منكم ماشفت والله خيانه اوريكم
وسكرة الخط وبعدها قفلت الجوال وراحت ركض لأخوها نادر
لمى : نادر اخوي انت نادر في الوجد ومامثلك احد نادر حبيبي
نادر يعرف انها تبي شي : قولي اش عندك
لمى : البنات مجتمعين عند عهد ومابقى إلا انا تكفى ودني لهم
نادر: يالله البسي بسرعه
لمى : يعني بتوديني
نادر : ايه بوديك لأني بروح عند اخوها ناصر
لمى : دقايق بس
وراحت تبدل ملابسها وتستأذن من ابوها وتتأكد من الطلعه وبعدها طلعت مع نادروكل هذا صار في خمس دقايق
وصلت لمى لبيت عمها ودخلت وسلمت على عمها وعمتها وراحت للبنات
فتحت الباب بكل هدؤء وقالت بصوت عالي : هــااااااااااي
البنات ماتوقعوا انها تجي حسبالهم انها زعلت : واااااااااااااااااااااو لمى
وبداء السلام والصراخ والضحك واكتملت جمعتهم بحضور لمى وكملوا سهرتهم هبال وضحك وهواش وبعدها تفرقوا عشان الطلعه
التكملة بعد الردود 
أرجو التقييم