لاتحسبني يوم انا اطريك مغليك
يمكن مع سير السوالف طريتك
العام تنساني وانا اليوم ناسيك
كلك على بعضك تراني نسيتك
ماني على رجواك يازين ناصيك
اموت في عزي وانا مارجيتك
كل المشاعر فيضها ماتدانيك
دامك تشكل في غرورك وطيتك
كنت اتحاشى غلطتي ماتباريك
حتى وانا مجرووح جيت وعطيتك
اعطيتك افراح العمر والتباريك
وان داربك همك رحلت ولقيتك
واليا طلبت احلى القصايد تسليك
جبت القصايد كلها وارتضيتك
اكتب علشان المعاني معانيك
واقرا حروفي واعرف اني قريتك
واداعب احلامك واناجي لياليك
وان مرني طيفك مشيت وسريتك
واليوم بدلت المشاعر تماتيك
وأقصى ضلوعي عن هواها قصيتك
يحرم علي اليوم بسمك اناديك
وش عاد لو قلت تراني فديتك
دمتم بووووووووووووووووووووود