انا والليل والعبـرة وجـرحي وخاطـري المكسـور
ونفسي من هجيـر البعـد والحرمـان مقهـورة
وقلب ظامي لشوفـتك ولايـروى ظمـاه بحـور
وعين تتحري لحظة غيـاب الطيـف وحظـوره
ونـار تنطفـي مـره ومـره تشتعـل وتثـور
واقول النار مقدورة وهـي مـا هي بمقـدورة
حسبـت الليـل بغيابـك يمـرن الليـال دهـور
وكأني شايـل بقلبـي ليـال الوقـت وشهـوره
تصبرت وتقدرت وبنيت مـن الخيـال قصـور
إلين ان الجفـا شـد الركايـب وانتهـى دوره
تحريتك على درب القصيد مـن ثـلاث شهـور
وحشا ما مات لك غصن يشف المـاء بجـذوره
تخيرت الغرام وجيـت لا راضـي ولا مجبـور
وجيتـي تسبقيـن خطـاك مرضيـه ومجبـوره
وانا ما كان لي رغبه أبين واكشـف المستـور
ولكن الجمـال أكبـر مـن الخفـاق وشعـوره
جمـال وود وعيـون ودلال وكبريـاء وشعـور
وفتنة تخـذل عيـون النهـار وينطفـي نـوره
ولك في خافقي صوره تلاشت بين ضـي ونـور
وأخاف اسكت من الفرحة وتنطق باسمك الصورة
عرفتك وانتهت رحلة قسـاوة دربـي المهجـور
والا يا جملـة أيـام الجفـا والصـد مشكـورة
خذتني للجفـا عـزه واخذنـي للعنـاد غـرور
واخاف اكون بعنـادى حبيـب ومـات بغـروره
وإذا كانـت مسافـات الخيانـة للغـرام قبـور
ويش اللي يجبر العاشق يخون ويحفـر قبـوره؟
ويش اللي يجبر الشاعر يدور للشعـر جمهـور؟
مـدام انتٍ محبينـه وعشاقـه وجمـهـوره