انا مضايقة من صديق إلي على الفيسبوك مجنني والله تعبت أنا بعرفه من سنة وإحنا اصدقاء مقربين كان عندو مشاكل بحياتو إنو بعاني من اصدقاء المصلحة أنا حاولت ساعدو بقدر إستطاعتي كان كتير كتوم وما بحكي ولا شي بس مع الايام خليتو يحكي كل إشي المهم مرت الأيام وعرفتو على صديقتي الأنتيم وكمان أصدقاء تانين المهم هو كيف وفرح كتير وصرنا إحنا أصدقاءه المقربين جدا جدا وهو كان يحاول بشت الطرق حتى يحمينا من أي شخص عالفيس وبالأخص انا وصديقتي بس هاي وصلت لدرجة الجنون صار يدخل بأمور شخصية انا الوحيدة إلي لازم أتدخل فيها يعني صديقتي الأنتيم ما عملت إلي عملو يعي الأصدقاء بنصحوا بعض بس لدرجة الأمر وصار بدوياني اعمل إلي بحكيه وإلا كان يضل يشعر بالألم وينزل خواطر بلومني فيها يا شوو هاد؟؟ يعني بخليني أشعر بالذنب غصبن عن راسي أحيانا كنت ابكي مينو وقضى العطلة الصيفية كاملة على نفس الحال طبعا انا صرت شد بشعري منه يعني أنا كنت اسمع منو بكثير أشياء بس في أشياء حساسة ما إلو حق يدخل فيها حاولت فهمه هاد الشي بس حيط ما بفهم .. هو كان بتألم كتير ميني وأنا مو عاملة شي يعني هاي حياتي أنا هو ما إلو دخل !! وهسة صار حزين كتير هيك من غير سبب يعني أنا حاولت هديه بس ما قدرت انا ما بعرف ساعد نفسي لما كون حزينة يعني كيف بدي أساعدو ولا تنسو إحنا اصدقاء عالنت وبس يعني أنا في دولة وهو دولة تانية ما رح أقدر اساعد حاولت جهدي بس ما في نتيجة بعدها بطلت أحكي شي وبطلت افتح كتير تقريبا بعد 3 او 4 ايام فتحت ولقيتو منزل خواطر كالعادة بس هالمرة بحكي فيها إنو ما بدوياني صديقته بعد اليوم لأني ما بسمع نصائحه وما بهتم فيه ،هو ما نزلها بطريقة موجه الكلام إلي بس كان مبين إنو بقصدني يلا شو اساوي هسة شو؟؟ حدا يساعدني لأني جد قرفت من هالشغلة إذا كل الأصدقاء بدهم يصيرو متل هيك أنا بفضل عيش وحيدة!!

__________________