07-23-2011, 08:46 PM
|
| |
الدكتور : مافيها الا كل خير ياخالتي بس سوينالها تحاليل طلع فيها .... السكر
ام يعقوب : السكر؟@@ ياااااااااااااويلي عليييج يا دلال
بو يعقوب : لا حول ولا قوة الا بالله هذي توها ياهل ماعدت الـ 20
يعقوب منصدم شلووون اخته فيها السكر و اهم مايدرون؟
الدكتور : الظاهر اهي مخربطة بالاكل لان السكر وايد وايد عالي عندها .. في احد بالعايلة فيه سكر؟
بو يعقوب : انا وابوي الله يرحمه
الدكتور : ايي ممكن يكون وراثه بالعايلة بس المهم الحين ابيكم تخلونها تحافظ على اكلها و ممكن احد اييني باجر اوصي اخصائي التغذية حق اكلها لان اذا السكر ظل عالي ممكن يكون له مضاعفات خصوصا بحالتها
بو يعقوب : لا حول الله استغفر الله و اتوب اليه
يعقوب : انزين دكتور نقدر نشوفها الحين؟
الدكتور : أي نعم تقدر اهي صحت قبل 10 دقايق و قلنالها انها مصابة بالمرض .. بس يا بو دلال تحتاج تقعد بالمستشفى جمن يوم عشان نضبط السكر
بو يعقوب : لا حووول .. خلاص امرنا لله .. مشكور يا دكتور ماقصرت
الدكتور : العفو ياعمي ماسوينا الا الواجب
بو يعقوب : يبا يعقوب روح حق اختك انا و امك بنروح نييب جم لبس حق اختك
ام يعقوب : لا يا بو يعقوب خل يعقوب يروح معاك انا بقعد مع بنيتي
بو يعقوب : امشي يا مرة ماكو حرمة بالبيت غيرج
يعقوب : عدل كلام ابوي يمه روحي
ام يعقوب بعناد : لا يعني لا
بو يعقوب بحدة : سعاد امشي معاي
ام يعقوب بقلة حيلة : ان شاالله .
::::
صار على هالحجي اسبوعين و دلال طلعت فيه من المستشفى و تعصب لما مايخلونها تاكل معشوقها الاول " الككــــــاو "
::::
ام يعقوب قررت تسوي حفلة بمناسبة خروج دلال فقامت عزمت الاهل
ام يعقوب : هااا يام محمد شقلتي؟
ام محمد : ايي يوخيتي من زمان مو شايفينج ولهانين عليج على قولتهم
ام يعقوب : هههههه فديتج مريوم بس مادري شلون بقول حق نسموو
ام محمد : قوليلها عادي ياسعاد مو الا تسوون مشاكل
ام يعقوب : ان شاالله بس انتي تعرفيني ماعرف اسكت .. يلا مو تتاخرون باجر تماام؟
ام محمد : اي حبيبتي قبل ماتقومين تلاقينا عند الباب
ام يعقوب : ههههههه حيااج الله
سكرت ام يعقوب من ام محمد و قعدت تقول شلون تكلم نسيمة بدون مايتهاوشون كالعاده؟
و ناااادت دلال
دلال : يماااا شفييج تصاارخين مابقالي غير اذني ابيها ترى ههههه
ام يعقوب : ويعه كليتيني بقشوري انا بس قلت دلال
حنان : يماا شفيج تصارخين لا تقولين اسم هذي ( تاشر على دلال ) بعدين ييني مغص ههههههه
دلال : هاهاها تصدقين توني اكتشف ان دمج خفيف
بو يعقوب : علامكم انتو ابي مرة اشوفكم تبوسون بعض
دلال : وييييييييع
حنان : انا ويع هاا .. اصلا انتي مايعجبج شي
دلال : اي انا مايعجبني شي
بو يعقوب عصب : بس عاااد انتي وياها و كل وحدة دارها ولا ترى ماكلم ولا وحدة فيكم و خنشوف شلون تطلعون و تروحون مرة ثانية تقعدون بالبيت تخمون و تنظفون
دلال : هييييييييييييييئ يبوووي لا لا حنوون حبيبتي انتي تعالي تعالي ( تبوس راسها )
حنان : يبااا اتمنى انك تعيد هالحجي كل يوم ههههه
دلال : الحين هالكثر سولفنا ماسالنا الوالدة شنو كانت تبي فيني خخخخ يماا ليش ناديتيني؟
ام يعقوب : تعالي داخل اقولج
راحوو دااخل
ام يعقوب : يمااا تدرين ان انا مالي غيرج انتي و اخوانج
دلال خافت : يما شفيييج فيج شي يالغالية؟
ام يعقوب : لا يما بس .. ابيج انتي تعزمين مرت عمج نسيمة و بناتها
دلال : هههههههههههههههههههههههههههههههه الحين كل هذا اخر شي عشان مرت عمي؟ خلاص ولا يهمج يما انا الحين ادق
ام يعقوب : وي حلاااتج بنيتي هههه
:::::
فـــي يــوم الــحــفــلــة
دلال ماكانت لابسة كشخه يعني لان كلهم اهلها
و حتى حنان يعني باختصار
الكل كان لابس عادي ماعــــــــدا عبيرررر
عبالها يعقوب معاهم
دلال : بناااات خنرقص فيني رقص
حنان : ايي ما شاالله السكر عامل عمايله فيج هههه
البنات : ويك ويك ويك هههههههههه
دلال : انا اوريكم قولو عشا والله لاخليكم تنامون على لحم بطنكم
وراحت دلال دار يعقوب تبي تييب المسجل ولا نسيمة بويهها
نسيمة : دلال وين الحمام تكرمين
دلال : كاهو خالتي جدامج
نسيمة : اووكي مشكووورة
مشت نسيمة ولا يم الحمام يكرم القارئ  المطبخ
دشت نسيمة المطبخ و شاافت ام يعقوب
طنشت فيها و قالت
نسيمة : ميري منو مسوي السلطة؟
ميري : هذا مدام ماما يعقوب
نسيمة تسوي روحها ماسمعت : ويي تصدقين مشتهية عيش
وام يعقوب ساكتة ماتبي تخرب الحفلة عشانها
ميري : مدام انا يقول حق محبوب سايق يجيب حق انتي خبز ؟
نسيمة بصوت عالي : لا ويي خوفج يروح يطر من الخباز نفس واحد اعرفه
ام يعقوب عصبت : شقصدج يام عبدالله؟
نسيمة: مو قصدي شي الا اذا انتي مشبهة على ريلج يعني
ام يعقوب : ريلي تاج على راسي و راس الكل الحمدلله
نسيمة : لان راسج واطي و ريلج طرااار ماخلا احد ماتسلف منه
ام يعقوب : انا راسي واطي؟@@ و بعدين ريلي شريف ولله الحمد و الزم ماعليه كرامته مامد ايده حق احد
نسيمة : اي مبين الصراحه انا مو بالعتج ولا بالعه ريلج
ام يعقوب : نسيمة ثمني كلامج احسنلج ريلي مالج شغل فييه اشيله بعيوني
نسيمة : واذا ماني مثمنه؟
ام يعقووب : لي اسلوب ثاني معاج
يوو البنات على هالصراخ و ام محمد قاعده و تهدي فيهم
ولا يون الرياييل
بو يعقوب : خير شفيكم شصاير؟
نسيمة : شوف مرتك هاللي ماتستحي تقول عن مادري منو تاج راسي
بو عبدالله : بو يعقوب امسك حرمتك ترى احنا ضيوف عندكم
ام يعقوب : بو يعقوب احلفلك و الصلاة اللي اصليها انها اهي اللي بدت تقط عليي حجي و انا ماقدر اسكت
بو عبدالله : ولوو يام يعقوب المفروض تحترمينها ولا شنو ماكو احترام؟
بو يعقوب : بو عبدالله احترم اخوك اللي اهو ريلها اهو اللي يحاسبها مو انت
بو عبدالله : والله عاد اي واحد يغلط على مرتي يغلط عليي و انا مارضى بالغلط
بومحمد : يا جماعه انتو اخوان لا تسوون اللي تسوونه عيب عليكم كل واحد اكبر من الثاني شفيكم صلو عالنبي
طبعا بو محمد يحاجي طووفة ههه
بو يعقوب : بو عبدالله احترمو المكان اللي انتو فيه و انا اخوك العود عيب هالحجي شقصدك؟يعني انا عادي عندي الغلط؟
بو عبدالله : ماقلت جذي بس مرتك مادري شفيها جنها اهي الكاملة الحين و عاد الله و المكان كلها غرفتين و صاله
ام يعقوب : الله يسامحك يابو عبدالله انا بعينك جذي؟ مشكوور
بو يعقوب : هه و اخيرا طلعت اللي بقلبك و انك مانت قادر تبلعني ليش ان حالتي المادية مو مثل حالتك ؟
بو محمد : لا يابو يعقوب بو عبدالله مايقصد اهي لحظة غضب ياخوك
بو عبدالله : الا اقصد عيل اخوي انا يسكن بهالمكااان؟ هه امشو بنات امشي ام عبدالله مالنا قعده هني
:::
طبعا بو يعقوب و بو عبدالله ماكلمو بعض من ذاك اليوم يمكن بس بو محمد اللي يطمنهم على احوال بعض
حالة بو عبدالله كل مالها و تتدهور خسر فلوس وايدة و الحين مابقاله غير جم فلس مايكفون شي هالايام لكن الحمدلله
بو يعقوب اشتغل بمحل واحد من ربعه القدم شافه بالمسيد و دام ان شغله مضبوط فمعاشه يزيدونه و رقوه اكثر من مرة و الحمدلله الحين عايش بخير و نعمه
:::
في بيت بو عبدالله
ام عبدالله قاعده تسوي الغداا حق بو عبدالله عشان يرد من الدوام
و من بعد ما خسرو ثلاث ارباع فلوسهم تغيرت حيييل صارت احسن
يعني مثل مايقولون انكسر خشمها لكن الله مايطق بعصاا
رن الجرس
ام عبدالله فجت البااب و شافت اثنين لابسين غترة ودشداشة
نسيمة : هلا يمه خير عسى ماشر؟
واحد منهم : بو عبدالله موجود؟
نسيمة : لا والله بس على وصوول
رد بو عبدالله من الدوام صفط السيارة و انصدم .. معقوووووولة @@
مرته و بناته عند باب البيت بعبايتهم يبجون
بو عبدالله : شفيييكم ليش قاعدين هني؟
ام عبدالله بنص بجيها : حسبي الله و نعم الوكيل اطردونا من بيتنا يابو عبدالله اطردوووونا
بو عبدالله :شنوووووووو؟
طلع بو عبدالله متسلف من واحد يعرفه على شرط ان يرهن البيت و لهف هالشخص الفلوس الباجية و البيت
::::
بيت بو محمد
محمد : اووووف محمووودووو
محمود : هااا شتبي ترى ماعندي ولا فلس
محمد : مالت شبي بفلوسك معاشي موجود
محمود : خلص شتبي
محمد : قلت حق امي ابي اتزوج تتوقع منو قالتلي تخطبلي؟
محمود : منوووووووووو؟
محمد : حنان
محمود : ويييييييييييييه الله يعينك على اختها
محمد : ههههههههههههه شفيك مافيها شي ناذيها شورانا
محمود : حرام عليك
محمد : اتغشمر يبا بس احس مو لايق
محمود : اذا من ناحية مو لايق اهو صج مو لايق
محمد : ههههههه بعد شنسوي الوالدة تموت عليها
:::
في غرفه يعقوب
دلال : يعقوو متى تتزوج؟
يعقوب : والله كنت ابي من بنات العايلة بس هونت
حنان : ويي لييش؟
يعقوب : بس مزاج شحاركم انتو .. عوانس هههههه
دلال : لوووووول توني الحمدللله صغييرة
يعقوب : خخخ شنو ترقعين حق نفسج؟الا قولي راح عليج القطار
دلال : وييييي عاد لقيت يهمني
دش عليهم بو يعقوب و باين عليه التعب
بو يعقوب :عيالي شقاعدين يسوون؟
يعقوب : ولا شي بس بنتك غصب بتسوي روحها صغيرة و اهي اكبر من امي
دلال : اصلا انا وردة زماني شحارك انت يا معجون الاسنان
بو يعقوب : ههههههههههههههه بس خلاص كل واحد يحترم الثاني وو تعالو اكلوو
دلال : و اخيرا يباا ضحكت يبا نبي نشوف هالاسنان الحلوة عشان نروح دكتور نوصيه يسوي نفسهم
يعقوب : اي والله لي ضحكتي اكره الضحك بكبره خخخخخخ
بو يعقوب : ايييييه الله كريم يا عيال .. يلا تعالو اكلو
و راح بو يعقوب
دلال : الله ياخذ نسموو و صوتها شسوت بابووي
يعقوب : بعد حريم شنسويلهم ما منهم لا فايدة ولا نفع
دلال : عدااال انتو الحين الي مقصرين كل واحد فارش بطنه و يتحجى بعد
يعقوب : خلصينا امشي لا اقوملج الحين بالمخدة
:::::::
في بيت بو محمد
ام محمد : حموود محموووود زنوووب تعالو اكلووو
ام محمد ماخلصت ماقالت ( لـوو ) الا ذاك الهجووووم من الدري
ام محمد : حشى حشى حشى حشى ثيراان مو اوادم
محمد : يما يواعه شنسوي يعني يووع يوووع
محمود يتغشمر: ااااااااخ عالاكل بس عاد طباخ الوالدة مايساعد
ام محمد : شنهااااااااااااااااااااو؟
زنووب: شوف عاد كل شي ولا طباخ ماماتي انت روح سولك توست و جبن اول نفس الاوادم بعدين تحجى عن طباخ الوالدة ماماتي حبيبة بنتها
محمد : بللللللللللل عليييييييج اخوي العزيز شقاااال؟ويييه انتي شلون تبين تتزوجين
محمود : حمود حمود شفتها مع لسانها يبيله قص طع شلون ترد انتي عمرج 13 بس لسانج عمره 44
ام محمد : يحليلها بنيتي حبيبة امها تدافع عني
بو محمد : هاا زنووب الحين مو بس صرتي حبيبتي صرتي حبيبة البابا و الماما بعد
زنووب : يبااا شنو البابا و الماما اسمها الام و الابو
محمد يساسر محمود : يعني طالعه فيها سحيلة ام القمصان
محمود : خخخخخخخخخخخخخخ شنو ام القمصان انت بعد
::::
بو عبدالله يكلم ام عبدالله : و متى يووو؟
نسيمة : قبل نص ساعه الله يسامحك يابو عبدالله جانك طردتنا انا و بناتي برا البيت (و تبجي)
بو عبدالله : يعني شسوي يام عبدالله قصو عليي عيال ابليس و خذو اللي مالي و دوني
نسيمة : ما ينفع الحين وين بنروح وين نروح انا و بناتي؟
بو عبدالله : ااه كنت بقولج بس مستحي يام عبدالله
نسيمة : قوول يابو عبدالله قووول
بو عبدالله : نروح عند اخووج
نسيمة : انت ناسي اني متهاوشة معااه ؟ لا يابو عبدالله
بو عبدالله بجد : نسيمة !! ماعندنا مكان يعني وين نروح؟ روحي تاسفي منه و حبي راسه و راح يرضى
نسيمة : يابو عبدالله انا تهاوشت معاه و لو رحت تاسفت جني اوافقه عاللي سواه لا انا اسفه ماروح يعني ماروح
بو عبدالله : بتروحين غصبن عنج ولا ترى ورقتج بتوصلج باجر الصبح
نسيمة : شنوووووو؟ورقتي؟ هالكثر انا رخيصة عندك يابو عبدالله اللي تذلني لي هالدرجة؟
بو عبدالله : انتي اللي اخترتي جذي ماخليتي احد ماتهاوشتي معاه مرت اخوي و اخوج و مرت اخوج و الجيران وين اروح و الكل شايل علينا؟
نسيمة : والله العظيم انا تغيرت يابو عبدالله و صدقني كنت بروح حق ام يعقوب باجر الصبح و اتسامح منها لكنهم الله يسامحهم قطو اغراضنا برة
بو عبدالله : شبعده تغيرتي هااا؟ المهم .. مسحي دموعج خنروح حق اخوج تتسامحين منه
نسيمة بحزن : ان شاالله
::::
بو عبدالله بالمسيد خلص صلاته قعد يقراله جمن صفحة قرآن و يحمد ربه عاللي رزقه
ياله رفيجه اللي كله يصلي معاه بالمسيد
عبدالرحمن : ها ياخوك مشينا؟
بو يعقوب : صدق الله العظيم .. يلا
عبدالرحمن : طلبتك يابو يعقوب و ماتردني
بو يعقوب : انت تامر ماتطلب يابو خالد
عبدالله : تسلم .. تيي تتغدى معاي بالبيت
بو يعقوب : لا يابو خالد خلها يوم ثاني مانبي نكلف عليك
عبدالرحمن : لاهي كلافه ولا شي انت من اهل البيت بعد
بو يعقوب : ياخوك المرة و العيال يتغدون بروحهم
عبدالرحمن : و من قال يابو يعقوب .. تروح تييب المرة و العيال و تتغدون عندنا
بو يعقوب : والله مادري شقولك يابو خالد .. خلاص اروح امرهم و نيي ان شاالله
عبدالرحمن : يلا عيل ناطرينكم يابو يعقوب .. فمان الله
بو يعقوب : فمان الكريم يابو خالد
::::
بو عبدالله : هاا خلصتي؟
نسيمة : اي يابو عبدالله خلصت بس ناطرة البنات
بو عبدالله : يلا سرعوو
:::
بو يعقوب : ام يعقووووووووب يعقوووووووب حنااااااااان حورااااء
دلال : يبااااااا شفيييك تصاارخ كاني يمك
بو يعقوب : انا مو قتلج لبسي ليش مالبستي؟
دلال : كاا يباا شفييك خو حاطة ملابسي الحين البس
ام يعقوب : هلا بابو عياالي انا جاهزة و الاكل جااهز
بو يعقوب : هلا بالغالية ام الغاليين يلا قعدي بالصاله عالما تخلص الاميرة دلال
حنان : يبااااااا دلال وينهي ليلحين ماخلصت؟
بو يعقوب : لا يبا قاعدة تبدل
يعقوب : و احنا ماياخرنا الا هالدلال بطه و عالما تلبس يبيلها عالاقل عالاقل يومين و ثلاث ارباع
دلال : لا تحش نفس الحريم و بعدين حلات جسمي الكل يتمناااه
بو يعقوب : يلا مشيينا؟
الكل : مشييينا
:::::
عبدالرحمن : يام خالد
ام خالد ( غدير ) : هلا هلا بو خاالد
عبدالرحمن : كل شي جاهز؟
ام خالد : اييه كل شي جاهز
صعد بو خالد الدور الثاني عشان ينادي العيال
بو خالد : خااااااالد مرييم شهد سارة برهوووم
كلهم يو ماعدا برهوم لان عمره سنه
الكل : هلا يبا
بو خالد : اليوم عالغدا يعني بعد شوي بيوون لنا ضيوف ابوهم شخص عزيز عليي و ابيكم تنزلون معانا انا و امكم
خالد : منو اهم يبا؟
بو خالد : ماتعرفونهم ولا مرة يو عندنا بس خوش ناس و الله الشااهد
البنات : ان شاالله يباا
خالد : بس يبا يمكن اطلع بسرعه لان وراي لعب
بو خالد : ميخالف يا يبا بس الاول انزل معانا و تغدا و بعدها كيفك
خالد : الله يخليك لنا
خنقوولكم عن عايلة بو خالد
خالد : عمره 22
اسراء : عمرها 19 اكبر من دلال بجم شهر
شهد : عمرها 15
سارة : عمرها 5 سنين
و برهوم : عمره سنه
::::
وصلووو عايلة بو يعقووب
و راحو قعدو بالصاله بعد ترحيب بو خالد و ام خالد لهم
ام خالد : عن اذنك بو يعقوب باخذ ام يعقوب معاي المطبخ
بو يعقوب : هههه حياج يام خالد
ام يعقوب : يلا حبيبتي خنروح قبل مايبرد الاكل
وراحوو الحريييم
بو يعقوب : خالد يبا شلونك
خالد : تمام عمي دامك تمام
بو خالد : يبا يعقوب انت شلونك شمسوي بالجامعه؟
يعقوب : الحمدلله بخيير عمي انت شلونك؟
بو خالد : والله بخير دام ابوك الغالي يينا يتغدى كل يوم
بو يعقوب : هههههههه وين كل يوم يابو خالد عيالي يبوني
يعقوب : ايي يبا طبعا نبيك
حنان : بدون ماتسال يالغالي
دلال : لا عادي يبا
ابوها لف عليها
دلال : اتغشمر اتغشمر منو يقدر يعيش اب بيت مافيه هالويه السمح
يعقوب و حنان و خالد و مريم و شهد ماسكين ضحكتهم
يعقوب يساسر دلال : كااااااااااك ويييك طافج شكلج و انتي متوهقه
دلال : انطم زين
::::
بيت بو محمد
الكل قاعد بالصاله
ام محمد : شفييك يابو محمد متوتر فيك شي؟
بو محمد : لا يام محمد بس لا بيت بو عبدالله ولا بو يعقوب يشيلون
محمد : يباا خو اتصل على تلفوناتهم
بو محمد : اقوولك مايردووون مايردووون
حمود : خخخخخخخخخخخ يبااا قصده موبايلاتهم مو البيت
بو محمد : ايي والله فكرة
ام محمد : شلون راحت عن بالك
محمد : كككككككككككككككك
زنوب : لا تضحك مع الويه
محمد : ان شاالله عمتي
حمود : طع هذي
:::::
بعد الغدا في بيت بو خالد
و بنص السوالف و شرب القهوة و الجاي و بلع الحلويات
خالد نزل من الدري و هو لابس ملابس اللعب
يعقوب و دلال استغربوا
يعقوب وهو شاق الحلج : وين رايح بو وليييييييد؟
خالد بخشمه : اللعب
يعقوب بغشمرة : خلنا نروح وياك عيل
خالد : اسف
يعقوب يرقع : شفيك ينيت؟خخخخ على شنو تتاسف؟
خالد : عن اذنك
يعقوب : الحمدلله و الشكر
دلال : ينيت انت ينيت؟تتحلطم على شنو هاا؟
يعقوب : ياشييين اليهااال لي تليقفو
دلال : الحمدلله و الشكر عليك انت عيل خخخ
و رااااحت .. و يعقوب مستغرب ليلحين من خالد
استاذن خالد من ابووه و راح صوب الباب يبي يطلع
فج الباب
والجماعه قاعدين داخل سمعو صوت خالد يتحجى
بو خالد
راح صوب خالد
و انصدم@@
بو خالد : معقـــــــــــــــــــــــــــــــــــــــــولة؟
تحياتي عاشقه عبدالسلام:7b: |