 ~~~~~~~~~~~~~~~~~
الليله هذي واضحه ليلة افراق
حاولت اعديها وعيّت تعدي
~~~~~~~~~~~~~~~
الظروف ماتنطاق ولا راح تنطاق
صد القدر ماهو بصدك وصدي
~~~~~~~~~~~~~~
تعال اخذني بين اياديك مشتاق
قبل انتفارق حط يدك بيدي
~~~~~~~~~~~~~~~
بجلس معك ساعه حبايب وعشاق
من بعدها كيفك ولو صرت ضدي
~~~~~~~~~~~~~~~
فيني خليط اشواق باشواق باشواق
واصل معك من كثرت الشوق حدي
~~~~~~~~~~~~~~~
ودي ألمك واحضنك حضنت عناق
ياشيب عيني كل ماقلت ودي
~~~~~~~~~~~~~~~~
في خاطري .. وش خاطري ؟ خاطري ضاق
الكون كله ضاق ماهو بقدي
~~~~~~~~~~~~~~~~
حتى الدموع اللي استحت كبر واخلاق
تساقطت من فوق خدك وخدي
~~~~~~~~~~~~~~~~~
لوحة شعر تبكي على بيض الاوراق
بيّحت فيها من ردى الحظ سدي
~~~~~~~~~~~~~~~~~
ليلة جفا وافراق مامثله افراق
حاولت اعديها وعيّت تعدي
~~~~~~~~~~~~~~~
__________________ اللّهُم إنّي « أسْتَغفِرُك » عَدد مَاانْسَانِي الشّيْطانُ ذِكرَك وَعَدد مَا ألهَتْنِي الدُنيْا عَن الرّجوعَ إليْك ........... فَقَدْ قَصّرتُ وَلمْ تُقَصّر [ و َنَسِيتُك وَلمْ تَنسَني ]....... اللهُم أذِقنِي لذّة الخُشُوعْ ................. وَزِدنِي لكَ خُضُوعْ ...... وَتَقبّل ذُليّ فِي « آلرّكوُع وَالسّجُود » أنَا ومَن أحْببَتُهمْ فِيك . . .  |